ساعدوني شنو اسوي

جودي
تسلمين حبيبتي على النصيحة ويعطيك ياربي العافية
وانا الحين تقريبا اسبوع ابي كل شي يستقر لان عندي موعد للدكتور القلب وهذا شي مخوفني وبعدين من اتطمن ببتدي رجيم بس خفيف بسوية
وخطيبي اليوم كلمته اني ابي اسوي رجيم عصب علي وقال لي شيلي هذا تفكير من بالج بس انا مصره لازم اسوية لان ادري هو يبيني اضعف بس مايبين يجرح مشاعري قدامي
بس انتظر موعدي للدكتور وياااااااارب يطلع كل شي تمام

غزالة الجنوب
تسلمين حبيبتي على الرد ويعطيج الف عافية
وربي يااختي من الهم الي فيني امنع حالي من الاكل اقول يمكن بسرعة اضعف امنع حالي من كل شي بس مانصح احد يسوي مثلي ,,
بخصوص بذرة الكتان هذه من وين اشتريها وشلون شكلها وشلون استخدمها ؟
واما بنسبة للنفسية بصراحة دمار نفسيتي احاول مابين الى احد خصوصا لخطيبي بس مو بيدي
دعواتكم خواتي

عمه حامد
مشكورة حبيبتي على الرد وعلى الكلام الي يطيب القلب
وربي نفسيتي تعبت كلما اشوف شعري يطيح بين يدي
والحمدلله على كل حال
الارادة عندي بس هذه فترة وايد متوترة وخايفة بسبب قرب موعد الدكتور دعواتكم لي

مشتاقة اليك
مشكورة حبيبتي ويعطيك العافية غلاتي
انا فكرت اسجل بنادي قلت شوي يمكن نفسيتي شوي تتحس حتى لو ماخفيت بس شوي اكيد برياضة بخف لو شوي
وخطيبي هذه فترة دايم يحاول يرفع من معنوياتي بس وربي وربي تعبانة مرات انام وانا ابكي من الي انا فية
واذا قالو له شرايك فيني وبجسمي يقول لي حلوة بس انا بداخلي تعبان حيل
وربي يعين
ويااااااارب يخليه لي ويخليج لك محبينج

دلوعته
تسلمين غلاتي على الرد ويعطيك العافية
انا هذا جسمي قبل الخطوبة والحين مثل ماهو هو فعلا اضعف شوي اثناء رجيم ومرض بس يعني مو اضعف وايد
والحين هذه الفترة يحاول يرفع من معنوياتي وايد لان حاسة حالي منكوسة بشكل كبير
وحاليا يقول لي فكرة رجيم ابيج تشيلينها من بالج بالمرة ولا تفكرين فيها
بس قلبي مو مطاوعني
ادعولي خواتي

الله يوفقج غلاتي...
أظن العرايس ما قصرن عطنج أفكار واايد حلوة وما يحتاي أزيد ع اللي انجال.. لكن فيه نقطة وحدة لازم تهتمي فيها العزيمة والإصرار اهي إللي بتخلي نفسيتج أحسن وأهم شي تداوميين ع الإستغفار..
دمتي بود حبيبتي...F:

شموخ قلب
تسلمين حبيبتي
كلكم ماقصروتوا صراحة
وادعولي ربي يسهل امري يارب
ويقوي عزيمتي
وربي يخليكم ويحفظكم

كلام أختي نور العرب صح ..
سوي رياضه واتبعي رجيم النقاط اللي بالمنتدى ..
والله يوفقك ..
ترا حتى انا اعاني من الوزن الزايد ..
الله كريم وانشاء الله ننزل الوزن اللي اريده ..

سمعي ابوي اول شي انا بسالج جم سؤال يعني عشان اتحطينه في الصورة عدل
اول شي جم وزنج؟ وجم طولج؟

واتمنى تجاوبيني عليهم

ثاني شي مافي شي يصير مره وحده

يعني مستحيل اجوفين حتى الرياضين لازم في البداية قبل اللعب يسون ( ستريج) يعني شلون اشرحها يعني يبدئون شوي شوي وبعدها كل مره يزيدون اكثر يعني مو من البدايه على طول رياضه قويه هذي نقطه

شي ثاني فديتج ترا التفكير له دور كبييييييير في الوزن يعني ناس من التفكير وزنها يزيد، ناس من الاكل الوايد يزيد وزنها ناس من القعده وعدم الحركه وكل شي يختلف فحطي في بالج هالنقطه بعد

بعدين انتي اتقولين من داخلج عندج اراده للرجيم لاتتبعين حبوب ولا اي شي من هالخرابيط بس اذا تبين في حبوب في الصيدليه تنباع تسد الشهيه مو تنزيل وزن لا اتسد النفس عن الاكل

وحاولي تبتعدين عن اكل العيش حتى لو تاكلين وجبه وحده على قولتج لاتاكلين عيش امممم كثري من السلطات بأنواعها ابتدي شوي شوي ومع الرياضه الخفيفه والمشي شوي بعدها جسمج بيتعود روحي اشتركي في نادي جم وكثري شرب ماي


واتمنى تردين على سؤاليني عشان نعرف شنو ننصحج فيه اكثر، وانشالله قدرت افيدج في شي

بالتوفيق ابوي

الا كم وزنك وطولك ؟
عليك بالرياضه ثم الرياضه
يغير من الجسم ويصير حلووو :thumbs_up:

مشكووووووووورة حبيبتي غزالة
بروح عندنا محل عاطر اسمة الحواج
واكيد الاقي عنده هذا شي بروح وبشوفة
ومشكورة حبيبتي لاتنسيني من دعاء

قلب العالم
مشكور حبيبتي
واكيييد راح اسجل بنادي حتى لو ماسوي رجيم بس تخفيف ويارب يقدرني

هلا حبيبتي لآيسكريم
انا وزني 85 وطولي 151
حبيبتي انا ماطلب ان اضعف مرة وحدة بس وربي هذه الرجيم كنت اسويهم من قبل خطوبة يعني صار لي فترة طويلة انا اخف وزني ينخفض بس مشكلة ياثر على صحتي وبعدين اترك كل شي ,,
وانا الادوية الي استخدمتها واحد كان من برا البحرين اشتريته وثاني من صيدلية
بس اثنينهم بدل ماستفيد منهم انضريت منهم بشكل واضح
ادعيلي اختي
لان حاسة نفسيتي تعبانة وايد عنجد وهذا شي الي متعبني
وماثر علي حتى بكلامي مع خطيبي
وسلطات حاليا انا اسوي لي سطلة بس فيها طماطم وخس وليمون
وبنسبة للعيش
انا مقللته من زمان ماكل منه يعني اكل كله خبز اسمر بدلة
بس ربج كريم مو بيدي شي والحمدلله على كل حال

الحلوة
تسلمين حبيبتي
انا وزني 85 وطولي 151 فرق وايد صح
ان شاء الله اكيد بسجل بنادي بس رياضة بدون رجيم احس مالها فايدة صح او لا؟

بررررررجع لموضوعك واشاركك برأيي 00موضوعك شدني بس انشغلت شوي

وياليت توضحين طولك ووزنك 000

دقات قلب
حياج حبيبتي
وبالعكس كلامكم وارائكم تخفف علي وااااااااايد بشكل ماتتصورون
وانا وزني 85 وطولي 151
بعرف فرق وايد صح بينهم

بعد قلبي انتي 00F:

استهدي بالله وريحي بالك وكل هالتوتر هدددددي منه 00

رجعت لموضوعك بجد أسفني كلامك وطرحك ومشكلتك ومدى توترك فيها 00

شوفي ياقلبي بداية" بآخذ موضوعك من الناحيه النفسيه وهي اهم ناحيه بمشكلتك

وبعدها بفصل لك اكثر بالموضوع

اولا" الجأي لله سبحااااانه يفرج كربتك وادعيه ادعيه ادعيه 00 وادعي ان الله يجعلك من اجمل النسااااء بنظر زوجك 000 ادعي ان الله يعينك

وتتخلصين من مشكلتك بالوزن 00 ومادام تدعينه سبحانه فلن يخيب ظنك (( وقل ادعوني استجب لكم ))

هذا اهم نقطه والركيزه الاساسيه (( الدعاااااء )) بدفع الهم والكرب والتخلص من مشكلتك

النقطه الثانيه فالدرجه الثانيه من الاهميه

تذكري ان راحتك النفسيه تنعكس على جماااااالك ونضارة بشرتك وسعادتك 00

اذن ليه تكدرين على خاطرك لهالدرجه وانتي بكذا ماتوصلين لحل بالعكس تفاقمين المشكله اكثر واكثر واكثر

حبيبتي كثرة الريجيمات المختلفه بتفقدك صحتك 00

وفي سؤال مهم بوجهه لك

اتمنى ردك عليه

((( انتي هلكتي نفسك بالريجيمات لدرجة انها اثرت على صحتك وقلبك ووووو

وارهقتي نفسيتك واهملتي بدرااااستك كله عشان مين 00 اكيد عشان خطيبك

طيب سؤالي المهمممم

تتوقعين لو جاك شي لا قدر الله بسبب هالريجميات وتعبتي تعب قوي لا قدر الله (( بسم الله عليك الله يحفظك)) تتوقعين راح يصبر عليك خطيبك ؟؟؟؟؟؟؟؟؟

بالعكس راح يتركك علنا" وبدون تردد 00

حبيبتي انا ما تفاول عليك بس ودي تفكرين بعقلك شووووي ياقلبي

ماودي ترهقين صحتك وصحتك هي تاجك صدقيني خطيبك راح يحبك بكل مافيك اذا انتي حبيتي نفسك00

انا قبل كل شي ودي نفسيتك تصير تووووووب عشان نقدر نتعامل مع المشكله زين

اذا حبيتي نفسك وماركزتي بزياده على وزنك للدرجه هذي اللي تعبتك واللي ارهقتك صحيا" و نفسيا" راح تحلين المشكله بسهوووووله

اذن من رأيي لك هالنقاط اللي بذكرها لك

* اووووول شي ادعي الله سبحانه واستمري بالدعاء بتفريج كربتك وهمك وان زوجك يقتنع فيك كما انتي 000

* النقطه الثانيه اهتمي اهتمي اهتمي بصحتك عشان ما تذبلين من كثرة الريجيمات ويجيك فقر دم او اي شي ممكن هالاشياء تعرقل عليك اشياء كثيره

* الشي الثالث من الناحيه الصحيه اهتمي بالخضروات والفواكه عشان تعطيك نضاره واشراق لوجهك وشعرك 00

إكلي من اي شي تبغينه بس حاولي تقللين من السعرات الحراريه العاليه 00

ولا تقيدين نفسك ببرنامج معين من الريجيم لأنه بيوترك ويمللك ويطفشك 00 انتي طبيبة نفسك واكيد فاهمتني 00

* الشي الرابع وهالشي مهم حييييييل لا تحطين تركيزك تماما" على اني ابي انحف وتجين كل يوم ع الميزان لاااااااااااا كذا ماراح تخسرين شي بسبب توترك

اجعلي لك برنامج ان في نهاية الاسبوع اشوف كم نقصت هالاسبووووع بس لاتركزين على المشكله بالتحديد يعني بنهاية الاسبوع تتجهين للميزان

وبكل سرور وبشاشه تشوفين وزنك

اذا نقصتي فالحمد لله والشكر واستااااااااااااانسي

اذا مانقصتي هالاسبوع ايضا" ارسمي ابتسامه على وجهك وادعي الله وقولي بعوضها بالجايه ان شا الله

أكلي مع اهلك واستاااااااااانسي وخلي نفسيتك حلوه لا تقولين صرت اتمنى الموت (( اسفتني كلمتك هذي ))
حرام عليك هذي وانتي بكامل صحتك تقولين هالكلام
اجل لو كنتي تعانين من مرض وش بتقولين الله يديم صحته وعافيته عليك بس ودي تفكرين بعقل

تذكري (( الصحه تااااج على رؤؤس الاصحاء لا يراها الا المرضى ))

* التماااااااااااااااااااارين الرياضيه صدقيني بتعطيك قوام ممشوق بس مع الاستمرااااااار تجي يعني استمري قرابة شهرين او 3 بشكل يووووومي

وياليت لو تكون بنادي عشان تنضبطين بمواعيدك

* وفي شي بعد مهم نصيحتي لك نصيحتي لك اتركي خطيبك يحبك لذاتك مو لجسمك لأن حتى لو تزوجتي وجالك عيال ان شا الله حتى لو انك نحفتي الحمل والولاده بتغير من جسمك وش راح يقولك وقتها ؟؟؟

بتقوليلي خطيبي مايحب هالشي وهو يركز على الجسم

بقولك اوكي بس ترى انتي من كثر ماشافك متعقده من جسمك انعكس هالشي عليه 00 وهذا خطاااااااااااااااا

دايم قولي انا مقتنعه بجسمي وداااااايم حاولي تحبون بعض لدواخلكم لمكنونكم --- غيري نظرته قد ماتقدرين عن مسألة الجسم والوزن

صدقيني اذا حبك لذاتك بيشوفك ملكه بكل صفااااتك 000

000

واسأل الله العظيم رب العرش الكريم ان يفرج كربك ويجلي همك وينولك مرااادك عاجلا غير آجل

000

مشكلتك شدتني وحبيت اشاركك برأيي النابع من قلبي لك 000

تقبلي مروري ومشاركتي

اسعدني تواجدي بصفحتك --واعذريني لو صراحتي ضايقتك ياقلبي -:o

دمتي بحفظ الرحمن

دقات قلبي
اول شي تسلمين حبيبتي على الكلام وعلى الرد الي يريح القلب
ومشكووورة حبيبتي ع نصيحة
وربي ادعي ربي
بس وربي كلما اشوف حالتي صحية تتدهور ماكذب عليك حتى بكي ابكي
بس بنهاية الحمدلله على كل حال
واكيد بسجل بنادي هذه فترة
وادعوا لي ربي يسرها علي
بعرف لو صار لي شي لا خطيبي ولا احد راح يفيدني, بس وربي مو بيدي
وان شاء الله ماراح اقولها
وحاليا اكل سلطة خس وطماطم وليمون

وبالعكس حبيبتي صراحتج عجبتني
ولو ماحسيتكم قريبين مني ماشتكيت لكم وكتبت لكم مشكلتي
وربي يعيني والحمدلله على كل حال

حبيبتي , أياك والحبوب ترا لها اثار سلبية جانبية كثير

صحتك اهم شي بالدنيا , لا تمنعي نفسك من الاكل ابدا , اكلي عادي بس حبيبتي اكلي الحاجات الي ما بيها دهون ولا تمتن , ادخلي النت ودوري عن الاكل الصحي , الفواكة والخضرات كلي منها من اليوم لبكرة الصبح ما راح تمتني , بس ما تهملي صحتك وتحرمي نفسك من الاكل , كل شي له بدائل, وانا سمعت الجريب فروت ينزل الوزن , بيه فواكة وحاجات تحرق الدهون , كلي عادي ثلاث وجبات لا تهملي صحتك بس خلك نباتية اكثر

ثانيا اذا تبي تضعفي نصيحة امشي كل يوم ساعتين وشوفي النتيجة , والتحقي بمركز رياضي , بس لا تفكري بالحبوب ابدأ

موفقه حبيبتي وان شاء الله تكوني احلى عروس