التجمع السابع للحوامل اللاتي سيلدن في يناير 2010 (كانون الثاني)

مرووم اني ماعرف اذا بطني نازل او لا لانه بطني صغير مو مبين عدل بس كانه نازل شوي

الحمدلله انه كلشي تمام وتعالي ماقلتين انه امش رجعت من السفر قرة عينش عيل وجم يوم عطوش اجازة

ام علي، شفتين القفص الصدري في الوسط تلتقي الاضلع عدل، اهني من تحت الاضلع قيسي جم اصبع تقدرين تخلين لي انتفاخ البطن، كلما قربتين لأربع اصابع معناه الولاده قربت

احس خربطت الدنيا، ما عارفه اشرح

موني يسلم غاليش، اي رجعت و وما خبروني انها بترجع بعد كلهم يدرون الا اني :( بس حمقت عليهم على هالحركة، بحب نبيش خيوه :)

الاجازه كانت يوم واحد بس الاحد ، وراح عليي، الله عوضني بثلاث احدات جايين خخخخ

ام علي، كانه قلتين دمش كله ناقص ، اقول لش وش سويت!!

يوميه تقريبا او يوم وترك، كنت آكل رمانه كامله في الليل ، آخر شي يدش بطني هي، وقبل النوم بشوي اشرب لي حبة حديد، واقرا لي شوي وبعدين انام ، لأن ان نمت عليها مباشره بتسبب لي حموضه

وعن الحديد المص، شريته من الصيدليه مكتوب عليه بنكهة الشوكولاته وهو ولا عتب صوبها بعد، ما قدرت عليه سيده قرضته وشربت عليه ماي حبة المص تقدرين تاخذينها اي حزه بس ما تقربين منتجات الالبان لا قبلها او بعدها بساعه وشي على الاقل

مساء الخير بنات شو مسويين عساكم بخير
مرووم و ام على هاو ار يو

مونيكا بعد موجودة هاو ار يو

مشكورة مروم يبغي لي رمان انا احبه وهو على الاقل يجود البطن

وما قلتي لي عن محلبية النشا شلون اسويها

ساروونه، هلا والله شخبارش

ام علي، اي والله اهو زين للرحم بعد يقويه

ام علي، محلبية النشا اهي نفسها محلبية العاديه او حتى محلبية العيش بعد تنفع

اهلين سارونه شحالج

استاذنكم ، بقوم اريح وانام، تصبحون على خير وسلامي للي تشوفونهم :)

بااااايز

يلا بنات بقوم اسبح وبجهز اغراضي لباجر عندي موعد وبقعد من وقت سيوووو سووون وادعولي انه نتيجه السكر تكون زينة

تصبحوون على خيير مروووم ومووني

++مونيكا++;10824183:
شدراني اخاف يطلعون متان من بطونه ويشلخونه هههه:|ايي يقولون كل يوم يمشي كانه دهر لانه الوحده تكون موصله حدها من التعب والثقل وتبي تولد وتفتك وتنسى سالفه الالم وتفكر تولد وبسس:worn_out:وعن المشي خيو اخاف نولد قبل مواعيدنه يقولون انه البنات يطلعون قبل موعدهم مادري هالشي صح ولا شلون للي عندهم خبرة :study:خلاص ببدأ استخدمه قبل ما انام من الليلة :thumbs_up:وعن الميك اب احب ماك بس مو كلشي من عندهم من كل كومباني احب شي معين مثلا احب اخذ الماسكرا من ايف سان لوران والفاونديشن احب لانكوم وجذي يعني :rolleyes:
بحاول اروح بس حازبة من الطلعات شكلي خلاص مابروح مكان تعبانه ههههه ...
اييي وراي قعده من وقت وعن الحفاف اني بخليهم لبعد العشرة عشان الولادة بسوي سمكرة عدلة :lol:

هههه اي والله جان ما يطلعون متان ويخربلونا وقت الطلعه.. ان شا ءالله عاد صج البنات يطلعون قبل يعني على الاسبوع 38 تمام.. انا قلت اول شي بحف عقب بس الحين مو متحمله شكلي يعني اكيد عقب هالمره بعد لي روحه مره ثانيه الصالون مره وحده وقت الحلاوه..

ام فوفي;10824191:
هلا نبوووض ، اييييييييه عليك نور هو نفسه ال كوفي ميت حطي منه شوي بس تقريباً
الملعقة الصغنونه تبع الشاي تكفي

اما السفوف ايه ياقمر ينظف ويطلع البلاوي اللي بالرحم وزين حق اللي فيها هواء او مويات
بس انه ينوكل كذا ناشف وتشربين بعده شي دافي (شاي اعشاب او حليب)
ولا اعرفه هذا اللي قلتي عنه !!

مشكوووره حبيبتي خلاص كتبت كل شي عندي والله يسهل ونسويها بعد الولاده ونرجع رشيقات

&*أم علي*&;10824202:
اي والله انا يبغي لي احف واشيل شيرة واقص شعري علشان حق الغسل
بس متى ؟؟؟

انا اقوول قص الشعر والشيره خليه بعد العشره والحفاف اذا كلش مأساه روحي الحين اذا لا بعد خليهم مره وحده وان شاء الله ما بتولدين الحين

mroom;10824375:
باقي الكروشات شخباركم

يقول لكم ان البطن اذا نزل اربع اصابع من تحت القفص الصدري ( نقطة التقاء الاضلع اليمين واليسار السفلى) معناه ان الولاده قربت ، اني نازل لي تقريبا 2وشي :-o

مرووم حاولت اطبق ما عرفت اذا نازل ولا لا بس انا احس دبتي شوي نزلت بس مادري جم.. انا احس بترفسها في القفص الصدري بس شكلها لانها طويله على ابوها بتطلع الله يستر..

الحمدلله ارتفع دمج شاطره اللي تاكل رمان فعلا له فوائد وااااايد.. شخبار عمتش صارت احسن؟؟ الله يعين صج تكسر دواره السياره الحين صارت خصوصا الظهر

saroona3000;10824537:
مساء الخير بنات شو مسويين عساكم بخير
مرووم و ام على هاو ار يو

مسااااااء الورد حيالله اللي صارت ما تتكلم وااااايد.. يالله رجعي بنشاط عشان يصير فيه واجب ترى اخر يومين كان ملل :p

براء .. احسن تشوفين طبيب جلدية و تسالين طبيبتك يمكن يكون تغييرات الحمل
نبوض .. مشكورة على التنبيه واول مرة اسمع عن الحليب لو طلع يسبب طلق مع انه دايما يطلع مني نقطة و لا اثنين بس ما احس بشي بحاول اخلي بالي واسال الدكتورة عن الموضوع و الطريقة الصح
وردة .. والله الدكاترة هالايام حسب المزاج تحملي عاد شو بتسوين وسلامات لازم دمك يرتفع لان الفترة الجاية مهمة جدا اكلي رمان و جريب فروت وزبيب تعدل الحديد في الدم بسرعة ..و انشاء الله يتغمد عمك الجنة و حلو وايد شغل ايدك ماشاء الله
كمبرلايت.. الله يعينك على الدوام تصبري
خيشو .. هالايام الجو فيه منوم تلاقين البنات نايمين
العين مليانة.. شخبارك الحمد لله هالايام مافي الآم
بحرينية .. مبروك الاسبوع ال37 بيني و بينك ايام وسلامات ابدي تمشي تحسين الام يخف و حطي مخدة بين رجولك وانت راقدة انا الحمد لله من بديت اسوي جذي ما احس بالالم ولا الثقل
ومشكورة على المعلومات
ام فوفي .. مشكورة حبيبتي على الرد والموقع وانا بعد بسوي مثل الغسول اللي تسوينه مرة و قشر رمان
جمول .. انشاء الله يطلع ولدك قريب من المستشفى و انتي بعد خلي بالك من عمرك و اسمعي قران عشان النفسيات والله يعين
مونيكا .. سلامات على الاااام ههههههههههههههه قلتي فورد يدوسها و عليها بالعافية فطومي ومبروك الاغراض اليديدة
خيشو ... سلامات حبيبتي و انشاء الله تصيرين احسن
ام علي ... سلامات حبيبتي صادك ما صادني قبل كثري الزبادي و الشوربات وابعدي عن المقالي و الرز و الاشياء الثقيلة و انشاء الله تستوين احسن
دموع .. انشاء الله ربي يسهل عليك و تقومين بالسلامة
مروووم .. الحمد لله ان دمك ارتفع و مبروك الاجازة و الله يخلي لك امك
ما شاء الله الواجب صدق طويل.. هههههههههه بنات شخباركم كلكم شو مسويين و على قولة اخواننا العراقيين شاكوماكو هههههههههه

نبوض شخبارك انا و الله هالايام احس اني ضايعة
كل يوم اقول خلاص باجر من الصبح بروح اصبغ شعري و اقصه و اسوي واكس واروح السوق اخذ شويه اغراض و امر على العطار بس ما اصحى من النوم الا على صلاة العصر و يكون زوجي على وصول اتغدى و اقعد شوي اطلع اتمشى ارجع بموت من النعاس ...هههههههههه بالضبط مثل الحين والله جاية من برا حاسة نفسي بموت من النعاس بس قلت ادخل اسلم و اسوي الواجب قبل ما يتراكم على ههههههههههه
انت شو مسوية وشو بتسوين واخر الاخبار ....

يلا بنات تصبحون على خير المخدة تناديني و انا موقادرة اقاوم اشوفكم على خير

بحبوووحه
..
ماعليج شر حبيبتي سلااامتج
دشي طمنينا عليج





حرم بووليد
..
الله يسهل عليج ياااارب وتولدين قريب





نبوض
..
الله يعينج ع الثقل
حسستيني انج دبااابه ههههههههههه





ام فوفي
..
ماقصرتي حبيبتي
وان شاء الله باخذ الاغراض
ماااااقصرتي عسى عينج سااالمه
بس قشر القهوه هاي بعد نطحنه مثل القهوه والا بس نفوحه بالمي وهو بهالشكل؟؟
واللي تقصده نبوض الحسو
واللي انتي تقصدينه بوودر عرفته :) بس ما كنت عارفه المقادير





جموله
..
شفت ردج حبيبتي ورديت عليج الله يسهل امورج يارب ويطلع عبودي بسلامته يارب





دموع اشتياقي
..
الله يسهل عليج ويقوج بالسلامه يارب




سارونه .. مروم .. ام علي .. وردون .. عروس نجديه .. حرم السويدي ؟؟ قطورة .. موغي .. غلوي


يسعد مساكم
او صباحكم
:)

سارونه
..
وانتي من اهل الخير
نوم العوافي
..





اما انا مشكلتي هالايام ما اناااااام
ودي انام نومه سنعه بس ماقدر انام
ارق مب طبيعي :(