تجمع السابع والاخير ان شاء الله للحوامل شهر ديسمبر

أم الحلووو;10859599:

انشالله
انا الحين بقوم اسبح

بنات قولولي شنو اقدر اشرب عشان يحمى الطلق

ام نبراسي;10859613:
لا حبيبتي لاتخافين ان شاء الله بتولدين هل يومين شوفي انتي حسبي بعد موعدج اذا ماولدتي بأسبوع بيسون لج صناعي يعني مااعتقد تدخلين شهر واحد:)ربي يسهل عليج وتقومين بالسلامه انتي والبيبي

أم الحلووو;10859599:

انشالله
انا الحين بقوم اسبح

بنات قولولي شنو اقدر اشرب عشان يحمى الطلق

عروس فريجهم;10859633:

اي يقولون الحمام الدافي يحمي الطلق

وتبخري بعود لبسي مشمر صلاة وشيلي ثيابج وتبخري عشان اذا الرحم متوسع يتوسع اكثر
وسوي لج حليب بالهيل والسمسم والزعفران
واقري سورة الزلزلة كذا مرة مجربة تره وتسهل وايد
وحاولي تتمشين وسوي تمارين كيجل
واكلي تمر ولاتنسين تمارين التنفس تره وايد تساعد
وان شاءالله ياربي كون طلق وربي يسهل عليج
ولاتنسينه من الدعاء
::

والله شوي واصيح مادري ليش
احس روحي ذبلت وضعفت خلاص
وحتى لو ياني طلق مابقدر اسوي ولا شي
والله يسمع منج يارب

::

عروس فريجهم;10859642:

سعوده فديتج يام قلب طيوب

والله وحشتيني كل يوم اصبح عليج
اول وحده
ان شاءالله ربي يسهل عليج امورج ويحفظج انتي والبيبي

::

الأم الحنون العطوف;10856890:
مرحبا بنااااااااااااااااااااات اني ولدت صار لي اسبوعين تقريبا وذابحني السيم وااااااااااااي دعواتكم ماقدر اطول معاكم

سعاد سالم;10857180:
اممممم قلبي مش مطمن من ناحيه زهوره ورؤى:cool:

وام نبراسي ما دخلت من ساعتها:cool:

خير خير ان شالله نسمع اخبار حلوة اليوم:rolleyes:

أم الحلووو;10857541:

بنات انا للحين مافي اي بوادر ولاده

بس اليوم احس بتيبس ببطني كل شوي ويروح ويرد يرجع

وتعبت من روحت المستشفى كل يوم الى التخطيط

عروس فريجهم;10859157:

ياحلوين انه خايفه اولد شهر 1

مابي اصير من تجمع يناير
ادعو لي

::

عروس فريجهم;10859176:
امس رحت مستشفى المحرق للولادة عشان اتطمن على ولدي بعد جبدي
واعرف شنو اللي كان نازل علي
رحت وطيت الجري طلعت لي النرس
وعطيته البطاقه وقلت لها قصتي اني كنت مرقده وكانو حاطين علي طلق صناعي
قالت لي ييبي اوراقج مال الرخصه
عطيتها الاوراق وقالت دشي بنسوي لج تخطيط وبعدين بنادي الدكتورة تكشف عليج
قلت لها من الدكتورة جان تقولي الروسية وجان اشهق شهقه قلت لها خلاص مافيني شي ابي ارجع البيت
قامت تضحك تقولي لي هالدرجة مرعبة
وانه اللي اسمعه دايما عنها انها عصبية ودفشة وتحب تشقق الاوادم
المهم قالت مايصير وتوكلت على
عاد على مايخلص التخطيط كانو يقرون التقارير مالي مال السلمانية واجوفهم يضحكون عاد ليش ماادري
بس فهمت شي واحد انهم كانو يقولون جوفو من متى كانو برقدونها وجوفو متى رقدوها
خلص التخطيط وقالت كل شي اوكي ومافي طلق
يات الدكتورة وانه قلبي جريب بيوقف احس روحي تصخنت
قالت بتكشف علي وكانت مكشرة ماتبتسم ولا شي وانه ولا فتحت بوزي بكلمه
المهم كشفت علي قالت هذي افرازات عاديه بما ان راس الياهل قاعد يضغط على الحوض
بس انه استغربت لانه شكلها مو مثل الافرازات اللي كانت تنزل علي قبل
وصدمتني قالت ان الرحم مصكوك
فسالت البحرينية اشلون مصكوك وانه في السلمانية قايلين لي ان الرحم مفتوح 1 قامت تضحك تقول مادري
سالتها اذا انفتح يعني يرد ينصك
قالت لاوالله خصوصا ان البجر اذا انفتح مايرد ينصك

اهني عرفت ان السلمانية جذاذيب كانو يبون يلعبون فيني بس
وبعدين قالت لي نطري لي الاحد الياي اذا ماولدتي روحي السلمانية
وخذت مني عينات
وقالت لي تعالي يومين في الاسبوع حق تخطيط
ورجعت البيت خايبه قلت مدام الرحم مصكوك يعني لا 21 ولا 23 بولد

::

عروس فريجهم;10859203:

اذا تحرك الياهل وايد يعني الولادة بتكون متاخره ؟

امي كله تقولي اذا يتحرك ماخفت حركته يعني تو الناس عليه
بس انه احس حركته وايد خفت عن قبل

؟؟؟

عروس فريجهم;10859182:

ابي اعرف نزول البطن يعني جريب الولادة ولا مو شرط ؟

عروس فريجهم;10859189:

1 _ يصير ان الطلق ايي فجاة وفي اثنار الطلق ينفتح الرحم ولا قبل ولاعقب ولا شسالفه ؟

2 _ هل طريقة النو ميكون لها تاثير في استقرار وضع الياهل يعني في الحوض وثبات راسه ؟

أم الحلووو;10859494:

بنات فيني الم يروح ويرد صار له اربع ساعات تقريباًً

انشالله يكون طلق

بس الالم مو قوي واجد

عروس فريجهم;10859518:

ادعو حق ام يسوري الله يسهل عليها

ان شاءالله اليوم بيبتدون معاها الطلق الصناعي
امس اتصلت لي وكلش خايفه وتصيح
ان شاءالله ياربي تقوم بالسلامه

::