امي اللي تاعبتني

انا حبيت اليوم اكتب مشكلتي ويمكن احصل على حل انا متزوجه وعندي اعيال ولله الحمد جدا سعيده في حياتي واسرتي والحمد لله مره ثانية مشكلتي اهي امي انا مو صغيره انا عمري حاليا 33 عاما امي من كنت صغيره كانت تعاملني بقسوه من بين خواني واختي ما اعرف ليش حتى يوم وصلت لسن المراهقة امي ما كانت تهتم فيني كانت دائما مخاصمتني تعرفون يعني سن المراهقة وشنو احتياج البنت لامها انا كانت دايما تأنبني وتحسسني اني دائما غلط وصدقوني هذي الشئ فقدت منه الثقه بنفسي انا كنت متفوقه دراسيا وكنت وايد احب الدراسه وواصلت دراستي الجامعية ولله الحمد توفقت واشتغلت الوظيفه اللي احلم فيها من بين اخواني الوحيده اللي كملت تعليمي والوحيده المتفوقه منذ طفولتي وكانت معظم ايام شبابي انا ما كنت احس بشعور الام وحنانها ابد كانت وايد قاسيه معاي واسلوبها الخصام هو الحل لكل الامور وحتى في يوم خطوبتي ما راحت معاي لاختيار الفستان ولا الشبكة تخيلو كنت دائما مع صديقه لي وحتى يوم خطوبتي كانت مخاصمتني لانها ما كانت راضيه على زواجي بزوجي حاليا والله يعلم بالمشاكل اللي سوتها لي اهي وابوي على زوجي ولكني اصررت الا اخذه والله الشاهد اني ما اعرفه وكانت حطبه عادية بس ما ادري ارتحت له وايد لاني في نظرهم انا بنت عيله ودارسه واهو ماعنده عائله او لقب مثل ما نقول انسان عادي لكن والله والله معيشني احسن عيشة ومرتاحة والظروف ميسوره ولله الحمد بس امي حاليا احسها تغير مني يعني اذا شافت علي ساعه جديده احسها تموت مع ان ابوي مو مقصر عليها بشئ واذا سافرت صدقوني تخاصمني ما تكلمني عدل بس بدون سبب حتى اعيالي ما تعاملهم عدل ودايما تقول لهم ان تكرهوني مثل امكم انتو شياطين مثلها مع ان والله اني احبها بس تصرقاتها جدا تقهرني ودي اقول لها وافضفض لها كل شئ بس اهي مشكلتها تغير يعني ما قادر اقولها خاطري اشتري شئ او زوجي يابلي او شرالي بس علشان ما تزعل اضطر اخبي الشئ عنها والمشكله انها تغلط علي وتقول كلمات والله العالم اسكت عنها قد ما اقدر وبعد تزعل مني وتغار وحتى في اول طفله لي اقول لها يمه بسميها عليج قالت لي لا ما تسمين مارضت ويوم جاني الولد قلت لها يمه بسميه على ابوي وبعد ارفضت وصدقوني وايد اشياء بس ما اعرف اشلون ارتب افكاري واقولها بس والله انا ما ابي منها شئ حاليا بس ابي على الاقل تحترمني وتحس اني زوجه وعندي 3 اطفال واكبرهم بالمدرسة واهي للحين تحاول تتحكم في ملابسهم وتقول لي جدامهم انتي ما عندج ذوق وتهاوشني جدامهم ولا تحترمني ابد وكل اتقولي انت غربلتيني يوم كنتي صغيره وكنت اعاتبها اقولها انت كل تخاصمي كانت تقول لي انتي اول بنت وما عرفت اتعامل معاج تخيلو الحين اهي زاعجتني نفسيا فعلا واحس ان هذي المشكلة مأرقتني وماثره على علاقتي بزوجي واعيالي واكون دايما عصبية وموب عارفه اشلون اتعامل معاها اتمنى انكم فهمتوني وسامحوني انا اول مره اكتب عن حياتي بس صدقوني احس لحد اهنيه وخلاص ما قادراستحمل عطوني طرق اتعامل فيها معاها واشلون اكسبها؟ وسامحوني على افكاري اللي مو مرتبه