الوقت : العرس كان تاريخ 2/12 يوم الاربعا ليلة الخميس
المكان : في الكراون بلازا
العروس: بنت خالة زوجي .. وسميتي ههه مو بس في اسمها الا في اسم ابوها وجدها يعد !! << تخيلوا
العروس كانت كلش كلش نااااعمه والستايل اروبي في كل شي تقريبا
ما ادري هي وين متعدله بصراحة بس كانت تسريحتها كامل مرفوعه وفيها تاج ناعم وصغنون كلش .. يعني بهالطريقة بس ما في فرق في النص في قذلة نازل على جنب واحد
صورة مخالفة
والميكب كان بعد نعووم حده يعني ما فيه كلش خرابيط مثل مكياج الاجانب بالضبط و لون الروج بطيخي لان ثيم العرس كان البطيخي القريب من البرتقالي و البيج او الاوف وايت نقدر نقول
وباقتها بعد عبارة عن مجموعه من الورد نوع واحد مربوطه بشرايط ستان من جهة المسكة وتنحمل مو باصابع اليد تنحمل بيد وحده على جنب << ان شا ءالله فهمتوا قصدي عاد خخخ
ع العموم هذي صورة تبين نوعيه الورد وطريقة الباقة
و فستانها كان ابيض وناااعم ساده ما فيها ولا شي ما عدا عند قصة الصدر و جزء بسيط نازل ع الصدر شك وكرستالات و الجم كان ستايل جاينيز
و طرحتها موايد طيوله كلش .. يعني ما تزحف وراها الا شي بسيط كلش
و الطقم كان حلو بصراحة عجبني .. وبارز بشكل قوي لان ما فيه خرابيط وايد وبنفس الوقت غريب
المسرح عباره عن خلفيه اوف وايد و مخرم فيها ورود روز كبار و راهم شيفون واضاء و بعض الروزات محددين بقلتر فضي ..
والكيكة تقريا ثلاث طوابق مربعات لونها اوف وايت ومزينه دار مدارها بورد بطيخي على برتقالي .. بس من داخل هي على جوكلت ..
مثل هذي بس بدل الكرز ورود بنفس اللون !!
الدخلة دخلت بروحها اول ... و امها وخواتها وخالتها وعماتها و الكل مصطفين على جانبين البوابه ... لين وصلت المسرح وقعدت ونسيت شنو كانت الزفه هههه
و قاموا البنات يترقصون و جذي .. وبعدين وقفوا وجت اخت العروس صفت العصي مال الرقص على المسرح و قال الديجي لا احد يرقص بنات هذي الاغنية خاصه للعروس .. << نسيت اقول لكم انه فرقه طقطقه يعني مو الاغاني الجاهزة المسجله
و اشتغلت الاغنية و في هالوقت دخلوا بنات خالها و خالتها و اختها وبنت اختها يعتي فرقة بنات من البوابه و ترقصوا بطريقة وحده كلهم نفس السستم لين وصلوا المسرح وشالوا العصي و كملوا رقص على اغنية راشد الماجد قم قم اشرق الصباح ما ادري شنو بعد << ما اعرف اغاني هالايام لووول صرت شيبه
وبعدها خلصوا وقام التصفير والتصفيق لهم ..
دخلوا زفة رجال .. يتقدمهم المعرس لين وصل للعروس وباس جبينها و دخلوا وراه رجال العايلة كلهم باركوا لهم و صوروا معاهم و بعدين رقصوا الشباب شوي مع زوجاتهم و خواتهم وطلعوا
و طبعا في هالوقت انفتح البوفيه والناس انشغلت بالاكل و عقبها واصلوا رقص و غيره لان المعرس طلع عقب ما خلص تصوير
و عني انا لبست فستان ازرق .. شيفون ودانتيل مطرز بلون تفاحي خفيف ومشكوك وسويت شعري ويفي كامل مرقوع من قدام بف عووود كلش ونازل لي اخر ظهري على طول شعري يعني .. وفيه اكسسوار على جنب و فصوص شوارفسكي فضي في كل مكان منثوره على شعري يعني و من ورا في جدايل تركيب مدموجه مع التسريحة نفسها وفيهم بعد كريستال فضي وازرق على شكل ورود صغار
و الميكب دمج بين الازرق و الاخضر التفاحي و الفضي طبعا ...
واالاكسسوار كان طقمي مال العرس
و سلامتهم هذرت وايد ونسيت اقول لكم صورت مع بتهوفن قبل لا اروح بس ما رقصت لان خبركم توني في اول الشهور و ممنوع << توصيات الحكومه الموقرة بعد هههه
