تجمع السابع والاخير ان شاء الله للحوامل شهر ديسمبر

بناااااااااات شفيكم تعايرتوا على آخر أياااااامكم :-o..
محد بدخل؟؟؟؟؟؟؟
بقول لكم عن اليوم..
قعدت الصبح ورحت المستشفى وقلت على الله دخلوني لو لا بما أن ماعندي موعد وأنا من دخلت التاسع للحين ولا مرة رحت ..
المهم رحت وقلت للكاتبة وطبعاً لازم تطريشات وأخلاق زفتة ..
رحت للقابلة وقلت لها السالفة إلا تقول لي قولي للكاتبة:woo: ..
قلت الكاتبة مطرشتني :| ..
رديت رحت لها وقالت لي أن اللي عند الدكتورة فووول:worn_out: ..
والحين يعني ؟؟؟
والقابلة ما شاء الله عليها وايد طيبة وقالت للكاتبة خليها وش عاد وراحت هي بنفسها طلعت فايلي جزاها الله ألف خير ..
ورحت أخذت الوزن والضغط والبول تقول لي وينه ؟؟
قلت لها مايحتاج إلا تقول لي لاااا لازم تجيبي قلت لها كتبي لا يوجد إلا تقول ما أدخل فايلج إلا لما تجيبي :confused: ..
رحت الله يعزكم الحمام مافيه كلينكس ولا صابون ررحت السيارة جبت لي ووديت لها وطلع نيل مثل العادة ..
وقعدت انتظر ..
إلا اسمي ينادونه :!!: ياعجب الله شصااااااااااير ما أدري ,, الظاهر بالغلط .. رحت للدكتتورة قالت لي أروح ع السرير وجت لي بتسمع النبض .. وتسوي بالجهاز مب راضي والبطارية مخلصه تشتغل ع الآخر:hysterical: خوش مستشفى والله :worn_out:..
وبس حتى ماقاست ولا شافت الراس تحت مو تحت ولا مهتمة .. قمت قلت بشوف بسألها ..
سألتها شوو ماقلتي لي البيبي نزل وإلا للحين ؟؟
:!!: صارت عيونها جي :!!: ..
وسكتت لبرهة << بالفصحة :D
وقالت هااا لااا مانزل للحين :confused: إنتي أصلاً حتى ماتكرمتي وخليتي يدج فوق بطني شلون عرفتي ؟؟؟؟؟؟؟>>> أقول في داخلي ..
قلت لها أمممم زين الله يسهل :woo:..
وبس طلعت ..
وقلت بروح للدراسة .. والله ساااااااااااعة أنا في الطريق من الزحمة حتى النومة جتني ونمت وأنا أسووووق خخخخخخخخخ :sleep:..
ومالحقت إلا على محاضرة وحدة فقط ورجعت أخذت بنتي من الورطة على قولتها :lol: وفرررررحت مررررة .. ورجعت البيت .. وبسسسسسسس
قلت قصة حياتي لااااااا هههههههههههه:D
سامحوني أفضفض شوي عن خاطري ..
وبما أن ما في أحد يكتب هني غيري ..:hysterical:

انه مو ساكته عن روحي والله
وان شاءالله اليوم بروح
والله يسلمج انتي وابراهيم

بقولكم سالفتي من الالف لي الياء وانتو شورور علي
طبعا اللي تابعني في التجمع اللي قبل اني اخر مرة رحت الفاتح بعد ماحولوني عليه و كان تاريخ 22/11
وقالو لي لازم تترقدين لانه في خطر عليج وعلى الجنين بما ان عندج التهابات فمن الممكن انها ترتفع له فوق وافقت خوفا هلى سلامة ولدي بس قالو لي رجعي وبنتصل لج على مانحصل سرير طبعا انتظرت طول اليوم محد رد علي ويوم وره محد ماعطني ويه ويه العيد وسكرو
رحت لهم ترايخ 2/12 على اساس اني باخذ الفايل وبتابع في المركز بحكم اني ماتابعت لمدة اسبوعين تقريبا
رحت الفاتح قالو لي ودينه فايلج عند طوارئ السلمانية رحت انه وزوجي الا الفايل عندهم ولما سالناهم ليش مااتصلتو لنه محد رد علينه وحطو الغلط علينه انه احنه ماراجعنهم قلت لهم شلون نراجعكم وانتو صاكين ايام العيد فسكتو
المهم قالو مانقدر نعطيج الفايل الا لما تجوفج الدكتورة
دخلت ع الدكتورة وكانت مصرية الا تقول بكشف عليج ابوز البطه قلت لها لا مابي عصبت وقالت حق النرس جيكوها
دخلت جيكو ضغطي والحرارة والبول وكل شي كان اوكي
وجيكو اذا كان ماي ياهل وطلع مو ماي ياهل بس اصرو اني ارتقد
ودوني فوق وياني الدكتور عبدالله والدكتورة صفاء يوم ثاني
قالو لي الماي على الجنين اوكي بس شكله عندج فتحه في المشيمه وخطر ترتفع لها الالتهابات فاحنه بنسوي لج تلفزيون اذا كان حجم الياهل طبيعي وكل شي اوكي بنولدج لانه وايد خطر هالشي
طلع كل شي اوكي ونسبة الماي وايد زينه ووزن بعد قلبي 3 ومية
تناقشت مع زوجي واهلي وقالولي توكلي على الله
يوم الجمعه يات لي الدكتورة وقالت لي من اليوم بنبتدي معاج اول كورس واهوه كل 6 ساعات تحميله لمدة 3 ايام اذا مااصار عندج طلق بنوقف من 24الى 48 ساعه وبنبتدي معاج كورس ثاني
حطت لي اول تحميلة يوم الجمعه الساعه 10 وقعدت انطر طول اليوم محد يالي ولا شي
يوم السبت يات الدكتورة سالتها امي ليش ماحطيتو لها الا وحده الاتقول اي هذي بس حق ترطيب وتليين الرحم اليوم بنحط لها وحده
حطت لي الساعه 9 وماكان فيرها بعد الا يوم الاحد يات لي وكشفت علي قالت لي الرحم متهيأ للولادة وانفتحتي 1سم فبنحط لج وحده بعد
تخيلو من الاسعه 9 الصبح لي الساعه 3 وانه اتالم وماادري هالالم شنو سببه
وكل مااناديهم ماييون ويقولون لي لا ماتوسعتي احنه عشرين سنه نشتغل اهني وانعرف الوحده من شكلها
الساعه 6 ومن عقب حنه يات نرس بتكشف وكانت حدها معصبه وطلعت حرتها فيني ذبحتني خلصتني اصارخ وقالت ماتوسعتي
وهذي على الله
امي وزوجي عصبو الحين لازم نولدج ووخطر ومادري شنو والتهابات
واهمه لاحطو علي سيلان وعطوني مضاد ولا شي
وماكانو يحطوني لي التحميلات في وقتهم
وكانو يقولون لي في طلق بس خفيف طول اليومين
فقررت اني اطلع من عندهم على مسؤووليتي
واذا الله كاتب لي بولد بولده ان شاءالله في وقته
::

بنات انا يوم الخميس موعدي عند الدكتورة

قالت لي في الموعد الي راح انهااا هالموعد راح تسوي لي فحص مهبلي
وانا خايفه من هالفحص
بنات حبيت اعرف شلون يسون هالفحص
بجهاز او يحطون ايدهم
وانا محتاره اسويه او لا
هي تقول بتسويه عشان تشوف عنق الرحم
بنات هالفحص ضروري او لا
كلكم سوا ليكم الفحص المهبلي والا شلون

هاذي الشنطه شراها زوجي من تايلند قلت بوديها المستشفى فيها اغراض يسوري





وبحطهااااااااا داااخل شنطتي وهااااذي شنطتي





شراايكم:p

الف مبروك لكل الي ولدوا و انا الحمد لله ولدت يوم السبت 5 /12 و جبت مريم مريومة ادعولي ربنا يباركلي فيها و يرزقني برها و يجعلها من الصالحات

بنات بقولكم عن امس:

قبل لا ادخل التجمع رحت مشيت مع زوجي تقريبا ساعة الا شوي ومن اول ما بديت امشي حسيت نفسي ابي ادخل الحمام :o كان فيني مغص بس خفيف وكل شوي يزيد ودخلت البيت مباشرة على الله يعزكم الحمام وبعدين دخلت مباشرة على تجمعنا وياني الم في ظهري مرتين وكان واااااااااااايد مؤلم وبعدين ابتدت درونه تتحرك وحركتها وااااااااايد مؤلمة لانها كانت تضغط على تحت وكانت تضغط صوب اليمين في العظم وبعدين كنت بروح الحمام وشارت ريلي بشكل مؤلم وقمت اصارخ وزوجي ساعدني على المشي :'( وبعدين خف الالم بس ما راح وطول الليل البارحة وانا اتالم من ريلي و بطني وحركة درونه واليوم الصبح ما قدرت اقوم من السرير حتى المغرب والحين رجع لي الشد مرة ثانية في ريلي مع ضغط درونة على المنطقة التحيتية :'(:'(

ويوم المغرب ياني الم في ظهري وبطني نفس الم الدورة بس على اشد وكنت بنتظر ساعة اذا ما خف بشرب من الخلطات الزينة بس بعدين خف وراااااااااااااااااااح والله شيئ متعب للنفسية طلق البنت واااااااااايد صعب :-#

بكرة ان شاء الله بيكون موعدي الله يستر :(:(
تتوقعون تحولني الدكتورة لطلق صناعي ^o):!!: والله تنتظر علي اسبوع بعد :I:

السلام عليكم انا اليوم رحت للدكتورة وقالتلي انه راس البيبي كتير نازل بالحوض وعندي توسع 1.5 سم وقالتلي انه بالكتير اسبوع وان شاء الله اولد واعملت تخطيط وكل اموري تمام بس بتيجيني تقلصات مو قوية ادعولي كتير انا خايفة وموعارفة انام
الله يهونها علينا يا رب

ازيكم الحمد لله ولدت يوم الاثنين ورزقني الله بيوسف

http://forums.3roos.com/showthread.php?t=499225

حور ... شموسه .. بحرينيه... رؤى
وكل اللى بدهم يولدوا يدخلوا على هالموضوع وينفذوه
من هلا ما تنظروا الطلق
لانه معروف التمر مايضر

حبايبي ادعولي ترى من امس وانه فيني الطلق ورحت المستشفى امس وخبروني انه فيني طلق بس مارضيت انام عندهم قلت لهم مابيكم تلعبون فيني اذا زاد عليي بايي والحين خلاص احس الالم يزيد يزيد ادعولي