ضايق صدري ..

بالفعل الغالية اسؤ ما في الانسان لما يعيب على انسان مثلة كيف يعيب الغالية وهذا خلق الله هم للاسف قاعدين يعيبون على صنع الرحمن (( لا حول ولا قوة الا بالله العلي العظيم )) الغالية الله يسقي الانسان من نفس الكاس اللي سقاعه اخوه المسلم .. وإذا انسان عاب على صنع الله بدال ما يدعي الدعاء اللي علمنا اياه الحبيب وهو (( الحمدالله الذي عافانا فيما ابتلاهم فيه وفضلنا على كثيرا ممن خلق تفضيلا)) سبحان الله الله قال (( هذَا خَلْقُ اللَّهِ فَأَرُونِي مَاذَا خَلَقَ الَّذِينَ مِنْ دُونِهِ بَلِ الظَّالِمُونَ فِي ضَلَالٍ مُبِينٍ) لو كل انسان يذكر هذي الاية العظيمة لكنا بخير وما خسف الله فينا وخلق العاهات الموجودة هذا الزمان ... اللهم سترك وعفوك ...


العتب

عندي صديقه كانت تحب واحد مررره حلووو بس خساااره كان موريها الويل الحلوو ده المهم تطلقت منه وبعد فتره تزوجت واحد راااقي متعلم مثقف يعاملها معامله زينه بس اسمر مررره ووجهه يفتقد الوسااامه بس تعااامله لها خلته في عيونها قمر 14 شافت الجماال الحقيقي داخله الله يكوون في عون الناس اللي الجمال عندهم خااارجي شكلي يعني

خلي يستخير حبيبتي وانتوا استخيرواااااااااااااااااا معه والله يقدم اللي فيه الخير يارب

{ نور ال ع رب };10711069:
عقول فارغة بمعنى الكلمة
تحمد ربها شخص بهذي المواصفات تقدم لها
الوحدة اذا كانت فعلا طيبة مابتجلس تعاير ع خلقة الله
ولا بعد ماتعاير بنت الا رجال اللي مايعيبه شكله
احسن له يشوف له وحدة ثانية تقدره وتراعيه وتحفظه
مو ياخذ وحدة من بداية الخطبة جلست تعاير في شكله !!!

وهو الله راح يعوضه ان شاء الله

ماتناسبه بكل بساطه
واذا ردوه هاي خيره له
ومفروض هو يعرف بالكلام اللي ينقال
لاتخلينه ع عماه مسكين

الحياه الزوجيه مو شكل بس والله
تراها اكبر من الشكل والمظهر

اذا انتي شايفتها ماتستاهله فركشي الموضوع من اصله
وعلميه بالكلام ..

اذا هو ع المواصفات اللي تقولينها , يستاهل وحده ع الاقل ماتكون سطحيه نفس اللي مختارينها له ..

تحياتي
:)

اذا ما يهمكم الشكل ليش عيل رحتوا لملكة جمال :biggrin: .. واذا اهو احسن من مستواها ليش رحتي حق هذي عشان اهي جميلة؟؟;) :rolleyes::rolleyes:
لان ما في مواصفات الا ان اهي حلوة و اهو مواصفاته اكثر و افضل هذا اللي فهمته
اهي بعد صج عيبت على شكله احتمال بس اهي حرة في اختياراتها البنية لان الزواج انبنى على عدة اشياء "جمال او مال او جاه او دين و هو الافضل"


يعني ما طرى ببالج انها اححتمال ترفع نفسها عليه لان اجمل منه بدرجات .. جان رحتوا لوحدة لا قبيحة ولا ملكات الجمال
رحتوا لوحدة ملامحها كيوت خلوقة واعية مثقفة تعرف تتكلم و تبي تنستر

انتي رحتي لجميلة و تقولين ما يهمج و رحتي للهنوعية غريبة
بدل ما شفتي وعيها و ثقافتها و سمعتها و بعدين شكلها

عالعموم اذا اهي قالت هالكلام قولي حقها اذا انتي تحسين ما ترتاحين له كزوج قولي ما يحتاج التجريح

و مسامحة على الحجي القبلي بس اذا هالنوعيات ما تعجبكم لا تروحون صوبها لان اساليبها ما تناسبكم الاخلاق اهي الاهم و اهو حلاته باخلاقه و مستواه بعد
و عسى الله يوفقه يا رب
و شكرا

حبيبتي لاتزعلين ولاتاخذين على خاطرك وهذا ىدل على طيب قلبك ونقى اصلك وانشاء الله مايصير الى الخير لانك كنتى تبين الخير واذا كان على اسلوب البنت واهلها كل واحد يشوف اللي يناسبه بعضهم يركزون على الشكل اكثر من الاخلاق بس اذا ماتبيه لاتوصلين لقريبك ان السبب شكله قولي البنت استخارت ومافيه نصيب والله يعوضه باحسن منها بعدين يكفي ان بلال بن رباح مؤذن رسول الله كان عبدا اسود وهو من اهل الجنه وتحياتي

سبحان الله .. الريال ما يعيبه الا اخلاقه . وجيبه ... ودينه..

مو شكله... لاحول ولا قوه الا بالله الحرمه تصير جميله .. عشان الريال مو العكس .. ولو انتي الصراحه حاسه ان هي عكس الي انتي شفتيها عليه .. خلاص اختي روحي اتصلي فيه وقولي له الواقع ... لا ياخذها مغتر بشكلها وهي داخل قلبها تاخذه على منصب وماده ...

ياما ريايل مب حلوين ونسوانهم يموتون فيهم وهي على قولتج مايحصل لها .. يعني طراره وتشرط .. يا سبحان الله ... ذكرتنيي بوحده معاي بالشغل كنت اسولف معاها وهي عمرها 28 وتبي تعرس ويوم رشحت لها واحد ممتاز بس قلت لها عيبه ان ماكمل دراسته .. تدرون قامت تتشرط .. واخر شي مارضت ..

طبعا أنا اقول هي الخسرانه صحيح هو ماكمل دراسه لكن يشتغل .. في الجيش ومعاشه زين واخلاقه زينه ومصلي وكل شي وعنده سكن منفصل ... وهي مب مكمله بعد جامعه توجيهي ..

سبحان الله على البنات

تحياتي لج اختي وافضل تخبرينه

بس بطريقه ثانيه ان حسيتي انها ما تناسبه

ام جنى

ترى الحين البنت اذا انخطبت تقعد تتشرط
عندي قرايب لي اذا جوا خطبوهم لازم يبون يعرفون الطول
مايبغون رجال قصير
والله احسه زمن يضحك
راح زمن اللي الناس تبي الاخلاق
هذا بدل ماتخاف انه هوه يمكن ماتعجبه
تخاف من اراء الناس ومدري ايش

مشكورين يا بنات على ردودكم ما قصرتوا.. احنا بغيناها لأنها اموافقه على شي في ظروف شغله و بقيه اللي خطبهم ردوه على هل سبة

بحرينية كيوت .. مشكورة لو اتركزين اشويه بس في اللي انا كتبته و اتبطلين اعيونج بتشوفين اني ما كتبت ان الشكل ما يهمني !! و ما اعتقد فيها شي اذا اخترنا له وحده حلوة يستانس عليها و اتييب له اعيال حلوين !