من لديها الاجابة على هذا السؤال ؟!!

kamilya ... ربنا يرزقك بالزوج الصالح يا رب

i miss u dad .. هو سوال محير فعلا :| .. انا لو اعرف الاجابة اكيد مكنتش طرحته او كنت طرحته مع الحل .. انا متزوجة و احيانا لما بعتذر لزوجى عن تقصيرى فى حقه فى بعض الاحيان ( فى اى جانب من الجوانب ) .. بيزعل منى و يقول لى مين اللى قال لك انك مقصرة .. متقوليش كده تانى ... رغم انى عارفة انى مقصرة

و ده اللى بيجننى :mad: .. علشان كده نفسى الاقى جواب للسوال يمكن يريحنى و اكيد فى اخوات هيستفيدوا من الاجابة عليه .. و لا اه ؟

شوفي يا ( sokara ) .. انا بصراحه طريقتي عشان أعرف وين مقصره ..
أجلس مع زوجي في وقت يكون رايق .. وأسأله وأناقشه في كل شئ .. ومن ضمنها ( التقصير ) .. وأشترط عليه يقول الصدق .. علشان أقدر أصحح تقصيري !!
:)

{ نور ال ع رب } .. شكرا على مرورك و يا رب الموضوع يفيدك و ربنا يرزقك بالزوج الصالح ان شاء الله

.. أم علي .. و ( lene ) .. انا معاكم ان الحوار المباشر اهم شئ فعلا و ده اللى انا عملته كتيييييييييييييييييييير .. بس كل ما اسال جوزى اذا كنت مقصرة فى حقه فى اى حاجة يقول لى لا .. و لما اقول له انى حاسة انى مقصرة خصوصا فى كذا و كذا و ......
يقول لى لا .. و يقول لى هتعملى اه و لا اه .. كفاية حمل البيت و البنت عليكى خصوصا ان مفيش حد بيساعدك و انا عارف ان الحاجات اللى انتى حاسة بالتقصير فيها مش مهمة و ميجراش حاجة لما انا اعملها

و ده ساعات بيغظنى و بكون خايفة يكون هو شايف انى مقصرة فى حاجات تانية و مش بيرضى يقول لى عليها

علشان كده نفسى اعرف ازاى الواحدة ممكن تعرف اذا كانت مقصرة و لا لا من غير ما تسال جوزها
و تعمل اه لما تحس انها مقصرة و غصب عنها مش قادرة انها تلغى التقصيرده ؟ :|

بالنسبة لى بأحدد إذا كنت مقصرة مع زوجى من

خلال تعليقاته سواء علىّ أو على غيرى من النساء

وقتها بأعرف إيه اللى مش عاجبه فىّ أو ناقصه

بس فى حالتك إنتى يمكن يكون زوجك من النوع

المتفهم وكتر زنك على ودنه بإنك مقصرة يخليه

فعلا يبدأ يشوف إنك مقصرة

وبعدين إنتى لو حاسة إنك مقصرة فعلا بتسألى ليه

ماهو المفروض لو إنتى بتسأليه يعنى إنتى

مستعدية لإكمال وجه التقصير فى حين إنك بتقولى

إن التقصير ممكن يكون غصب عنك طيب لما إنتى

عارفة إن التقصير غصب عنك ليه بتتكلمى

وبتضغطى عليه علشان يقولك

ماهو إنتى لما تضغطى عليه علشان يقولك وبعدين

بعد ما يقولك تعتذرى وتبررى إنك مش هتقدرى

تكملى التقصير ده هو وقتها هيتضايق منك وهيقول

امال كانت مصرة تعرف ليه لما هى عاجزة

عن إكمال التقصير ده

الحل التقصير اللى إنتى شايفاه فيكى حاولى على

قدر المستطاع إنك تكمليه

وحاولى تركزى على الحاجات اللى بتعجبه فى

الستات التانيين وشوفى هل هى موجودة

فيكى ولا لأ

وما تحاوليش تسأليه

بس يوم ما يعلق لازم تكونى حريصة على اخذ

تعليقه فى إعتبارك لأن المثل بيقول إتقى شر

الحليم إذا غضب

ومش لازم كل الرجالة زى بعضها فى رجالة حنونين

بيقدروا وعارفين مدى مسئولية الست فى البيت

وبيبقى مش عايز يزيد عليها تعبها ربنا يحفظ لك

زوجك ويديم عليكم السعادة والهناء وياريت ما

تحكيش لحد عن حال زوجك معاكى ما تعرفيش

نفوس اللى بتحكى لهم او ظروفهم


اختكم فى الله أم سلمى

yaman .. الحمد لله ان الموضوع عجبك .. كلامك صح فعلا .. انا لو عملت اى حاجة مش بسال جوزى اذا كانت عجبته و لا لا ؟ .. لا بحب اسيبه و اشوف رد فعله هيكون اه علشان زى ما بتقولى ممكن يتلكك على اى حاجة .. و الحمد لله انا واثقة فى نفسى بس زى ما قلت قبل كده البيت و بنتى ساعات بيخلونى اقصر فى انى اللبس حاجة حلوة او اسرح شعرى بطريقى حلوة او ......

om_salma .. كلامك عجبنى جدااااااااااااااااااااااااااااا F:.. انا مش بحكى لحد عن اى حاجة بينى و بين جوزى .. حتى والدتى .. متعرفش اى حاجة .. انا لما طرحت السوال ده .. طرحته علشان اعرف ارائكم جميعا و لانى متاكده ان فى زوجات غيرى برضه ممكن يكونوا محتارين و ازواجهم مش بيعلقوا على اى حاجة و نفسهم يعرفوا اجابة لنفس السوال .:!!:. و انا بحاول انى اعوض النقص ده على قد ما بقدر قعلا .. و الحمد لله جوزى لا بيشتكى و لا عمرى سمعته بيعلق على اى بنت تانية .. بس هتقولى اه فى النفس الطماعة .. الواحدة نفسها تكون بتعمل كل حاجة لجوزها و مش مخلياه عاوز اى حاجة :lol:..

بس المهم الواحدة تعملها ازاى ؟ ..
اه رائكم ان كل واحدة منا تحاول تقول ازاى بتنظم وقتها علشان تخلص كل امور بيتها و هل بتستعين بشغالة و لا لا ؟