ّذلني وانا صرت أسيره بين يديه ............قولولي وش اسوي

بسم الله الرحمن الرحيم
السلام عليكم ورحمة الله وبركاته
بركة العشر

ما راح اطول عليكم وراح اتكلم بدون تكلف ورياحيه لأني حاستكم مثل أخواتي وعارفتكم زين (وانتو تعرفوني لا تسالوني كيف؟؟؟؟؟؟؟؟؟؟ بقولكم )وانا خلاص تعبت
انا كنت معكم بالمنتدى وعضوه ماسيه اخذت مني اختي الاسم بعد ما نشغلت وقلت حرام انزل الموضوع باسمها سجلت باسم جديد وحابه افتح صفحه جديده بحياتي مافيها من الماضي اي شيء ابدا

راح ابداء قصتي من البداية انا بنت عمري 24 سنه عندي احلام وامنيات بس ولا شيء منها تحقق حتى الحلم إلي تتمناه كل بنت بقولكم كيف؟؟؟؟؟؟ ولا اعتراض على اقدار الله والله دائما افكر اقول اكيد من شي انا سويته او خيرة والحمدالله على كل حال

إلى اني كباقي البشر تضعف نفسي احيانا واتعب وابكي كل ماذكرت وش صار فيني
انا كل إلي إلي صار فيني بسبب ابوي وامي الله يسامحهم ويهديهم ويخليهم لي
تعباااااااااااااانه ياناس والله تعباااااااااااااانه وقاعدة أتالم ولا احد حاس فيني ابدا

عندي جروح كبيرة من يوم كنت صغير على العلم انا مو انسانه حساسه ولا ازعل على اي شي او من اي شي والحمدالله اللكل عارف شخصيتي واحط اعذار كثيره للناس إذا احد غلط علي

بأبداء عشان ما اطول عليكم لان قصتي خلقه طويله
انا ترتيبي اكبر بنت محصوره بين ولدين قبلي وبعدي البنت إلي بعدي تصغرني بحول 6 سنوات وبعدها 3 بنات ورى بعض
ابوي كان يحب الاولاد اكثر من البنات طبعا هذا الكلام عل ايامه زمااااااااااان اول حياته مع الاطفال

حبيت ابوي وامي كثيييييييير وما زلت اكيد احبهم وحاطتهم فوق راسي
لكن ابوي الله يهديه ميز اخواني عني كثير حرمني من حنانه
وصار عندهم سلطه علي لان ابوي الله يسامحه قواهم علي
والله ثم والله ثم والله يا بنات إنا كنا نطلع السوق بعد الشهادات (محلات الالعاب الكبيره) كان يشتري لهم العاب مرررررررررره حلوه من السيارات الكبار الفخمه وكانو يتنقون وانا اطالعهم بنظرات الطفلة البائسه الحزينه قلبي يتقطع اطلبه لعبه صغيرة ما انساها ولا بعمرها راح تروح عن بالي(العرايس الاسلاميه زمان إي من القطن لا ومن محلاتنا زمان إلي بالعويس وطيبه) يقولي مو حلوه عندك كثييييييير خلاص كانت امي تمشي معه وما تبغى تحسسني تقوله حرام عليك كان يزعل منها وما يعطيها وجهه
كنت استسلم واكتفي بالنظر
وليته على كذا كان مدخل الاولاد مدارس اهليه وكان يقول لامي ماعلي من بنتك تبين تدفعين لها بكيفك والله يجزاها خير ماقصرت معي على انها ما كانت موظفه
والله يابنات أني كنت اعتقد أني مو بنتهم وانا صغيره من تعاملهلي
كان يدخل البت يسلم على اخواني ووالله ما كان يلتفت علي على طول يروح لاختي يبوسها لانها كانت صغيره
كانت امي تشوف في عيوني الحزن
وقالتلها وانا صغيره ماما انا ما احب بابا
قالتلي لا حرام ربي يدخلك النار
وخافت قالت لابوي عشان يصير يعطيني وجه
والله يا بنات انه ضربني على العلم ماتجاوزت ثاني ابتدائي
وصار يقول لاخواني واختي تعالو انتو تحبون ابوكم
وصار إذا طلع ياخذهم معه
والله ما نسى يوم عماني كلهم بيجتمعون وبياخذون عيالهم وبيطلعون للبر
وكانو متجهزين على الاخر وجايبين كل شي
كنت فرحانه ولبست وكانت امي والده باختي الثانيه
كانت تقولي اقعدي معي لا تخليني لحالي
بكيت قلتلها ابغى اطلع مع سمر(بنت عمي اقرب وحده لي)
اخر شي قالتلي خلاص إذا جاء بابا من الصلاة(صلاة الجمعه)
اطلبيه وكنت مستغربه طيب ليه يا ماما
قالت انه معيي تروحين
والله يابنات اني اذكر اني بكيت قدامه من صياحي صاحت امي وانه مارضى قال انتي ما تحبيني وانا ما احبك
ماراح تروحيييين
ومن بعدها صرت اخاف منه واتهرب واحبس نفسي في اماكن ما تتخيلونها إذا جاء عشان ما يشوفني

والمصيبه حب ابوي لاخواتي بعد ما كبرو شوي
كان يموتني قهر وغيره كنت احاول الفت انتباهه باي شي
بس من بعيد لبعيد عشان ما احتك فيه
كبرو اخواتي ودخلو المدارس الاهليه وانا ما زلت ادرس على حساب امي
كان ابوي يحب الدراسه ويحلم انه يكمل تعليمه في مجاله وياخذ دكتوراه وهتم باخواني في دراستهم
فصرت اشد حيلي واخذ من الأوائل عشان الفت انتباهه كان ينبسط كثير
وخصوصا في ثالث ثانوي يوم اخذت من اللأوائل عل المملكه
صحيح انه ندم على إلي سواه
بس للاسف ما عاملني مثل اخواتي
تخيلو وانا طفله يميزهم عني ويقول انت كبيره
كنت انسانه جدا منطويه
امي ما كانت دارسه ولا موظفه ماتعرف شيء عن العالم إلي برا
ولا كانت تطلع كثييييير ماكانت تعرف وشلون الناس تلبس وتتكلم وتتعامل مع بناتهم وخصوصا قدام الناس

كانت تحرجني قدام بنات خوالي وانا اشوف امهاتهم يدلعونهم
كانت تتشكى من معاملة ابوي لي كانو ينظرون لي نظرة دونيه وبرحمه وشفقه
كنت اكرهه هذي النظرات
كنت اقل من الناس إلي حولي

قطعت العالم عشان ما احد ينظرلي هذي النظره

.
.
.
.
.
.
.
.
.
.
.
.
.
.
.
وجاء اليوم إلي كنت فيه في بيت عمي الله يرحمه
كنت بثاني متوسط
دخل ولد عمي اكبر مني 10 سنه
ياناس ما ادري وش اقولكم
كان يشوفني صغيره
اعطاني قطعه حلاوه كنا بأيام العيد وقالي ماشاء الله كبرتي
صرتي عروس
يابنات حسيت بحنان مو طبيعي وانا كنت بفترة مراهقه
ومحتاجه لحنان انحرمت منه كثييييييييير
حبيته إيه حبيته كثير
كنت دائما اقعد مع اخواته إلي قريب من سني
وحده اصغر مني بسنه وحده اكبر مني بسنتين

الصغيره جتني (وهي بنت على نياتها كثير )بعد فتره قالت تدرين ان فلان يوم شافك
قال لامي والله انا ودي اتزوج من العائله وش رايكم في فلانه إلي هي انا

(وللعلم هو جميل جميل جميل جدا
وانا اقل من عاديه)

بس ما قالتلي وش الكلام إلي صار بعده
وش قالت مرة عمي وش ردت عليه
وش اقنعته فيه
وهنا المصيبه

حبيته حب بجنووووووووووووووووووووووون وكنت
احسب انه يبادلني الحب كثير كانو حاسين امي واهله
كانو يعرفون اني احبه
يا كثر ما منعتني امي من الروحه عندهم او من اني اكلم على بيتهم
لكني كنت اجاهد جهاد عشان اسمع صوته
يوم انه حس اني احبه حاول يعاملني بقسوه عشان انساه وما اتعلق فيه
خصوصا إذا كلم على بيتنا او ارد علي إذا كلمت اخواته
لكني كنت اتعذر له اقول معليش مايدري اني انا
على اني كنت اقول اسمي عشان يعرفني
لكن عقلي وفلبي ما كانو يبغون يصدقون انه يعاملني كذا

وصرت احلم كل يوم وشلون بتصير حياتنا
وبيتنا واولادنا

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه ه ه ه
على الاحلام

إلين جاء اليوم إلي حست اخته الصغيره
انها غلطت قالتلي تذكرين يوم قلتك انه يبغى يخطبك
ترى امي قالت له انك مررررررره صغيره عليه
وتوه قبل كم يوم قالنا دورولي على وحده بس وحده ابي فيها هذي المواصفات
ومن هنا بدت صدمة حياتي
مواصفات مافيها ولاشئ مني بغيت اموت
وعرفت انها تقصد انه مو لمك ابدا

حبيته من ثاني متسوط إلى ثالث ثانوي
عمررررررررر طويل
تعلق قلبي فيه

كان عندنا بنت عم ملكة جمال كل من شافها انهبل عليها وقال اجمل ما شافته عيني
ابوها ميت وكانت عايشه مع امها وخوالها ونادرا ما نشوفها وفي ديره برا الرياض
جاء اليوم إلي جت فيه للرياض
وشافوها وكنت حاظره ماراح انسى وشلون كانو طايرين عليها والله يابنات حسيت انهم بيخطبونها له

اذكر رجعت البيت وقعدت ابكي وحسيت اني تدمرت
البنت بنت عمي وهو ولد عمي
حسييييييييييييييييت بألم وحييييييره وضياع
حسييييييييييت بنقص
وحسيت بنظرات غريبه من بنات عمي البقيه وبنات عماتي
لان الكل يعرف اني احبه

وصرت احس بنقص خصوصا لما شفت بنات خوالي كل وحده تنخطب من واحد كان يبغاه
مات احاسيسي وماتت مشاعري
بعدها ما صرت اتاثر ولا احزن
لان حزني كان اكبر من كل شي
لما كنت اشوف الناس تضحك كنت اقول ليه يضحكون وكيف؟

وقتها كنت تعبانه مرررررررررررره قلت مالي إلا امي
رحتلها شكيتلها
قلتلها يمه تكفين انا محتاجه حنان مثل ما تعطين اخواتي
لا تخليني احتاج لاحد غيركم
وقتها زعلت علي وقالت تحسبين اني ماكنت حاسه انتي فيك وفيك وفشلتينا
حاولت اناقشها وهي زعلانه
صفقتني كف
دمرتني
انتهت حياتي بعدها
صارت تشك فيني وتفشلني وتقسى
والله ثم والله ثم والله اني يابنات مانمت اسبوع كامل وكنت عايشه على المويه بس حتى اللقمه ماكنت اقدر ابلعها

خطبها
خطب بنت عمي اللحلوه

لكنها رفضته على اساس انها مخطوبه لولد خالها
فرحت فرحت فرحت
وحسيت انه لي
لكنه ولا فكر
راح خطب بنت اجمل من بنت عمي
شوفو ياناس كيف كان قلبي متعلق فيه وهو ولا هامه ولا فكر
وافقت البنت وشافها مرتين
وتعلق فيها وتعلقت فيه

كنت توني في اولى جامعه
وكانو اخواته معي
وبس يقولون وشلون قاعدين يجهزون وشلون فصلو فساتينهم ووين
ووش جابلها
خلاااااااااااااااااااااااااااااااااااااااااااااص تعبت
على انهم كانو يعرفون اني احبه
كنت تعبانه و منعزله ونفسيتي جدا سيييييييييييييييئه
اخذت جواله من جوال اخوي بدون ما يحس
وكلمته ما ادري ليش؟؟؟؟؟؟؟؟؟؟
بس كنت تعبانه
كنت حاسه نفسي بموت
اول ما كلمته هزئني وقال انا وش بني وبينك وسكر بوجهي لاني قلتله بكلمك في موضوع مهم يخصني ويخصك

ما يئست وقلت بكلمه مره ثانيه
وعلى طول كلمته
قلت بس اسمعني
لا تقول ولا شي وقول لابوي اني كلمتك إذا خايف احد يلومك

بس لا تقول لأي احد حولك لاني تعبت من نظرات الناس وشماتتهم فيني
قلتله في شي بنفسي من سنوات ودي تدري عنه
قلتله انا احبك وعشت بداخلي كثيير
انا اتعلقت فيك كثيييييييير وما اشوف غيرك بدنيتي
قلتله ما يهمني وش راح يصير حتى لو قلت لابوي واخواني
بس ابغى اقولك حاول انك إذا تزوجت لاتجرحني
قال كيف؟؟؟؟؟؟؟؟
وكنت حاسه انه رحمني لاني كنت ابكي
قلتله لا تعزمنا على الزواج وماابي اشوفها بحياتي
لاني اغار عليك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كنت تعبانه وما ادري وش كنت قاعد اقول

قالي الزواج قسمه ونصيب وانا ارتبطت خلاص
وانا حاب البنت
وان شاء الله ربي يعوضك بواحد احسن مني
قلتله انت مو حاس فيني؟ انا حبيتك من يوم كنت طفله
كيف اقدر انساك وانسى احلامي
خاف يعطيني وجه
قالي ما عندي اكثر من إلي قلتلك
وسكر

دمرني اكثر
واكثر شي ندمت عليه اني كلمته
لاني عرفت اني ما اهمه
ولانه ذلني
ولا حس فيني

بعدها في الجامعه اخواته صارو يناظروني بنظرات غريبه وما عاد قالولي عنه شي

حملت كل مواد الترم
وحولت تخصص ثاني وحملت كل المواد
على اني كنت من الاوائل ومره شاطره في الثانوي

حولت جامعه ثانيه

وانقطعت علاقتنا من 3 إلى 4 سنوات
وسبحان الله ربي هداني
بس والله يابنات ما نسيته يوم واحد
ولا لحظه وحده
وخصوصا لما كنت احط راسي
على السرير كنت اتذكر وشلون احلم فيه وش حلمت
ماكنت ادري وش صار عليه
بس عرف بعد الفتره هذي كلها انه فسخ الخطبه قبل الزواج بنص شهر
لأن البنت اختلفت مع امه
تكلمت عليها وسكرت بوجها التلفون
عشان لون الكوشه ما كان زي ماتبغى
كان لسى ماملك
بس خطبه

ماهمني
وقلت حتى لو كنت احبه ماراح انتظره يجيني
لانه ما يبغاني
لكني عشت ال4 سنوات ميته علي واحسبه ينتظرها تتخرج؟؟؟
قريت مره في موضوع عن فضل الاستغفار
وكانت طريقة العرض جدا رائعه الله يجزى صاحب الموضوع
والحمد الله التزمت الاستغفار وحطيت بنيتي اني ما اسمع عنه انه تزوج او خطب إلين اتزوج
عشان ما احس بالوحده والالم
وسبحان الله تعلق قلبي فيه اكثر واكثر
وبكييييييييييييت وطلبت من ربي اني انساه

كانت هذيك الفتره قويت علاقته بابوي عشان مشكلة صارت له

جاء اليوم إلي انتهت في المشكله بعدها باسبوع دق على ابوي قال بجيك للبيت ضروري

توقعنا كلنا وخصوصا انا انه جاي يتشكر ابوي

لكنه جاء يخطبني
شفتو كيف رحمت ربي واسعه
والحمد الله على كل حال
.
.
.
.
.
.
.
.
.
.
.
.
.
لكن للاسف اني وافقت عليه؟؟؟؟؟؟؟؟؟؟؟؟؟؟؟؟؟؟؟؟؟؟

تعبت وانا اكتب ونفسيتي تعبت
بكملم قصتي
إن شاء الله إذا ارتحت شوي

إن شاء الله مااكون طولت عليكم
وما ابي ردود للي ماتبغى ترد
او شافت اني سخيفه
بس ابي دعوه من القلب
وتذكري ان الملائكه بتقول ولك بالمثل
وتذكري انها ايام فضيله

يتبع إن شاء الله