الاحليل التحتي haypospedias

الله يخليه لج ان شاء الله..مرت علي كثير من هذي الحالات بس الشفاء الحمدلله مضمون 100% ان شاء الله .
راح يسون لولدج عملية بسيطة لتصحيح فتحة الابوال وبعدين يركبون له انبوب للأبوال ..شي لين من السليكون لفترة بس حتى يلتئم الجرح وما يتلوث وبعدين ينشال ويكون الولد جداً طبيعي بس طبعا في البداية بعد العملية يتئلم بس فترة بسيطة وتعدي والله يشافيه ان شاء الله

والله ما ادري ماعندي خبرة بخصوص هالشي لكن ماحبيت ادخل موضوعج وما ارد عسى لو دعوة حلووة للياهل ربي يخليه لج ان شاء الله ومايجوف شر:)

ما عندي علم بالموضوع بس ان شاء الله ما يشوف شر
واللع يخليه اليش وتشوفينه معرس

مشكورييين حبيباتي والله ماقصرتون


sweetnov كأنة الي فهمتة انش تشتغلين في المجال الطبي , هم فهمني طرقة العملية وانها شلون بتكون وقرأت عنها واجد بس خايفة منها
وهم فهمونا بعد ان في احتمال إنها ترجع لمكانها الطبيعي لانها نازلة بشكل بسيط جدا يكاد يكون غير ملاحظ.. فهل تتوقعين ان في امل انها ترجع مكانها ومايحتاج الى العملية ما ابي اعطي روحي آمال بس مايمنع السؤال :'(

فاتي وبنت الرياض مشكورين حبيباتي على الدعوة الحلوة انشاء الله بعد ال6 اشهر ترجع مكانها الطبيعي ومايحتاج العملية

والله انا اول اسمع فيه ربي يشافيلك ابنك ولايضرك فيه يارب

شكرا اختي سورية وبفتخر..

بس معقولة مافي وحدة تعرف احد مر بنفس التجربة؟:-#

صح مثل ما قلتي اشتغل في المجال الطبي ..الله يشافي ولدج يارب
يعني اهم عطوج مهلة قبل ما تسوين العملية حتى يشوفون الفتحة ترجع او لا ؟؟
وشنو نصحج الدكتور ؟؟ خيو العملية بسيطة و آمنة كانها تطهير وفي نفس الوقت تصحيح للفتحة ماله داعي تخافين مع انه قلب الأم لازم يحاتي عارفة بس توكلي على الله واللي فيه الخير الله يسويه ..الله يطمن قلبج عليه ان شاء الله

sweetnov;10828350:
صح مثل ما قلتي اشتغل في المجال الطبي ..الله يشافي ولدج يارب
يعني اهم عطوج مهلة قبل ما تسوين العملية حتى يشوفون الفتحة ترجع او لا ؟؟
وشنو نصحج الدكتور ؟؟ خيو العملية بسيطة و آمنة كانها تطهير وفي نفس الوقت تصحيح للفتحة ماله داعي تخافين مع انه قلب الأم لازم يحاتي عارفة بس توكلي على الله واللي فيه الخير الله يسويه ..الله يطمن قلبج عليه ان شاء الله

هم قالو كل 3 اشهر بنجيك احتمال ترجع مكانها لانها coronal ف احتمال انه العملية تكون بس تطهير اذا كبر ورجعت مكانها الطبيعي..
ولانه ولد عم ولدي قالو لهم مثل الشي ولما كمل ال 6 اشهر قالو لهم خلاص مايحتاج العملية لانها صارت طبيعية ف بس طهروووة فهل يعني صدق تتعدل يعني لما يكبر ما بردون يقولون يحتاج الى عملية تعديل :(ا؟؟
و امه وابوه يقولون ان صاح بشكل مو طبيعي بعد العملية فمن جدي اني خايفة على ولدي فهل عندش فكرة انه تكون بتخدير موضعي ولا كلي؟؟

وكم يوم بضل يتالم يعني:'(!!

سامحيني اسألتي واجد بس مثل ماقلتين واجد احاتي ولدي وخصوصا انه اول واحد !!:thumbs_down:

بما نها coronal فإحتمال ما يحتاج لعملية مثل ما خبروج وترجع الفتحة لمكانها ويكون بس تطيهر للصغير ..
اختي لازم يصيح الطفل بشكل مو طبيعي في التطهير أنا ولدي صاح صياح حتى وهو نايم يصيح خيو هذا جزء من اللحم وهم يقصونه وما ننسى انه في مكان حساس لدرجة كبيرة ان شاء الله يحتاج بس تطهير بس في التطهير ما يعطون تخدير حتى لا يتغير حجم العضو وما يضبط القص مع انه في طريقتين حسب المكان اللي بتسوينه فيه في بعض العيادات يركبون مثل الحلقة بلاستيكية وبعظهم يعتمدون القص ..هو القص أضبط بس يحتاج الى عناية واايد وتبديل شاش وهالسوالف فأنصحج بالطريقة الثانية أنظف واحسن من الالتهابات والتلوث وطبعا في كريم تخلينه مع كل حفاظ.الطفل بيتألم ل3 أيام بس بدرجة مختلفة من اول يوم بس كل ما الله يعزج ما تبول فيه فايدة له وتطهيروكلها 5-7 أيام والجرح يلتئم .
ان شاء الله تكوني فهمتيني بس لما تكون عملية تصحيح تخدير كامل يكون لان الطفل يكون كثير الحركة.
والله يشافيه ويطمن قلبج عليه

sweetnov;10828553:
بما نها coronal فإحتمال ما يحتاج لعملية مثل ما خبروج وترجع الفتحة لمكانها ويكون بس تطيهر للصغير ..
اختي لازم يصيح الطفل بشكل مو طبيعي في التطهير أنا ولدي صاح صياح حتى وهو نايم يصيح خيو هذا جزء من اللحم وهم يقصونه وما ننسى انه في مكان حساس لدرجة كبيرة ان شاء الله يحتاج بس تطهير بس في التطهير ما يعطون تخدير حتى لا يتغير حجم العضو وما يضبط القص مع انه في طريقتين حسب المكان اللي بتسوينه فيه في بعض العيادات يركبون مثل الحلقة بلاستيكية وبعظهم يعتمدون القص ..هو القص أضبط بس يحتاج الى عناية واايد وتبديل شاش وهالسوالف فأنصحج بالطريقة الثانية أنظف واحسن من الالتهابات والتلوث وطبعا في كريم تخلينه مع كل حفاظ.الطفل بيتألم ل3 أيام بس بدرجة مختلفة من اول يوم بس كل ما الله يعزج ما تبول فيه فايدة له وتطهيروكلها 5-7 أيام والجرح يلتئم .
ان شاء الله تكوني فهمتيني بس لما تكون عملية تصحيح تخدير كامل يكون لان الطفل يكون كثير الحركة.
والله يشافيه ويطمن قلبج عليه

مشكورة اختي والله ماقصرتي على كلماتك المطمئنة ودعائك الحلو الله يعطيك العافية وكل ماتتمنين..

بس الي فهمته احتمال يعطونة تخدير موضعي لانها بتكون في السلمانية انشاء الله..
وبصراحة ماعندي فكرة اذا في امكانية وضع الحلقة لانه الجلدة مو كاملة دار مدار العضو واحس اضمن مكان هو السلمانية لانها تقريبا عملية ما اعتقد في هالحالة العيادات الخاصة بتكون آمنة!!!!

سلامته والله الله يشافيه

بصراحة سمعت عن هالشي من قبل بس ما عندي فكررة

الله يشافي ولدج يا رب وما عليه الا العافية وياربي ما يحتاج للعملية ويرجع كل شي طبيعي

ماعندي فكره واختي sweetnov ماقصرت
وان شاااء الله ماعلية شر

ماقصروا معاك الأخوات.. أنا اللي سمعته من معارفي كذا وحده كانت عند ولدها نفس المشكلة والحمدلله صاروا زينين وطبيعين بعد العملية.. الله يشافيه يارب,,,

خيو إذا مرتاحة للسلمانية توكلي على الله عملية بسيطة ويكبر وينسى F:
والله يشافيه إن شاء الله

خيو أني ولدي نفس حالة ولدش بالضبط يعني عنده فتحة البول شوي نازلة وسووه العملية قبل شهرين وشوي طبعا أول 5 أيام كان يتألم ومتضايق بس لما شالو الهوز ارتاح. مشكلة هذي العملية إن من ضمن مضاعفاتها ممكن تطلع فتحة ثانية للبول وهذا اللي صار مع ولدي طلعت فتحة ثانية صغيرة من كم يوم بس والدكتور قال بننتظر 6 أشهر يمكن تنصك بروحها أو اسوون له عملية ثانية والله كريم.
إن شاء الله ولدش ما يحتاج لعملية ويصير كل شي طبيعي

أم ريمة;10833054:
خيو أني ولدي نفس حالة ولدش بالضبط يعني عنده فتحة البول شوي نازلة وسووه العملية قبل شهرين وشوي طبعا أول 5 أيام كان يتألم ومتضايق بس لما شالو الهوز ارتاح. مشكلة هذي العملية إن من ضمن مضاعفاتها ممكن تطلع فتحة ثانية للبول وهذا اللي صار مع ولدي طلعت فتحة ثانية صغيرة من كم يوم بس والدكتور قال بننتظر 6 أشهر يمكن تنصك بروحها أو اسوون له عملية ثانية والله كريم.
إن شاء الله ولدش ما يحتاج لعملية ويصير كل شي طبيعي

اهلا حبيبتي هذا الي كنت انتضرة ام مجربة :)

عندي ملاييين الأسئلة استحمليني شوي خيو :thumbs_up:

اولا شلون كنتين تتعاملين مع الموضوع قصدي يعني انه الجلدة يتجمع تحتها اشياء احين واني ولدي صاير ليه احمر واجد حاليا قاعدة اغسل بالديتول مخفف جدا

وما ادري وش استخدم عشان يخف الالتهاب هل كريم ميبو اوكي او فازلين؟؟؟

و هل كنتين ترفعين الجلدة وتنضفين تحتها دائما!!

هذا الي اني خايفة منه موضوع الفتحة الثانية لانه لما قرأت مواقع الاجانب كان بعضهم يشتكي من موضووع الفتحة الثانية..

يعني بعد ال 5 ايام يخف الالم ولا يكون موجود ؟؟

وجم يوم ترقد!!

وجم ساعة كانت العملية!!

ومن الدكتور الي سوى العملية وتنصحين فيه او لا!! في السلمانية ولامكان ثاني؟؟

لحد احين بس هاذلين اذا ذكرت شي ثاني بج اسأل


وساااااااااااااااااااااااااااااااامحيني واجد اسأل!!

Toti froti;10838130:
اهلا حبيبتي هذا الي كنت انتضرة ام مجربة :)

عندي ملاييين الأسئلة استحمليني شوي خيو :thumbs_up:

اولا شلون كنتين تتعاملين مع الموضوع قصدي يعني انه الجلدة يتجمع تحتها اشياء احين واني ولدي صاير ليه احمر واجد حاليا قاعدة اغسل بالديتول مخفف جدا

وما ادري وش استخدم عشان يخف الالتهاب هل كريم ميبو اوكي او فازلين؟؟؟

و هل كنتين ترفعين الجلدة وتنضفين تحتها دائما!!
قصدش قبل العملية كنت أنظفه عادي بالماي ما صاده التهاب أو احمرار

هذا الي اني خايفة منه موضوع الفتحة الثانية لانه لما قرأت مواقع الاجانب كان بعضهم يشتكي من موضووع الفتحة الثانية..
أي والله مشكلة هالفتحة طلعت بعد شهرين من العملية

يعني بعد ال 5 ايام يخف الالم ولا يكون موجود ؟؟
وجم يوم ترقد!!
ترقد 4أيام واليوم الخامس شالو الهوز ورخصوه وطول ما كان في المستشفى كان كله متضايق وكان أوقات اعصر ويصيح من الألم كله بسبب الهوز وبس شالوه ارتاح

وجم ساعة كانت العملية!!
العملية من 8ص إلى 11.30ص تقريبا

ومن الدكتور الي سوى العملية وتنصحين فيه او لا!! في السلمانية ولامكان ثاني؟؟
اي في السلمانية.. دكتور محمود عباس وهو شكله متعود على هالنوع من العمليات

لحد احين بس هاذلين اذا ذكرت شي ثاني بج اسأل
وساااااااااااااااااااااااااااااااامحيني واجد اسأل!!

حاضرين خيوه اسألي اللي تبينه:)

أم ريمة;10838308:
حاضرين خيوه اسألي اللي تبينه:)

مشكور خيو وماقصرتين والله

بس قولي انشاء الله ارجع لك بعد 6 اشهر واقول لك خلاص الحمد لله صار زين بدون عملية