عصير البصل لغيرالمتزوجات!!

اعمليه في وقت غير وقت الصلاة وبعد غسيل الشعر الرائحة تروح باذن الله واتعطري حتي تصلي

والله انا احط بصل وثوم واحط معاه مره صفار بيض ومره زبادي والريحه الله لايوريك بس لما يكون زوجي بيتاخر برا كثير عزومه او عمل وبعين احط الحنا مع الحلبه توني باديه بس اكيد النتيجه فتاكه وبالنسبه للريحه بتروح مع الحنا اوعطور الشعر اوالبخور:up:

والله انا سمعت من قبل عن عصير البصل
بس مادري شنو النتايج
فهل يروح تجاعيد الشعر؟؟؟

انا قبل فتره حطيت ثوم بشعري علشان يطيح وايد وريحته مو راضيه تروح لين الحين ويقولون لي ياخذ وقت وعرسي قرب ولا راحت الريحه لين الحين الثوم فيه وقبل اسوبع رحت للصالون قالتلي وحده غسلي شعرج بخل ابيض حطي غلاس خل ابيض وغسلس شعرج فيه بس لا يطول بشعرج وايد مو زين

ويسلموووووووووووو على الموضوع

انا جربته ايام المراهقة

يعني فعلا التساقط يروح

وشفت الوصفة في كتاب الطب النبوي

ولكن انا كنت اجيب البصلة اقسمها نصين وافركها على فروة الراس

بس اذا عصرتوها واخذتوا العصير

الريحه راح تكون فوااااااااااااااااحه

وهذا ما حدث لي شعري اتقطع من كثر الفرك بالشامبو علشان تطلع الريحه

فعلاً معروف عن البصل بس

جربته مرة واحده فقط لعلاج القشرة

نفعني

يسلموو
بس الريحه!!!

من يومين وحده من البنات اللي وياي في الدوام قالتلي سوت جي قبل العرس بس -على كلامها- تمت تحس بالريحه سنه في راسها.... خرعتني الصراحه مع اني من زمان قريت انه المغربيات يستعملون هالطريقه عشان الشعر يقوى و يمنع التساقط, و بعد يساهم في التطويل

اللي جربت تخبرنا اذا صدق الريحه اتتم :|

يعطيكي العافية

الله يعطيج العافيه

انا سويته مره بس ريحته مب راضيه تروح حتى زوجي شكله وده يعطيني كف ويقول ريحته بصل بس اختي جربته وتقول ممتااااز للشعر وانا طريقتي بعصير البصل اجيب بصله وحده واقشرها واغسلها واجيب البشاره حقت الجزر وابشر البصل فيها وبعدين اجيب صفايه واحط شوي من البصل المبشور واحرك بالملعقه ويطله ما كثير

حبايب اللي عندهم اسئله يسئلوني طبعا البصل للتخلص من ريحته حطيه في الالثلاجة اوخليه في ماء على النار

السلام عليكم

بالفعل البصل نتائجه رهيبه.. اتكلم عن تجربة شخصيه.. من اكثر من سنه..
الدليل رحت الكوافيرة عشان اسوي شعري وتمت تشده بقوة ولما سألتها اختي ليش تشدين شعرها قالت هذا باروكة ولا شعر..عصبت وقلت لها انا موب قرعه ولا عجوز عشان البس باروكة هذا شعري خلقة الله..اعتذرت وقالت معلش ترى ماشاء الله فروة راسش ما فيها فراغات من كثر الشعر (قولوا ما شاء الله) ونفس الموقف صارلي من شهر في عرس اختي عند الكوافيرة استغربت غزارة الشعر في فروة راسي..

شعري صحيح جاف ومقصف .. لكن احلى شي انه غزير والبصل زاد من الغزارة

كله بفضل الله ثم عصير البصل..

ان شاء الله يفيدكم..

وشكرا لصاحبة الموضوع..:shy:
تحياتي.........