متوووووووووورطة!!!!!

يؤؤؤؤؤ وليش كل هالخووووف

مشكلتك لها جانبين

الاول ان الماده صعبه ... اختي اكيد في ناس اقل ذكاء منك وعدو في هالماده ومافي شي مستحيل

الثاني مستحيه من الشباب اعتبريهم كلهم بنات ولا تطالعين فيهم وادعي ربي انه يسهل لك بعدين وش يعني شباب ماحد بياكلك

بالنسبه لخطيبك لاتقولين له :)

وربي يعينك ويوفقك

مو لازم تخبريين ريلللج انج بتسويين برزنتيييشن يعني اهو داام موافق انج تدرسيين يوافق على كل شي وداامه ما بيرضى اتحسيين لاتخبرييينه

حاولي تقنعينه وقولي له انك ممكن ترسبين وبعتعيدين الماده وبيصير نفس الموقف بتعرضين قدام طلاب
الله يسهل لك امورك وويوفقك

لالالالا خطيبي موظف بنفس الكلية ويعرف انا بأي قاعة وبيبان القاعة فيها فتحات و هو يعرف متى موعد البرزنتيشن

هو اساسا دوووووم يقولي ليش اخترتي هالكلية في كليتين عندنا بنات بس وانا اخترت كلية مختلطة

وانا عارفته كيف غيوووور ما يرضى اكلم اي شاب حتى لو في شي ضروري وهو بمكان بعيد عن الكلية والله يجي علطووول علشان يخلص اموري

السلام عليكم


اختي انتي في جامعه وشي طبيعي بتسوين برزنتيشن وتعرضين قدام الطلاب ويمكن تيي مواد انكم تصيرون قروب بنات وشباب عشان مشروع واحد
يعني ما اجوفها مصيبه مثل ما انتي مسويتها

وثاني شي مثل ما قلت جامعه مو مكان لعبه عشان خطيبج ما يرضى انتي مو قاعده تسوين شي غلط والمفروض تدرون ان الجامعات جذي من البدايه مو شي غريب ولا عجب

وانتي تقولين ان هالماده صعبه يعني جزء كبير من النجاح متوقف على البرزنتيشن تروحين تضيعينه؟!!


موفقيييين

انا ممكن اواجه خوفي واقدم هالبرزنتيشن بس خطيبي والله بيتركني لو عرف:'(

حبيبتي هو اساسا معارض فكرة كليات مختلطة ومايسمحلي اكلم اي اي شاب حتى لو موظف بالكلية
هو قاللي لو قدمتي هالبرزنتيشن لا تعرفيني ولا اعرفك احس ضغطي بيرتفع من هالورطة افففف

والله يا اختي انصحتج تتركينها وريلتج اهم من ها الجامعه ومافيهاا يا قلبي كل شي يتعوض الا الزوج الله يهديتج يارب ويتمم عليكم ع خير

هلا حبيبتي
لاتخوفين حالج
بالعكس اشرحي ولا كانه تشوفينهم
انا جذي اشرح ولا كانه اشوف قدامي في بداية راح تتوترين وبعدين شوي شوي يروح كل هذا
واصلن محد يقدر يكلمك او يقول لج شي
اشرحي وتوكلي على الله
والله يوفقك يارب

انا ضايقته واايد بسوالف الكلية وياما سويت اشياء هو مو راضي عليها وسامحني واخر مرة ضايقته فيها قاللي هذي اخر مرة واذا كررتيها خلاص انتهى اللي بيننا..برزنتيشن اول مرة ما قد سويت برزينتيشن وهو رافض
خطيبي انسان مرررة طيب وما قد جرحني او رفضلي طلب ومو مستعدة اخسره:(

حبيبتي الغاليه
خطيبك لو كان فعلا يحبك المفروض ما يضغط على اعصابك بهالشكل
وبعدين هو يدري انك بكليه مختلطه يعني وش هالغرابه تدرسين يعني بالاسلكي ؟؟؟؟؟؟؟؟
وله هو غرضه يرسبك ويدمر مستقبلك؟؟؟؟؟؟؟
اتصور الي انتي تسويه لا هو عيب ولا حرام دامك منتي بخلوه شرعيه ولا تتكلمين بموضوع لا اخلاقي
ومحتشمه بلبسك .
خلاص اتصور ماله داعي يلغي شخصيتك ويخرب دراستك الي انتي تعبتي عليها ويجي على ماده
او اختبار وواحد ويتلكك.
لا تطاوعينه صدقيني بتندمين بعدين وبعد زواجك على اقل خلاف بينك وبينه بتعضين اصابعك ندم.
بعدين لو سمعتي كلامه وورسبتي وانتي شكلك تحبي الدراسه بيكون عندك تراكمات نفسيه اتجاه زوجك
ومابتكوني مرتاحه ابدااااااااااااا. فأنتي قولي له انا لو تحطني مع الف شاب انا محترمه ومحد يقدر يمسني بكلمه ولا يحرك شعوري اذا انت خايف وانا اخترتك انت وحبيتك فلا تخرب علاقتنا بالغيره الزايده والشك.ولازم تثق فيني وتحترم شخصيتي لاني بنت ناس محترمين وبادلني الثقه لانك انت كمان تختلط في بنات وانا مااشك بحبك ولا اخلاقك زي مانت تسوي.
اجتهدي
قدمي بكل احترام
انجحي
واذا كان يحبك صحيح بيتسامح ويفوت الموضوع ولو تركك على هالسالفه ترى هذا ما يستاهل ظفرك.
تحياتي

دلوعةحناني;10768064:

اتصور الي انتي تسويه لا هو عيب ولا حرام دامك منتي بخلوه شرعيه ولا تتكلمين بموضوع لا اخلاقي
ومحتشمه بلبسك .

قلتله نفس هالكلام بالظبط وسكتني بكلمتين: (صوت البنت عورة)

وغير كذا قاللي اصلا هالبنات اللي بصفك اللي رح يقدمون قدام شباب كلهم قليلات ادب ومو محترمات وما يستحون

دامه طيب وحبوب اضغطي عليه طيب ..

- سوي روحك زعلانة زمتضايقة وقللي من شوفتك ومكالماتك له لاقصى احد واذا سألك قولي ماشي إلا اذا الح قولي والله محتارة شو اسوي بهالمادة

- قللي اكلك واذا ممكن لاتروحي الكلية كذا يوم واذا سألك قولي وش فايدة حضوري دام بيضيعوا علي الدرجات انا راسبة راسبة

- فاجئية بشي كان يحبه كثيييييييييير منك ويطلبه من زمااااااااان ولما تحسيه ناط من الفرحة قولي طلبتك يافلان الله يخليك لاتردني

:) وشوفي عاد اللي يناسبك

استغفر الله .. اختي الافكار تختلف من شخص لاخر .. يعني ما يجوز يقول عن اي بنت خارج الحدود اللي هو راسمها انها قليلة ادب ومو متربيه .. وهو من عشان يقول هالكلام اساسا؟

اسمحيلي اختي خطيبك يحتاجله تربيه على هالكلام واعادة فرمته لمخه .. وين الاخلاق لما يتهم بنات الناس في اخلاقهم ؟

خلاص اذا تحبيه ارسبي ولا اقولك .. لا تكملي دراسه .. وانتي اللي بتندمي .. اليوم موضوع البرزنتيشن وبكره يكون موضوع ثاني

انا قدمت برزنتيشن قدام شباب اكثر من مره .. وواثقه من نفسي ومن تربيتي .. والحمدلله زوجي يشجعني وواثق مني .. شو احلى من الثقه بين الزوجين وقوة شخصية المرأه ؟

ياما بنات يستحوا يتكلموا قدام الشباب ومع الاسف امورها من تحت لتحت .. والعكس ايضا

مع الاسف مكان عمله ما علمه ان الله خلق الناس اجناس

اكليل الحب;10768224:
دامه طيب وحبوب اضغطي عليه طيب ..

- سوي روحك زعلانة زمتضايقة وقللي من شوفتك ومكالماتك له لاقصى احد واذا سألك قولي ماشي إلا اذا الح قولي والله محتارة شو اسوي بهالمادة

- قللي اكلك واذا ممكن لاتروحي الكلية كذا يوم واذا سألك قولي وش فايدة حضوري دام بيضيعوا علي الدرجات انا راسبة راسبة

- فاجئية بشي كان يحبه كثيييييييييير منك ويطلبه من زمااااااااان ولما تحسيه ناط من الفرحة قولي طلبتك يافلان الله يخليك لاتردني

:) وشوفي عاد اللي يناسبك

هالأساليب ما تنفع معه اذا السالفة فيها شباب:(
ادري بيقول انا قلتلج رايي واذا تبين سوي اللي يريحج بس انا انسيني

بنوتة مسقط;10768254:
استغفر الله .. اختي الافكار تختلف من شخص لاخر .. يعني ما يجوز يقول عن اي بنت خارج الحدود اللي هو راسمها انها قليلة ادب ومو متربيه .. وهو من عشان يقول هالكلام اساسا؟

اسمحيلي اختي خطيبك يحتاجله تربيه على هالكلام واعادة فرمته لمخه .. وين الاخلاق لما يتهم بنات الناس في اخلاقهم ؟

خلاص اذا تحبيه ارسبي ولا اقولك .. لا تكملي دراسه .. وانتي اللي بتندمي .. اليوم موضوع البرزنتيشن وبكره يكون موضوع ثاني

انا قدمت برزنتيشن قدام شباب اكثر من مره .. وواثقه من نفسي ومن تربيتي .. والحمدلله زوجي يشجعني وواثق مني .. شو احلى من الثقه بين الزوجين وقوة شخصية المرأه ؟

ياما بنات يستحوا يتكلموا قدام الشباب ومع الاسف امورها من تحت لتحت .. والعكس ايضا

مع الاسف مكان عمله ما علمه ان الله خلق الناس اجناس

يا حظج اذا زوجج يشجعك
هو حاط بباله اي بنت تكلم شاب هذي يحط عليها X يعني اقصد بالكلية وحتى لو الموضوع بخصوص الدراسة كان عندي مشروع جروب بنات واولاد و ما كان راضي بالنهاية وعدته ان ما رح اكلم اي من هالأولاد ومجرد ان اسمي معاهم و زميلتي بالجروب هي اللي كانت تقوللي سوي كذا وكذا وكانت تكلمهم بس انا ولا مرة والحمدلله الموضوع عدى على خير بس هالورطة اللي انا فيها الحين مالها حل ي اقدم يا 90% ارسب:(