انسب وقت للحمل بالطفل الثاني ..؟

خل ننسى الولاده الاولى اول بعدين
الي ربنا كاتبه بيصير . بس افضل يكون 3 سنوات فرق بينهم

انا عن رايي انسب شي 3 سنوات عشان الوحدة شوي تنسى الولاده ويرتاح جسمها مثل ما قالوا البنات والحين بعد الحياة صعبة الواحد يجيب اثنين بالكثير 3 وبس واني افكر اجيب اثنين عندي الحين واحد وان شاء الله عقب 3 سنوات اجيب اليه اخو والحمدالله

:)
:)
:)

انا سنتين بين بنتي الاولى والثانيه والحين عمر الاولى سنتين و5 شهور والثانيه 5شهور ومره تعبانه مع الكيبره من الغيره

رايي مثل راي مسز عادل
اول شي خلي طفلك يعتمد على نفسه
ولدي حملت عليه وعمره سنتين و3 شهور يعني ولدت وعمره 3 سنوات
صحيح في البدايه تعب بس بعدين تتعودي عالوضع
وفي جميع الاحوال التربيه صعبه

انا عن نفسي حملت على بنتي الاولى وعمرها سنتين وثلاث شهور وولد وعمرها 3 بالظبط وصدق تعبت وبعدها بقدرة قادر حملت على ولدي وعمره 9 شهور وحليله كسر خاطري ماتهنى وتعايشت مع الوضع وجبت بنوته عمره الحين 3 شهور وبانسبه للغيره بينهم اللله يعين من بنتي الكبيره على اخوها وهو ماهمته الصغيره يعني من وجه نظري اللي ورا بعض مابتحسين بغيرتهم غير ن اللي بينهم فرق واولا واخير هذي امور بيد ربي ولكن الاخذ بالاسباب ياحلوين والله يخلي لنا عيالنا ويرزق المحرومات منا
سوري خلصت الردود هذرت كثير

خير الامور الوسط مأييد وحدة تمهل ماتحمل مثلا 5 سنوات وايد

يعني الانسب 3 سنوات وبنسبة للغيرة مافي طفل مايغار من اخوه حتى لو فهم

وين الرد الى كتبته

اني بعد احس احسن فرق 3 سنوات

الله يجزاااكم خييير ع المعلوماااات ...النت علق معي مو راضي يفتح من امس لذا اعذروني ما رديت ع كل وحده

فعلاً التربيه صعبه , الله يعيننا ع تربيتهم وان شاء الله يبروون فينا ..

ALAMR SA3B KTIR ANA BINTI3NDAHA SANATINE O TANIYA 3 CHOHOR ATA3DDAB BI MA3NA ALKALIMA AL ANA O ANA BAROD WAHDA FOK RASSI O TANIYA FI IDI
W NOOM GALIL JIDAN O LBIT O MITRATIB ALLAH YKOUN FI 3ONNA
LAZIM TKHLLI LFARK KBIR CHWIYA NADARI 4 SANAWAT AW AKTAR

مسز عادل;10679218:
ما شاء الله البنات كلهم شاغلنهم هالموضوع

بالنسبه لي مفروض نخلي فرق زين بينهم مو الولد الأول كم شهر و نحمل فوقه اصلاً الجسم ما مداه يرتاح غير النفسيه و تعب التربيه

من رايي الوحده تنتظر لين ولدها يكبر شوي و تاخذ نفسها و يعتمد على نفسه شوي من جهة الأكل و الحمام و غيرها وبعدين تاخذ ريست لين تجيب الثاني تعيش حياتها تروح وتجي هذا الي اني سويته ولدي عمره 3 سنوات وتني مفكره احمل عليه و الله يعطينا ان شاء الله

اما اني البس هذا حفاظة و اشيل لهذا حفاظة و ااكل هذا و ارضع داك صعبه عليي و احس الوحده تشيب قبل اوانها بعدين لا بتشوفين نفسش ولا شي الجسم ترخرخ من الولادات المتتاليه و الصحه راحت و همهم لين نموت و احنا شايلينه ما بنقول بيكبرون و برتاح بالعكس بنظل نحاتيهم حتو وهم متزوجين لا و بعد بيجيبون اولادهم نرد نربيهم و تعود حليمه لعادتها القديمة

و يبقى الموضوع وجهة نظر وكل وحده وظروفها المادية و المعيشية و النفسية و الصحيه

أتفق وياش خيتو تماماً

وكل وحده لازم تفكر عدل بظروفها المادية و المعيشية و النفسية و الصحيه

ريحانتي;10681038:
الكل مجتمع انه 4 سنوات افضل
يعني بس يكمل الطفل 3 سنوات من عمرة تفكر
الام بالحمل الثاني
بكدة تكون كل الاطراف اخذت حقها في الراحه..
اللي يكون فرقهم اكثر من 5 هذا يعتمد على الضرووووف بسسس
مو من قلبها الام ما تحب الامومه
بس الضروف تحكم ..
واللي يكون اقل من سنه هذا عذاااااااااااااااااااب
ولا طرف ما خذ حقه بتااااااااااتن..
وخير الامور الوسطططط..

رأييش يا ريحانتي مضبوط 100 %

الظروف في النهايه هي اللي تحكم
ولا سن 4 سنوات حلو جداً ومناسب تماماً

وكل أم أصلا يجيها فترة تحن للأمومه من جديد وان يكون عندها طفل ثاني

وهالفترة أكيد مابتجي إلا إذا اعتمد الطفل على نفسه من كل النواحي ( الأكل - اللبس - الحمام ... وكل شيء )

فبتحس الأم انها ارتاحت من حمل كبير

والله يوفق الجميع

ملاك الدموع;10683035:
رايي مثل راي مسز عادل
اول شي خلي طفلك يعتمد على نفسه
ولدي حملت عليه وعمره سنتين و3 شهور يعني ولدت وعمره 3 سنوات
صحيح في البدايه تعب بس بعدين تتعودي عالوضع
وفي جميع الاحوال التربيه صعبه

صح كلامش دموع

في البداية الوحده تصتصعب الموضوع

لكن مع الأيام غصباً عنش تتعودي على الموضوع

لكن تصير الوحده زي الربوت الآلي يروح لهذا ويروح لذاك

و صعب جداً على الأم وخصوصاً في ظل وجود طفلين متقاربين في العمر

سنتين افضل شي
حتى يكبرون مع بعض وانتي بالاساس تعبانه مع واحد فليش ماتتعبين مع 2 او 3 ويكبرون سوا وترتاحين بعدين

انا بصرااحة رايي
ان يكون فارق العمر على الاقل 3ونص الى 4سنوات
على الاقل تقدرين تودينة الروضة
ويعتمد على نفسة في الحمام وغيره
ومن ناحية ثانية صحتج وعلى جسمج حق
تخلينة يرتاح ويرجع لوضعه الطبيعي

knarya1;10689292:
سنتين افضل شي
حتى يكبرون مع بعض وانتي بالاساس تعبانه مع واحد فليش ماتتعبين مع 2 او 3 ويكبرون سوا وترتاحين بعدين

أختي أخالفك الرأي

يعني لازم الوحده تنتف حالها وتقطع روحها 10 أقسام عشان هذا وذاك وذاك

لين مايتهرهر جسمها وتروح صحتها وتالي ويش بتستفيد

وأيضاً الأطفال كل واحد مابيحس لا بحنان ولا برعاية ولا شيء

هم صحيح بيكبروا بيكبروا بمشيئة الله لكن ماحد منهم بيحس ان كبر بحب وإهتمام

ولا الأم بتحس بشبابها ولا الزوج اللي بينهمل وبيصير آخر أولويات المرأة

لازم الوحده تفكر في نفسها شوي ولو جابتهم على الأقل فرق 3 ولا 4 سنوات مابيضرها لاهي ولاهم شيء بالعكس هم بيصيروا في سن معتمدين على نفسهم والأم بتصير جاهزه لطفل ثاني بعد ما طفلها اعتمد على نفسه

وأتمنى ماتزعلين مني وكل واحد ووجهة نظره

انا اقول ان عمر السنتين مناسب للحمل مرة ثانية