حبيباتي والله فديتكم كلكم حاسه فيييييكم
الله يسهل لكم و تربون بسرعه...و تشوفون الكتكوت في حضنكم....
حطوا في بالكم كله باجره عند رب العالمييييين
كل يوم ادخل اطمن واطلع :)
الله يسهل عليكم
GIRL_U;10842006:
صباح الورد حوامل شو الاخبار
GIRL_U;10842028:
صباح الورد
ان شاء الله تولدين وتشوفين حبيب قلبج :)
فى أمان الله
GIRL_U;10842041:
ماعليج راح تولدين بأذن الله تعالى ولا تحاتين وتفكرين الغالية وايد..
من فترة حسيت نفس احساسج وما قدرت استحمل رحت الطوارىء وقالو مافى شىء يمكن الياهل لما بدى يدخل الحوض تحسين جية وتعالى الموعد رحت والحمدلله طمنونى عنة :p
انتى انسى وعيشى ايامج وراح اى يوم الولادة بأذن الله تعالى
والله يسهل عليج وعلينا يارب العالميييين
فى أمان الله
صباح الورد
والله يسمع منج يارب
وانه بعد شوي رايحه المستشفى اتطمن
::
بنات انه صار لي جم يوم
احس بالم في ظهري وينتقل لي الحوض
وبطني يتيبس
ومن اتحرك يمزل علي سائل ماادري شنو ذي بالضبط
احس نفس دم الدورة وانتو بكرامه اذا ينزل
اليوم صارت بقع على سريري وفي ثيابي
ماادري هل هالشي طبيعي
ياريت وحده تريحني
::
شخباركم حبيباتي وحشتووني عساكم طيبين وعسى بيبياتكم بخير عسوله ومخرخشه وغارت الحور الحمد لله على سلامتكم
وسلامة بيبياتكم ويتربون بعزكم إن شاء الله وربي يسهل على البقية وقومهم بالسلامة
قصة ولادتي بريحانتي توتي ::..آية ..::
كنت يوم الخميس مجتهده بزود في المشي والتسوق يعني مكثره ذاك اليوم وليلة الجمعة كنت بيت الوالد وكان التعب مبتدي وكان تعب حمل ومن المشي والتسوق ما توقعت أن ينقلب لي بالفجر طلق والحمد لله أن كانت أختي تقول لي شكلج تألميني ليكون جاج الطلق أقول لها لا ما فيني شي وهي تشوفني تعبانه قالت لي خلي بنتج ويانه تنام الليلة قلت لها اذا ما صاحت بخليها وكانت أول متقبله ونامت ذيك الليلة معاهم وأنا رحت للبيتنا وما توقعت ألم الطلق يقعدني من النوم كانه حلم أني أتألم وما قعدت إلا الحلم صار واقع أنا أتألم وأنا راقده كان الساعة أربع الفجر وصار يجيني كل عشر دقائق وكل شوي ورايحه تكرمون الحمام صح زوجي علي وقال شفيج قلت له شكله مبتدي علي الطلق لأني تبخرت وزاد وقمت اشرب ماء الورد وزعفران وماي مقري عليه آيات تسهيل الولادة وقام يجيني كل خمس دقائق وأذن آذان الفجر وتوضأت وقمت للصلاة وبعدين أخذت القرآن وقرأت سورة مريم والإنشقاق والزلزلة والفتح ويس وقرأت أدعية تسهيل الولادة وحملت السبحة وأنا على السرير والوجع يجيني وأنا أستغفر وأسبح وأصلي على النبي وأسمع بعد الآذان أدعية يوم الجمعة بالمسجد اللي جنبنا أنزين زوجي يبي يروح الشغل وتأخر في هذا اليوم عن الشغل لي ساعة تسع ونص الصبح وأنا مع الوجع يروح ويجي المهم قال لي تبيني اوديج بيت أبوج قلت ليه لااا أمي تخاف خلني بالبيت وبتصل بأختي تجيني وتصلت فيها وقلت لها ترى أني فيني طلق ولادة وقالت بتسوي لهم ريوق وبتجيني وجتني على الساعة عشر وضلت معاي تسخن لي ماء الورد والزعفران وأنا أشرب وشوي تبخرت بالبن وأنا الألم يروح ويجي كل خمس دقائق وكل شوي يتغير مره كل خمس مره كل عشر طلق بنتي هذي كان غير بارد عن بنتي الأولى المهم قمت وتبخرت بخور العود وكل شوي تسخن لي الماي الورد والزعفران والماي المقري عليه آيات تسهيل الولادة وحليب وزعفران يمكن حوالي ست كوب من هالمشروبات وبعدين قلت لها تدرين خل نطلع نتمشى علشان نحمي الطلق وصلينا صلاة الظهر وطلعنا نتمشى وكنت مو ما كله شي مو طايقه شي من الوجع وعصافير بطني توصوص كنت متبخره قبل لااطلع ومشيت وزاد الألم وأنا أمشي رجعنا البيت خف علي أقول لأختي شسوي شلون صاير ألم الطلق هالمره غير الظاهر البنت ما تبي تطلع المهم رجعنا وأمي كانت تتابعنا بالتيلفون غصب عنها دريت أني فيني الطلق لأنه بنتي عندهم وكان يوم الجمعة وأنا أكون بيت الوالد واتصل زوجي يسأل عن بنتي وخبرهم أني تعبانه وياي أختي بالبيت
تابعنا بالتلفون وتقول لأختي سوي كذا وكذا المهم آخر كوبه كانت قرفه وتبخرت بالبن وأحس شي يضغط تحت فخافت أختي تقول لي اتصل فيه لأني ما اعرف لا تولدين علينا قلت لها هو يجي وروح اذا يجيني احس أنها تدفع وأمي خافت تقول من الساعه اربع الفجر وأنا أتألم قوموا اخذوها المستشفى وأنا لا نزل علي ماي ولا دم وقمت اتصلت في الزوج الساعه ثلاث ونص الظهر وجا لنا على الساعه اربع صرنا في طوارىء
ودخلت وكشفت علي وقالت لهم ثلاثه سانتي وحطوا علي لا التخطيط واخذوه للدكتوره وأنا على السرير جت لي ممرضة بحرينيه وقالت لي أنت في وين ساكنه قلت لها في جدعلي قالت لأنه ما في مكان هنا بنقلج جدحفص قلت لها ما ابي اروح جدحفص تقول ما في مكان وكانت يمي فلبينيه جت بعدي لبسوها وارسلوها للولادة أقول لها للفلبينيات في مكان حنا مالنا مكان قام زوجي وأختي يحاولون معاهم هم يقولون ما في مجال
ودخلوني على الدكتوره اللي ماعندها أخلاق والله أنا دخلت ومريضه داخل على السرير تنتظر تفحصها وهي جالسه تسولف مع وحده على الصالون وتبي تغير من ستايلها والله متفرغه بعدين دخلت فحصت المريضه إلا تقول لي بعد ما تطلع المريضه دخلي وتجهزي للفحص تفحص بدون نفس قامت تفحصني الا تقول لي متبخره قلت لها أي إلا تقول من جديه توسعتي تقول لي أربعه سانتي الحين المهم طلعت وقالوا لي ارجعي لمكانج وعلى المكان مو محصلين لي يقولون يبون يرسلوني جدحفص ولازم أسعاف يرسلني وأنا جالسه بعد مو نايمه على السرير من زود الوضع اللي صاير والله انقهرت الأجانب لهم مكان وحنا وطنا مالنا مكان تقول لزوجي الممرضه حنا ما نقدر نجبرها تروح جدحفص تبي تقعد هي وجانسها اذا فضت غرفه نوديها إلا يقول لها وأذا جتها حالة ولادة تقول ليه بكل برود نولدها هنا في الممر تخيلووووالله أختي جتها الصيحه علي على السرير أنا قاعده ومالي مكان المهم خافوا علي يصير فيني شي وأنا مالي مكان بعد كل واحد يغار على عرضه يولدوني في الممر شهالفوضى المهم وافقنا على جدحفص وبما أني مفتوحه أربعة سانتي ما يصير ينقلوني بسيارتنا الخاصة لازم الأسعاف وممرضة معاي المهم جت الساعه خمس وأنا بالطوارىء جت الممرضة هندية وقالت لي يالله قومي بدلي ولبسوني من الطوارىء وجابوا لي سرير الأسعاف اللي لا يروايكم كانه قبر ضيق وربطوني بالحزام وجا بحريني وفلبيني يمشوني فشيله الكل يطالعني اللي بطوارىء ونفتح الباب وزوجي يطالعني والدموع بعيونه أول مره اركب أسعاف :sick:
يقول لهم اشوي اشوي عليها إلا البحريني يتطنز علي يقول حنا نشيل
أجبال مو هي ولا شي المهم دخلوني الأسعاف وياي الممرضة كل شوي تقول في ألم أقول لها إي لانه من قامو يدخلون يدهم يفحصوني زيدوا
الألم وصلنا مستشفى جدحفص سلمت أمري إلى الله قلت الخيره في مختاره الله كنت أقول له شي يوديني جدحفص جمعي وكل وحده تسمع الثانية أنا أخاف فقال لها ما في غرف بروحهم اتصلوا من الطوارىء للجدحفص وقالوا في غرفه يعني مفرد المهم وصلنا مستشفى جدحفص على الساعة ست إلا عشر دقائق أذكر الدقيقة والثانية اللي عشتها بذاك اليوم ودخلوني والكل يطالعني تخيلووو أنواع الاحراج اللي ينتظر اللي بولدونواللي مرضى حوامل وأنا مدخليني منحرجه من الوضع ودخلوني والله لا يراويكم الغرفه تقولين مغيسل ميتين ضيقه وااايد والسرير بوسط الغرفه ومحصور بالجدران تخرع الغرفه وين اللي ولدت فيها بالسلمانية بنتي نواره وين هالغرفه كنت خايفه من مستشفى جدحفص بس القدر أني أولد بجدحفص المهم ألف وحده تحووس تحت والله احراج السلمانيه اللي ولدتني بس تكشف علي وهي اللي ولدتني وخيطتني وهني ألف وحده تحوووس تقول لي نزل عليج شي قلت لها لا إلا تقول تبين افتح لج كيس الماي قلت لها أي لانه بنتي بعد فتحوا لي ولدت بالسرعة بس هالمره تعذبت بهالولادة غير الخوف الارباك اللي جاني نقل من مستشفى
إلى مستشفى وأنا فيني آلالام الولادة تخيلوووا يعني الوضع المهم قالت لهم جيبوا مدري شسمونه دخلت اول يدها وقالت ما يحتاج الظاهر فتحته بيدها وحسيت شي ينزل بكثره هو كيس الماي انفتح قالت ما يحتاج تدخل لي اللي مدري شسمونه اللمهم والتخطيط على بطني والمغذي بإيدي وبعدين تجي وتقول التخطيط كله قراءته خطأ نحط لج تخطيط تحت قلت ولي اليوم يومي اشياء ما شفتها بولادتي الأولى أنواع العذاب والخوف وحطت تحته وشوي جت وضربتني ابر بورجي وأنا أنتظر
وشوي حطت لي شي بالمغذي يحمي الطلق ولا وحده تجلس معاج أنا أتألم ولا يفتكرون تعالوا لي لا حياة لمن تنادي مخليني بالقبر ولا مفتكرين انا قمت اصيح على بنتي تذكرتها وأنا بهالحال قلت الظاهر اليوم بموت بهذا المستشفى وجت لي الا تقول في ألم يزيد قلت لها إي تقول تحسي شي بيطلع قلت لها إي جت تشيك تقول إي توسعتي تسعه عصري دفعي وانا أحاول معاهم بس الأبر والتعب واللي صار وياي مضعفني قالت لي
ارتاحي موصله تسعه ارتاح شناوين علي بموووت المهم الا جايه الممرضه الهندية تقول صير على جنب وبعد أبر أقول لها ما إبي إبر تقول علشان ترتاحي ويجي البيبي أقول لها إبي أولد ليش تنيمني ذبحتني بالأبر وربي مت شوي وأنا أدووخ من الأبر بس مكابره ما أبي أنام والألم يجي ورووح النوم والتعب وكل شي مسيطر علي ولمن جانيالألم عدل وزاد الطلق خلاص بولد ما فيني طلق يقولون لي الراس بين خلاص عصري يالله وأنا مو قادره ذبحوني لمن جا الطلق سلبوووا قوتي بالأبر خذروني مقدرت أدفع بتطلع بنتي بدون ما يشقوني لأنه صغيرونه كيلوين بس ما قدرت أدفع ضعفت فضطروا يشقوني علشان لا يصير شي في البيبي شقوني وقالوا دفعي وقمت أحاول وإلا وأنا أدفع وطلعت إلى النور إبنتي وجاني بعد ما طلعت نزيف أنواع الرعب الكل جا لي الغرفة خافوا تخيلوا أنا والدة الساعة 8و38 مساءاٍ وماقالوا لهم إلا الساعة تسع لأني نزفت وانشغلوا معاي الممرضات والدكاترة وياي خافوا نزفت وايد وحسيت بدوخه تجي لي الدكتورة تقول لي تسمعيني خذي هذي الحبة وحطيها تحت لسانج وخليها ذوب لحالها علشان يوقف النزيف وحده تدلكني بطني وحدها يدها تحت تطلع الأوساخ وتشوف النزيف ألف وحده تدخل يدها تحت عذاب وربي وبعدين الحمد لله أن وقف قالت لي لا تخافي وقف المهم جا وقت لخياط أقول لهم وايد تقول لا مو وايد خياط وحسيت بكل غرزه أقول لها ما خلصتي تقول بعدي باقي ثلاث عذااب ثاني لخياط وضلوا كل شوي شيكوني من تحت علشان النزيف وقالوا لي أكلي كل شي فيه حديد علشان أنج فقدتي وايد دم وبعدين جابوا لي السرير علشان يطلعوني لأهلي لأن أمي ماتت معاي تقول كلما نسأل يقولون بعدها خمس سانتي لأني لمن وصلت مستشفى جدحفص وفحصوني انفتحت سانتي واحد عن الطوارىء وطلعوني لزوجي وأخواتي وماكانوا يدورن أني جاني نزيف وشافوا وقت الولادة يقولون علشان جديه ما خبرونا بوقت الولادة المهم شهالسرير اللي ولودوني عليه مو مثل السلمانية بوقت الولادة ينفصل لا هذي عادي تعبت بالولادة وهلكت الشي الحلو أني حصلت لي غرفة خاصة على كل هالتعب لأن جدحفصغرفهم تقولوين غرف هنود كل خمس بغرفه وحمام مشترك ارتحت بالخاص وااايد وخصوصاً أن غرفتي حلوه وشروحه بس هذا اللي ارتحت منه حتى كل من جا لي قال لي غرفتج حلوه ولحين أتالم من الأبر اللي بالورج تجيني ألم من فوق إلا تحت غير أنهم صاروا لي بنفسجيين وهذي كل قصة ولادتي والحمد لله على كل حال وربي يسهل عليكم ويجعل ولادتكم أسهل من ولادتي ولا تفكرون نسيتكم دعيت لكم كلكم وأنا بالطلق على السرير الله يقومكم بالسلامة
سعاد سالم;10843132:
علامات ولاده يا قلبي قربت كتيييييير ان شالله:thumbs_up:
امس نفسي اجت على الحليب بالزعفران والهيل متلك:o رحت سويت وشربت وعاااااااااا طول الليل الم متل الدوره حكيت بس افيق باورجيك8o|:worn_out:
هههههههههههه
انه مالي خص
انتي صار خاطرج فيه
اليوم سوي لج بالسمسم والهيل والزعفران :p
::
شمس الهيام
قصتج تعور القلب
الحمدلله عدت على خير
والف الحمدلله على سلامتكم
::