حياتي آندومي وهمبرجر تعااااالوووووا ساااعدوني

الله يساعدش والله كانج تتكلمين بلساني عن بنتي والحين ماشاء الله هي في صف الاول ابتدائي لكن على ماكبرت شيبتني ذبحتني وحاسة بكل اللي تقولينه ومحد بحس اللي فيج الا انتي نفسج انا كانت بنتي على طول تصرخ كأنة احد حارقها وصارت حياتي ماسااااة لا ليل ولا نهار بس اللي ساعدني اني كنت ساكنة مع اهلي فوق بيتهم بشقة وكانت امي وخواتي يساعدوني بس بعد تعبو وصرت كل ما اطلع او اروح اي مكان الكل يعرفني انشهرت في البحرين بسببها الكل كان يرأف بحالي اذا سمعوها تصرخ والكل يعطيني حل بس مافي فايدة وبالنسبة للحليب كانت حتى ماتبي ترضع مني كرهت كلشي وعقب وديتها لدكتور اطفال وقال لي ان بنتي قريب بصيدها كساح وكتب لي على حليب وفيتامينات وحديد وقال لي ان حليبي مامنه فايدة من جذي هي تصرخ وشبه لي وقال تخيلي انج جوعانة ميتة من الجوع واحد يجيب لج الطبق ومافيه شي تاكلين وقال لي ان بنتي جذي ان حليبي ابد مامنه فايدة وانه ماراح يشبعها من جذي هي بنفسها كرهته وقال لي واصلي بالرضاعة الطبيعية اذا بغت بس حق المناعة

اتمنى انج تلقين حل سريع ويهدي بنتج

الله يكون بعونك ذكرتيني بنفسي بس انا بنتي عندها غازات مسكييينه الله يكون بعوونا ياارب

حبيبتي لاتعودينها على الحمال ..مو كل صيحة بسيطة تشيلينها ..شيليها وقت ماهي جوعانة ولعبيها بسريرها..يعني مو ماتشيليها خير شر وتخلينها تذبح روحها صياح لا فاهمة علي حبيبتي .. متعبة السالفة بس كلها لج اجر عند رب العالمين

الرضاعة الصناعية بليل عطيها شربة وحدة عوديها مرة وثنين وثلاث لاتنهزمين على الاقل مرة باليوم تشربها لو طلعتي عنها او تبين تسوين لج شغلة

مسز عادل;10698206:
الله يكون بالعون

الأطفال في هاسن كلهم مثل بعض و الأمهات نفس المعاناة

و الظاهر انتي عودتيها على الهز و المشي وتعودت

و اذا كان هذا اكلك يمكن حليبك ما يكفيها من جدي تطول على ما تشبع وتنام اهتمي بتغذيتك اكثر علشان يدر الحليب اكثر

وخلي احد مثل ما قالت ام عبادي يساعدك في موضوع الأكل و ترتيب الشقه جيبي الخدامه ام الساعه او اذا الوالده او ام زوجك عندها شغاله تاخذيها كم ساعه تنظف وتدفعين لها وجدي يخف عنك الحمل شوي

هلا حبيبتي
والله ام زوجي ماتقصر احيانا ترسلي غداي ،، بس شلون آكل ههههههههههههه ماشاء الله عليها ماتبي الا حضني :badly:
وصرت والله يوم اطبخ العشى اسوي كميه واتغدى فيه لدرجه صرت اتغدى الساعه 11 ص هههههههههه وقت نومتها
والله يكون بالعون وربي يهديها

الله يساعدك,,ما عندي خبرة حبيبتي

آنه أقرأ وآآنه أصيييح

صرااحه الله يعينج

آنه بكون أم ان شااء الله قرريب

ومن قلب خايفة .. لأن صغيرة 19 سنه ولا أعرف أتصرف مع اليهال :(

ومنكم نستفيد!

انا مثل حالتك وبنتي داخله الخمس شهور
وانا من البداية اختصرت الطريق وعطيتها صناعي لان حليبي مافيه فوايد
مثل حالتك ماكل شي مفيد فحليبي اكيد انه مومفيد ولايشبعها
وغير كذا الراحه اهم شي لاني نفسيتي تتعب وانا انومها واداريها طول اليوم
وخصوصا اذا استمريتي لهالحاله بتستجنين خخخخ
انا فكرت اجيب خدامه لاني انا ادرس فالنوم صاير مرررره قليل
الله يعينا ويصبرنا

اختي لاتعلميها على الحمال والهز ومو كل مرة تبكي تشيليها اتركيها وقت جوعها رضعيها كفايتها في بداية الاشهر كل ساعتين اغلب الاطفال لو كانو شبعانين ونظمي نومها ورضعاتها مثلا لاعبيها حتى لو تبغى تنام حتى الوقت المطلوب غيري لها ولبسيها ملابس مريحة ورضعيها ولو كملت 6 شهور عشيها قبل وبعدين رضعيها وحزتها بتنام الا اذا كانت ممغوصة لاسمح الله او عندها التهاب في الأذن او مزكمة هنا حالات استثنائية واستمري على هالحال فترة وبتتعود واعطيها ماي ومو كل مرة تبكي ترضعيها وهي شبعانة لان الطفل اذا ممغوص يسلي حاله بالمص ويهدي نفسه واعطيها يانسون مهدأ ومنوم وطارد للغازات
واذا حبيتي تلاعبيها وهي مكانها واوقات قيلولتها النهارية خلصي اشغالك بس لاتنيميها المغرب او قريب المغرب علشان تنام بكير وبكذا بتتعود على النظام
ومن ناحية اكلك لا تعوديها على حضنك اتركيها حتى لو بكت شوي وتقدري تاكلي تفاحة موزة مابياخذ من وقتك حتى لو هي عندك واشربي سوائل واكلي زبادي واشربي حليب ومافيها شي لو تركتيها وسويتي لك خبز فيه رهش حلاوة طحينية واكلتيه حتى لو للحظات تركتيها وتقدري تاكلي خضار خيار مثلا اغسليه واكلي والطماطم قطعيه بسرعة وبعد كليه مشي حالك وعموما الطفل نومه في البداية غير مستقر بس الام تحاول تعلم الطفل على النظام وتطول ساعات نومه تدريجيا وتقل رضعاته
ويا امهات شبعوا اطفالكم وعشوهم وبيثقل راسهم وبيناموا جداتنا ما عطوا اطفالهم اصطناعي

يا وخيتي

رجعتينا للزمن الذي مضى

اذكر ولدي بأول شهوره نومه كان مقطع ينام 10 دقايق و يصحا و ارجع انومه ينام ثلث ساعه و يصحى

حتى كرهت روحي قلت في نفسي وين اللي كنت اقول ابي اولد جان زين للحين حامل

اذكر مشكله النوم هذي استمرت عنده للشهر التاسع تقريبا بعدين بدا ينام لي ساعتين متواصلين مثلا و يصحا

الله يعينا على هالموال مره ثانيه

الله يساعدج خيوو والحال من بعضه يلا بتكبرين وبتكبر بنتج وبتنسين ان شاء الله
شنسوي بعد خيوو هذي سنة الحياة مثل ماربونا اهالينا الحين جا دورنا نربي عيالنا والله يكون بعونا
مالينا الا نتصبر عليهم ونكبر عقلنا وقلبنا ونخلي لنا مزاج اليهم يعني مو على كلشي نعصب ونكسر الدنيا عليهم مساكين هم مهما كان اطفال وعقولهم بعدها صغيرة
انتي بكرة في المستقبل بتذكرين بنتج بكل شيء سوته وهي راح تقولج انا سويت جديه!! بإستغراب وبكل برود هههههههه لانها شدراها طفله عذبت امها بشقاوتها بس مهما كانت هذي الشقاوة وايد لو شوي بس بتبقى البراءة الطفولية فيهم ربي يخليهم
مسامحة عالأطالة خيوو

شوفي حبيبتي البنات ما قصروا بس انا بعد بقول حلي

اول شي لازم انت تنظمين نفسك عشان هيه تتنظم

اكلك بمواعيده حتى لو على الواقف لان حليبك ما فيه دسم من قلة الاكل و هذا اللي يخليها تبكي و تجوع

جوعيها شوي عشان ترضى تتقبل الصناعي و مصرها بتاخذه لانها بعدها صغيرة

شوفي حل للغازات لان كل البيبيات بهالعمر يعانون من الغازات سويلها يانسون او بابونج مع شويه سكر نبات كل يوم 60 مل

لازم تنامين قدر المستاع على نومتها

شغل البيت و الشور لمن زوجك يكون موجود عشان بعد تتعود شوي على ابوها

اذا موكلتها و حفاضتها نظيفة حطيها تلعب يمك بكرسيها او باي شي مخصص لها فيه العاب و اصوات و قعدي يمها اكلي مو لازم تشلينها لمن تاكلين

غداك يوم من امك و يوم من مرة عمك و يوم من المطعم و حاولي تجهزين طبختك قبل بيوم يعني مثلا اذا تبين تسوين بامية سلقي اللحم من الليل و ثاني يوم بس طبقي البامية عليه


و لالالالالالالالالالالالالا للهز لان بعد كم يوم بتكبر بنتك و بتثقل خليها تبكي مرتين و بتتعود لانها بعدها صغيرة

و بالنسبة للنوم تقدرين تنظمين نومها من 5 شهور اذا انت شاطرة

و بالنسبة للحلمات احسن شي افنت و موم

ان شاء الله اكون افدتك بحلولي و اتمنى انك تطبيقنها الحين لان كلما كبرت بنتك كلما بيصعب عليك تغييرها

والله ماعرف لان لحد الان ماجربت
الله يرزفني لذرية الصالحه ويرزق الجميع يارب
ويساعدج

بس بقوول لج كلها ايام وبتعدي ان شاء الله

كأنك تتكلمين عن بنوتي جود

الله يسلمك بنتي كانت تشرب صناعي أول شهر فقط

ومن رجعت شقتي صارت ماتشرب صناعي وانا بعد حسيت الطبيعي أسهل واستمريت معاها كذا

ونفس حالتش ماتنام وانا ماآكل كويس ولا أشرب ولا أنام زي الأوادم

وطول الليل كذا عذاب في عذاب وحاولت معاها بكل الطرق تشرب صناعي مافاد

لكن بعد معاناة وياها قدرت اني أخفف من حالة إستيقاظها وليس أنهيها تماماً طبعا هذا لما كملت 6 شهور

فصرت أعطيها أول شيء وجبه بعدين أرضعها فصارت تكتفي شوي

وتنام في الليل مدة أطول نوعاً ما

لكن لازالت مستمرة على طلب الرضاعه بالليل

إلين ماكملت سنه و10 شهور تقريا وفطمتها

ولاتفكرين الموضوع خلص عند كذا حتى بعد الفطام الحاله مثل ماهي

إلا لما كملت السنتين صرت أنام معاها بعمق لان صار نومها شبه متواصل ولين صحت تشرب شويه ماء وترجع تنام

طبعاً تحملت المآسي زيك تماما

ومالينا إلا الصبر وأجرنا على الله




والحين ولدي قلت مابسمح للمعانة تتكرر مرة ثانيه

وصرت أعطيه رضعة أو رضعتين صناعي مساعدتين في اليوم

والحمد لله عودته على هالشيء من ولادته ولهذا واصل وياه هالموضوع

وهم عودته على ان ينام بدون هز أو تمشي مو زي أخته لازم هز عشان تنام

فالطفل من صغره اللي تعوديه إياه يمشي عليه هذا اللي استفدته من خبرتي

وأيضا حبيت أقول لش شيء رضاعات جونيو أو إيفنت حلماتهم شكلهم قريب للطبيعي ولهذا ولدي تعود على الإثنين

ادري شكلهم كبير ومو حلو لكن المهم شكل الحلمه قريب للطبيعي وحتى لما غيرت لولدي الرضاعه لوحده عاديه ماتقبلها بالمره

وبعد نوعية الحليب يمكن اللي جبتيه لها ماتقبلته غيري لها النوع طبعاً اسألي الدكتور او الصيدلاني قبل


والله يعينش ويساعدش فترة وتعدي ان شاء الله مجرد ماتكمل 4 شهور ان شاء الله بينتظم نومها شوي وبيتحسن الوضع لاتحاتين

مثل مشكلتى بالظبط
بعد ان صار عندها ٤ شهور ارتحت شويه بجد اكلتها ومش راضيه تاخد الببرونه ابدا لحد الان بس لازم اعودها فيه ناس بيقولوا كفايه الاكل وصدرك بس هحاول معاها تانى
اطمنى واحتسبى اجرك عند الله