احد يعرف دكتورة مسالك بولية بالبحرين ؟!؟

L

L0olo

عروس جديدة

04-12-2009 | 04:50 PM

مرحبا ،، مساء الخير جميعاً ..

شلونكم بنوتات عساكم طيبين ؟!؟

أعاني من مشكلة حصى في الكلى وأكتشفت هذا الشي لما كنت اتعالج بمستشفى الأمل والدكتور وصف لي حبوب أتناوله لمدة معينة بعدين أرجع له حتى اسوي تحاليل مرة ثانية ،، خلصت العلاج بس مارحت ..

كنت أعاني من نزيف وتوقف بس الحين رد رجع لي وبكمية أكبر وخايفة ،، أبي أتعالج عند دكتورة مختصة بهالأمراض مو دكتور فأتمنى اللي عندها معرفة بدكتورة شاطرة تخبرني وأكون شاكرة لها ..

تحياتي

ا

اَخر العنقود

عروس رائعة

04-12-2009 | 06:41 PM

إختي للأسف ما عرف دكتورة مسالك بولية مره إللي أعرفهم كله رياييل
بس أعرف الدكتور عيسى أمين وايد شاطر وأهوه من أفضل الدكاتره في البحرين
حد ثاني للأسف ماعرف غير واحد ماعرف إسمه الأول بس هو من الدرازي...
الله يشفيج ان شاء و تطيح الحصوة بدون جراحة و تفتكين من الدخاتر و المستشفيات

L

L0olo

عروس جديدة

04-12-2009 | 09:19 PM

اَخر العنقود;10743019:
إختي للأسف ما عرف دكتورة مسالك بولية مره إللي أعرفهم كله رياييل
بس أعرف الدكتور عيسى أمين وايد شاطر وأهوه من أفضل الدكاتره في البحرين
حد ثاني للأسف ماعرف غير واحد ماعرف إسمه الأول بس هو من الدرازي...
الله يشفيج ان شاء و تطيح الحصوة بدون جراحة و تفتكين من الدخاتر و المستشفيات

أي والله يا أختي بالرغم من سني 23 لكني متعذبة بهالحصى اللي طلعت لي مرة وحدة ويقولون لي صغيرة على هالأمراض .. الشغل من جهة والحصى من جهة ثانية ,, الله كريم ورحيم بعباده ..

دكتور عيسى آمين غني عن التعريف وله باع طويل في مهنة الطب وبالذات تخصص المسالك البولية بغض النظر عن كونه عضو في عدة جمعيات أوروبية بس أستحي اتعالج عند رجال ..
مادري ،، خايفة من النزيف اللي عندي ومستحية أروح لدكتور .. نصائحكم بنات ..

لو كنت راح اتعالج عند دكتور فهل راح يكشف على مناطق حساسة ؟؟
لان لما رحت أسوي الترساوند اللي سوت لي كانت دكتورة بما ان التحاليل في مستشفى بس مادري إذا كانت عند عيادة متخصص فيها دكتور معين هل راح يسوي كل شي بنفسه لو راح يكون عنده مساعدين بنات هم يقومون بهذي المهمات ؟!؟

سؤال ثاني ،، بما أن الدكتور عيسى أمين عيشتغل في مستشفى ابن النفيس فهل أحد تعالج عنده وعنده فكرة عن الأسعار والتكاليف ؟!؟

ا

اَخر العنقود

عروس رائعة

04-12-2009 | 10:41 PM

إختي ماضن تحتاجين يكشف عليج في المناطق الحساسة....
ترى عيسى أمين مايسوي ألتراساوند بروحه
يحولج على دكتور/دكتورة ألتراساوند على كيفج تختارين إللي تبينه في إبن النفيس
وكل زيارة لعيسى أمين ب20 دينار
و ماعرف جم الألتراساوند يمكن 25 بس مو متأكدة إتصلي تأكدي

على فكرة النزيف إللي فيج يمكن ناتج من تفتت الحصى و مسوي لج جروح داخلية
أو التهاب حاد ممكن يسوي جذي
إختي لا تهملين روحج

روحي بسرعة عند أي دكتور ولا تخافين ماضن بيكشفون عليج في المنطقة الحساسة إنتي بس وصفي حالتج و أكيد بيعرفون شفيج

م

ماريـا

عروس رائعة

04-12-2009 | 11:10 PM

اختي لا تخافين ما يكشفون عليش اني في مجال الطب اشتغل

هم بيسون لش اشعة عادي مو الترا ساوند وعلى حسب حجمها بيقولون لش عملية اذا ما ينفع تتفتت بالادوية يمكن جزء

من الحصى نزل من الكلي للمثانة وجرحها و هو الي مسبب لش النزيف :study:

L

L0olo

عروس جديدة

05-12-2009 | 08:35 PM

مشكورين بنات ريحتوني شوي ،، كنت خايفة لدرجة اني متوقعة انصدم بأي خبر من الدكتور لما أروح أتعالج ..

بروح لدكتور عيسى أمين وان شاء الله ماكو الا كل خير ..

م

ماريـا

عروس رائعة

05-12-2009 | 10:50 PM

اختي اليوم تذكرتج طفت ورا الانصاري للانارة الي في شارع المعارض في دكتورة مسالك اسمها الهام العيد اخذي رقمها من الدليل اذا حبيتي تروحي لمرة وتحسين بالراحة اكثر :o

L

L0olo

عروس جديدة

06-12-2009 | 07:29 AM

مشكورة عمري ما قصرتي ..

إن شاء الله استفيد ..

دعواتكم