كل ما يتعلق بمنتجات افون لشهر ذو الحجة 1430ه

mariam87;10742584:
توتي مش فاهمه سؤالك؟؟ولا دي معلومه انا مش مركزة:D

لا يامريم دا مش سؤال....توتي قصدها انهم قايلين ف البروشور الجديد انهم هينزلوا ف بروشور 2و3 مجموعات تختاري منها بسعر حلو عروض للفلانتين وعيد الأم يعني;)

أنوش;10738349:
هاي يا بنات

انا لسه جايه من افون
الحمدلله رب العالمين عملت الاوردر
الساعة وروجات الدهب موصلوش روحت حلفت يمين تلاته منا جيباهم ايه الهم دا اروح من غرب لشرق اسكندريه مرتين وبردو مش جم ان شالله ما جم بئه زهقت هههههههههه
شميت ال 3 برفيوم وندر وسمايل وفاير
وندر يع من هنا للسنة الجايه
فاير ريحتها طبق الاصل شامبو هيربل ايسنسز بجوز الهند هاتوه شمو فيه اوفر من البرفيوم
سمايل ممم يجي منها هاديه يعني انما الاتنين التانيين استحاله
بوربلانكا كويسة بردو عجبتني
شميت مره تانيه كريستيان لاكروا روج ومازلت عند رأيي عاديه واقرب ما تكون وحشة
مزميرايز يا الله بموت فيها ريحتها تشبه لاكوست الاصليه جميلة

الاوردر بتاعي كان

2 لوشن مضيء رتيش مويستشر
عرض كريم الايد ريتش مويستشر
2 روج من كلر ترند .. ريزين واين وبيكيني كنت هجيب كافيه اوليه بعدين قلت يمكن يطلع عندهم دم ويدهوني هديه
روليت ساني سكايز وروليت نساء العالم
2 سكرب كلير سكين
ماسك الصبار من افون ناتشرالز
2 رول اون فولسبيد و برسيف
برفيوم كريستان لاكروا نوار
اوردري كان 175 جنية مدفوع رحت اخدت مشتروات من اوردر خطيبه اخويا وكملت ال 200 جنية وهي كملت 300 وشوية وبكده كل واحده تاخد هديه ال 200 هههههههههه
بس بئه وجيت والحمدلله والاستلام ان شاءالله يوم الاتنين
شاهي حبيبتي كانت معايا شوفتها النهاردة وجابتلي البروشور بتاع الشهر الجديد مفيهوش اي حاجة عدله غير الروليتس شكلها حلو اوي وجددوها الي حد ما .. وكمان عرض سيمبلي ديليكت .. و لوشن مزيل الميك اب
غير كده مفيش ال وايه اللئيمين عملو برنامج تحفيز تشتري الشهر دا ب 250 والشهر الجاي ب 200 واللي بعده ب 200
وهي قالتلي عالهدايا بس نسيتها
طيب الشهر دا اشتري ب 250 ماشي البروشور كويس لكن بروشور الشهر الجاي مفيهوش اي حاجة تنفع عشان اجيب ب 200 جنية فا كبرت دماغي منه
وكل شهر وانتو طيبين ويجعله عامر هههههههه :)

مبرووووك انوووش وكل شهر وانتى طيبة :adore:
ولا يهمك من تيست الروج والساعة هما الخسرانين
والروليتس اه جددوا شكلها بس يا فرحتي صغروها واحد مللي ههههههه بيخدعونا بالشكل وينقصوها مللي؟؟؟ ياللا بقى اتعودنا على كدة خلاص لغاية ما الحاجات ما تنقرض !!!:confused:

بنات الحمدلله استلمت الورد التانى ليا لهذا الشهر شوفتوا الهنا عملت اوردرين فى خلال يومبن ورا بعض

و الاوردر المرة دا عمل 200 و اخد الهدية كريم للوش و روج كلير تريند بس صحبتى اخدت الروج وانا اخد الكريم لان كان الاوردر مشترك بينا هههه و كمان اللون كان فاتح اوى معجبنيش خالص فسبتهولها ههههههه

الحاجات اللى جبتها

2 مناكير كلير تريند 1 بينك و 1 سيمون كنت عاوزة الموف كمان بس طلع مش موجود حاجة اخر غباء مش عارفة لحق يخلص يعنى دا كان اهم لون كنت عاوزه يلا معلش

عرض البرفيوم فاراواى و مزيزمريز بجد تحفة تجنن رحتها فظيعة جبتها لخطيبى و فارواى واحد ليا و واحدة لصحبتى

عرض كريم الايد ريتش مويستشر انا اخدت واحدة صحبتى الاتنين التانين

مش فاكرة بقى الحاجات لان كانو بتوع المنسقة كملتلى بيهم الاورد علشان يوصل 200

sylsyl;10742878:
مبرووووك انوووش وكل شهر وانتى طيبة :adore:
ولا يهمك من تيست الروج والساعة هما الخسرانين
والروليتس اه جددوا شكلها بس يا فرحتي صغروها واحد مللي ههههههه بيخدعونا بالشكل وينقصوها مللي؟؟؟ ياللا بقى اتعودنا على كدة خلاص لغاية ما الحاجات ما تنقرض !!!:confused:

الله يبارك فيكي يا قمر تسلميلي
كل حاجة بتغلى اشمعنا هما
بدل ما يغلوها نقصوها ملي ال يعني هي كبيرة اوي عشان يشيلو منها ملي
يلا ماعلينا
بالنسبة للساعة بردو لو انتي مش مستعجله انا هاروح استلم يوم الاتنين لو لقيتها هي والروج هعملك التست واصورهالك بس بجد الساعة دي لو طلعت ايه باللذي انا خلاص نفسي اتسدت منها خلاص خخخخخخ

دلوعةshekoo;10742986:
بنات الحمدلله استلمت الورد التانى ليا لهذا الشهر شوفتوا الهنا عملت اوردرين فى خلال يومبن ورا بعض

و الاوردر المرة دا عمل 200 و اخد الهدية كريم للوش و روج كلير تريند بس صحبتى اخدت الروج وانا اخد الكريم لان كان الاوردر مشترك بينا هههه و كمان اللون كان فاتح اوى معجبنيش خالص فسبتهولها ههههههه

الحاجات اللى جبتها

2 مناكير كلير تريند 1 بينك و 1 سيمون كنت عاوزة الموف كمان بس طلع مش موجود حاجة اخر غباء مش عارفة لحق يخلص يعنى دا كان اهم لون كنت عاوزه يلا معلش

عرض البرفيوم فاراواى و مزيزمريز بجد تحفة تجنن رحتها فظيعة جبتها لخطيبى و فارواى واحد ليا و واحدة لصحبتى

عرض كريم الايد ريتش مويستشر انا اخدت واحدة صحبتى الاتنين التانين

مش فاكرة بقى الحاجات لان كانو بتوع المنسقة كملتلى بيهم الاورد علشان يوصل 200

مبروووووووووووك تتهني بالحجات يارب
مزميرايز ااااااااااه والف ااااااااااه انتي هتقوليلي عليها دا انا بموت فيها ههههههههههه
مبروك عليكي وعلى خطيبك وعقبال ما تستخدموها وانتو في بيتكم ان شاءالله :)

أنوش;10743396:
الله يبارك فيكي يا قمر تسلميلي
كل حاجة بتغلى اشمعنا هما
بدل ما يغلوها نقصوها ملي ال يعني هي كبيرة اوي عشان يشيلو منها ملي
يلا ماعلينا
بالنسبة للساعة بردو لو انتي مش مستعجله انا هاروح استلم يوم الاتنين لو لقيتها هي والروج هعملك التست واصورهالك بس بجد الساعة دي لو طلعت ايه باللذي انا خلاص نفسي اتسدت منها خلاص خخخخخخ

على فكرة النهاردة شوفت الساعة مع ناس بجد شكلها حلو اوى كأنها دهب

أنوش;10743407:
مبروووووووووووك تتهني بالحجات يارب
مزميرايز ااااااااااه والف ااااااااااه انتي هتقوليلي عليها دا انا بموت فيها ههههههههههه
مبروك عليكي وعلى خطيبك وعقبال ما تستخدموها وانتو في بيتكم ان شاءالله :)

الله يبارك فيكى يا قمر

اة فعلا مزميرايز خطيرة هى شبة ريحتة برفيم تانى بس انا مش عارفة اسمة

يا بنات عايزة اسالكم على حاجه

هو انا لو رحت الفرع بتاع افون واديت طلبى لاى بنت من اللى بيشتروا هناك تزوده على الاوردر بتاعها هياخد وقت اد ايه ؟؟ والموضوع ده عادى يعنى ولا ممكن حد يرخم؟؟

اصلها حجات قليله يعنى بس انا مش عارفه ايه النظام

manona_00;10743662:
يا بنات عايزة اسالكم على حاجه

هو انا لو رحت الفرع بتاع افون واديت طلبى لاى بنت من اللى بيشتروا هناك تزوده على الاوردر بتاعها هياخد وقت اد ايه ؟؟ والموضوع ده عادى يعنى ولا ممكن حد يرخم؟؟

اصلها حجات قليله يعنى بس انا مش عارفه ايه النظام

بوصي مش كل البنات بتستلم في نفس اليوم
يعني لو ربنا كرمك بواحده عامله اوردر 600 وطالع يبقى هتاخدي حجاتك وانتي واقفه
لكن لو اقل من كده فالاستلام بعد يومين
انتي ممكن تكلمي واحده هناك تضيفلك الحاجة ومش تدفعي لانها مش هتدفع غير وهي بتستلم
ويوم ما تستلم تجيلها تاخدي حاجتك وتديها الفلوس

بنات الا صحيح عندي استفسار هو ممكن نعمل تعديل عالاوردر قبل ما نستلمه
يعني نضيف حجات او نشيل حجات
ينفع ولالا؟
اصل احتمال احتاج اضيف ماسك كلاي بتاع كلير سكين ومش عارفة هل ينفع ازود عالاوردر اللي لسه هستلمه يوم الاتنين ولا خلاص كده مش ينفع

أنوش;10743705:
بنات الا صحيح عندي استفسار هو ممكن نعمل تعديل عالاوردر قبل ما نستلمه
يعني نضيف حجات او نشيل حجات
ينفع ولالا؟
اصل احتمال احتاج اضيف ماسك كلاي بتاع كلير سكين ومش عارفة هل ينفع ازود عالاوردر اللي لسه هستلمه يوم الاتنين ولا خلاص كده مش ينفع

اعتقد انة مش ينفع !!!!!

أنوش;10743694:
بوصي مش كل البنات بتستلم في نفس اليوم
يعني لو ربنا كرمك بواحده عامله اوردر 600 وطالع يبقى هتاخدي حجاتك وانتي واقفه
لكن لو اقل من كده فالاستلام بعد يومين
انتي ممكن تكلمي واحده هناك تضيفلك الحاجة ومش تدفعي لانها مش هتدفع غير وهي بتستلم
ويوم ما تستلم تجيلها تاخدي حاجتك وتديها الفلوس

مممممممم

وانا اجيبها منين بتاعت ال 600 دى؟؟:D:D

مش عارفه يا انوش انا اتخيلت الموضوع زى اورفليم يعنى لو اتاخرتى اوى بيبقى ساعه ولا حاجه بس هتاخديه كده كده

يعنى عارفه مش سهل تامنى واحده وتسيبيلها رقمك كده وخلاص <<<< شكاكه اوى :D

دلوعةshekoo;10743722:
اعتقد انة مش ينفع !!!!!

مممم
انا محتارة هو 90% مش ينفع فعلا
بس ايه يمنع مش عارفة هههههههههه

أنوش;10743731:
مممم
انا محتارة هو 90% مش ينفع فعلا
بس ايه يمنع مش عارفة هههههههههه

هههه طيب انتى لسة حتستنى ليوم الاحد علشان تعرفى ازاى كان ينفع ولا لأ و حتى لو نسبة 50% حينفع هما الشهر دا عليهم ضغط شغل بالهبل ما معتقدش حيردو يغيرو حاجة عموما اتصلى بالمنسقة و اسئليها

أنوش;10743705:
بنات الا صحيح عندي استفسار هو ممكن نعمل تعديل عالاوردر قبل ما نستلمه
يعني نضيف حجات او نشيل حجات
ينفع ولالا؟
اصل احتمال احتاج اضيف ماسك كلاي بتاع كلير سكين ومش عارفة هل ينفع ازود عالاوردر اللي لسه هستلمه يوم الاتنين ولا خلاص كده مش ينفع

انا مرة عملت اوردر بالفون وبعد ماقلت تمام قلتلها ماينفعش اضيف حاجة فقالتلي لا خلاص كدة اول ما اقول اوكي الاوردر بيتبعت خلاص وماينفع تعديلات فاكلمى انتى منسقتك واسأليها وقوليلنا الاخبار

والله مااعرف رقمها يابنات
اصل انا بروح وهي هناك بخلص الاوردر واسلم عليها وامشي
لكن مليش في موضوع تبادل التليفونات دا ههههههههههه
عموما خلاص مش مهم المره دي وهبئه اسال يوم ما استلم اوردري

بنات اية رايكم في شامبو ادفانس تكنيكس وشامبو افون ناتشورالز

لوسمحتم يابنات كان فيه بنات بتشكراوى فى كريم ايد وانه فتح لهم لون ايديهم ممكن اعرف اسمه واجيبه منين من المنصوره وعنوان ايفون فى المنصوره

nahla.alex;10744706:
بنات اية رايكم في شامبو ادفانس تكنيكس وشامبو افون ناتشورالز

شامبو ادفانس تكنيس الفسفوري حلو وريحته جميلة
شامبو افون ناتشورالز بزيت اللوز مش اد كده البلسم بتاعه احلى

قطره الندي;10745227:
لوسمحتم يابنات كان فيه بنات بتشكراوى فى كريم ايد وانه فتح لهم لون ايديهم ممكن اعرف اسمه واجيبه منين من المنصوره وعنوان ايفون فى المنصوره

اه دا كريم ريتش مويستشر
نازل عرض 3 منه ب 22 جنيه سعر عضوية وبشكل جديد عشان الكريسماس
ممم عنوان مش عارفة اظن مفيش في المنصورة وفي الحاله دي بتطلبي بالشحن
بس بنات المنصورة تفيدك اكتر بردو :)

يا جماعة اي رأيكو في برفيم سيجنيتشر اللي نازل الشهر الجاي؟؟ حلو وللا ايه؟؟؟