مكياجها مب حلو

Sweety Queen 25-11-2009 3 رد 1,068 مشاهدة
S
السلام عليكم

ربيعتي عندها مشكلة فالمكياج

أنا و ربيعتي كل ما رحنا عرس أو حفلة اهي تتمكيج في نفس الصالون و نفس المكياج

بس مكياجها تخترب بسرعة و تظهر كتل البودرة على وجهها و تسيح الكحل

جربت اتحط كريم أساس بس من دون البودرة بعد مانفع

ملاحظة :
بشرتها دهنية و أمها دوم اتقول لها : دمج حار عشان جي مكياجج ما تم فترة طويلة
ما فهمنا شو تقصد الخالة ؟!
و شو يخص الدم فالموضوع؟!

انزين و الحل ؟

بشرتها مو صافية و لون بشرتها غير موحد فمحتاجة تتمكيج على الأقل فالحفلات
بس خسارة اذا مكياجها تخترب على طول و غيرها متمكيجات من ساعات وجوههن فرش فرش ما شاء الله

تكفون يا بنات ساعدوهاااااااا لان البنت صدق اتعقدت

أتريا ردودكم
م
بشرتها تعباانه وتحتاج للعناايه وهتمام اكثر ...

خلها اول تصلح بشرتها بعدين تحط مكيااج مااينفع جدي لازم اساس البشره صااحي عشاان

الميك اب يطلع حلوو وجهاا احلى

خلها تستخدم كريمات للنوعيه بشرتها

ومقشرات .... والخ من منتجات العنايه بالبشره

وتخلي عندها برنامج خاص للعنايه بشرتها اسبووعي او يومي

طقي في قوقول الاهتمام بالبشره الدهنيه وبيطلع لج بحوث ووايد اختتار ي منها الا ينااسبج

موووووفقه
ر
هلا اختي

هذي المشكله طبيعيه جدا لاصحاب البشره الدهنيه

اما مصطلح ( دمها حار ) احنا بعد نستخدمه والقصد منه لما يكون الدم حار يعرق الجسم بسرعه ويتم يفرز الدهون بسرعه فيخترب الميك اب

والحل مثل ماقالت الاخت تستخدم برنامج كامل للعنايه بالبشره الدهنيه

لو هي صغيره ممكن تجرب مجموعة كلين اند كلير الخضرا ( النوع الجديد ) انا جربتها على اختي ولقيتها تحكمت في الافرازات الدهنيه وخففتها واايد

واستخدام التونر مهم يعني لازم الغسول وبعده التونر وبعده السيريوم المرطب

وترى ماي الورد رهيب في تخفيف الدهون ونضارة البشره وممكن تنقط شوي منه في زجاجة الماي الصبح وتشربه كل يوم

اما بالنسبه للمكياج غاليتي ماينفع تستخدم الكريم الاساس بدون بودره

خليها تشتري نوعيه جيده من كريم الاساس وتكون باساس مائي مش زيت ( خليها تتكلم مع الخبيرات الي في محلات المكياج )

وتاخذ بودره مات يعني تطفي اللمعه وخليها تستخدمهم وقت المناسبات وفي الحفله تقدر تعدل البودره بنفسها كل ماحست انها بدت تلمع او تتكتل بمسحه خفيفه تجددها

وان شاء الله تتحسن بشرتها
S
تسلموووووووووون يا أخواتي على رد و توضيحات

وإن شاء الله تستفيد ربيعتي

ربي يحفظكم
X