أكيد صار لك موقف مضحك/محزن/ محرج/ وقت وأنتي رايحه المستشفى (للولاده)تعالي وشاركينا!!

مواقف مضحكة

الله يرزقنا بابن الحلال حتى نحكولكم على مواقفنا

انا للحين انتظر .. ما صار لي مواقف ..
شهر ثلاثة ان شاء الله موعد الولادة .. ويمكن يصير موقف راح اكتبه اهني ..

مشكورة خيوو على الموضوع


تحياتي
أم السادة

مواقف حلوووه الله يسهل على كل حامل يارب

هههههههههههههههههه وناسه
انه بعدي صغيره بس لقافه داشه في بعض المواقف حلوه واضحك ههه
الله يسهل عليكم وعقبال الكل وعقبالي اتزوج وانشاء الله اجي اقوليكم قصتي

انا طبعا توني والد... والحمدالله:L:

وقصتي قصه:o

انا كنت امزكمه قبل لاولد طيب.. وطبعا زوجي امدلعني يجيب لي الاكل لين السرير
المهم في اليوم الثاني وانا امزكمه طبعا اهو في الدوام الساعه 10 الصباح

وانا جالسه اكح لان فيني كحه وزكام:sick:
المهم وانا اكح حسيت شي نزل لي!!^o) ...قلت يمكن عادي ... بس قلت لا كأن نزل شي
وعلى طول دورة المياه ال ااشوف دم ينزل لي:!!::'(
وخفت حيييييييييييل طلعت على طول من الحمام ودقيت على زوجي تعاااااااااااال طلعي لي دم :'( وخفت حيييييييييل

وعلى طول جه حتى مااخذ 5 دقايق الا جه

وعلى طول المستشفى

>>>> هنا الموقف:)
اول مارحت المستشفى الدكتوره بتكشف علي طبعا بدخل يدها في الرحم >> وطبعا انا خووووووووووافه حدي ... اول مادخلت يده اقمت اصيح واصارخ وارفع نفسي واشد


الا الدكتوره تقول لي انتي مافيه يبغي يولد قلت الا ابغي قالت لي لا لا انتي مافي يبغي كان رضيتي اكشف عليك ترى ماراح تولدي الا لما ااكشف عليك

المهم محولات هنا واهناك وكل مره اقول لها يالله الحين ماراح اخاف:D وتكشف واسوي نفس حركاتي اشد وارفع نفسي لاني خااااااااااايفه واحي ايدها تألم:p

المهم الدكتوره اطفشت ... جابت لي ام زوجي لان ام زوجي رايحه معي ..قالت هاذي مو راضيه اكشف تعالي كلميها :woo: وجات ام زوجي وقالت لي يالله خليها تكشف عشان تولدين المهم جات الدكتوره وياها دكتوره ثانيه سعوديه وسستر وام زوجي واقفه جنبي وانا ماسكه ايدها وتكشف علي:thumbs_down: واقوم واصارخ واقوم الدنيا :hysterical:

الا الدكتوره رمت القفاز تقول بس واحد ســم :|


وانقهر انا اقول بس بس مفتوح واحد سم
وخلوني عندهم بالمستشفى

وحالتي حاله كل مايحمي عندي الطلق ويجون يكشفون علي ماارضى لاني اخاف

وعانيت حييييييييييييييل واهم يكشفون علي:'(


المهم في حمى الطلق حيييييييل جات الدكتوره تكشف علي خليتها تكشف علي بس يوم دخلت ايدها داخل حييييييييييييل قمت اصارخ وارفع نفسي :confused: قالت لي الدكتوره شوفي انتي ترفعين نفسك وتشدين ..وانا ماراح اطلع ايدي يعني خليني اكشف عشان انتي ترتاحين وانا ارتاح يالله

وصحيح خليتها لاني عانيت حييييييييييييييل وتعبت حييييييييييييل لاني توني بكريه ولا اعرف شي

الا تقول لي مفتوح 9 ســــم

وودوني غرفة الولاده
ووحده دكتوره حماره من شفت وجهها وانا غاسله ايدي جالسه وتقول لي ليه تصارخين وانا اقول لها كيفي واشلون ماتبيني اصارخ وفي ني الم وتعباااااانه :!!: عاد ترد علي الدكتوره تقول كلنا تعبانين :sick:

قلت لها ماابغيك انتي تولديني رووحي عاد انا جالسه ااشر على الدكتوره الثانيه اقول ماابغيها هاذي تولديني ابغيك انتي:lol: الا الدكتوره ترمي الاوراق اللي بيدها تقول خلاااااااااااااص

ههههههههههههههااي

صحيح ماولدتني ولدتني اللي ابغاها .. وصحيح اهي طيبه



والحمدالله ولدت بالسلامه

وجبت ولد زي القمر

وبس هاذي قصتيF:

انا العام ولدت وبنتي اليوم كملت سنه الله يحفظها بس بقولكم موقفي
طبعا انا ساكنه بعيد عن اهلي ...
المهم كان معي طلق من اول التاسع بس مارحت للمستشفى خايفه من الكشف
المهم بأحد الايام صرت ماتحمل الطلق واشتد مرررررررررررررررره
قلت لزوجي بروح للمستوصف اللي عند بيتنا واكشف واذا مفتوح بروح للمستشفى
رحت طبعا للمستوصف وانا اتألم وانتظر ادخل ع الدكتوره بس شافتني وحده الله يجزاها الجنه وقالت ادخلي قبلي
طبعا الدكتوره قصدي الوحش قالت لا استأذني كل الحريم
جاء زوجي صرخ عليها وقال الحرمه تعبانه وانتي تقولين استأذني ........ عاد هي انقهرت منه ودخلت يدها تخيلوا بدوووووووووووووووون جل ويدها كبيره مرررررررررررررررررررره
والله كل ماتذكر احس بالألم واقعد اصارخ أأأأأأأأأأأأه ااااااااااااه عورتيني
قالت يله روحي ولاااااااااااااااااده الرحم مفتوح 5سم
وانهبل انا مدري كم سم الولاده قلت يعني وشلون كم باقي؟؟
قالت 9ولاده
واطلع ونركض بالممرات ويوم وصلنا المستشفى صرت انزف دم وانتو بكرامه يوم شافتني الدكتوره المناوبه قالت 2سم بس !!!!!!!!!!!!! قلت هي تقول 5سم
قالت تكذب عليك والنزيف اللي معك من يدها جرحت المهبل عندك
حسبي الله عليها............. حسبي الله عليها المجرمه
وارجع لبيتي وبعد يومين ولدت الحمدلله بس النزيف ظل هاليومين كلهن تخيلتوا كيف وحشيتها
طبعا ولادتي كانت بنصف التاسع
وسبحان الله ربي عوضني بممرضات سعوديات ينحطون ع الجرح ويبرأ



اخر شيء احب اقوله لكل دكتوره او ممرضه تشتغل بقسم الولاده
((خافوا ربكم بالضعيفات الحوامل ويكفيهم التعب اللي هم فيه.....ترا الطب اماااااااانه))
والله كل ماامر من عند هالمستوصف اتحسب الله على الدكتوره

أنا في ولادتي الأولى .. لما رحت المستشفى سدحوني على السرير وأنا للحين بملابس إلي علي مابدلوني .. وأول مانسدحت إلا أحس بثلاث طقات وبعدها حسيت اني قاعده اتبول لا إراديا وانتظر يوقف مأوقف فقلت للمرضه وأنا منحرجه حدي على. بالي هذا بول جت الممرضة وكشفت علي شافت ان إلي ينزل علي ماي أخضر وعلى طول بدلوني وحطو ملابسي بكيس وعطوهم زوجي وأنا ودوني غرفة الولاده.. بعد ماولدت ورجع زوجي البيت نسى كيس ملابسي في السياره ليوم ثاني الصبح ... تخيلوا شسوى بالملابس .. راح عطاهم لشعالة أمه تعسلهم. وكانت ريحتهم أكيد تصرع وشكلهم مقرف أخذتهم الشعاله وهي .مو مظايقه وغسلتهم مسكينه .. ولما زوجي خبرني بالسالفه قلت له ليش ماقطيتهم .. انحرجت من الشعاله فشيله والله

وبولادتي الثانية نزل علي الماي بالبيت وعلى طول عالمستشفى ومانزلت من السياره إلا وأنا مسويه بركة ماي في كرسي السياره ورجع زوجي وظل طول يومه يغسل وينظف في السياره

ههههههههههههههههههااي


وربي مواقف بالولاده

آآمين يا رب