اللي تكره الصالونات وتحب تعتمد على نفسها تدخل((خاص ببنات الامارات))

أنا بعد أحط لنفسي ... ومن كمن يوم كنت سايره عرس اخت ربيعتي ... وربيعتي ماصدقت أنه روحي متمكيجه ... وقالت لي أكيييد أنتي رايحه صالون وأنا مامدح نفسي بس هذا كان كلامها ... وحتى والله مراات أتيني حالات وأقول مكياجي مابيغير من شكلي وفي الصالون بيغيروني >>> إلا بيخسفون بي ... وأسير الصالون...:o


لكن الحين خلاص روحي بتمكيج ... حصلت حد يشجعني ...

حبيبتي في اعتقادي انه مافي احسن من الوحده الي تعرف تعدل نفسها هي تعرف عيوب بشرتها وعلاجها في نفس الوقت ومثل ماقلتي الكريم اساس الي يحطونه نفسة الي يحطة كاسبر والمكياج تنغرين بصورهم وبعدين يحطولج غير ولما تقولين لهم ليش قالولج والله الخبيرة مسافرة ولاهذا مكياج عرايس ونت ماطلبته:down:

مرحبا خواتي أنا حبيت أشارك معاكم وأنشاء الله نفيد ونستفيد


أختي أنا انصحج أن كانت المناسبة مهمة وايد يعني مثل عرس أختج أو أخوج أنج تروحين لصالون موثوق فية أو أي وحدة عندها خبرة في المكياج ويا كثرهم ها الأيام بس تكون معروفة زين وأما بالنسبة لصالون مورا أنا أنصحكم نصيحة أنكم ما تسيرون عندها لأن اللي كانوا يسون أحلى مكياج عندها راحوا :eek2: ولا تجازفون بعماركم والله يوفق الجميع :smile:


تحياتي

انا انصحك انك تتمكيجين بروحك و تتفنين بالمكياج و كذا انتي بتكونين واثقه من نفسك اخذيها نصيحه مني انا مره وحده بس تمكيجت عند خبيره تجميل حق خطوبه اخوي و تحسفت قد شعر راسي و حلف اني ما اتمكيج عند اي احد ثاني

فتمكيجي بروحك افضل و قولي لنا النتايج و الف مبروك و عقبالك

انا من فترة تقريبا سنتين كنت اجرب روحي و اسوي بروفات و الحين اعرف احط لي مكياج حلو و الحين في اي ملجة او عرس اسيرهم احط مكياجي روحي في البيت ما عدا اذا كان عرس اختي او عمتي او بنات اعمامي يعني الحالة تختلف شوي و لاني ابغي اكون سبيشل بينهم...

السلام عليكم ورحمة
هلا اختي
وانا وياج اعتمدي على نفسج مادام عارفة شو اللي يناسبج
اغلب الصالونات يسووون لج مكياج عكس ما تبينه
وانا بقولج عن تجربتي
في ملجة اختي الصغيرة اعتمدت على نفسي
واتمكيجت بنفسي
لان احب المكياج هادىء .......
وواوف عالصالونات يبهدلونج

يالله انت جربي ومب لازم اتقولين وين اتمكيجتي

يالله يا بنات اعتمدو على نفسكم ...... وعشااان اتروووح موضة الصالونات

وكل بنت تعتمد على نفسها في كل حتي في المكياج

واهم اهم اهم شي انج انتي اتكونين راضية عن شكلج كيف يكون وكيف تبين تظهرين :up: