شوفوا زوجي شيقول عني؟

الله يهديه

دلوعةحناني;10809554:
حبيبتي الغاليه
لا تسكتين عنه اذا اتهمك انك السبب في تقصيره مع اهله لأن بكره اى غلطه يسويها بيقول انتي ويضايقك نفسيا.
كلميه بالموضوع بهدوء قولي له انا عمري ما منعتك تسوي شئ لأهلك ولو انا طلبت منك ان تتفرغ لي شوي مو معناها
اني منعتك تودي وتجيب امك وانت عارف ان لا انا ولا غيري يقدر يمنعك تودي امك او خواتك.
وقولي له انا اول مره اشوف رجل يتهم زوجته غصب ويكرهها بأهله بدال ما يحببها فيهم.
يعني وضحي له انك متضايقه جدا من هالاتهام وانك غير مسؤوله عن تقصيره بواجباته اتجاه امه وخواته.
وبالنسبه لأهله عامليهم بما يرضي الله وخلاص يعني احتكاك زايد وضغط على النفس ماله داعي ابدااا.
لأن مبين ان زوجك ما يقدر اهتمامك وحبك لأهله .يعني مهما تعبتي وسويتي بتطلعي مقصره.
تحياتي

اختي مثل ما قالت اختي دلوعه حناني

وبعدين قولي له لا تسويني شماعه تقصيرك بحق اهلك ... يعني مب معقوله اختي ..هم الي يابوه وربوه .. ويوم بعرس مسؤوليتج انج تذكرينيه .. اختي الي فيه الخير ... مايحتاج احد يذكره بإمه ..

يعني الحين انتي تبين احد يذكرج تتصلين في امج وتسألين عنها ولا تقضين لهم مشوار .. ولا انتي ملزومه كل ما تروحين السوق تشترين حاجه .. عشان بس تبينين انج تحبيهم يا اختي المحبه تجي من القلب وفي اهل زوج لو تحطين لهم عينج اليمين واليسار في اطباق ذهب لاموج وطلعوج انتي القاصره .. هالشي من نفسج .. لو تحبين سويه لو ما تحبين لا تسوين مب شرط تشترين .. حتى لو تودين لهم صحن من طباخج .. يا اختي المحبه عمرها ما تنشرى

وناس حتى لو تقولين لهم كلمه شكر .. يحطونج فوق راسهم.. فالمشكله مب فيج اساسا .. ولا تعتمدين اسلوب ضعف الشخصيه والسكوت ..جدام ريليج ولا بتصيرين شماعه كل الاخطاء الي تصير ..

تحياتي

ام جنى

الله يعينك و يصلح امورك اللهم امين