على بركة الله...<<منتظرات الحمل لشهر كانون الاول // ديسمبر

توأم قلبي;10730251:
هلا هلا والله

انا الحمدلله بخير .. انتي خبرينا عنج .. من متى صار لج متزوجة .؟ وهل حملتي من قبل؟
وشنو سبب التأخر ؟

متى آخر دورة لج حتى اضيفج باللستة .. F:

توأم قلبي;10730521:
برررررررررب

بقوم المطبخ مسوية للعشى باستا بالدجاج
وبقوم أكملها

يمي يمي .. خاطري في باستا من زمان من أكلت من يم يم تري .. وزوجي كلا يقول اللي تسوينها بالبيت أحلى

توأم قلبي;10730965:

أنا قمت من شوي سويت باستا .. والحين قاعدة آكل منها صج لذيييييييييذة

وهذا الطبق لكم

انكساري شموخ;10731321:
انا عندي بنوتة وحملت قبل كم شهر بس للاسف البيبي مافيه نبض وسويت تنظيف شهر 10 وجاتني الدورة والحين اخذ الدفاستون عشان انظم الدورة وباقي يومين واخلص منه وانشالله اول ماتنزل الدورة بقولج عشان تضيفيني:o
وانتي؟؟عندج عيال؟وشنو سبب التأخير

توأم قلبي;10731431:
هلا والله .. منورة التجمع يالغالية ..

الله يخلي لج بنتج الامورة .. وتشوفينها عرووووس
وربي يعوضج عن اللي فقدتيه يا رب بحمل سليم وثابت

أنا من تزوجت بعد 5 شهور حملت بتوأم أولاد وبدون سبب بالشهر الخامس للحمل توفوا وسووا لي طلق صناعي ونزلوهم والحمدلله على كل حال .. مو رزقنا

بعدها وقفت سنة وشهرين حتى يرتاح ظهري لان الحمل بالتوأم وايد متعب وكان ظهري يعورني من الشهر الثالث وحسيت بالثقل من الرابع .. والحمدلله كل شي عن صلاح

حاليا صار لي 4 شهور أحاول في الحمل .. والله كريم

أفا عليج ما تغلى عليج الباستا .. من عيووووني

بعد شوي بنزل لج الوصفة

محرقيه وبس;10728233:

بنات شورو علي شاسوي
انه الدوره المفروض اتشرف تاريخ 21-11
وللحين ما شرفت
سويت تحليل بول طلع سلبي وسويت تحليل دم بعد طلع سلبي
هل اكل دافستون ولا اكل الحبوب اللي اتنزل الدوره
علما انه من اول يوم عيد ينزل نوع الخيوط بس بني
هل هاي بدايه الدوره ولا الم الظهر
هاي استفساري ان شاء الله اتجاوبوني وما اتطنشوني كالعاده

balsamzawji;10728270:
أنا منظمة لكم جديدة
مشكلتي ان رحت للدكتورة و قالت لي تأخر الحمل من تأخر الدورة من السمنة
و أعطتني ثلاثة شهور حتى أنقص
أنا نقصت شوية الحمد لله من 83 ل 76

لكن مين اللي عندها نفس مشكلتي
أنا الدورة مرات تتأخر شهرين و ثلاث شهور
و الله اتعذبت

جورجي*;10728419:
مساء الخير...
اخباركم عرايس؟
وينكم ليش كذا البرووود....
ياااربي باقي على موعد الدوره السبوع...
كنت حاسه اني في هذا الشهر بحمل بقوة الله
وكنت متحمسه بقوه لانه زوجي معاي في فترة التبويض...لا وبعد يوم شفت ان الالم مو راضي يروح من بداية ايام التبويض
حسيت نفسي مستانسه لا وبعد الحين من كم يوم احس صدر انه يتحجر واحس بحكه
بسال((الي حملت هل حست بتحجر صدره كامل او بس على جنب))واحس بدوخه وكله تعباانه من الم ظهري وبطني حتى الشقه والله حالتها حاله>>>بس مو اجد هههه
بس اليوم احس بطني يالمني بقوه كانها الدوره وضاق خلقي....
ادعووو الله يسهل اموري
((ربي لاتذرني فرداً وانت خير الوارثين))

ملكت قلبك;10729266:
السلاام عليكم ورحمة الله وبركاته
كيفكم حبيباااتي ان شااء الله كلكم بخير
ربي يعوض على كل عروسة نزلت عليها الدورة ياارب
طبعا" انا دورتي اليوم وكالعادة لاحس ولا خبر الامها جتني
الأسبوع الي راح ومن ثلاث ايام حسيت فيها وبس للحين لاجديد
طبعا" متعودة تتأخر كم يووم مو جديد عليها علشان كذا بطنشها
ومتى مارادت تنزل اهلا" وسهلا" انا من اقول بشتري جهاز للتحليل
تنزل علشان كذا هذاني بقولها دورتي حبيبتي هذاني رايحة الصيدلية
شتري التحليل يالله نزلي لا اخسر عشرة ريااال <<<<<< ربي يخلف عليكِ ياملكت
هههههههههههههههههههههههههههههههههههههههههه
وبس هاذي اخر اخباري يالله طمنوني عنكم؟؟

انكساري شموخ;10730034:
:'(:'(:'(:'(:'(:'(
اي والله صادقة انا بعد كلما اسلم محد يرد علي :mad:

ترنيمة الأمل;10730364:
ايي والله صدقتي خيو توأم اذا ما ادخل احس شيء ناقص والله تعودت عليكم وما نقدر نفارقكم
الله يدوم هالجمعة على خير وعافية وبأماني متحققة وأحلام قريبة المنال

زارينا;10730451:

وانا بعد معكم انتظر الحمل هالشهر الله يرزقني بولد قرة عين لي ولوالده ولأخواته قولوا امين

fati55;10730596:
مساء الخير بناااااااااات

والله ثم والله اشتقت لكم كلكم من غير استثنااااااااااااااء

وشكرا لكل من سأل عني او ذكرني في غيبتي

اول شي حبيبتي فتافت اشتقت لش ودايما ادعي لج انه الله يفرج همش

زهووورة شخبار النونو وشخبارش؟ ههههههه لاحظي سألت اول شي عن النونو خخخخخ

ام حسوون لش وحشه حبيبتي

توأم ... أبله توام والله حضورش قوي ومؤثر واحب اقرأ ردودش تعطيني الأمل والتفاؤل

حنونة خلف جبدي شكرا على كلامش المشجع صدق لين سمعت مصيبة غيرك تهون عليك مصيبتك

ترنووومة تسأل عنش العافية حبيبتي

ام منصور محرقية سويت حلم الامومة ام ورد تومي محبة اغتراب عروسته عروسة مغتربة وردة كرز كلمكم من غير اسثناااااااء اشتقت لكم وشخبااااااااااااااااااركم؟

اقول لكم اخر اخباري

اول يوم العيد رحت بيت جدي وبعدين رحنه الليل الساحل واستانسنه على البحر ولعبنه اخواتي الصغار واني بعد تمرجحت معاهم في المرجووحه خخخخخخخخخخ

ثاني يوم العيد طلعني زوجي حبيبي ووداني مطعم وتغدينه وبعدين رحنه الحديقة المائية ولعبت في كذا لعبة واستانست بس جتني لوعة ودروة راس من الالعاااااااب الخطيرة خخخخخخخ وباليل رحت امترخت اول مرخة

يوم ثالث طلعنه السينما الجديدة في الستي سينتر وشفنه فلم اثارة حلو وبعدين تعشينه وتمرخت ثاني مرخه ورجعت البيت

وامس كانت اخر مرخة والحمدلله قالت لي المراخة ام احمد الجزيرة انه رحمي رجع له النبض ورجع مكانه وان شاء الله باذن الله هالشهر حااااااامل

مع اني شوي مو مصدقة لانكم تدرون بحاله زوجي بس هي تقول ماعليش من كلام الدكاترة وزوجش مافيه شي خخخخخخخخخخ خوش دكتوووورة وتقول تبي البشارة اذا حملت

قلت لها خلني احمل لش كل شي تبينه هههههههههههه


صراحة ترفع المعنويااااااات هالحرمة وتقول ناس واجد حملوا على ايدها من بعد صبر سنييييين

وقلت له عن سالفة الافرازات البنية اللي عندي وعطتني تحميلة ملح وتحميلة مرة وقالت لي احطها قبل لا انام بس اني متخوفة شوي اخاف تحرقني انتو شو رايكم استخدمها بنااااات؟؟

المهم وصتني اعرس بعد اخر مرخة خخخخخخخخخخخخ وعرست وان شاء الله خير

زوجي مواظب على دواه واكل العسل الطبيعي والله يشفيه يااااااااااااارب

واليوم كان دووام ومتعب جدا بعد عطلة طويلة

والحين بقوم اسوي عشا لحبيبي و انتو اقرأو تقريري الطويل خخخخخخخخخخخ:lol:

تحيااااااتي لكم:adore:F:

توأم قلبي;10730965:
هلا هلا والله بالقمر .. شخبااااااااااااااااااااارج يالغالية

وحشتينا .. مشكوووورة يا قلبي على كلامج الحلو :o
حلوة يومياتج بالعيد .. شوقتيني للألعاب .. صار لي فترة ما لعبت بالألعاب .. آخر مرة بالصيف لما سافرنا تايلند حديقة الألعاب مالتهم وايد حلوة ( اسمها Dream World )
السينما ما رحت مالت الستي .. شرايج فيها حلوة ؟ عجبتج

يا رب يا رب يا رب ترزق حبيبتي فاتي بالحمل هذا الشهر وتفرح قلبها .. وما بعد الصبر إلا الفرج
إن شاء الله يكون حملج على يد هالمرأة .. ما شاء الله عليها واثقة بروحها :)

تحملي بروحج .. وواظبي على الجماع بفترة التبويض وربي يكتب لج الحمل وتبشريناااااااااااا
وعليكم بالعافية على العشى .. هنيئا مقدما

أنا قمت من شوي سويت باستا .. والحين قاعدة آكل منها صج لذيييييييييذة

وهذا الطبق لكم

رحلة نسيان;10731620:
رقم خمسة هى NOUN

رحلة نسيان;10731647:
3 اعضاء (تم منصور ورحلة نسيان)
على قولتك ياام منصور وين رقم 3ههههههههههههههههههه
لابسة طاقية الاخفى

رحلة نسيان;10731656:
هلا ام منصور
انا من فلسطين
عمرة 23 سنه
صار لى متزوجة 4 شهور
ماحملت قبل هيك لانى عندى مبيض هو من نفسه متكيس
وهيك عندى ضعف باتبويض الا بالابر وهالشغلات
ويارب يرزقنا

ام منصوور;10731657:
لا معانا انكساري ..بس نمبر 4 منوووو:confused:

انكساري شموخ;10731672:
امممم يمكن توأم قلبي مختفيه :lol::lol:

رحلة نسيان;10731695:
الشهر هاد ماروحت على الدكتور وكلتها لله ودعيت فى العشر دى الحجة ويوم عرفة بالحمل السليم المعافى الثابت الى والكم يارب
ويارب انا طرقنا بابك فلا تردنا خائبين والحمد لله على كل حال

الوحدة فينا قد مانفسها تحمل وتصير ام بتحس الاربع شهور دهر ههههههههههههه
اختى ام منصور خبرينى عنك؟