تجمعنا الخامس ولادتنا في شهر 5(مايو) 2010 (امهات مايو)

انا ما اعرفه العلوج ،، وعلى قولتج كل يوم والثاني مشاكل الحمل تجبرج انج تاخذين ادوية

وانا وايد متضايقة على كثر المضادات اللي خذتها ،، بس على قولة الدكاترة لازم وما يضر البيبي

وما خلوني اليوم اسوي مزرعة البول يبون بول الصباح وقبل 8 ونص الصبح اوديه ،، قاعدة افكر من وين اجيب لهم بول الصباح وانا الصبح انام قريب الفجر او عقب الفجر ؟؟

غادة..
الله يفرح قلبج ان شاء الله بشوفة ولدج..
حبيبتي اشتري السوالف الثقيلة أول.. مثلاً العربة وكرسي السيارة.. السرير..الخ
ولما تشترين لا تخلين ببالج حق ولد بالذات.. حاولي تاخذين محايد لأن هالسوالف ما تعدم واستخدامها ممكن في ولاداتج الجاية.. خاصة ان اسعارها غالية حرام الإسراف وكل مرة تشترينهم.. "وجهة نظر فقط"

خلي المراضع والقماطات والثياب حق النهاية.. لأنج كل مرة بتشوفين شي حلو بيعجبج وبتكتشفين انج كثرتي منهم على قلة الفايدة الياهل مسرع ما يكبر وما يمديج تلبسينه كلهم..
انا صادني بعصوم اشتريت ثياب صغيرة وايد وكل مرة اهلي واهله يشوفون شي حلو ياخذونه لها وانترست هالسوالف بغدين كبرت عليهم وما لحقت البسها كلهم.. وديت بعضهم هدايا لأن ماقدر أخشهم لأجل غير مسمى مادري متى برد أحمل واذا حملت هل بجيب بعد بنت ولا ولد.. فهمتي قصدي أكيد!

Gahadaa;10877761:
انا ما اعرفه العلوج ،، وعلى قولتج كل يوم والثاني مشاكل الحمل تجبرج انج تاخذين ادوية

وانا وايد متضايقة على كثر المضادات اللي خذتها ،، بس على قولة الدكاترة لازم وما يضر البيبي

وما خلوني اليوم اسوي مزرعة البول يبون بول الصباح وقبل 8 ونص الصبح اوديه ،، قاعدة افكر من وين اجيب لهم بول الصباح وانا الصبح انام قريب الفجر او عقب الفجر ؟؟

حبيبتي العلوج احنا نسميه بلهجتنا العامية..
بس مادري بقطر شتسمونه بس تراه زين حتى لو ما فيج شي..
يزيد في ذكاء الجنين وجماله..
قال الرسول(ص):"أطعموا حبلاكم اللبان فإن الصبي اذا غذي في بطن أمه باللبان اشتد عقله فإن كان ذكراً كان شجاعاً،وإن ولدت أنثى عظمت عجيزتها فتحضى عند زوجها بمكانة."

الله يسمع منج ويفرح قلبج انتي بعد بشوفة حمود ،، انا فعلا شريت العربة ومعاها طقم كرسي السيارة ،، لونها ولادي بس بعد يصير حق البنت وعادي ما تفرق عندي انه يكون لون العربة لازم وردي حق بنت F:

وانشاءالله هالشهر بشتري السرير وفرش السرير واشوف شنو بعد سعره زين او اي محلات عندها عروض وتنزيلات ،، انا خذت العربة من شيكو الحمدلله توفقت فيها وعليها عرض خصم 50% ;)

بنت الاصايل;10877790:
حبيبتي العلوج احنا نسميه بلهجتنا العامية..
بس مادري بقطر شتسمونه بس تراه زين حتى لو ما فيج شي..
يزيد في ذكاء الجنين وجماله..
قال الرسول(ص):"أطعموا حبلاكم اللبان فإن الصبي اذا غذي في بطن أمه باللبان اشتد عقله فإن كان ذكراً كان شجاعاً،وإن ولدت أنثى عظمت عجيزتها فتحضى عند زوجها بمكانة."

صبااااااح الخير =))

نسميه علج البان ووايد مفيد حق البلغم والكحه وهالسوالف
وززززين حق الحوامل من الرابع وطالع =)) يقوي ذكاء الطفل

Gahadaa;10877810:
الله يسمع منج ويفرح قلبج انتي بعد بشوفة حمود ،، انا فعلا شريت العربة ومعاها طقم كرسي السيارة ،، لونها ولادي بس بعد يصير حق البنت وعادي ما تفرق عندي انه يكون لون العربة لازم وردي حق بنت F:

وانشاءالله هالشهر بشتري السرير وفرش السرير واشوف شنو بعد سعره زين او اي محلات عندها عروض وتنزيلات ،، انا خذت العربة من شيكو الحمدلله توفقت فيها وعليها عرض خصم 50% ;)

كل المحلات تقريبا تنزيلات عشان الكريسمس ،، واغلبيه المحلات سئلتها متي التنزيلات الجايه قالو ع شهر 6 :-o

يعني فرصه الحين

تخيلي انا تقريبا ترست شنطه كلها ثياب ورديه :(
من نيو بورن لين 6 شهور

حصووص;10877824:
صبااااااح الخير =))

نسميه علج البان ووايد مفيد حق البلغم والكحه وهالسوالف
وززززين حق الحوامل من الرابع وطالع =)) يقوي ذكاء الطفل

ههههه..
انا قلت لغادة "علوج" ولبان بعد ماعرفته.. قلت يمكن بقطر له اسم غير..
انا تصدقين شريت من الحواج قوطي من شهر او شهرين ماذكر للحين ما تغير.. ماحبه فيه مرورة واحاول انقعه واشربه بس ارد مرة ثانية اتركه مادري شفيني..
الحين باخذ منه دام عندي بلغم ومرة وحدة أخلي ولدي يصير شجاع هههههههههه

بنت الاصايل;10877849:
ههههه..
انا قلت لغادة "علوج" ولبان بعد ماعرفته.. قلت يمكن بقطر له اسم غير..
انا تصدقين شريت من الحواج قوطي من شهر او شهرين ماذكر للحين ما تغير.. ماحبه فيه مرورة واحاول انقعه واشربه بس ارد مرة ثانية اتركه مادري شفيني..
الحين باخذ منه دام عندي بلغم ومرة وحدة أخلي ولدي يصير شجاع هههههههههه

اذكر يوم احنا صغار يربطونه لنا في قطعه صغيره ويبلونه لنا ويقولون لنا مصووه خخخخخخ تعذيب

السلام عليكم

شخباركم كروشااااااااااات

واي بنااااااااااااات قلبي يعورني اليوم موعدي ادعولي:'(

اللبان اعرفه بس افتكرت عندكم شي ثاني بالبحرين :lol:

اي والله التنزيلات تارسة البلد وانا لحقت على شيكو واخذت لي ،، بس انتي ليش ما نطرتي تتأكدين من جنس البيبي ،، بنت الأصايل قالت لي انه قالولج ولد ومرتين بنت

حصوص..
الله يهداج عاد مسكين ولدج الحين بيصير بنووووتي ههههههه
خسارة صج الثياب..!!
ما عليه اللي خاطرج فيه وما تحسينه بناتي وايد خشيه والباقي وزعيه هدايا او اذا في خواتج عندهم يهال او احد من قرايبج

حصووص;10877874:
اذكر يوم احنا صغار يربطونه لنا في قطعه صغيره ويبلونه لنا ويقولون لنا مصووه خخخخخخ تعذيب

احنا كبار ونقدر نتقبل طعمه شوي ومانبي.. شلوووون يهاااااااااااااااال؟!
تدرين امي تقول هم أول اذا يحملون لازم يومياً ياكلون علوج ومن زود ما ياكلونه حتى المشيمة لأنها مثل الفلتر تلفظه على الياهل اذا يولدون عليه نفس الطبقة...!!
ويشربون زعتر وحندبان..
تشوفين الجاهل نادراً يصيده بوصفار عقب الولادة واحنا الحين كل ياهل نجيبه لازم يجيه بوصفار ونتأذى وياه..

ش م وخ;10877879:
السلام عليكم

شخباركم كروشااااااااااات

واي بنااااااااااااات قلبي يعورني اليوم موعدي ادعولي:'(

الله يطمن قلبج لا تحاتين.. بحق أباعبدالله الحسين كل شي بيكون تمام..

Gahadaa;10877883:
اللبان اعرفه بس افتكرت عندكم شي ثاني بالبحرين :lol:

اها اشوى..
يلا كلي منه عشان تجيبين ولدج ذكي وشجاع..

ش م وخ;10877879:
السلام عليكم

شخباركم كروشااااااااااات

واي بنااااااااااااات قلبي يعورني اليوم موعدي ادعولي:'(

هلا شموخ بعد صورت قبلج :lol::lol:

لا تحاتين حبيبتي بتشوفين البيبي اليوم وتستانسين وتتطمنين عليه

بنت الاصايل;10877889:
حصوص..
الله يهداج عاد مسكين ولدج الحين بيصير بنووووتي ههههههه
خسارة صج الثياب..!!
ما عليه اللي خاطرج فيه وما تحسينه بناتي وايد خشيه والباقي وزعيه هدايا او اذا في خواتج عندهم يهال او احد من قرايبج

والله اختي قالت لي هالفكره

بس قلبي معورني ع الاغراض لانه كل شي كنت اشتريه اتخيل بنتي فيه وكل شي جاي ع اسمها
كنت مختاره الاسم بعد:( لو شفت احد لابسهم بصيح =(

بخشهم ان شا لله حق بنتي لين تجي :o

ش م وخ;10877879:
السلام عليكم

شخباركم كروشااااااااااات

واي بنااااااااااااات قلبي يعورني اليوم موعدي ادعولي:'(

بخخخخخير

موفقه
وناطرين تبشرينا يا حلوه =)

حصوص..
انزين يمكن مو أكيد ولد..<<<ازيدها بعد حيرتها..
بس صج لو مكانج لازم أروح لدكتورة ثقة تأكد لي الجنس قبل ما أكمل المشترى!!
شنوووو اسم البنت اللي اخترتيه؟

Gahadaa;10877883:
اللبان اعرفه بس افتكرت عندكم شي ثاني بالبحرين :lol:

اي والله التنزيلات تارسة البلد وانا لحقت على شيكو واخذت لي ،، بس انتي ليش ما نطرتي تتأكدين من جنس البيبي ،، بنت الأصايل قالت لي انه قالولج ولد ومرتين بنت

والله اكدتلي فاتنه العمران مررررررررتين مسويه عندها وقالت لي بنت

وامس في طوارى ححمد قالوا ولد

بحاول اخذ موعد عند مريم سلمان عشان اتاكد :(:'(

امييييييييييييييييييييين

الله يسمع منكم يااااارب وادخل وابشركم :biggrin:

حصووص;10877919:
والله اختي قالت لي هالفكره

بس قلبي معورني ع الاغراض لانه كل شي كنت اشتريه اتخيل بنتي فيه وكل شي جاي ع اسمها
كنت مختاره الاسم بعد:( لو شفت احد لابسهم بصيح =(

بخشهم ان شا لله حق بنتي لين تجي :o

صراحة انا لو مكانج ما اوزع شي بخشهم حق البنت الجاية انشاءالله ،، بنتج اولى فيهم

بس اذا اظضريتي حق هدية معينة ممكن تاخذين منهم قطعة والا اثنين

بنت الاصايل;10877937:
حصوص..
انزين يمكن مو أكيد ولد..<<<ازيدها بعد حيرتها..
بس صج لو مكانج لازم أروح لدكتورة ثقة تأكد لي الجنس قبل ما أكمل المشترى!!
شنوووو اسم البنت اللي اخترتيه؟

اقولج امس يوم تقولي ولد شووي واصيح
اختي تقولي استغفري ربج مب زين

اقولها مب زعلانه انه ولد الحمد الله ع النعمه بس خلاص انا عشت الجو انها بنت :'(

وسميتها ميرا =(