غرفتي البنفسجيه الجديده بالتفصييييييييل..عطوني رايكم فيها؟؟

مرحبا ... اليوم جبت لكم صور غرفتي الجديده وابي رايكم فيها.. وااااايد تعبت لين ماجهزت وكل قطعه اخذتها من مكان ... و حطيت في كل شي لمساتي

زوجي كان يبيها اسود واحمر بس انا حسيت ان الاحمر راح يوتر اعصابنه طول الوقت يعني ما احسه يصلح حق غرفة نوم واقترحت عليه ان ندخل اللون البنفسجي او الفوشي بس ما اقتنع.. فقررت اني احطه امام الامر الواقع لأن ادري ان راح يعجبه.. ولما جهزت الغرفه استخف عليها :thumbs_up:


طبعا انا ركبت ورق حائط اسود وابيض وصبغت الغرفه بيضه وخليت الاثاث اسود.. و الاكسسوارات بنفسجيه.. تدورن ليش... عشان كل ما امل من الغرفه اروح وابدل الاكسسوارات بس يعني من بنفسجي لي فوشي او اخضر او اصفر او اي لون لأن الابيض والاسود يناسب كل شي..;)




المهم هذي الصور وان شاء الله يعجبكم ذوقي

نبتدي بأول صوره...

السرير...
كثرت من المخاد والكوشنات لأن احسهم يعطون شكل حلو للسرير...





وهذي صوره اقرب للكوشنات الي تحت السرير...





الأبجوره والطاوله الي يم السرير .. من الجهتين طبعا بس أنا خذت ربطه مالت ستاره وعلقتها عليها... وحطيت فازه طويله وضعيفه داخلها غصون مجففه وفيها كرستالات و لونها سلفر واسود ,, والستاره سويتها اوتوماتك يعني تنفتح وتتسكر بالرموت.. والرموت يم الكلينكس..

بصراحه هالطريقه وايد اريح.. اول ماقوم من النوم افتح الستاره وانا عالسرير واتم متمدده ;)






الكبت .. يصير يمين السرير..

الكبت انا خذته بدون منظره (مرايا) بس حسيت انه فيه شي غلط..وكنت محتاجه لمنظره طويله عشان اشوف فيها كشختي عدل فقمت وشريت هالمنظرتين وركبتهم على الكبت.. بس اشوه طلعوا حلوين كأنهم أصل..

وركبت على مقبض الباب ورد صناعي فيه كرستالات صغار و المقبض الثاني ركبت عليه كرستالات كبار حق الحركات يعني ;) بس صارو وايد مزعجييييييييين ...







صوره مقربه للورد الصناعي




والكرستالات




وهذي الفازه خذت منها 2 وحده حطيتها يمين الكبت والثانيه يساره..






ويسار السرير حطيت طاوله كمبيوتر زوجي .. وجنبها كبت صغير حق الملابس الداخليه (كرمتوا) وميز العطورات ويمه طاوله او مثل مايسمونها بار صغير حق الدلع يعني والعصاير والسناكس.. ;)

وهني تقدرون تشوفون الوول بيبر الي ركبته (ورق الحائط)

وبتلاحظون (سمسم) بعد مرتز;) .. سمسم اهو الdoggy مالي الي انام معاه و ما استغني عنه ابدا عندي اياه من 14 سنه ..خخخخ :adore: احبه



وهني كنت حاطه ورد طبيعي اول ماجهزت الغرفه والمبخر بعد سويته طقم مع الغرفه...




بس عقب ماذبل الورد شلته وحطيت مكانه دفتر نوتات وقلامه وساعه كنت ماخذتهم من ديزني في شهر العسل...






منظره ميز العطورات.. اخترتها منفصله عن الميز لأن هذي الموضه الحين.. وبعد ركبت فيها كرستالات..





ميز العطورات....
عطوراتي جهة اليمين وعطورات زوجي جهة اليسار

















خذت هالطقم من لايف ستايل,,, حق التراجي وواحد اصغر منه حق كبكات زوجي ومعاهم زيله للخمام الله يعزكم وبوكس للكلينكس




وخذيت هالبوكسات عشان احط داخلهم الميك اب وشباصات الشعر وصبغ الأظافر والتراجي.. واخليهم داخل الميز...





البار الصغير حق السناكس والعصائر وحركات الدلع ;)




حطيت عليه فازه صغيره فيها ورد طبيعي واخترت كاسات حلوين ومناديل..







السوفا والتلفزيون من وره...
يعني مجابل السرير





وهذي نفس الشي بس بالإضاءه الثانيه الرومانسيه خخخخخ:o.. لأن زوجي ركب لنا 4 اضاءات في الغرفه لاحظوا السقف

وكانوا شاريين لنا باقه ورد بمناسبة رجوعنا من شهر العسل





وعند التلفزيون في سوفا بنفسجه طويله بس نسيت اصورها لكم من جدام...


يسار السوفا حطيت كراسي صغار وسطهم طاوله صغيره وعلى الطاوله حطيت فازه سوده عريضه.. ووراهم شجره.. تره الشجره مثبته على الأرض مو طالعه من الفازه الي على الطاوله








وفي الوسط حطيت زوليه (سجاده) او موكيت وعليها طاوله حق البهانس ;)
خذيت كاكو كادبوري وماكنتوش لأن لونهم بنفسجي...
وحطيتهم في وعاء شفاف .. وحطيت بعد شموع

بس قاهرني شكل الفواكه وايد مخرب الصوره بس امي اصرت انها تخلي لنا فواكه يوم الي رجعنه من شهر العسل..8o|

وتحت الطاوله خليت كوشنات.. وطلع شكلهم عجيب












وهذي التلفزيون.. وسويت الجدار الي وراه حجر لأني كنت ناويه احط مدفأه بس ما صار.. لكن بعد طلع شكل التلفزيون حلو هني..
انا حاطه فريمات على يمين ويسار التلفزيون فيه صورنه بس قلبتهم الحين

والكتبه الطويله حطيت فيها فريمات وفازات فيهم ورد مجفف وشموع..
وفوق كلش حطيت ورد صناعي نفس الي على مقبض الكبت..






ويمين السوفا عند الباب الداخلي حطيت مكتبه حق الاكسسوارات (الفريمات ..الشموع..الورد) وعليها ابجورتين.. وفوقها لوحتين.. ادري اللوحه هني مو سيده بس عدلتها الحين وشلت النايلون الي فوقها..


مادري ليش نسيت اشيل شنطتي من على السوفا.. خربت علي 8o|






حطيت نفس الورد الي على الكبت هني..






واخر شي باراويكم السقف.. انا شريت جهاز ليزر نشغله وتطلع منه نجوم وغيوم في السما.. يتحركون بشكل عجيب وتصير الغرفه رهييييييييييييييييييييييبه مو كأنه ليزر.. الكل عباله مركبين نجوم في السقف ;)

بس واااااااااااايد حلوه الفكره كأنها سماء حقيقيه.. دايما انا وزوجي نشغل النجون وننسدح ع السرير ونقعد نتأمل ونسولف.. صج الجو يصير رومانسي حيل..

بس للأسف ماطلعوا النجوم في الصوره...


هذي السقف بالعرض حاطه فيه كرستالات و ورود.. وطلعوا حلوين مع اني مابغيتهم جذي.. كنت ابيهم بطريقه ثانيه بس يلا يمشون الحال...

وهني انا مبطله اضائتين بس...لأن السبوت لايت كانوا محترقين




من الجهه الثانية



مع النجوم بس مو مبينين الا شوووووووووووووووووووووووووووووووي.. وطالعين مو شي هني :thumbs_down:






وبس لأني تعبت
هذي غرفتي بالتفصيل.....


ان شاء الله يعجبكم ذوقي... واذا عجبكم لتسون تقيموني...:D



وما أحلل اي احد ينقل او يبوق موضوعي حته لو بذكر المصدر..:mad:


ومشكوووووورين