تجمع السابع والاخير ان شاء الله للحوامل شهر ديسمبر

(أميرة الفهد);10787637:
السلام عليكم ورحمة الله

كيفكم ياحلويين

بليييييييييز يابنات
اللي تعرف احد من رجال الاعمال او التاجرات او اهل الخير تراسلني على الخاص

((اعرف رجل مسن وزوجته من مكه وماعندهم اولاد يبغون يبنون بيتهم الشعبي مايقدرون وهم الان مستاجرين ومهددين بالطرد او رفع الايجار
وراتبه 1725 ريال
حاول ياخذ قرض من البنوك مايعطونه لانه كبير عمره 75 سنه وراتبه قليل

الله يسعدكم اللي تعرف اصحاب الايادي البيضاء تراسلني على الخاص

والدال على الخير كفاااااعله

وجزاكم الله خير

زهرة السعادة;10788126:

ان شاء الله يا رب
ها خبرينا .. طاح مطر عندكم لو لا ؟؟

بامان الكريم F:

زهرة السعادة;10788755:

امس كان موعدي

و كنت مو طايقة اروح الموعد
بس زوجي ما رضى و قال لازم تروحين
رحت و انا متوقعة ان الامور تكون نفس كل مرة
عطيت الكاتبة كرتي و نادتني اخذ ملفي للممرضة
و الممرضة جيكت البول ووزني زاد و ضغطي اوكى
و ما جيكت دمي لانه اخر مرة كان 11 فقلت لها احسن :thumbs_up:
كملت و ظليت انتظر الدكتورة و انا حدي متمللة من الوضع:-#
وانا انتظر سمعت صوت دكتورة غير لكن قلت يمكن نفس الشي:-#
و بعد مدة نادتني الدكتورة و كانت صدق دكتورة غير :I:
قلت في نفسي يمكن يصير اليوم شي غير ;)
دخلت و سالتني شخباري و شخبار حركة البيبي قلت لها الحمد لله
قلت لي انبطحي على السرير .. رحت و انبطحت :rolleyes:
و برهوم ما شاء الله عليه كان شاد بطني شد فظيع :adore:
فلما جافت دبتي قالت ما شاء الله .. اتحسين بالشد :I:
و قامت تلمس بطني و تجوف وضع الراس
فسالتها اذا كان الراس تحت قالت لي اي تحت :thumbs_up:
و رفعت ثيابي و كنت بقوم من على السرير :badly:
الا اتقول لي الدكتورة وين ^o) اصبري بنجوف الدقات :cool:
كنت متعودة ذيك بس تلمس بطني و تقومني :(
بس استانست حدي انها جيكت دقات القلب للبيبي :adore:
و قالت ما شاء الله دقاته طبيعية و ممتازة :thumbs_up:
الدكتورة واجد شدها شكل بطني :lol:
قالت لي خل اجوف اي قد نازل الراس :D
و ردت لمست بطني مرة ثانية فقلت لها ثبت راسه بحوض ;)
الا اتقول لي اي نازل و ما بقى عليه الا شوي :thumbs_up:
و ولادتج ترها قريب :adore::D:adore:
انا حد حدي استانست و تشققت من الوناسة :D
فقلت لها شاسوي عشان اقرب الموعد اكثر و اكثر :o
قالت لي اشربي ماي واجد و امشي واجد :thumbs_up:
قلت لها انزين بالنسبة للامساك شنو اكل :study:
قالت لي اكلي عنب و اكلي برتقال مع شوية سكر :celebrate:
و قامت حولتي على السلمانية لانه الاسبوع الجاي اكون 39+
وعطتني موعد يوم الاثنين الجاي عشان اراجع اهناك احسن:thumbs_up:

و عطتني اجازة و طلعت و انا بموت من الوناسة :lol:

و غارت الحور;10788939:

زهورة

الحمدلله طمنتينا عليكي عاد انا قلت خلاص ولدت :adore: زين سويتي مشيتي و اكلتي اناناس انا بعد امس شربت عصير اناناس مع جوافة و لا كاني سويت شي أحس نفسي غريبة ماشي يأثر فيني لييييييييييييييييييييييييييش؟؟؟؟؟؟؟؟؟؟؟ وحدة اعرفها تقولي شربي بردقوش و عطول ع المستشفى و الله شربته و عطول ع السرير نوم و وحدة ثانية تقولي مالك الا حليب الزعفران قمت سويتلي حليب بالزعفران قام البيبي استانس عليه اكثر و تم يتحرك ويرفس بزيادة خخخخخخخخخخخخخخخ ;)

عروس فريجهم;10788984:

امس الضحى رحت اتمشى مع زوجي في انصار غاليري

وحسيت بالالام في ظهري وبطني وحوضي
وريولي تكسرت
رجعت البيت ريحت وبعدين المغرب رحت بيت ابوي
كنت كل ماامشي احس بدفعه تحت والم وينزل علي ماي خفيف
تعتقدون شنو ذي
ياريت تفيدوني خصوصا بحرينية عسل لانه ماشاءالله عليج عندج خبرة

::

ام نبراسي;10794906:
حبايبي حبيت اخبركم وتطمنوا عليي اني للحين ماولديت بس هل تقلصات اللي ياتني هذي نتيجه صغر المكان في بطني على البيبي والمشيمتين فأخر شي قالولي المستشفى احنه قلنا لج انج للشهر التاسع وايد بتعبين والبيبي ماتتحمل التعب بس الحين خلاص مافي فايده بس طلع ت عندي اعراض ولاده وهذا ي طبيعي وكانوا يبون يرقدوني عندهم بس انه ماوافقت لان ماابيهم يلعبون فيني وقت ماالله كتب بتنزل وربي بيتكفل بتسهيل ولادتي وبيقومنا بالسلامه انه والبيبي وقالت لي الدكتوره لاتمشين علشان ماتعبين روحج اكثر وانه خلاص سلمت امري لرب العالمين

و غارت الحور;10795073:
بنات حبيت أبشركم اني أعتقد انه فيني بوادر طلق من الساعة 1 تقريبا و الحين قاعد يزيد و سويت لي حليب بالقرفة و القرنفل عشان اذا طلق فعلا يزيد و زوجي بالدوام هالحين و ان شاالله لما يرجع يكون الطلق زاد و بسير المستشفى اذا ولادة بخلي اختي ان شاالله تبشركم و اذا لا بتلاقوني بالتجمع مثل العفاريت :I::I: ادعولي الله ييسرها علي يا بنات و ما اتأخر بالولادة

مخرخشة;10804591:
بنات شفييييييييكم كلكم ولدتوا الظاهر :!!: ..


عسووووووووولة إن شاء الله ولدتي :D ..


حوووووووووووور إن شاء الله ولدتي :hysterical: ..


أحلام أنثى إن شاء الله ولدتي :biggrin: ..

الأم الحنون العطوف إن شاء الله ولدتي :thumbs_up:..


عروس فريجهم الله يسهل عليج وتولدين :) ..


أم يسوور الله يسهل عليج يارب ;) ..


أم نبراسي وزهورة الله يسهل عليكم وعلي يااااارب :adore: ..

سعوووودة آخر موعد إنتي :p الله يسهل عليج ياااارب ..


والله يسهل على الجميع ياااارب ..