أنا وزوجي وأولادي ... ودوامي

اختي تبين حل افضل ... شوفي .حبوبه اقترحي عليه هذا الاقتراح ..

بما انك في فتره .. الحمل الحين حاولي انك ما تصرفين من راتبك واعتمدي فقط على راتبه فقط .. وخليه يشوف الوضع ... بدون ما تتسلفون وتطلبون من احد ..

وبعدين بعد ما تولدين قدمي اجازه من غير راتب.. عشان هو يشوف الوضع بنفسه .. يعني شوفي لمده سنه او سته اشهر .. وانتي خليه يشوف الوضع ويحكم .. ويحس .. لو فعلا هو قدر يلتزم بالمصاريف والزمتيه يسلمك نصف راتبه . تتقاسمونه .. وبعدين قرري بعد الاستخاره

الناس تتضارب عشان الاشغال . والعالم مب لاقيه .. قعده الحرمه ببيت زوجها شي ما يتعوض ومحد يقدر يعاف القعده..والراحه ويربي عياله ..

واحب اقولج شي انا فنشت من شغلي ... بسبب ظروف خارجه عن إرادتي .. لكن ..قعدت سنه ونص تقشف .. وأمور وايد راح تتنازلين عنها أولها المطاعم بدل ما كنا نطلع كل اسبوع صرنا كل شهر إذا قدرنا ,, وكنا نحط بنتنا في الأوليه .. وبعدين احنا .. وقصرت على نفسي وايد .. وهو بعد .. عشان نعيش

لكن اذا زوجك مب مستعد للتضحيه هذي فلافضل انك ما تستقلين

هذا رأيي

تحياتي

ام جنى

جبتيها ع الوتر الحساس

نصيحه لاتستقيلين

بتعضين اصابع الندم من قلب

خلج ع مينونج لاايجيج اللي اين منه

واصري ع زوجج انج اتمين في شغلج ويا يجيب لج خدامه او انتي تجيبينها وتتكفلين بمعاشها

السلام عليكم

اختي الغاليه
ابتعدي عن القلق الزائد ... وتوكلي على الله

وربي يهون عليج ويقومج بالسلامه ان شاءالله اختي اعقلها وتوكل لاتحاتين وتوسوسين وايد ترى راح تتعبين كثير

بخصوص الوظيفه ... انتي بعد اجازة الامومه تقدرين تقدمين اجازه رعاية الاسره لمدة 6 شهور او سنة من غير راتب لما يكبرون الاطفال شويه ويشدون حيلهم وتردين تداومين بنفس الوظيفه او وظيفه ثانيه وان شاءالله تقدرين توفقين بين الاثنين

وربي يسهل الامور ان شاءالله والاطفال في هذا العمر فعلا فعلا بحاجة الى امهم ... خصوصا ان ولدج صغير وانتي على وشك ولاده
اجلسي في المنزل وارعيهم وان شاءالله الله يبارك في معاش زوجج وبعدين يصير خير وترجعين لوظيفتج ومعاشج

وعلى فكره شفيها مدارس الحكوميه ... يعني مو ضروري يتعلمون في المدارس الخاصه يعني الانسان مايحمله نفسه فوق طاقته كل شي بحدود المستطاع

وربي يسهل ان شاءالله




دمتم سالمين
اختكم شريفة

لا تستقليين واخذي اجازة سنة حتى لو بدون معاااش وفي هالحالة تقدرين بعدهاااا ترببين الاثنين مع بعض وبيكون الثاني شوي كبر والاول تقريبا اعتمد ع نفسة وبعجها ياانج تجيبن لج خدامة او ادخلينهم حضانة فترة الشغل ..وبعدهاااا تاخذينهم .. وفي هالسنة اذا الله راد راح تتغير اشيااء ووايد والله كريم ولا تسبقين الاحجاث ووخشي من راتبج واعتمجي ع راتب ريلج وخلي يشوف الوضع كيف مع ثلاث اشخاااص...وانتي لا تتكلمين بالموضوووع معاااة وايد لين حزت الحزة

السلام عليكم ورحمة الله و بركاته

أنا من راي تستخيري

حبيبتي..
انتي أدرى بوضعج أكيد بس أنا أشوف دام زوجج مو مقصر عليج ويبي لج الراحة من الدوام أحسن لج من بهدلة الشغل والله بألف مرة..
تقعدين في بيتج وتراعين عيالج وتربينهم عن لا غيرج ياخذ مكانج بتربيتهم مثل أم زوجج ويمكن في أمور ما تعجبج في هالتربية..

لا تسبقين الأحداث..
تقدرين تستقيلين من هالشغل اللي دوامه طويل وتقدمين في مكان ثاني.. ومني لين ينادونج أكيد شفتي الوضع وجربتيه وبتقدرين تالي تقررين تردين الشغل ولا تتمين بالبيت..

أنا عاذرتج لأن الدنيا نار وكل يبي الأحسن له ولعياله والعيشة الأفضل.. بس ليش ما تقترحين على زوجج يبني لج شقة عن ضيق الحجرة اللي ساكنين فيها أو تطلعون ايجار؟؟
وحاولي كل مرة تاخذين منه مبلغ ولو صغير وتدخرينه لأن معظم الرجال مسرفين ولا تقدرين عليهم تمسكينهم من الصرف..
ولازم تشوفين وياه مسألة المصروف الثابت لج ولعيالج عشان لو حبيتي تدخرين منه او تصرفين على راحتج..

والله يسهل أمورج..

لا تستقيلي بتندمي على اوضااعك دي اي غرفه عااايشه فيها الله يعينك

تسلمون خواتي

هلا حبيبتي

اقول مدام زوجك طلب منك الاستقاله اولا جلسي معاه واحسبوا كل مصاريفكم وخبرية ان لازم يقلل من شراء الكماليات الي مالها داعي هذا اولا , ثانيا اذا قررتي تستقيلي فأنا افضل انك تعملي شغلات بالبيت وتبيعيها يعني تجارة اعمال يدوية او خياطة او غيرة , بس انا عن نفسي احس الاستقاله صعبة جدا جدا , ظروف وتطلبات الحياة صعبة ولا تنسي المولود الجديد بيزيد المصاريف عليكم لانه بيكون له اغراضة الخاصة , فأنا افضل هاتي شغالة وقدمي اوراقك في اماكن حكومية وبأذن الله بتحصلين شغل ,

موفقه باذن الله

المسكلة مو في الراتب لأنكم ممكن تعيشو على راتب زوجك لو استقلتي ولكن المشكلة في الاسراف والتبذير على كماليات ما تبني لكم مستقبل.

يعني هو يجلس يشتري في هالسيارات والساعات واللبس والماركات وما يفكر انه بعد كم شهر بيرمي كل هالاشياء، وانه بدل ما يحط الفلوس عشان يبني مستقبلكم يصرفها على اشياء ما تحتاجوها اساسا .

وانتي في هالوضع مستحيل تقدري تعيشي على راتبه وحده ، واذا انتي مستعدة تظلي لسنوات طويلة في بيت اهله بغرفة فخلاص استحملي. او انك تتفقي معاه انه بدل ما يشتري سيارة جديدة يبني لكم غرفة زيادة او ملحق غرفة وحمام للاطفال وتتحملوا بخصوص السيارة لفترة او اذا عندك انتي سيارة ممكن تستخدموها . وسيارته تصلحوها . عالاقل بهالحالة تقدري تستقيلي وتجلسي بالبيت سنة وبعدين تدوري شغل بالحكومة .

بنوتة مسقط;10810775:
اختي الغالية .. راحة نفسيه ولا راحة مادية ..

انا عندي اقتراح لك .. خذي مع اجازة الوضع اجازه طويله بدون راتب .. يعني مال 6 شهور ..

قيسي الوضع .. هل بينقصكم شي ؟ هل بيتغير هو ..

لان فعلا انتي كلامك صحيح ولازم تحاتي مستقبل اولادك .. اقلها مكان مستقل يناموا فيه .. واذا تميتوا على هالحال ما بتتقدموا خطوه

الحين هو ما حاس بالمسؤولية لانك مخففه عليه .. عباله الحياه سهله ما تحتاج تخطيط

في الفترة اللي تاخذيها اجازه حتى لو مااقتنع بالمصروف الشهري ... اول ما تعرفي ان الراتب نزل اطلبيه مبلغ .. كل شهر .. بحيث انك تقدري تدخري منه ..

ولما يجي البيبي الثاني اكيد بيحس ان الغرفة ضاقت عليه .. كلميه .. وبيصير يفكر يرتب اموره بما انه هو مصدر الدخل الوحيد

انتي قيسي اوضاعك خلال ال6 شهور .. وعسى الله ييسرلك امورك

كلامها صحيح

الله يعينك و ييسر امرك و يفرج همك ياااااااا رب

أنا رايي ان ما تستقيلين ....

ايد وحده ما تصفق ...

وريلج بروحه ما بيقدر يسوي كل شي

لازم تساعدينه ...

هو مب حاس الحين

عقب بيحس أكثر ...

فكري عدل

والله يوفقج اختي

ادعيلي اشتغل

الغالية رأي بنتوتة مسقط جميل ورأي أم جنى حلو شوفي وحاولي تتبعين احس الأمور والله ييسر لك ...

العتب

تسلمون على تفاعلكم عزيزاتي

ما قصرتوا والله

بنوتة مسقط;10810775:
اختي الغالية .. راحة نفسيه ولا راحة مادية ..

انا عندي اقتراح لك .. خذي مع اجازة الوضع اجازه طويله بدون راتب .. يعني مال 6 شهور ..

قيسي الوضع .. هل بينقصكم شي ؟ هل بيتغير هو ..

لان فعلا انتي كلامك صحيح ولازم تحاتي مستقبل اولادك .. اقلها مكان مستقل يناموا فيه .. واذا تميتوا على هالحال ما بتتقدموا خطوه

الحين هو ما حاس بالمسؤولية لانك مخففه عليه .. عباله الحياه سهله ما تحتاج تخطيط

في الفترة اللي تاخذيها اجازه حتى لو مااقتنع بالمصروف الشهري ... اول ما تعرفي ان الراتب نزل اطلبيه مبلغ .. كل شهر .. بحيث انك تقدري تدخري منه ..

ولما يجي البيبي الثاني اكيد بيحس ان الغرفة ضاقت عليه .. كلميه .. وبيصير يفكر يرتب اموره بما انه هو مصدر الدخل الوحيد

انتي قيسي اوضاعك خلال ال6 شهور .. وعسى الله ييسرلك امورك

أنا مع الإخت بنوتة مسقط في كل كلمة قالتها
فعلا تحتاجون فترة تجربة مو مرة وحدة تستقيلين و خصوصا مع هلأزمة الاقتصادية من محصل شغل ، أصلا مافي أشغال لا فلقطاع الخاص و لا الحكومي ... في يدج نعمة لا ترفسينها و تصرفي بعقلانية وبدون تهور ترى الرياييل مايحسون بقدر النعمة نفسنا ولا يهمهم و اذا فراسهم شي يسوونه و باجر انتي اللي بيتقصر عليج وايد و على عيالج

حبيبتي اول شي انتي متكفلة انج تتشتغلين وتتحملين ضغوط الدوام عشان بيتج لان هذا دور الزوج مب دور الزوجه
يكفي انج اتربين عيالج ... بس اذا انتي اه تشتغلين لانج اتملين من يلسة البيت فهذا شي ثاني وريلج مجبور يصرف عليج وعلى ولده وانكم اتدورون بيت بروحكم او على الاقل يبنيلج قسم في بيت اهله

بنوتة مسقط;10810775:
اختي الغالية .. راحة نفسيه ولا راحة مادية ..

انا عندي اقتراح لك .. خذي مع اجازة الوضع اجازه طويله بدون راتب .. يعني مال 6 شهور ..

قيسي الوضع .. هل بينقصكم شي ؟ هل بيتغير هو ..

لان فعلا انتي كلامك صحيح ولازم تحاتي مستقبل اولادك .. اقلها مكان مستقل يناموا فيه .. واذا تميتوا على هالحال ما بتتقدموا خطوه

الحين هو ما حاس بالمسؤولية لانك مخففه عليه .. عباله الحياه سهله ما تحتاج تخطيط

في الفترة اللي تاخذيها اجازه حتى لو مااقتنع بالمصروف الشهري ... اول ما تعرفي ان الراتب نزل اطلبيه مبلغ .. كل شهر .. بحيث انك تقدري تدخري منه ..

ولما يجي البيبي الثاني اكيد بيحس ان الغرفة ضاقت عليه .. كلميه .. وبيصير يفكر يرتب اموره بما انه هو مصدر الدخل الوحيد

انتي قيسي اوضاعك خلال ال6 شهور .. وعسى الله ييسرلك امورك

انا مع الأخت

والله يسهل لج امورج و يقومج بالسلامة يااا رب