Noora;10750919:
مشكوره على الموضوع
العفو يا نورا تسلمي يا قمر نورتيني بمرورك
خرابيش7;10750993:
مبرووووووووووووووووووووك أنوش
تستاهلي والله
مش بكفي ان احنا مغلبينك بكتر الاسئلة وانتي ما شاء الله مطولة بالك علينا على الآآآآآآآآآآآآآآآآآآآآآآىخر
خرابيش7;10751106:
(بوصي اوبتمالز الاخضر بتاعة البشرة الدهنية دي انا جربت منها الغسول والتونر وممتازين جدا ريحو بشرتي اوي لا منها كانت مزيته ودهنيه ولا منه خلاها جافه ومشدوده فا متوازن اوي
اوبتمالز الابيض بتاعة التفتيح جبت منها سائل النهار وكريم الليل كانوع من الترطيب والتفتيح في نفس ذات الوقت :lol:
كريم الليل وكريم النهار بتوع اوبتمالز الاخضر مش بيفتحو هما ترطيب وتغذيه فقطططط خودي بالك من الحته دي مش بيفتحو البشرة بيرطبو بس
مجموعة اوبتمالز الاخضر مش بتشيل اثار الشمس ولا بتفتح هي مجموعة عناية عاديه جدا بس مناسبة لطبيعة البشرة الدهنية
بالنسبة لاثار الشمس استخدمي كريم تفتيح واعملي سكرب لبشرتك بشكل دائم مره بالاسبوع وضروري من الصن بلوك وانتي خارجة)
..................
بصي أنوش نهاية الكلام كده
انا حجيب تونر اوبتمالز الاخضر
وسائل النهار وكريم الليل من اوبتمالز الابيض.. بس من خلال تجربتك فعاليتهم كام بالمية بالنسبة للتفتيح وياريت يا نوشة صورة ليهم لو حتعبك معايا
عندك ايه كريم تفتيح للبقع وآثار الحبوب تنصحيني بيه يا أنوش؟
وانا بصراحة بخاف اعمل اي سكرب لبشرتي عشان الحبوب فيها ملتهبة والدكتور كمان قالي ما تعملي سكرب بس ممكن حمام بخار وانا كنت مكسلة عنه بس دلوقتي قررت اعمله مرة كل شهر وفعلا عملته اول الشهر وحسيت بنتيجة ونعومة في بشرتي بعدها ان شاء الله حستمر عليه
تصدقي بئه اغرب حاجة انه الدكتور نفسي كان حكالي ما استخدم واقي الشمس عشان ما يسد المسام وتظهر حبوب... مع اني كنت ولا زلت مش مقتنعة بكلامه عشان كل البشر والاطباء على وجه الارض بيقولو عكس كده انا بالاول سمعت كلامه بعدين كبرت دماغي ورجعت استخدمه
ومبروك تاني يا انوش على اللقب الجميل
تسلمي يا حبيبتي الله يبارك فيكي كلك ذوق يا قمر وبعدين تتعبوني دا ايه احنا كلنا بنساعد بعض انا مش بعمل حاجة بالعكس البركة فيكم كلكم
بوصي كريم وسائل اوبتمالز للتفتيح انا محستش بقيمته الا لما روحت البحر كنت متفحمة بجد اسوده ومحروقة خالص دلوقت الحمدلله رب العالمين اتظبط اللون وبقيت قمحيه فاتح بفضل المجموعة دي من بعد ربنا طبعا ودا شكلها
سائل النهار وفيه حماية 15 من الشمس
كريم الليل بتركيز مضاعف
اثار الحبوب هتروح لوحدها مع الاستمرار عالاسكرب و كريم الليل وسائل النهار لانهم هيوحدو لون بشرتك بس عايز صبر وطوله بال و اقتناع انهم هيعملو نتيجة كويسة
بالنسبة للصن بلوك
على فكرة دكتورك معاه حق البشرة الدهنية الحساسة اي كريم تقيل بيسد المسام وبيخليها تطلع حبوب والصن بلوك هو من اكتر المستحضرات اللي بتكون تقيله ودهنية وبتعمل طبقة زيت عالبشرة وبتالي هيسد المسام وطبيعي هيعمل حبوب زي كبسولات فيتامين e لو بشرتك دهنية وحساسه واستخدمتيها على وشك بشكل مباشر هتسد المسام وهتعمل حبوب لانها تقيله عالبشرة
الحل ان فيه صن بلوك في صورة لوشن خفيف مش كريم تقيل ومن ضمن الماركات وافضلهم هو فوتوديرم 90 فيه من اللوشن للبشرة الدهنية وهو خفيف ومش بيدهنن وفي الكريم العادي الدهني فا انتي لو تقدري تجبيه يبقى خير وبركة واستخدميه عادي وانتي خارجة خصوصا ان فوتوديرم نزلت خط انتاج لصن بلوك ملون يبقى منه كريم اساس ومنه صن بلوك يادوب بس بتحطي عليه لوس بودر وخلاص
ودا شكل تونر وغسول اوبتمالز البشرة الدهنية
اتمنى اكون افدتك يا عسولة ومبروك مشترياتك مقدما :DF::L:
