فديت عمره;10787981:
حاضرين لج يالغالية ..وعليج بالعافية بالملغووم..
والله مادري خيو تبين بسالج واتقول امي انه محلهم صاير يم المنار..
الحمدالله انج تطمنتي على البطل وبسج اكل :lol:
ضيووونة مبروك دخولج التاسع وانشالله عقبال ماتولدين بالسلامة ..
الله يبارك فيك يارب غاليتي وربي يسهل علينا وعليكم ويقومنا بالسلامه يارب
وعقبال مانبارك لك
°• أم السآإدة •°;10788028:
قبل دقائق من الآن..
أمطرت السماء ماساً ..
وأشرقت الشمس دهباً..
تبشيراً للبشرية ..بقدوم ملاكها الصغير ..
فنثرت الورود..
ودقت الطبول ..
وانطلقت الزغاريد معلنة ميلاد:
"بنت أو ولد واسم العايلة "
في مستشفى ....الدور....الغرفة....
يسلمو سيدونه
عجبتني الكلمات مره بكتبها بجوالي واذا مالقيت احلا منها برسلها يوم ولادتي الى الناسات
وربي يبلغنا منا الى هذاك اليوم بالخير
*جمال الروح*;10788061:
صباح الخير
اليوم طالعه بعد شوي ان شاء الله
الحمدلله اشتقت لعيالي وليسوفي
صج راح اخلي ولدي بالمستشفى وقلبي متقطع عليييه :( بس ادري ربي معاه واستودعته الله الذي
لاتضيع ودائعه
صججججججج ماقتلكم سميت حبيبي الصغير
عبد الرزااق
اسمه اكبر منه هههه:):)
ياقلبي على رزوقي ربي يطمنك عليه ويطلعونه لك بالسلامه يارب
خير الاسماء ما حمد وعبد :D
ولو مسمتنه عبدالعزيز او عبد المحسن كان احلا واحلا بعد المهم الصحه والعافيه والاسم بكره يصير عليه احلا مايكون
بسئلك كم حجم عبود وليش مخلينه بالمستشفى وكم قالو لك تقريبتا بيظل عندهم ؟
ان شاء الله بكره يكلموك ويقولو تعالي استلمي النونو :adore:
°• أم السآإدة •°;10788162:
ايي كرووشاات نسيت أقوول لكم
أمس شريت 2 جيس حفاظات هههههههههههههههههههههههههههههههههههههههههههه
ريلي يقوول لا بالله مو صااحيه خخخخخ
وفرزت لثيااب الي حقي لبيت ابووي << زوجي طنقر يقوول وايد اشووفج مستانسه لروحه هناك خخخخ
وشريت شفاطه الصدر الصغيرة مو الي بالكهربا .. اليدوية
وشريت فوط للصدر
وابووي ياب لي 4 دشاديش سبشل .. رووووووعه
وطقم بنووتي للعسوولة روووعه فيه 16 قطعه على ما اعتقد
وياب لها مرضعه عوووووووووودة داخلها أشياءات مثل مراضع وعلبة تقسيم الحليب والي يحطون فيها الفودر للبيبي وعلبة الأكل ومشط واشياء وايد فيها
وياب لها بعد 4 بدلااات كشووخ حدهم
خااطري أصوور لكم :(
يا زينك زيناه مشتطه ها الايام تخلصي اغراضك
عطينا من نشاطك شوي ههههه كله من زوجي شكلي بولد ولا خلاني اخلص اغراضي
حلاوته اليوم بدل مايروح البرور ويخليني بروحي نروح نخلص اغراضنا ولا شرايكم :'( والله حاله ها الرجاجيل
ولدي من صغره بفهم فيه عشان لمن يتزوج مرته تنبسط منه ههههه
ياقلبي قلبهم الي يشترون الى بناتهم
ربي يخلي ويحفظ لك ابوك ويفرحه بشوف السيوده الصغيرونه الكرويه القصوليه الي مثلك خخخخخخخخخ
ويالله عاد نبي نشوف هداه ابوك لك والى النونو :cool:
mroom;10789076:
ضيوونه، احد يعوف الصافي، يمكن صافيكم غير صافينا :)
والأكل في التاسع زين للي البيبي عندها حجمه صغير او عندها سوابق ولاده مبكره، لأن البيبي ما يطلعونه من الحضانه الا اذا وزنه صار زين في حالة الولاده المبكره.
انا اعوف السمك كله مو بس الصافي ههههههههه
مافي فرق بين السمك حقكم وحقنا بالعكس ساعات ناس تاخذ من عندنا
عليكم بالعافيه
بس عاد صالونه صافي ما اتخيل ابدا :confused:
تدرين انا بدل مايزيد وزني ها الفتره صار ينقص وتهاوشني دكتورتي تبيني اكل مساكين بعض العرب الي يمنعوهم من الاكل :lol:
ياقلبي حرام ليش تخلي البنات بروحهم يحوسون لك البيت كان على الاقل خليتي احد معاهم لين تجي
وان شاء الله زوجك يرجع بالسلامه وتقر عينك بشوفته وشوفت بنوتته الصغيره
ويالله عاد لا تفكري تولدي بدونه ههه
نبض_قلبه;10789394:
صبااااااااح الخيييييييير.. شلووووووونكم يالدبببه؟؟ ما اصدقكم هالطول واجب؟؟ شكيت اني
داشه تجمع منااال العاااااااالم..
ضوي
انا اقتنعت اقتنااااااااااااااااااع تااااااااااااااام انج عصفوره :lol: بلييز قوليلي شنو تاكلين كل يوم؟؟
مبرووووووووك التاسع يالدبه
أحنا بخير من الله يا دبيه
ههههههههههه عصفوره الى بس تعالي شوفيني وتحكمي بنفسك :-#
ما اكل شي قليل اكلي جدا وحاجات عاديه الي احبها
الله يبارك فيك يارب وعقبال ماتدشين التاسع انتي ونفرح بخبر ولادتك بالسلامه انتي والقموره الصغنونه
على فكره ساعات تجيني حالات ودي اذبحش ههههههههههه تدري ليش
لان تكتبين كلمه عربي وعشر انجليزي
يالله عاد وبدون دلع وتكلمي عدل عربك بليزززززززز هع هع
نبض_قلبه;10789504:
اماااااااا عنييي فأنا امس خلااااااااااااااص كملت كل كل اغراضي باقي لي تناتيش كلش بسيطه وحدي ارتتتتحت الحين بس focus على الضيافه
وبعدها رحت الليل البر سوينا surprise party حق ابوووووي الله يخليه لنااااا والنكته انه كبرناااااااه سنة كاملة وما رضى يهف الكيكه هههههه
حطينا 50 وهو 49 يقوول حسوووو فيني من ال 4 لين 5 صعب صعب جان نشيل ال 5 ونخلي 0
الجووو رهيييييييب خصوصا بعد ما طاح المطر نظف المكان وصار شااااااعري.. ياليت اقدر اعزمكم مع دبيبكم بس اخاف عليكم من الطريج
وهذي الصوووره لججججججج ياااااااا مووووني عقب صلاة المغرب رحت حق عودو قلت لها تسويليييييي
وهذي حقج مروووووووم كستناااااااا مشويه في البر
تسلمييين حبيبتييي صج حلوه البجاما؟؟؟ ترى انا انحبطت لانه امي قالت كأنها وزار هندي :'(
عليكم بالف عافيه على الطلعه الحلوه
وربي يخلي لك ابوك ويحفظه ويفرح بعيالك وبعيال عيالك يارب
اعترفي مصوره لنا الكستن المشوي ولا تبي تراوينا كم عباتك ها اعرفك حيليه :p ما اتخيل اشرب ها الشي الوردي بس عليكم بالف عافيه وصحه
ستارت اتامي تجنن تتهنى فيها وعقبال ماتجي بالسلامه وتكبر وتقصها لك بالمقص :lol:
عجبني وزار الهندي
هههههههههههههههههههههه وربي مت من الضحك على التشبيه
صج امك ماعندها سالفه تحبط فيك
ماعليك الوزار مادري البجامه مره حلوه ونعومه وانا شفتها في سنتر بوينت وان شاء الله اخذها :cool:
عشان افرجيك انها حلوه ودافيه بعد
تقطعيها بالف عافيه يارب
wardat amal;10791308:
خيشوووووووونه باقي عليج يوم وتدخلين التاااااسع
ما شاء الله الايام تركض ع قولهم ههههه
لان خبري التاسع 35 اسبوع و 3 ايام
يا دبه غيرتي جدول الحمل هههههههه
كل شوي تحورفين فيه على كيفك الشهر التاسع يكون 35 و 4 ايام وربي يبلغكم الى هذاك اليوم
فديت عمره;10792352:
مساء الخير ....
توني من شوي قاعده من النوووم ريحت لي شووي مدام باجر اجازة ...
خاطري في ذرة مع ليمون وملح ..
ضيونة شحوالش عفررر.؟
أحوالي بخير ولله الحمد
ننتظر الفرج من رب العالمين والتسهيل والصحه والعافيه يارب
أنتي أخبارك ؟
