اذا الأقارب معد نثق فيهم ففيمن نثق

بليز اعطوني حل لا تخلوني

مشكورة ياقلبي
بس انا الي حاز فنفسي صدمتي فيها الفلوس والله ما بتهم بس هي ليش تسوي معاي كذا انا ما سويت لها الا كل شي طيب وعمري حمدلله عمري ما طلبتها وا شاء اللعه عمري ما اطلبها

يا اااااااااااااا عزيزتي لا تضيقي على نفسك .. الله يفتح عليها .. واذا حابة ترتاحي كلميها بكل صراحة . واذا ما وصلتي لاجابة مقنعة منها
تاكدي انها مصلحية ...

وبعدها خليكي فترة واطلبي المبلغ الي عندها او ارسلي لها رسالة او بلغيها رسالة مع حد من قرايبها او اخت زوجك عشان تنحرج وتحس على دمها

الله يعينك .. فعلا اذا الاقارب ما نثق فيهم عاد الثقة في من تكون ؟؟ يلة مالنا غير ارحم الرحمين هو سندنا

موفقة غاليتي ولا تكدري نفسك عشان ناس ما ترعى المعروف . بس في الاول تكلمي معاها وحطي النقاط على الحروف

دمتي بود

هلا حبووبه انا مع البنات انتي ذكريها خبريها انج محتاجه وصارحيها واذا ما ردت في طقاااااق ليش تعوري راسج؟؟؟؟؟؟؟؟؟؟؟

ذكرتيني بوحده كانت تقطعني ولما تكون محتاجه تجيني

ومره خذت فلوس وطبعا من غير مايكون بينا كتابة مثل ماأمرنا الشرع

وهذا غلط

الصحابة كانوا يكتبون واللي أحسن منا في الدين

لكن احنا الخجل هو اللي يمنعنا وكلام الناس

والمفروض ان احنا نخاف ربنا أكثر من الناس ونتبع تعاليمه

والدنيا حياة وموت

يعني لازم ينحفظ الحق

لكن للأسف احنا غافلين عن هالشي

المهم نرجع لموضوعنا

هذي صديقتي لما خذت مني الفلوس قطعتني سنتين تخيلي!!

والسبب انها توظفت وسافرت إجازة واستانست

وناسيه الفلوس اللي عليها

بعدين عطيتها كذا مسج ماترد

ومره عطيتها مسج وانا ناويه اقول لخواتها اللي اكبر منها لو مارجعت لي فلوسي

والحمدلله الحين علاقتي بها عاديه وسطحيه

سوي جذي

اطلبي فلوسك ولاتهتمين

يعني اهي تطلب وانتِ حقك تخجلين منه!!

حبيبتي

لو انا منك ما بفكر بوحدة ما تستاهل صداقتي ابدا, بتقولي انصدمت فيها اقولك خير يا طير ترانا كل يوم ننصدم بشخصيات الناس حوالينا , انا من رايي خلي تعاملك معاها عادي ولا تعتبريها صديقة , يمكن انت قلبك طيب وما كنتي كاشفة شخصيتها , عموما مرة ثانية بعد لا تعيريها شي ولا تثقي فيها باي كلام ولا تأمنيها على اي شي , امثال هذيلا الناس الواحد يحذر منهم , بس فلوسك حبيبتي لازم تطالبي فيها , وموفقه باذن الله

صدقيني لاتتضايقي
وتوقعي أي شي ممكن يصدمك من أقرب الناس لك بهذي الأيام

أنا صار لي نفس الموقف
بس مش مع قريبتي
مع صديقه وثقت فيها
و عطيتها المبلغ و قالت انها راح ترجعه في أسرررررع وقت
قالتلي عطيني 3 أيام - أسبوع .. و ان شاء الله أرجع لج فلوسك
و انا من طيبتي قلت عادي رجعيهم أي وقت .. متى ما تقدرين ..
و هي ما صدقت
بعد ما مر اسبوع .. قالت اسمحي لي ما بقدر أرجعهم الحين
و أنا بعدني مصره أنه أوكيه عادي مب مشكله :rolleyes:
و بعدها اختفت
و مرت شهووووور
و انا احتجت فلوس
اتصلت فيها ما ترد
حرقت تلفونها ... ما ردت
طرشت لها مسجات .. ما ردت
أنا صرت :mad:
هاذي أخرة الثقه
و بعدها بكم يوم ردت على المسج تقول انه ما عندها رصيد و ما تقدر تتصل
قلتلها اني محتاجه فلوسي .. و أنا كنت فعلا محتاجه 8o|
ردت علي بكل وقاحه : ما عندي فلوس .. من وين أجيب لج؟!
و طبعا لين اليوم أنا ما شفت الفلوس
عصبت عليها و قلتلها ما تكلمني مره ثانيه
و قلتلها اعتبري الفلوس صدقه .. لاني ما ابغي اتواصل معاج
و بس

والله معاكم حق فعلا في ناس ماتسوى
لا والادهى والامر انها دحين بتتصل عشان تسلني ايش تسوي ووين تروح كوافير وغيرو الحق هي ايام دبشي وقفة معي وما قصرت ابد بس الحين ماادري ايش قلبها علي وانا ما ابا ارد عليها عشان مابا اكلمها بنفس زعلانة تخيلو خافة على مشاعرها رغم اني انا الزعلانة وهي ولا كان في شي

الغالية اسمحي لي يمكن تكون بنت خالتج من النوع الوصولي يعني لما تخلص حاجتها من فلان تدور شخص ثاني عشان تمشي مصالحها ... وهذا كثير من الناس كذ>ا يعني وين حاجتي بروح

ويمكن بعد انها ابتعدت عنك لانها مستحية ... تواجهك لانها ما تقدر ترجع لك المبلغ الحين فهمتي الغالية ... يعني هي تبي تكون بعيدة عشان كل ما راح تشوفك تتوقع انك بتطلبين المبلغ فتتجنبك عشان ما تطلبين المبلغ ..

الغالية نصيحة اطلبي منها فلوسك عادي وإ>ا المبلغ كبير جزئية عليها ... الغالية الفلوس تفرق حبوبة

العتب

بالضبببببببببببببببببط مثل بنت اعرفففها بالضببط ما تتصل الا للحاجة فساتين اكسسوارات تبي شي ..يعني عمري عمري ما رديت على تلفوووني وهي متصللة الا وتبي شي وساعات تقطع اشهههر او انا اروح بيتهم اطمن علييها وهي اببدا ولا تدقق بعديين عقب كم شهر تتصل اقول اكييد وحشتتتها لا تطللع الاخت تبي حااجة ..فاختتتي انتي لا تعاتبييينها ذولا حرام فييهم العتب لانهم ربع مصللحة ..او لاتسلفيينها فلوووس مرة ثانية قووولي ماعندج ولمن تجي تبي فساتيين طللعي القدميين وخشي الجدد

حبيبتي الغاليه
مو ملاحظه انك جالسه تبنين احكام وقرارات على الهوا؟؟
انتي بهالتصرف ظلمتي نفسك ويمكن ظلمتي قريبتك ....هي ما تعلم الغيب انك محتاجه للمبلغ ويمكن نست جل من لا يسهو.
وبعدين انتي ذكرتي انها اتصلت بعد المسج مره وما رديتي واليوم الثاني كمان ما رديتي يعني انتي ضايقتيها ويمكن علشان كذا
هي يوم جات عندكم طنشتك وكلمت خوات زوجك صح وله لا؟؟؟
وتراني ما ادافع عنها لاني الصراحه ما اعتبر الي تتسلف من الناس بنت عوايل الصراحه ...........انتي مهما تحتاجي هل بتتسلفي ؟؟؟؟
اتصور بتقولي لا واغلبنا حنا البنات المتربيات وبنات الخير لو نموت جووع ما نتسلف من احد .
ووسبحان الله كل وحده تتسلف من خلق الله فيها ميت بلا وايكد قبل لا تسلفيها كان سألتي نفسك هي من وين بترد هالدين؟؟
اكيد ما تسلفت الا لأنها ذابجها الفقر فمن وين تجيب؟؟؟؟؟؟؟؟
لازم كلنا كبنات نتعض وما نسلف ولا نتسلف من خلق الله .
انصحك انك تواجهيها اول شئ ليه تغيرت عليكي وماعادت تسأل؟؟؟؟
وبعد ما تأخذي الاجابه سواء عجبتك او لا اطلبي منها فلوسك قولي لها فلانه الفلوس الي عطيتك ترى زوجي يبيها ضروري لانه عليه
فواتير ويبي يسدد وله بتنقع علينا الكهربا يمكن ساعتها تنكسر عينها وترد الفلوس.
تحياتي

بالله بعد كل هذا الي مسويته فيك لسى بتراعي مشاعرها

والله انك طيبه

اختي عامليها عادي يعني اذا جات لاترديها واذا راحت لاتعبريهاااا شكلها مصلحجيه متى مابغت منك شي جات تتسلتح عليك

ارسلي لها رساله قولي لها انا محتاجه فلوسي الي عندك ضروري ياليت ماتتاخري علي

وخليها تقلب وجهها دامهاااا كذا

هذي صداقة مصلحة
والحين شافت مصلحتها مع ناس ثانية فطبيعي تقطعك لان انتهت المصلحة
انصحش ماتتأسفين عليها وعلى ضياع صداقتها
بالعكس احمدي ربك الف مرة انها بانت على حقيقتها الحين مو بعد سنة او سنتين

والله اني خجلالالالالالالالالالالالالالالانة اطلبها حقي ما اعرف ليش انا كذا ما تجيني جرأة اقولها
اقول فنفسي يمكن ماعندها او يمكن احرجها وانا مابا كذا وفنفس الوقت اشوفها عايشة احسن عيشة ما شاء الله بتروح وتجي وتتمشى وتشتري هدايا للي حولها يعني من احسن ما يكون
وفوقها قلبي ما يطاوعني اكسر خاطر احد
وانا المسكينة ولا احد سائل في خاطري
والله الدنيا فيها بلاوي
بعدين انا ما ظلمتها انا ما بي ارد عليها بنفس زعلانة او اتكلم معاها بدون نفس هذا حالي مع كل الناس لين احس الزعل الي فنفسي راح اقدر اتكلم عادي لكن ما احب انافق احد يعني اكلمو عادي وانا جوتي زعلانة منو مع علمي هيا ليش بتتصل علي دحين مو عشان سواد عيني لأ ابدا
لم تتصل بتتكلم عادي هادي طبيعتها والمفروض لو رديت اكلمها عادي بس ما اقدر
هذا اسمحولي عالكلمة نفااااااااق وانا ما احبو

نثق بالله العلي العظيم رائعتي نعم بالله وهو خير صاحب في الحل والترحال

العتب

تدرو انا شكلي بطنشها للاخر
واشوووووووووووووووووف اخرتها بطول بالي لين هي تتكلم وتقول الي عندها مو احسن