التجمع السابع للحوامل اللاتي سيلدن في يناير 2010 (كانون الثاني)

نبوووض هلا والله

اي تعبت بس كان فن أمس


وعن السافلون، اهو الماي وملح زين والمستشفى وقت اللي بيرخصونش قولي لهم عن الكريم يعطونش اياه

مساكم الله بالخير شخباركم

هلا سارونه مساش النور
فدوووته كانش تدرين، اني بعد خاطري اطلع بره بس مناعه ماكو يعني بنروح فيها

camberlight;10756559:
وييييييييه حبيبتي لو اخبركم عنها وعن الي سوته فيني طول ما انا حامل والله ما بتصدقون لو كانت يهوديه كانت بتكون ارحم هاي مسلمه واماراتيه وجذي بس الواحد ما يقول غير حسبي اله ونعم الوكيل والله ثم والله انه حتى على المواعيد كانت تتناحس ويايه وتقولي لا تسيرين ولو بتسيرين لا داومين طول اليوم وانا بخصم من اجازتج السنويه ..... انا من النوع الي ما احقد وانسى بسرعه بس في هاي الانسانه مستحيل انست الي سوته فيني وانا حامل واول مره ويوميا ادعي عليها انه ربي يراويني فيها يوم لانها كرهتني في دوامي والحين ناويه لو ما نقلوني قسم ثاني بعد الولاده ناويه استقيل مع انه عليي دييون بس والله ما اقدر اتحملها ابدا ابدا على معاملتها واسلوبها وطريقتها ويايه :( ( حسبي الله عليها مليون مره انشالله)

حبيبتي كمبرلايت انا لما كنت اشتغل كانت زميلتي حامل وكانت لما تروح الموعد كل شهر يخصمون عليها يوم كامل مب نص يوم ولا كم ساعة حتى لما ولدت ما عطوها بدل اجازة و كل مرة يقولون لها مب لازم تروحين كل المواعيد و حرام بعد ما ولدت على طول ردت الشغل لان هي بعد عليها ديون ومرة وحدة ولدها مرض فاخذت يوم واحد اجازة تخيلي بس المدير قالها اخذي اجازة لين ما تحلين كل مشاكلك وتعرفين تفصلين بين البيت و الشغل سبحان الله قدمت استقالتها في نفس اللحظة
عشان جذي انا اول ما تزوجت استقلت وبعد ما ولدي يكبر شوي باذن الله برد اشوف دوام في البلدية و لا اي مكان دوامها صغير ومريح
هني في الامارات في البلديات و المكاتب الحكومية يعطون المرة اجازة عدلة للوضع و يعطونها ساعة رضاعة ورواتبهم تمشي الحال عاد شدي حيلك واتحملي لين ما تقومين بالسلامة

اي انخااف نزلق ..
بروحي وانا طالعه من الشغل امشي وخاف ازلللق مو خايفة على روحي والياهل خايفه من الفشيلة ..

ماشاء الله مرووووم ادعي وادعي لينا وياك
هالسنة ما ادري ليش الامارات ما فيها و لا نقطة بس هناك صوب الفجيرة و الجبال مطر

الله يعطيكم سارونه ..
ماشالله تبارك الله احنه عندنه خيررات ويقولون بيتم ثلاثة ايام جذي ...

فدوووووووووووووووه خايفة من الزلقة انا لو منك اربط حبل في خصري و اربطه بشي و اطلع هههههههههه
المطر لايعوض حبيبتي

بنات ما ادري انا عن نفسي ما بستعمل اي كريم الا لسمح الله لو استوت مضاعفات او شي
امس جبت من العطار مرة و قشر رمان و عندي من قبل ملح خشن و اذا احتجت صابونة ديتول
احس كل ما تستعملين اشياء طبيبعية احسن
عاد انا المرة من قبل لا اتزوج اغتسل فيها بعد الدورة و كل يوم جمعة وايد زينة و تطهر
وقشر الرمان و الملح يطهرون و يخلون الجرح ينشف بسرعة
ما ادري عاد هذه نصايح الوالدة
و عن حفاظات الاطفال في المستشفى يعطونكم وبعد يعطون كوتكس انعم من الاولويز

وردووووووووووونة عقبال ال100000000000000000000000سنة مرة ثانية
منتظرين نعرف المفاجاة عاد مو تاخرين

انا والله اتذكر يوم اختي تولد كانت بس تستخدم حق الجرح سافلووون مع ماااي ...

مروووم اييي مالنا الا ماي وملح والله يستر بروحه هالخياط اكثر شي مخوفني.. والمستشفى ما اعتقد يعطون الكريم

سارونه يااااااااه ما اصدقهم لهلدرجه؟؟ معقوله فيه ناس بدون ذمة احنا الشركات الخاصه بعد مأساه بس لا الحمدلله مو لهلدرجه

فديت لووووول عن الفشيله هااااا؟؟ ذكرتيني مره طحت في مجمع الدانه يوم الخميس الساعه 8 الليل يعني بنج الزحمه طبااااااااخ

بووو نبوووض حافظة حتى الووقت من الفشيله ,,,

مرحبا كروشات
مبروك التجمع الجديد :)

ولكموو عروووس

انشالله يكون تجمع خير علينه ...

نبوض ترى انا كنت اشتغل في شركة خاصة و مدير الموظفين كان مصري (ما بدعي عليه) بس مديرنا المباشر كان سوري و يخاف ربه بس صدق الحكومة غيييييييييير مرة

camberlight;10756680:
وروووووود...كل عام وانتي بالف خير

أم علي....لا انشالله تدخلين التاسع قبل وبعدين كيفج سويها خخخخخ

جمول.....أحنا بخير دامج بخير يا حبوبه :)

دوووم يارب حبيبتي تكونين بخير:)

mroom;10757166:
هلووووو بنات شخباركم

ام علي ، الله يهون عليش خيوه

جمووله ، بخير اسال عنش حبوبه

باقي البنات شخباركم :)

عسى دوووووووووووووم حبيبتي F:

بحرينيه عز;10757186:
مساء الخيرر مع الجو العجيب الممطر :D

يالله بناات دعواتكم وادعو لي ولاتنسووني

جموووووووول ماتشوفين شرر حبيبتييي وصرتي احسن الحين؟

ام علي يمكن هذي ريح استقبال تبخرري مثل ماقالو البنات وااذا صرتي احسن يعني ريح

ومافيج الا العافيه يارب

خيشوو يمكن تقصدين بيبي بورن !

كمبوررة احس انتي قبلي مو اناا ولدي قبلي احسسن هههههههه خل اشوف شنو تقولين

عن الولاده اذا عادي انا بصير عادي لان ثنتينه جبناء :lol:

موني ايييييييي الجو رووعه ادعي لي عااد مو تنسيني امس دعيت حقج:o

بااقي البنات شلووووووونكم

هلا وغلا بحبح
الحمدلله اليوم وايد احسن وزادولي جرعة الحبوب
والله يسهل يااااااااااااارب:o


بحبح حاولت اقبمج مورااااااااضي قيمت مواضيع ثانيه وردت اقيمج هم موراضي
شسويييييييييييي :confused::study:

°• أم السآإدة •°;10757212:
مبرووك بحبووحه التاااسع

ويتهنى البطل علااااوي بالثيااب

روووعه ما شااء الله

حاولت أقيمج الميزان معند :study:

نفسي ماقدرت اقيييييييييييم بحبوح :study:

نبض_قلبه;10757699:
هلااااااا والله شلووووووونكم هااااااا كل وحده دعت وقت اللي كان يطيح المطر؟؟ كلكم مستانسين الا انا :badly: وحشتني الشمس لانه الشوارع تخوف الكل طاق دينجر ويمشي بطيء كله احس بننزلق..

نجي للواجب لانه يبيله ضرب اذا هذا التجمع بعد صرت ادخل قليل بعوضكم عن الحرمان شراااااايكم ههههه





بحبووحه انا بعد رايي من راي مرووم 3 كفايه.. انا بقعد 3 ايام وحطيت 6 يعني يوم واحد 3 اكثر من كفايه الا اذا لج بارض كل دقيقه تبدلينه



هلا والله.. انا الصراحه امس كنت اطالع الرابح الاكبر عشان جي اختفيت.. وعن النوم حدث ولا حرج عذاب خصوصا اذا يجي الشد احس قلبي بيوقف.. وانا ان شاء الله قلت بمشي من هالاسبوع بس اخاف والله اولد لانه الالم مو طبيعي من تحت.. واه ه على شهر العسل لا تذكريني ايام الرشاقه وكل شي سويت حتى خيل ركبت الحين اقوم من على الارض كل شي فيني يتقرطع..



خيتوو انا بعد ما قط سمعت عن نيو بورن اعتقد تقصدين بيبي بورن مثل ما البنات قالوا يصير في جدحفص عقب سوق الخضره..



بييه ام علااوي انتي الحين ثالث وحده تخوفنا تقول فيها الالم الطلق.. يمكن ريح استقبال عليج بالبخور وان شاء الله تخف هالالام..



حسبي الله علييها وهذي بعد بنت البلد عيل ما نعتب على الغير اذا لعبوا بحسبتنا.. يمكن معقده ولا ما تيب يهال بعيد الشر او عانس انا اظن كل الحريم اللي جي لازم فيها عقده او نقص.. يعني شبينقص اذا رحتي موعدج ليكون هي بتدفع الراتب من جيبها.. ماصدقها شلون تفكر.. لكن ولا تغيرين ولا شي عليج بالاستغفار وبتشوفين الله بياخذ حقج




من الحين يقولون لج متى بحطون عليج طلق صناعي :-# لا ان شاء الله ولاده طبيعيه سهلة ميسره.. وفعلا ام فووووفي صارلها فتررررررره مالها بيان



انا قلتتتتتت مروووم اليوم مو ناويه على الدوام ابد ههههه اي والله عجيبه قعدة البيت في هالفتره بس بعدين بتصير ملل..



يالشريرررررررررررررره احد يدعي جيي لااا ان شاء ءالله 4 وبس لوووول



كريم النيبلز هو كريم الرضاعه ما يختلف الاثنين للترطيب وعادي لو يمصه الياهل بس انا احس احسن نشيله قبل الرضاعه ما تدرين بعد..



لااااااا مو تروحين مكان امس قضيتي لج جم شغله شوفي شلون تكسرتين اليوم راحه باجر واصلي المشوار



مثل ما قالت بحبوحه بامبرز وكوتكس مو لازم يعطونج في المستشفى بس انا بحط احتياط يمكن مالهم ما يعجبني وبعد بتحتاجين عطر ..

وعن الستاند مو لازم تصفين كل شي من الحين موعدج اخر شهر 1 يعني لا تحاتين على بداية شهر 1 ابتدي صفي..

سودو كريم انا اشوف رفيجتي تستخدمه كل مره تسبح بنتها فيه ناس يقولون احسن لكل مره وناس لا.. على العموم انا من محبين سودو كريم ان ما نفع ما يضر دايما احط لي منه.. وفيه ناس تستخدم حق كل يوم بيبي جونسون الجيل الازرق؟؟




جموووول الحمدلله بعدج صامده يالله هاااانت ما باقي شي على التاسع كلوولولولش شفتي لانه كلنا دعينالج F:.. شلون الضغط احسن؟؟


بحبوووحه فدييييتج والله منورررر التجمع بوجوووووودج


فجر 20 اهليييييييييين انتي وووووووينج وشخبار الدراسه؟؟ اهم شي الحين صرتي محترفه في تربية الاطفال بعد التدريب

فديت عمره هلا والله شلووووونج

هلا وغلا حبيبتي
الحمدلله بعدني صامده ادعولي اصمد بعد 3 اسابيييييييييييييييييييع :|
يارب وينتظم الضغط مليت كل يوم انا بالطوارئ 4 او 5 ساعات :sick:

كرهت المستشفياااااااااااااااات والله :(

بس الحمدلله عسى الله يعيدهالايام واصل التاسع وبعدين انا بقولهم ولدوني ههههه :!!:

هلا عروس شخبارك

كروشات وش احسن حليب صناعي للبيبي مايسبب له مغص ؟؟
وبغيت اشاوركم آخذ حليب معاي وماء ورضاعه للمستشفى اخاف ماقوى ارضع اول الايام

وسألتكم عن المعقم وماحد رد علي :( :( وش احسن نوع ؟؟

هلا سارونا بخير الله يسعدك :)