مشكلتي مع زوجي وبنتي

احس عادي علاقته معاها..يعني هو بعد ما يقدر ياخذها كل مكان اذا طلع مع ربعه!
يبى يتنفس ويرتاح مع اصحابه احيانا واذا بيدلعها زيادة بتكوون دلوووعة بزيادة المفروض يكون في شخص شوي تخاف منه و بالعكس زوجج يجيبلها هدايا والعاب يعني يدلعها بحدووووود!

الغالية الموضوع عادي ومافيه شيء ابدا
عزيزتي انتوا ببداية زواجكم ولسه يبيلكم وقت وخاصة هو يبي له وقت كافي عشان يعرف يتعامل مع عياله الغالية ما في انسان ينولد متعلم وما في رجل على وجه هذي الارض تزوج وخلاص عارف يربي عياله صح ... الغالية تربية العيال مب سهله والله انها هلاك بهلاك

في موضوع لفت انتبها او بالأحرى نقطة حابه اوضحها لكِ ... الغالية اصلا معظم الرجال ما يحبوا ياخذوا عيالهم معهم في طلعات شبابية ولازم انتي تكوني متفهمه هذا الوضع اللي استغربته منك انك تبينه يطلعها معاه وهذا غلط هذي بنيه والمفروض انك ما تلزمينه او تتوقعين منه يشيلها عند شباب ترى الرجال لهم نظرة خاصة ولازم كل حرمة تحترم هذي النظرة بهذا الموضوع بالذات ... الغالية بعدين بنتك غلط انك تعودينها على انها تحصل كل اللي تبيه الحين انتي متفرغه لها علميها وفهميها شوي شوي عسب تودر عنها الدلع ترى والله العظيم دلع البنت خاااااصة أكبر مشكلة راح تواجهج اذا ما حليتيها من الحين وعودتيها تخفف دلعها ادري بتقولين انها ياهله بس ترى والله ما في افهم من الياهل وأذكى منه

الغالية لا تكبرين الموضوع توكم على باب الله وتوكم يبي لكم من 5 سنوات لين 15 سنة عشان تعرفون طرق التربية ترى شوي شوي والله ما في حد ينولد متعلم ... يمكن يكون احياناً هو غلطان واحياناً انتي بس كل واحد لازم يتحمل الثاني هذي الحياة الزوجية ما تمشيء الا بالصبر شيلني واشيلك ... وانتي في اوقات فراغ زوجج ولما يكون هادي ورايق ببساطة تكلمي معاه وناقشوا كيف تحلون موضوع دلع البنت ... وفهمية برواقة كيف انتي تتمنينه بس احذرج بالمعقول والشي الصح ... مب بالإكراه والفرض ...

انا الافضل اشوف انك تفكري بطريقة تعاملك مع بنتك افضل وتعدلي من شخصيتها شوي عسب تودر الدلع بصراحة ما الومه اذا كانت البنت كثير دلوعة وتفشل الغالية لو مكانه بسوي نفس الشيء ... يعني الغالية الحلا الوحيد انك تعدلي شخصية بنتك

العتب

حبيبتي بالنسبه لموضوع زوجك وبنتك الامر طبيعي كل الريايل ما يهزهم صياح اعيالهم انا بعد ريلي اذا بيطلع ولدي يصيح وراه ما ياخذه انا استحمق بس اذا بتشوفينه بالعقل ما يصير يبلش ربعه واهو طالع معاهم يغير جو ابنته ....

وبالنسبه لموذوع بنتج اهي ما زالت صغيره وانتي ما زلتي تقدرين اتحكمين بدلعه وعلى فكره كل البنات دلايع ... والله يخليه لج يا رب ..

شوفي يالغلا

اتوقع الفتره اللي قضتها البنت عند هلك وكانت بعيده عن زوجك هي السبب في البعد العاطفي بين بنتك وزوجك

بس بمجرد مابتلازمه اكثر من اول راح تقوى العلاقه من الله

ولا تقولين لانه ماعاش مع ابوه فما يحس بعاطفة الابوه لاااااااااا

لان عاطفه الابوه ربانيه من الله ولا كل من كان بدون ابو او ماعاش مع ابوه يعني انه ما بيكون اب صحيح وحنون

هذي الفكره خطااا

ع العموم انتي بيدك تعدلين علاقة بنتك وزوجك حببيها فيه وحببيه فيها اشري لها هدايا تقدمه لابوها منها

خليها قبل النوم تبوسه وتقول تصبح على خير يابابا

اذا جاء من دوامه تستقبله وتحضنه وتقول وحشتني يابابا

يعني من هالاشياء اللي بتعزز العلاقه بينهم

خليها تقضي معاه اكثر وقت ممكن --

وصدقيني المشكله بسيييييييييييييييطه وسهله بس اعرفي تعاملي معاه زين بحكمه


تقبلي مروري ومشاركتي حبيبتي

دمتي بود وبحفظ الرحمن