( رضعتي طفلك صناعي ) تعالي فيديني,انا و غيري ..!!

ايسمار;10720844:
ام علاوووي الله يعينك بالنسبة لي اصعب مرحلة ابني الاول عطيته طبيعي واصطناعي بس قبل فطمته عن الطبيعي وبعدها بكم شهر لما كمل سنة ونصف فطمته عن الرضاعة لكن على حسب طبع الطفل كان طبع ولدي زنان ومايسكت وعلى طول متحجج تعبني وهو بكري في البداية حاولت اقلل رضعاته وقت النوم ماقدرت لانه مايحب ياكل واعتماده على الحليب فقمت فطمته مرة وحدة بدون مقدمات وظل يصيح مايسكت وكنت احاول اعوضه بالكاس وماظل نوع ماشريته مازعلت الشركات احاول اغريه بس مافي فايدة مع اني قبل الفطام كنت احاول اعطيه في كاس مايتقبله استمريت كم يوم على العذاب حتى استسلم بس هني حاولت اعوده على الحليب مارضى حتى جايوم وتقبله بنوع معين من الكاسات من سنتربوينت مرقم مثل الرضاعة وميله من السيلكون وله مسكتين حطيت له عسل طبيعي في الحليب وصار مدمن يوتعي من نومه يطلب ولا كأني فطمته واني ابغى انام متواصل وارتاح وخففت له وتركه بس بعد فترة رجع يطلبه وعطيته حتى كبر ونساه والحين مايدري عن الحليب قصتي طويلة وابني الثاني عطيته طبيعي ماتقبل الاصطناعي لان سبب له مشاكل واستفدت من تجربتي الاولى ومن كمل 6 شهور خففت عنه الرضاعة يمكن مرتين في اليوم وبالكثير 3 ومن كمل سنة مرة في اليوم وبعدها كمل سنة وخمس شهور او اقل وفطمته لكن الحين مايشرب حليب نهائيا احاول معاه مايرضى واللي طفشني استخدم حليب بودرة جربت كذا نوع واخر شي نيدو وبصراحة اتملل من حليب ذوبني واخلطني هههه انواع الملل وقت النوم وما انصح بحليب النكهات الدكتور يقول هذا اصباغ ونكهات وسكر تضر بأسنان الطفل وصحته وتقلل من شهيته

بيه الله يكون بالعوون :woo: ..
الفطام كان طبيعي ولا صناعي متعب ..!!

والاهم بعد الفطام تعوديهم يشربو الحليب ..
مهم بعد علشان جسمهم محتاج لنمو ..!!

اكيد استفدت من تجربتك ..
وتسلمين حبيبتي ..!!
والله يعيين ..!!:worn_out:

زهور بنفسجيه;10720845:
انا للحين مافطمته من الرضاعه بس اعطيه في اليوم مره او مرتين

وصراحة ماجاء على بالي اني افطمه الحين بس شكلي بتشجع وبفطمه

طبعا انا اعطيه بعد حليب العلب بنكهة الفراولة والموز يمكن بيسهل علي اني افطمه من الصناعي

طبعا ولدي نفس عمر ولدك الفرق بينهم يوم واحد

يالله خلينا نشجع بعض ام حسين ..!!
لانه لازم خلاص يوقفو حليب بالمرضعه ..

علشان اسنانهم وبلاعيمهم بعد ..
انا قلت ببداء بعد عشرة محرم ..!!

ان شاء الله علشان اذا لعوزني يكون لي مزاج :confused: ..
وما شاء الله الفرق يوم واحد :biggrin: بس ..
ربي يخليهم ويحفظهم لنا ..!!

أم حواري;10721008:
الله يسهل عليش ام علاوووي وان شاء الله البطل ما يتعبش وتحملي فيه شوي شوي عليه

الله يسمع منك ..!!
وثانكس ..:thumbs_up:

حبي الغالي;10721748:
بيييييه خيوو جبتينها على الجرح

اني ولدي ماباقي شي ةيكمل سنتين وامبيه افطمه بس مو عارفه

لانه واجد متعلق بالمرضعه واذا بغاها وماعطيتها اياه يصير مجنووووووووون ويدبح رووحه من الصياح

وخصوصآ في الليل مثل ماقلتين

اتخااااايب اقوم اسوي ليه ويقعد يصيييح صياااح ويقعد ليي اخوه

والله بلشه هالمرضعه

تعبت ماادري ويش اسوي عشان افطمه وافتك

بييه الله يكون بعوونا ..!!
انا كل ما قلت قريب اقول بعد شووي ...

الحين خلاص اخذت قرار انو بعد عشرة محرم خلاص
ببداء معااه لانه بمحرم بكون مشغووله شوي ومالي بارض صيااح ..!!

معنى مسكين طول اليوم اسوي له رضعه وحده بس ..
وبليل او وقت النوم يطلبها ومرات ما اقووم البي له طلبه :-#..

ويالله ابدائي فطمي منها بس ظلي عطيه الحليب بكووب ..
لانه للحين محتاج لنموو وبيفييده الحليب اكيد ..!!

حطي له شي يخووفه بالحلمه او اخفيها خلاص ..
3 ايام حنه وزنه :|:confused: وبعدين بيتعود ان شاء الله ..
وخبرينا شنو يصير معااج اول باوول ..!! :thumbs_up:

ايسمار;10723377:
قصي الحلمة او حطي شوية ملح او مرة :worn_out::mad::badly:

:thumbs_up:
او اخفيها بشكل نهائي ..!!

أم حسين القمر;10723410:
نفس حالي ولدي بيكمل السنتين قريب ويا ولادتي يعني واحس لازم اقطع عنه المرضعه علشان ما ابتلش بأثنين يشربون مراضع ...

اي والله ..
وحياش معانه اول باول ..
خلونا نستفيد من بعض في تجاربنا بفطامهم من الميمييات ..
وشكلهم عيالنا بسن بعض تقريبا ..!!

الفطام صعب بس لابد منه 8o| ..
حياش الله حبيبتي ..!!

فاطم بدر;10725593:
هلا ام علاووووي ..

الله يساعدش .. بصراحه الفطااام صعب سواء فطام المرضعه او فطام من الصدر ..

من خلال تجارب خواتي ...

اني للحين مافطمت فطووومي .. وافكر افطمهااا لمن تكمل سنه ونص ... يعني عقب شهرين تقريبا ..

حاليا احاول اعطيها بالكووب .. ماتقبلته ..

لكن المحاولات لازالت مستمرة ... لانه نومتها طول الليل تشرب مرضعه .. كل ساعتين اسوي ليهاا ..

وااايد تعب وخصوصا الحين داخلين على الشتا والجو باارد .. والنووومه عجيبه هههههههه ..


ان شاء الله قبل السنتين مفطووومه وارتاااح ...


خبرينا بكل جديد وتطووور في فطام علاوي .. علشان ناخذ الحيطه ..

وسلااااااااااااااااام..

اهلين ام فطوومي ..!!
اي فعلا تعب لا صناعي ولا طبيعي سهل :badly: ..
والمصيبه الكبرى شرب (الميمي ) باليل ..
هو الا بنتغربل فيه ..!!
بس احس حاليا اهون لانه وواجد مرات يصيح يبي واحقرره..
وانيمه بدوون ويمشي الحاال ;) في بعض المرات وبعضها لا ..!!

بس اتوقع مع مع شووية حزم وتعب :confused: بيمشي الحال ..!

وانا اخذت العزم خلاص ..!!
انو ان شاء الله بعد عشرة محرم مثل ما قلت ..
ببداء معاه بشكل جذي وجااد ..

وبكون متواصله معاكم من خلال هذا المووضووع ..!!
وان شاء الله يكون الامر سهل معاي وابسطها لكم بعد :biggrin: ..
وتابعووني خخ <<< حشى برنامج تلفزيون خخ :lol:

ام علاوووي اطفالنا قريبين من بعض في السن بس سبقتكم وارتحت هم وانزاح بس ابغي اقنعه يشرب حليب غصبا عنه لو اضطر اجيب له بقرة هههه

ايسمار;10726521:
ام علاوووي اطفالنا قريبين من بعض في السن بس سبقتكم وارتحت هم وانزاح بس ابغي اقنعه يشرب حليب غصبا عنه لو اضطر اجيب له بقرة هههه

ما شاء الله شطووره خلصتي بكير ..
ههههههههههه:lol: بقره مره وحدده ..!!

ضحكتني خيوو ..!!
ما لج الا تشترين لج كذا كووب بشكال منوعه ..!!
وشوفي يمكن يتقبل فيهم ..
وشكلهم يشجعه يشرب فيهم ..!!:study:

وجربي له حليب السعوديه الطازج مثلا ..
واذا ما تقلبه جربي اي حليب غير مثلا نيدو ..!!

وحاولي انه يشرب حليب باي شكل كان ..
لانه لسه محتتاج كفاايته من الحليب :worn_out:..

متعبيين :confused: الله يكون بعوونا ..
وخلج متواصله معانه وبلغينا بنتصاارج عليه..
بالحليب لو تجيبين بقرره ههههه :thumbs_up:

اني بعد أبوه مو راضي افطمه لانه اعتماااده بس على الحليب كأنه ولد شهرين مو عمره سنيتن

أكله قليييل

من جدي ابوه مو راضي أفطمه يقول اذا قطعنا عنه الحليب بموت ههههههههههههههههههههههههه

جنان الآئمة;10727902:

أم علاوووي ..

انا صار لي من فطمت ولدي شهر و شوي و الحمد لله كلش ما عذبني عكس ما كنت متوقعة !!

لأنه متعلق بالرضاعة خصوصاً في الليل يعني لازم يطلبها قبل لا ينام ..

طبعاً ابتديت معاه من كذا شهر إني اعطيه رضعة بالليل بس و خليتها قبل لا ينام بفترة حتى لا يتعود على إنه ما ينام إلا عليها و النهار اعطيه حليب نكهات و عصاير ..

و اشتريت له من سنتربوينت أكواب بمزاز بأشكال يحبها و خليته يشرب الحليب بها و استانس عليها ..

و كنت حينها ناوية اقطع عنه رضعة الليل بعد بس ابوه ما رضى لأنه كلش كلش ما ياكل يعني اعتماده الكلي عليها فإذا قطعناها عنه بيخلص:(

بس لمّا سمعت من الأهل إن أكله بيتحس و بتنفتح شهيته أكثر لمّا افطمه ..

قررت إني اقطع عنه الحليب نهائياً و ليلتها ابوه سوى تصفية لكل المراضع الموجودة كلها رماها بالزبالة:)

و سبحان الله منها ما سأل لا عن الحليب و لا عن المرضعة !!!!

بس أكله للحين مو ذاك الزود بس اتحسن شوي عن قبل ..

و الله يهووون عليج فطامه و لا يعذبج ..

ما شاء الله ارتحي خيتو :cool:..!!
وعقبالنا واكيد استفدت من عرض تجربتج ..!!

وانا مثل ما قلت مقلله عليه واايد ..
وان شاء الله ما يتعبني ..!!

والاهم انه شهيته تتحسن لانه هو بعد عايش على الحليب 8o|..
بس من قللته لحد لان احسه شوي احسن ..!!

والكل يقلون انه الحليب يسد النفس ..!!
ان شاء الله بعد الفطاام يتحسن اكله:biggrin: ..

تسلمين حبيبتي ..
افدتيني والله يخلي لكم الحلو ..!!

حبي الغالي;10728243:
اني بعد أبوه مو راضي افطمه لانه اعتماااده بس على الحليب كأنه ولد شهرين مو عمره سنيتن

أكله قليييل

من جدي ابوه مو راضي أفطمه يقول اذا قطعنا عنه الحليب بموت ههههههههههههههههههههههههه

الله يخليه ان شاء الله :)..!!

وتاكدي انه فطامهم من الرضاعه(المرضعه ) ;) بس ..
بس الحليب استمري اعطيه بالكوب لحد ما يتعوود ..!!
مرتين باليووم ..حلو ..:p

واكيد شهيته بتتعدل وبياكل احسن .. من بعد الفطام ..!!
لانه اكيد بيجووع و هذا الاهم ..!!:thumbs_up:
ويالله تشجعي كل ما كبر الوضع اصعب بيصير :confused: ..!!

البارح جربت اعطي علاوي حليب في الكاس واللي حطيته له حليب فريش واضفت له عسل ماتقبله وبعدين ضفت شوي سيريلاك لانه يحبه وبعد ماتقبله من يشوف اشكال الكاسات الا كذا تلوع كبده ماخذ موقف لكن بحاول اعطيه في كوب للكبار وان شاء الله ربي يهديه وينفع معاه الكوب والله انه تعبني

ايسمار;10732881:
البارح جربت اعطي علاوي حليب في الكاس واللي حطيته له حليب فريش واضفت له عسل ماتقبله وبعدين ضفت شوي سيريلاك لانه يحبه وبعد ماتقبله من يشوف اشكال الكاسات الا كذا تلوع كبده ماخذ موقف لكن بحاول اعطيه في كوب للكبار وان شاء الله ربي يهديه وينفع معاه الكوب والله انه تعبني

بييه :| ..
سمي ولدي مو سهل بعد !!وما يعجبه اي شي :confused: ..
رجعي حااولي .. حتى لو تجربين له حليب باودر مثل نيدو ..!!

ممكن يتقبل طعمه ورجعي جربي لفرش ..!!
الله يكون بعونا انا لسه ما جربت شي :thumbs_down: ..

بعد 10 محرم ببداء ان شاء الله..!!
وبخبركم شنو يصير معااي :study: ..!!

ام علاوووي جربت اعطيه في كوب الكبار ماتقبله والنيدو بعد جربته وماتقبله الظاهر مافي فايدة فيه
بس بصر على رايي وكل مرة بعطيه الين يتقبل طعمه
وعلاويكم ان شاء الله ربي يهديه ويتقبل الحليب ويصير احسن من علاوينا والله يقدرنا على تربيتهم وتغذيتهم

ايسمار;10745495:
ام علاوووي جربت اعطيه في كوب الكبار ماتقبله والنيدو بعد جربته وماتقبله الظاهر مافي فايدة فيه
بس بصر على رايي وكل مرة بعطيه الين يتقبل طعمه
وعلاويكم ان شاء الله ربي يهديه ويتقبل الحليب ويصير احسن من علاوينا والله يقدرنا على تربيتهم وتغذيتهم

اووف . .:-o

حررام جربي وحاولي ولا تأسيين ابددا ..
وعطي على الاقل حليب مع كورن فلكس ..!!
على الاقل شي فيه حليب ..

وطبخي طبخات بالحليب على اقل تقدير ..
وبعد جربي سوي روحج تشربين وجربي الحليب الا يجي مثل العصير ..!!
مثل السعوديه والمراعي ولخ ممكن يتقبلهم ...

او ممكن يحبه دافي..
جربي كل الخياارت وان شاء الله تبشررينا :thumbs_up:

صج متعبيين بس الله يهديه ياارب ..
وننتظر اخباار علاويكم القميل :adore:..!!

اب ..


للعيونكم ..!!

ليش يعني هالاستعجال ؟ عادي يوم انه بيحس انه كبر مابيشرب ف المرضعة بس حرام مايشرب حليب بحجة انج تبين تفطمينه ف المرضعة
انا ولديه فديته عمره تقريبا 3 سنين يعله العمر كله وبعده يشرب ف المرضعة من يوم عمره سنة ونص كنت اشربه 3 مرات ف اليوم واهم شي الصبح وقبل لاينام لان جسم الياهل ينمو وهو نايم واعطيه حليب بودرة وعمري مافكرت اعطيه حليب فرش لانه بعده صغير وجسمه محتاج فيتامينات خاصة ان اكله خفيف والدكتوة قالي ان الحليب الفرش مب مفيد حق الصغار لانه بس فيه كالسيوم ومع الايام خف تعلقه بالمرضعة وصار مرات يشرب ف الكوب بس اللي خرب عليه ولادتي باخوه وهو عمره سنتين ونص فرد مرة ثانيه يشرب بالمرضعة وصار دوم يقارن نفسه باخوه ويتحجج ان هو يشرب العصير والماي ف الكوب بس لازم يشرب الحليب ف الننا يدلعها لليوم ههههههه وماضغطت عليه لحد ماصار احينه بس يشرب الحليب الصبح ومرات ابروحه يطلب يشرب ف الكوب فانا احس موضوع المرضعة شي عادي مايستاهل كل هالربشة والخوف الياهل متى ماحس انه كبر بيتركها من نفسه وهالكلام نفس كلام الدكتور وبناء على نصيحته انا مافطمته بس رتبتله الوقت اللي يشرب فيه الحليب وممنوع خلال الليل يطلبها لو تنقع فيوزه ماعطيه بس اهم شي عندي يشرب الحليب

اثمد;10786594:
ليش يعني هالاستعجال ؟ عادي يوم انه بيحس انه كبر مابيشرب ف المرضعة بس حرام مايشرب حليب بحجة انج تبين تفطمينه ف المرضعة
انا ولديه فديته عمره تقريبا 3 سنين يعله العمر كله وبعده يشرب ف المرضعة من يوم عمره سنة ونص كنت اشربه 3 مرات ف اليوم واهم شي الصبح وقبل لاينام لان جسم الياهل ينمو وهو نايم واعطيه حليب بودرة وعمري مافكرت اعطيه حليب فرش لانه بعده صغير وجسمه محتاج فيتامينات خاصة ان اكله خفيف والدكتوة قالي ان الحليب الفرش مب مفيد حق الصغار لانه بس فيه كالسيوم ومع الايام خف تعلقه بالمرضعة وصار مرات يشرب ف الكوب بس اللي خرب عليه ولادتي باخوه وهو عمره سنتين ونص فرد مرة ثانيه يشرب بالمرضعة وصار دوم يقارن نفسه باخوه ويتحجج ان هو يشرب العصير والماي ف الكوب بس لازم يشرب الحليب ف الننا يدلعها لليوم ههههههه وماضغطت عليه لحد ماصار احينه بس يشرب الحليب الصبح ومرات ابروحه يطلب يشرب ف الكوب فانا احس موضوع المرضعة شي عادي مايستاهل كل هالربشة والخوف الياهل متى ماحس انه كبر بيتركها من نفسه وهالكلام نفس كلام الدكتور وبناء على نصيحته انا مافطمته بس رتبتله الوقت اللي يشرب فيه الحليب وممنوع خلال الليل يطلبها لو تنقع فيوزه ماعطيه بس اهم شي عندي يشرب الحليب

حبيبتي شكلش ما قرائتي موضوع عدل ..!!
انا قلت بفطمه من الرضاعه بس بس الحليب بعطيه بكوب يشربه ..
وبستمر على الحليب بس الرضاعه لازم اوقفها خلاص تاثر عليه ..
اسنانه وبلاعيمه ما تصلح ..!!