[/COLOR]
مساء الورد حبايبي
أعرف إنكم تشوقتوا للموضوع من خلال الصوره...;)
مثل ما قريتوا إني حاولت أحضر البسكوت في البيت و أزينها مثل المخابز و الحمدلله
الخلطه طلعت مضبووووووطه..وخصوصاً إني سويتها لتوزيعات العيد حق الصغاريه:adore:
مابطول عليكم و بإسم الله نبدأ
طريقه عمل البسكويت
المقادير:
- كوب سكر بودره
- كوبان و ثلث طحين فاخر
- بيضتان
-كوب زبده(يجب أن تكون طريه ولينه)
-ربع ملعه صعيره ملح
- نص ملعقه كبيره بيكن باودر
طريقه التحضير:
أولاً نقوم بخلط السكر + الزبده + الملح+ البيكن باودر
ثانياً أقوم بإضافه البيض و خفقه بالسلك و بسرعه ليتجانس المزيج.
هذا هو شكل الخليط بعد ما إمتزج جداً
ثالثاً أقوم بإضافه الطحين تدريجياً و عجنها باليد حتى تصبح متماسكه..وألفها في ورق نايلون و وضعها في الثلاجه.
وأنا الصراحه تركتها في الثلاحه لمده يوم كامل.
في اليوم الثاني أخرجت العجينه من الثلاجه و بدأت في التحضير ..في البدايه فرشت ورقه زبديه على الطاوله و لصقتها
ووضعت العجينه عليها ثم أحضرت ورقه زبديه أخرى ووضعته عليها وبدأت في الفرش
طبعاً مثل ماتعرفون فايده ورقه الزبديه إنها ما تخلي العجينه تلتصق في أداه الفرد
شوفو هذه شكلها بعد إزالت ورقه الزبديه
والحين جينا للتشكيل
وهذه هي صوره الأدوات إلي إستخدمتها
وفي هذه الصوره أقوم بتقطيع العجينه على شكل ورده
وهذه الأشكال يبيعونها في السوبرماركتات
وفكرتي إني أسويها مثل اللولي بوب(المصاص) في حطيت عليها عود خشب..العود إلي يستخدم للقلي أو الشواء
ورقعتها بقطعه عجينه البسكوت و تكون صغيره للتثبيت
وهذه هي الأشكل بعض وضع الأعواد
وهالمره دخلت القلوب
وللعلم يجب الضغط على قطعه الترقيع براح اليد لضمان عدم خروجه .
وسويتها أيضاً على شكل دوائر
وبعدها نضع العجينه لمد 15 دقيقه في الفرن على درجه 180
ونفتح الجهه العلويه و السفليه من الفرن
وهذه شكلها بعد ما أخرجتها
وهذا هو شكل البسكوت من الخلف..وشوفوني كيف ماسكته من العصايه أو العود.
شوفوني كيف ماسكته...مثل اللولي بوب
وشوفو شكله من الخلف
و أنتظر ليما تبرد عشان أبدأ في التزيين
وهني البسكوت جاهز
[COLOR=magenta]
[/COLOR][COLOR=magenta]
[/COLOR]
التزببن
والخين نبدأ في التزيين..طبعاً إستخدمت نفس قطاعات البسكوت و أداه الفرد و ماننسى الآآآآيسينج
طبعاً مثل ماخبرتكم في مواضيعي السابقه إني إستخدم الIcing الجاهز من السوبرماكت
وهذه هو شكله يوم فتحته
وهني أضفت القليل من ملون الطعام الأحمر لأحصل على اللون الوردي
حطو في بالكم حبايبي إن عجينه الآيسينج بتكون لزجه شوي..فأصيفو لها شوي من السكر البودره
وهذا هو اللون المطلوب...بس أنا ما مزجت الوردي و الأبيض جيداً عشاني حبيته يكون مكس أبيض ووردي.
وفي هذه المرحله قمت بفرد الآيسينج و تقطيعه
وإستخدمت القطاعات إلي على شكل ورود لتزيين البسكوت إلي على شكل ورود
قبل لا أصفهم على البسكوت قمت بتذويب شويه من مربى الفراوله في شويه مايه و دهن البسكوت بفرشاه الطعام عشان يلصق الآيسينج
وهني بعد ما حطيت الآيسينج عليهم
نص البسكوت شويتهم بالآيسينج الوردي و نصهم بالأبيض
وهي قمت بفرد الآيسينج الأبيض
وبنفس الطريقه قمت بوضعه على البسكوت
وهني خلااااص بعد ما إنتهيت من التزيين....هاا شو رايكم;)
وإنتهينا........أتمنى إني موضوعي فادكم و نال إعجبايكم عشاني واااايد تعبت و أنا أحضر البسكوت و أزينه و إنزل الصور.الخ:D
فعشاني خاطري إلي حابه تنقل الموضوع الرجاء ذكر المصدر و إسم المندى عروس
ولا تنسوني من دعاويكم الحلوه
