التجمع الرابع للحوامل اللاتي يلدن في شهر 5(مايو) 2010

توه ريلي يقووولي انا بدخلج عند الدكتورة و برووح للمساج برييح لي شوي قلت لوو رحت ما بخبرك جنس البيبي تم يطالعني قال ليش ما تخبرني و سكت قطع قلبي يوم قالي جي :(

بنت امي و ابوي;10685086:
انا امووووووووووووووت ف المسك الدهن العوود امممم عادي بس اتحسس منه اذا حطيته على ارقبتي تنتفخخ و يظهر فيها حبوووب و تحمر و تهيج من الخاطر

يؤيؤيؤ
كل هذا من دهن العود
مايسوى عليج اتحطيه

بنت امي و ابوي;10685099:
توه ريلي يقووولي انا بدخلج عند الدكتورة و برووح للمساج برييح لي شوي قلت لوو رحت ما بخبرك جنس البيبي تم يطالعني قال ليش ما تخبرني و سكت قطع قلبي يوم قالي جي :(

لا تخليه يدخل معاج
واتفقي معاه اذا ولد وش بتكون هديتج؟
واذا بنت بعد وش بتكون هذيتج؟

روكا2010;10685110:

جنة بنت ابوى وامى بنت الاصايل كيفكم

الحمدلله بخير
انتي شخبارج؟

انا هني !!

مبروك التجمع الجديد

زوجي راح الحج وانا كل يوم دوارة ،، بس اليوم ما حصلت حد ادور معاه بشوف رفيجتي الكسلانة العصر اذا تقوم هذي رقاد اكثر مني خخخخخخ

اهلين غاده و دهن العود
اخباركم اليوم؟

جنه جنه;10685352:
اهلين غاده و دهن العود
اخباركم اليوم؟

انا الحمد لله بخير والحمدلله احس البيبي يتحرك ،، بس ليحين ما عرفت جنس الجنين :(

وخاطري اروح اصور اشوف:study:

Gahadaa;10685378:
انا الحمد لله بخير والحمدلله احس البيبي يتحرك ،، بس ليحين ما عرفت جنس الجنين :(

وخاطري اروح اصور اشوف:study:

احس بس بنغزات في جهة اليمين
نفس الشي خاطري اعرف
قلت الى ريلي مارضى :'(

طيب وش اللي مانعج انج ماتروحي؟

انا رحت من عشر ايام وما رضت تشوفلي الدكتورة كنت 13 اسبوع ونص مع انه رفيجتي قالولها هالوقت ،، فريلي يقولي اصبري اسبوعين بعد وانا ما فيني صبر ،، بس هو سافر وشكلي بروح ما بنطره لأنه يبي يجي معاي

محد هني ؟؟؟ :-#

دهن العود;10684405:

آثرت الرحيل

أنا شكلي مثلج بعد اللوعة رجعت لي نفس قبل
:badly:

توقعت أني خلصت من هالعذاب

صار لي أسبوع اللحين على هالحال أحس أن وزني
رجع ينقص :thumbs_down:

من كثر ما هالموضوع في بالي

حلمانه البارحة أني رحت الفحص

ولما وزنت

أكتشفت أن وزني نزل 10 كيلو

:-o

المشكله

اني ما آكل زين

كل أخاف من الترجيع
آكل شغلات خفيفة بين الوجبات وبس

:(

ما أدري أرجع آخذ الحبوب اللي عطتني الدكتورة مال اللوعة

كان زين يخفف اللوعة

بس أخاف منه الصراحة الوسواس ذابحني

كل ما قلت لأحد أني آخذ حبوب عن اللوعة يقولي لا مب زين

وصبري على اللوعة

خوفوني :confused:

آثرت الرحيل;10686047:

بنات بسألكم سؤال

انى من أول الحمل بدأ ينتفخ صدري و صار حجمة كبير و قالوا لي عادي من الحمل حتى ما اقدر البس عليه شي و الحين مرة وحدة شفت الانتفاخ راح فيه نغزات اتجيني بس هي طبيعي يعني و الله شنوووووو؟؟؟؟؟؟؟؟؟ :D

حبيتي طبيعي كلنا هالشكل وهالفترة يتكون حليب اللبا اللي ينزل في الأول عقب الولادة :thumbs_up:

Gahadaa;10686070:
حبيتي طبيعي كلنا هالشكل وهالفترة يتكون حليب اللبا اللي ينزل في الأول عقب الولادة :thumbs_up:

يعني عادي ما احاتي :) طمنتيني حبوبة

آثرت الرحيل;10686103:
يعني عادي ما احاتي :) طمنتيني حبوبة

اكيد عادي ولا تحاتين ،، واطمنج بعد صدرج بيكبر اكثر بعد في الشهور الأخيرة وقبل الولادة ،، وبعد الولادة بتحسين بووووووم انتفخ زيادة :celebrate:

بنات بقوم اصلي واجيب لي ايسكريم واجي اكمل سوالف معاكم ،، انشاءالله بعد باقي الشلة تجتمع

Gahadaa;10686145:
بنات بقوم اصلي واجيب لي ايسكريم واجي اكمل سوالف معاكم ،، انشاءالله بعد باقي الشلة تجتمع

هاااي بنات شلووونكم..شخباركم.....

اليووووم من قعدت الصبح ابي اروح اجيك جنس البيبي ماعرف شصادني..وبس بطلت عيني اتصلت مستشفيات لي العصر وانه اتصل بس مافي نصيب..

فوزية كمال محد يرد
فهيمة المطوع مسافرة بترجع الخميس
التخصصي محد يرد بس خذت رقمي وقالت بيكلمونج ومحد اتصل
اتصلت مستشفى الكندي عند فضيلة النجار قالو تداوم بس اربعا وخميس وهالأسبوع فل المواااعيد..


وبس وكلت امري لله ...بس في خاطري اعرف اليوووم :(