الدراسة آم الوظيفة ..

انا رأيي لك .. اذا كانت الوظيفة سانحه لك .. توظفي اذا كان في بنك ترى دوامهم صحيح للعصر بس حلو مو كثير .. يعتبر معقول والصباح الجلسه مش بدري كثير يعني على الساعه 9 لازم تكونين بالدوام ..

وبالنسبه للغه ترى الوظايف تحسن من لغتك ..

وشوفي انتي نفسك اذا كنتي تطمحين لشهادة اعلى من الدبلوووم وحاسة نفسك قد الغربه وعذابها " ترى الغربة صعبه وايد"

توكلي على الله وشوفي مستقبلك ..

ولا تخافي ما تنخطبي اذا الله كاتب لك نصيب راح تاخذينة صدقيني البعثه ماراح تكون عائق ابدا ..

لو انا مكانج وفي مجال اتوظف خلاص اتوكل على الله ..

الله يوفقج يارب ويسهل لج دروبج ويرزقج الزوج الصالح عن قريب

شوفي طموحاتج

لو عندج طموح انج تدرسين وحابة هالشي شو المانع انج تكملين اذا كان الوالد راضي بهالشي خصوصا انه بيبعث برع وهالشي غيرج يتمناه

انا عن نفسي عندي دبلوم عالي ووقفت اللحين حوالي 6 شهور متخرجه وكل الوظايف اللي اتيني لبنوك لكن الوالد ماتعجبه شغله البنوك .... قالي قدمي ف وزارات اي مكان ثاني الا بنوك وبالفعل سويت هالشي لكن محد يرد علي

ف ندمت ليش ماكملت البكالريوس وانا كان عندي فرصه اكمل واللحين افكر اني ادخل كلية خاصه واخذ تخصصات ثانية اشغل نفسي باي شي لين ماربي يرزقني بالوظيفة اللي تناسبني

:lol::lol:بالعكس ابشرك لو ابتعثتي الف واحد بيخطبك
هالأيام المبتعثات سوقهم مااشي
وبخصوص حيرتك طبعا وبدون تفكير ارشح لك الدراسه لانها بترفع مستواك
وبتوفر لك وظيف احسن الف مره من البنك.
توكلي على الله واسمعي شورة ابوك وسافري ولا تخافي مافي غربه
العرب يا كثرهم هناك.
تحياتي

انا مع ام سلمى بكلامها كفت ووفت

عن نفسي انا مغتربه للدراسه

وماقدر اقارن تجربتي بتجربة غيري لاني عرفت ان بالنهايه لو انتي مصممه عالشي بتسوينه

اما الي يجون بدون اقتناع مايمشون او انهم مايكملون

وك بدايه حلوه فكرة دراسة اللغه لان الكورس بيكون قصير مثلا 6 شهور او سنه او حتى اقل حسب رغبتج وممكن تجربين ولو حبيتي تكملين تكملين بعدها

يعني تشوفين نفسج شلووون

وممم انصحج لو بتدرسين لغه روحي بريطانيا او امريكا

وامريكا احسن الصراحه من ناحية الشعب والرخص وتووفر كل شي اما استراليا ابدا مانصحج لان طريقة كلامهم مختلفه جدا جدا حسب علمي وبعدين شيوديج اخر الدنيا لوول احنا لندن ونحسها بعيده

اختي كل ما كان لج خبره زادت فرصتج في النجاح يعني درسي لين تملي لاحقه ع عواااار الراااس في الدواااااااااام بعدين اذا بغيتي تدرسين ما بتحصلي فرصه

انا رأيي طاوعي ابوج وكملي دراستج لان اهم شي بالدنيا الدراسة ودام ابوج بخير الله يخليه لكم حاولي ما تضيعين وقتج

وكل شي بعدين لاحقة عليه

انا من راي تسمعي كلام ابوكي لانه واضح انه فااهم ماشاء الله عليه بس اايد كلام دلوعة قطر روحي بريطانيا افضل بكثييير انا رحت بريطانيااا في عملية ابني والله كثيير عرب ومبتعثييين ماحسيت با الغربه ابد جلست 5 شهور غير الطبيعه والجو والتغيير موفقه حبيبتي

بصراحة عرض الوالد ما يتفوت وشي رائع وإذا انتي فكرتي فيها عدل راح تحسبيها عدل الغالية كل شيء يزول وفايدته مؤقته الا العلم يدوم معاج لين الممات ... الغالية ويمكن بالعلم تسوين شيء صالح يروح معاج لين ما بعد الممات ويمون صدقة جارية مثل ما قال عليه السلام علما نافعاً ينتفع به ...

الغالية ما في مثل العلم وانتي لو توظفتي راح تحسين بهذا الشيء ...لانك لو كل ما خذتي شهادة عالية كل ما كانت مكانتك الوظيفية اعلى ... وفكري فيها بالدراجات الوظيفية راح تعرفي عدل إذا اليوم البنك عطاكِ درجة مثلا السادسة او اي درجة كل فترة ما بين السنتين والثلاث تترقي درجة لكن الشهادة العالية راح تريحك وتختصر لك المشوار


العلم ما فيه مثلة والله اعلم واستخيري الله

وإذا على الزوج يا بنت الحلال النصيب فوق كل شيء وما تدرين يمكن نصيبج يرجع وياج من استراليا واحد من نفس بلدك مغترب للدراسة ... الغالية هذا موضوع بيد الله الزواج والبنت والولد والرزق والموت والروح كلها علمها عند الله العلي العظيم

العتب

ماشاء اتفكيير الله ابوووك من زيينه الابااااء لو انا بدوون تفكيير اساففر ..وصدقيني لمن تتوضفيين اب شهادة عالييا ومن برا كماان بجوونك خطاااب كلا ناااس هاي ومناصصب وربي يوفققج ويسعدج

صراحة اخذي على راي الوالد
الوظيفة يعني بتجيكي بتجيكي
بس الدراسة خلصيها ودام عنك طموح لان هذا الطموح يموت وتفوتين فرصة
وربي يوفقج يارب

الدراسة أهم

حبيبتي الغالية

الغربة صعبة في البداية بس بعدين عادي وانت بعد اخوك بيروح معك .

ثانيا انا مغتربة للدراسة واشجعك كل التشجيع على استكمال دراستك بكالريوس ماستر ودكتوراة ليش لا , ترا البنت والله ما ينفعها الا شهادتها , ومن قالك انك لو قررتي تجلسي وتشتغلي بيجيك زوج , يمكن محد يتقدملك وتظلي تفكري وبتشوفي السنين تمضي بسرعة تقولي يا ريتني كملت دراستي واستغليت هالوقت , انصحك بامريكا , او بريطانيا , بس استراليا بعيدة كثييييير , حدك تتعبي , بس بريطانيا وامريكا اقرب , وموفقة باذن الله

جزاكم الله كل خير وشجعتوني على الدراسة لكن يوم السبت بحدد لاني بشوف الوظيفة قبل وشي ..

الدراااااااااااااسه طبعا .. الفرصه جات ولين عندج ..

بالعكس اختي المفروض توافقين عالدراسة. يعني من يحصل لها اب متفهم ويشجع بنته تكمل دراستها وفي الخارج بعد حيث الفرص سانحة بصورة اكبر.

عزيزتي هالايام الدبلوم ما يجيب شي . يعني تشتغلين وتكدين وتتعبين على كم ريال وبعدين خلاااااص تجلسين في مكانك لا تتقدمين ولا تتأخرين في نفس الوظيفة لسنوات .

انا دارسة بكالوريوس وموظفة والحمد لله بسبب شهادتي حصلت وظيفة ممتازة وبراتب ممتاز ومكان يتمنى الكل يتوظف فيه ولو اني ما كملت دراستي كنت اللحين اما بالبيت اقص بصل او بوظيفة من الدرجة الدنيا .

الغربة الواحد يتحملها خاصة ان اخوكي معاج يعني بيكون لك سند وونيس وهناك راح تتعرفي على شعوب مختلفة وتتعلمي اللغة بأصولها وترجعين وانتي رافعة راسك .

اما الزواج لا تخافين الزواج قسمة ونصيب لان الله اذا كاتب لك تتزوجين شخص معين ما في شئ بالدنيا يمنع هذا .

صدقيني هذي فرصة ما تتعوض ابدا واذا خليتيها تضيع ما بترجع لك .