الجزء الثالث من مشترياتى للعنايه ببشرتى وجسمى وكله كله بلصور و الاسعار

م

ميااااااده

عروس ماسية

09-12-2009 | 11:45 PM

F:السلام عليكم ورحمه الله وبركاته F:

ده الجزء الثالث من المشتريات اليه جبتها و منزلاها بطريقه استخدامها
وصورها طبعا والاسعار ويارب ينال اعجابكم
ومتنسوش ده الموضوع التالت للمنتجات الييه
استخدمتها

ده رابط موضوعى الاول لمشترياتى وتجربتى معاها
http://forums.3roos.com/showthread.php?t=435204

وده رابط موضوعى الثانى وتجربتى معاها
http://forums.3roos.com/showthread.php?t=467955

ممنوع نقل موضوعى باى شكل من الاشكال وممنوع نقل
صورى اليه بموضوعى الا بعد الاذن منى

F:
اول شئ هنبدء بغسولات البشره

غسول من نيفيا فيزاج للصبايا مناسب للبشره
المركبه الى الدهنيه و بيمنع لمعان البشرى
وبيجعلها متوازنه وبينقي البشره يعنى مافيش
جفاف و بجد رائي فيها ان الغسول والتونر روعه
والتونر بيرطب وكمان خفيف ولطيف على البشره
سعر التونر 25جنيه والغسول29جنيه ودول نازل
عليهم عرض بكارفور اليه محتاجاهم تروح تلحق
العرض اما سعرها الاصلى بيختلف على حسب
المكان وانا شفتهم ب37جنيه لسعر الواحد

F:
غسول ايزى كير بلصبار وهو اويل فرى خالى
من الزيوت
الى حد ما كويس مش وحش بس نيفيا طبعا
احسن بكتير

F:

غسول غارنيه لايت بجد اسوء غسول جربته
في حياتى كلها
وكل اليه جربه معجبهوش اول شئ جفاف
واحمرار حولين الفم و
حسيت بان لهبلى بشرتى رغم ان بشرتى اصلا
مش حساسه
ولقيت كام حبه صغيره الغسول زى الكريم وطبعا
مستحيل ينضف وهو
انتاج انتاج الهند الحجم الغيره سعره 7جنيه
والكبير ب15جنيه
ومن الاخر محدش يجيبه خساره فيه

F:

غسول من جونسون لازاله المكياج
ومش بيناسب البشره الجافه او الحساسه
بس والله روعه في شيل المكياج لانى مش بلاقي
نقطه مكياج بعده
بس في الشتا بستعمل قبله مزيل مكياج كريمى
وطبعا اى زيت او مزيل مكياج كريمى مستحيل
يشيلوا المكياج بعمق انا بس بشيل بمزيل كريمى
عشان بيدى ترطيب لللبشره وبعد كده استخدم
غسول جونسون بس هو لوحده رائع في شيل
المكياج

F:

تونر من كلينا اند كلير وطبعا كالععاده مش بتناسب
التونرات بتاعتهم اى بشره غير الدهنيه وكمان
كترها مش مستحب لان فيها كحول رغم انه بيشيل
الاوساخ من البشره كويس جدا
بس نادرا لما بستخدمه ويعتبر ده اخف تونر في
كلينا اند كلير سعره 9 او 10 جنيه

F:
شور جيل وسكرب كامينا برائحه الرمان ريحته تحفه
تحفه جميل جدا وفيه زى حبيبات اسكرب وسعره
10جنيه

F:
ملح الحليب اليوكو سبا
اليه بلحليب عجبنى وريحته جميله جدا وبينعم
اوى اوى الجسم مبقدرش استغنى عنه
وسعره12 وبيتباع اقل من كده بس على حسب
المكان وقليل لما بيبقي بسعر اقل من كده
واحياانا بحطه وبفرك بليفه المغربيه بعد ما بعرض
جسمى لحمام بخار سخن ومره على مره بيخفف
من اى اثار حبوب بس تفتيح ملحظتش غير نعومه
فقط
وعلى فكره اصحاب البشره الحساسه ميجبهوش
لانه هيعملهم التهابات يعنى اليه يجيبه يجربه على
جزء من جسمه

F:
وده ملح التمر هندى من اليوكو سبا وسعره
15جنيه
والصراحه معجبتنيش ريحته بس هو كويس زيه
زى ملح الحلب نعومه زى البيبي

F:
ده اسكرب للجسم من حراز اسمه كريم العروسه
سعره 17 جنيه وهو رائع جدا جدا وكميته بتكفي
لحد شهر ويستخدم مرتين بلاسبوع ويستحسن
بعد الفرك بلليفه المغربيه وهو اكتر من رائع في
التفتيح وازاله البقع وتفتيح اى مكان غامق في
الجسم والركب والاكواع والمنطقه الحساسه و كل
مكان في الجسم واول لما بجيبه بعصر عليه نص
ليمونه وبعمله اسكرب بعد الفرك بلليفه المغربيه
وتعريض الجسم للبخار
و بسيبه حوالى من15 دقيقه ل20دقيقه

ده
كريم تقشير و صنفره الوجه والجسم من حراز رائع
رائع رائع
وبيدى نتيجه حلوه وده بيستخدم برضه للجسم في
حاله الغمقان الشديد
و برضه للوجه بينوره اوى يعتبر اجمل اسكرب
جربته لوجهى ومش بيتعبه لان اى اسكرب بيتعبنى
من عند الخدود دده بيرطب وجميل استخدامه
مرتين بلاسبوع
سعره 12جنيه

محدش يرد لسه هكمل الموضوع

م

ميااااااده

عروس ماسية

09-12-2009 | 11:54 PM

ماسك الطمى المغربي بلزيوت هو كلاى ماسك
انا جبت اليه بزيت اللوز ميزته انه ناعم على البشره بينعم وبينور ويفتح
ولاثار حب الشباب وبستخدمه هو وصنفره حراز الصنفره وبعد كده هو
بجد الاتنين تحفه و كمان بيناسب البشره الدهنيه و كويس للبشره
اليه فيها حبوب وكمان بيشد البشره سعره 12 جنيه او 15 جنيه لانى
مش متزكره اوى

F:

ماسك بيل اوف اسمه المينك من منتجات الدكتور
الشبراويشي
الماسك ده جميل جدا وبينظف البشره وينورها
وبيتساب ربع ساعه
ينشف ويتشال كطبقه واحده سعره تقريبا يا 5
جنيه او 6 لانى برضه
مش متزكره

F:
بادى لوشن من كاميل بلجلسرين الحجم الصغير
وبجد جميل جدا و
سعره رخيص ومش بيدهنن خالص الحجم الصغير
خالص ب4.50جنيه

F:
ميلك منظف من شركه جديده اسمها شانتيل
بمسح بيه المكياج وبيرطب بس طبعا معظم
مزيلات المكياجالكريميه مش بتشيل بنسبه ميه
في الميه فا بمسح بيه عشان ارطب بشرتى
وبغسل بعدها بغسول جونسون لازاله المكياج
وبيبقي مفيش نقطه مكياج

F:
جل لحوالين العين
بستعمل اتنين نوع بلصبار من اوريفليم ونوع
تانى من اوريفليم اسمه تندر كير

F:
وبرضه دول كريمات مش بستغنى عنهم و
مبفكرش اغيرهم
كريم ايفا بلكولاجين رائع في الترطيب وكمان
بينفخ الخدود
لو استخدم معاه زيت جنين القمح
والكريم التانى كريم اوبتمالز الاخضر للبشره
الدهنيه لتغذيه البشره
والكريمين دول بيستخدمه قبل النوم
للتغذيه وانا عن نفسي
بستخدمهم اكتر في الشتا

يتبع محدش يرد لحد ما اكمل الموضوع

م

ميااااااده

عروس ماسية

10-12-2009 | 12:11 AM

صابون الفروتى بابايا بلحبه السودا 6 في 1
هو كويس في الصيف معايا بس مش واو وكمان
مكتوب عليه للبشره الحساسه بس بامانه
مش هيناسب البشره الحساسه وهيناسب
الدهنيه لانه بيجفف شويه وكمان قوى على
البشره وكنت مشترياها من على النت ب27جنيه

F:
صابون هارمونى الالمانى ريحته جميله جدا
جدا وحلو للشور
سعره ب يتراوح ما بين 2جنيه ل2ونص و على
حسب المكان لو اقل او اكتر
ريحه الفراوله والكريز تحفه يجننوا

F:
صابون لايف بوى كويس لانه صابون مطهر
وفي نوع مصرى ونوع مستورد المصرى مكتوب
عليه بلعربي وحجمه كبير وسعره
ارخص و المستورد اغلا ومش مكتوب عليه اى
كلام بلعربي و حجمه اصغر

ده المستورد

F:
صابونه ديتول للعنايه بلبشره بجد اكتر صابونه
عجبتنى وكمان
رقيقه وناعمه على البشره لان انا الصابون مش
بينسبنى اوى
ودى مخصوص للبشره وريحتها بموت فيها

F:
صابونه ميديمكس بلاعشاب
هى صابونه هاند ميد طبيعيه مفيهاش نقطه
كيماويات وهى صنع في الهند و ريحتها بلمسك
بجد ريحتها جميله وفواحه بس جففتلى بشرتى
رغم ان بشتى دهنيه وبستخدمها في الحمام
المغربي وجميله جدا فيه

F:

غسول للاسنان
من كولجيت جميل اوى ومعطر للاسناان

F:
معجون اسنان
كلوس اب بحبه جدا لانه منعش وبيخلى
الفم ريحته حلوه

F:
هاند جيل مطهر للايد لحقيبه اليد سعره
رخيص وحجمه صغير وب3.50جنيه

طرق للعنايه بلبشره

اول حاجه في الشتا البشره بتجف وده الطبيعى
حتى البشره الدهنيه ولازم اهتمام في الشتا
وترطيب

اول حاجه قبل النوم
بغسل بغسول وبعد كده تونر وبعد كده جل
العين و كريم المساء بتاع اوبيتملز او كريم ايفا
بلكولاجين لو حسيت في جفاف جامد اوعدم
نضاره
ده لازم الخطوه دى قبل النوم عشان تغذيه
البشره اثناء النوم
F:
طريقه ازاله المكياج
كتير وكل وحده على حسب ما تحب
اول حاجه منديل ازاله المكياج ممكن تتعب
البشره في الشتا لانها بتكون جافه
وده حصل معايا بستخدم الميلك المنظف
لزاله المكياج و ده كويس في الشتا اوى
وبعده غسول جونسون لازاله المكياج وطبعا
اليه مش بيناسبه غسول جونسون يستخدم
النوع اليه يناسبه
وممكن نستبدل الميلك المنظف بزيت زى اللوز
او جنين القمح او خلط اى زيت بكريم جولسليد
و تنظيف البشره بيهم من المكياج بمنديل او
قطنه

F:
ماسك رائع للبشره في الشتا
وهو
ماسك الزبادى والخيار
رهيب في تصفيه البشره وطبعا مش شرط
اليه يفيدنى يفيد غيرى
يعنى اليه تستخدمه تجربه الاول على جزء
من بشرتها ولازم التنظيف كويس البشره بعده
لانه دهنى شويه بلغسول وتونر
طريقته
كوب زبادى خياره صغيره متقطعه ومتقشره ونحطهم في
الخلاط ونضربهم ونحتفظ بيهم في اناء في التلاجه
وكل يوم ناخد شويه و نحط عليهم معلقه دقيقه
عشان الخليط سائل وممكن حط عسل بس نزود
في معلقه الدقيق المهم هو لوحده الخيار والزبادى
رائع بينور وبيدى نضاره للبشره
وده بيستخدم لو الوحده بشرتها تعبانه خارجه من
دور تعب بشرتها بهتانه وبيتحط في كل الوش
حتى العين لانه مفيد للهالات
بعد اسبوع مداومه عليه بتلاقي البشره
متغيره ونقيه وزى ما قولت هو فدنى ممكن
مش يفيد غيرى ولازم تنظيف كويس بغسول
بلاش صابون لانه بيسد المسام ومممكن
يعمل ترسب وتطلع حبوب

دى مشترواتى يارب تكون عجبتكم وبجد تعبت جدا جدا
مستنيه ردودكم و تقيمكم
ودعوتكم ليا ان ربنا ييسر حالى

ا

العيون النواعس

عروس مبدعة

10-12-2009 | 12:19 AM

بسم الله

يسعدني اكون اول وحده ترد ع الموضوع راااااائع الصراحه والف شكر وانا حبيت المنتجات لكن اغلبها مب موجوده في البحرين بس بعضها اي وباخذ منهم وان شاءالله يفيديوني نفس مافادوج والف شكر يا عسله

م

ميااااااده

عروس ماسية

10-12-2009 | 12:22 AM

العيون النواعس;10786058:
بسم الله

يسعدني اكون اول وحده ترد ع الموضوع راااااائع الصراحه والف شكر وانا حبيت المنتجات لكن اغلبها مب موجوده في البحرين بس بعضها اي وباخذ منهم وان شاءالله يفيديوني نفس مافادوج والف شكر يا عسله

مشكوره ياحبيبتى نورتى موضوعى وطبعا انتى لو بتروحى مصر او من التاجرات بتوع النت تقدرى تخلى اى حد يجبلك اليه عيزاه يعنى صابونه البابايا جيباها من النت وحده جيباها من السعوديه ونورتى ياقمر الموضوع كله

b

baata

عروس فضية

10-12-2009 | 12:38 AM

مبرووووووووووووك ياقمر مشترياتك و دايما افيدينا بالحاجات الحلوه ديه ومش تنسي الاسعار اهم حاجه :)

D

Didem

عروس برونزية

10-12-2009 | 12:41 AM

ماشاء الله عليكي ياقمر
مبروك عليكي حاجتك وتخلصيها وتتهنى بيها

م

ميااااااده

عروس ماسية

10-12-2009 | 12:42 AM

baata;10786250:
مبرووووووووووووك ياقمر مشترياتك و دايما افيدينا بالحاجات الحلوه ديه ومش تنسي الاسعار اهم حاجه :)

مشكوره يا بطوطه على مرورك وانا كتبه اسعار الحاجه في الموضوع وفي حاجات نسيه اسعارها و في حاجات تبع شركات زى اوريفليم بتختلف اسعارها كل شهر

ماشاء الله عليكي ياقمر
مبروك عليكي حاجتك وتخلصيها وتتهنى بيها

نورتى يا ديدم الموضوع ومشكوره على مرورك

A

AnNoSha

عروس فضية

10-12-2009 | 12:44 AM

ربنا يباركلك ياقمرايه بجد تسلم ايديكى ياعسلايه حلوين اوى الميزان مش راضى يقيم عااااااااااااااا

سؤال بقى

جل لمنطقه العين بتاع اورفليم بكام ياقمر..؟؟

ع

على خطى الحبيب

مشرفة سابقة

10-12-2009 | 12:48 AM

ما شاء الله موضوع هاايل يا ميودة تتهني بيهم

م

ميااااااده

عروس ماسية

10-12-2009 | 12:48 AM

AnNoSha;10786315:
ربنا يباركلك ياقمرايه بجد تسلم ايديكى ياعسلايه حلوين اوى الميزان مش راضى يقيم عااااااااااااااا

سؤال بقى

جل لمنطقه العين بتاع اورفليم بكام ياقمر..؟؟

بصى الجل اليه بلصبار كان نازل خصم وكنت جيباه ب14جنيه و الجل التانى اخدته من وحده كانت بتبيعه ب10جنيه والاتنين من اوريفليم ومش بستغنى عنهم ابدا حتى تحت المكياج

ن

نواره2005

عروس ذهبية

10-12-2009 | 12:51 AM

طريقه عنايتك جميله ومشترياتك جميله والجمبل نقل تجربتك مع كل منتج

م

ميااااااده

عروس ماسية

10-12-2009 | 12:57 AM

علي خطي الحبيب;10786338:
ما شاء الله موضوع هاايل يا ميودة تتهني بيهم

منوره دايما يا ليلو ياقمر الله يهنيكى ياحبيبيتى

نواره2005;10786352:
طريقه عنايتك جميله ومشترياتك جميله والجمبل نقل تجربتك مع كل منتج

مشكوره يا نواره يارب الفائده بس تحل على الجميع ونرتى يا حبيبتى

ي

يارب وفقني مرمر

عروس ذهبية

10-12-2009 | 01:03 AM

ما شاء الله يا ميوده حلووووووو خااالص و مفيييييد

عايزة اسالك شاور كامي السكرب انا جبته بس لسه مش استخدمته استخدمه بايدي ولا ليفه؟
و لو ايدي معملش بعدها ب ليفه بقى ب شاور عادي ولا هحس اني استحميت و نضفت عادي؟:D

m

mnne

عروس مبدعة

10-12-2009 | 01:08 AM

ماشاء الله الموضوع حلو يا قمر يا جميل

بس سوال ميدميكس الصابونه دي منين يا قمر

م

ميااااااده

عروس ماسية

10-12-2009 | 01:08 AM

mariam87;10786451:
ما شاء الله يا ميوده حلووووووو خااالص و مفيييييد

عايزة اسالك شاور كامي السكرب انا جبته بس لسه مش استخدمته استخدمه بايدي ولا ليفه؟
و لو ايدي معملش بعدها ب ليفه بقى ب شاور عادي ولا هحس اني استحميت و نضفت عادي؟:D

بصي انا بستخدمه ازاى هو اصلا السكرب فيه مش قوى وانا عندى صنفرتين من حراز
وملح الحليب يعنى احسن منه هو بحطه على الليفه بتاعت الشور واغسل جسمى بيه بس لانى قبلها ببقي دعكه جسمى بلليفه العاديه او المغربيه ويابنتى اى شور مجررد بس بيدى ترطيب لانه احسن من الصابون وبيدى احساس بلنظافه بس نظافه كامله مبتجيش الا بليفه المغربيه

ماشاء الله الموضوع حلو يا قمر يا جميل

بس سوال ميدميكس الصابونه دي منين يا قمر

صابونه ميديمكس جبتها من ماركت خير زمان
ونورتى يا منمن موضوعى كله

*

* كلاسيك *

مشرفة سابقة

10-12-2009 | 01:12 AM

ماشاء الله يا قمر

تتهني بيهم يارب

عجبتنى اوى حاجات حراز ان شاء الله اشتريهم

بس الشهر الجاى ان شاء الله فلسسسسسسسست يا ميودة :D

م

ميااااااده

عروس ماسية

10-12-2009 | 01:20 AM

* كلاسيك *;10786518:
ماشاء الله يا قمر

تتهني بيهم يارب

عجبتنى اوى حاجات حراز ان شاء الله اشتريهم

بس الشهر الجاى ان شاء الله فلسسسسسسسست يا ميودة :D

هههههههه عامله زى بس انا الصراحه مفلسه نص تفليسه
يعنى قربت افلس و نورتى يا كلاسيك موضوعى وعلى فكره حاجات حراز دى جميله جدا

ل

لذة السكر

عروس مبدعة

10-12-2009 | 01:23 AM

ماشاء الله عليك

m

mnne

عروس مبدعة

10-12-2009 | 01:25 AM

ايفا كريم الكولاجين اخباره ايه معاكي وسعره كام وهو لسن كام يا مياده يعني لفوق 24 ولاايه نظامه