التجمع الرابع للحوامل اللاتي يلدن في شهر 5(مايو) 2010

Gahadaa;10757588:
بنات شخبار مخمل ؟؟ قريت شكتابة يا قلبي عليها والله ،، ترى اللي صار فيها انا ذقته من سنة ونص ولو ما اجهضت المفروض بنتي تكمل السنة هالأيام لأن اول 12 كان موعد ولادتي بين 5 -8 / 12

مخمل حبيبتي اذا قريتي كلامي ترى والله والله ثم والله اللي توصفيه واللي ما تقدرين توصفيه في احساسج انا كله عارفة طعمه وذقته من قبلج ،، ولما اجهضت كان 17 اسبوع ونص ،، يعني مثل ايامي هذي بحملي الحالي ،، وادري مهما سمعتي من كلام يصبرج الحرقة موجودة ،، انا مثلج مسكت كل شي في بنتي وجهها الحلو اللي يشبهني ورقبتها الناعمة واصابعها النتفة وخشمها واذنها وكل جسمها ،، ولا تزعلين انج شفتيه لأن اللي يقولج لول ما شفتيه احسن احس انه مب صح انا ما ندمت اني شفتها لأني حسيت بقدري وقدرها والمكتوب علينا ،، بالعكس قعدت معاها ولمستها وسميتها غالية ولفيتها بفوطة بيضة مثلها وعطيتها حق ابوها يدفنها ،، وعقب انفجرت ايام وليالي وشهور تغسل حزني وحرقة قلبي على بنتي ،، واللي زاد حرقة قلبي حليبها نزل وكنت اشفطه واقطه ومب هاين علي اقطه لأن هذا حليب غالية ،، صج الحزن بروح من قلبج بالبطيء بس انشاءالله فترة وتعدي وترى ما تقدرين تنسينه وبتتذكريه في كل لحظة بحملج الياي ،، وهذا شي طيب لأنج ام وطبيعي هالأحاسيس تكون عندج ،، انا اللي ابي اقوله لج الله يصبرج ويعوضج خير مما فقدتي ((ترى حتى هالدعوة انا كنت ارفضها)) وهذا طبيعي لأن كنت اقول بنتي زينة ما فيها شي ما ابي غيرها ولا احسن منها ،، الله يهون عليج ولا تيأسين من رحمة الله ،، وهو طير بالجنة يمسكج انتي واوبوه عن الصراط عشان لا تزلون

ادري كلامي بيصيحج وانا اقولج صيحي الحين واربطي على قلبج بكرة وشدي حيلك اللي بعده وارضي بالمكتوب عشان هذي حكمة الله فينا ،، اللهم لا اعتراض على حكمك وبكرة بتبشرينا بالحمل السريع انشاءالله

اسفة طولت عليج بس نصيحة اخيرة ،، لا تطولين فترة حزنج والمانع بعد الإجهاض لأن هذا الشي سبب لي كسل بالمبيايض ،، وعرفت متأخرة انه الحالة النفسية تسبب ضعف المبايض ،، يعني ريحي جسمج 3 شهور واذا ما راح حليبج نشفيه بحبوب واحملي على طول اذا ما في اي شي ثاني يمنعج

واتمنى انج تطمنينا عليج ،، ادري بتكون دشتج علينا بالأول صعبة بس صدقيني اختلاطج بالناس احسن من العزلة

بنت امي و ابوي;10756525:
كتكووووووووووووووته نايمه هلا جيف حالج ..؟؟؟

ظلمت الامارات يووووم رحتي عنها انتي و نيييييهالوووو...؟؟

انا سرت دبي و نمت ف البستان و اجوووف سياره قطر فيها حرمه و بنتين اقووول ف خاطري جان ما كتكوووته هذي

جنه جنه;10757207:
ايه ضحكي عليييي
دوم ان شاء الله
يااختي اني ريحت بالي الدكتوره قالت كل 22 بالهجري تدخلين شهر جديد
يعني على حسبت الدكتوره الاربعاء ادخل الخامس
المشكله انه حتى اللي بالنت يقولو انتي تدخلين الرابع مو بس امي وزوجي
اخر دوه بالهجري 2_ 9 شهر رمضان
وبالميلادي23_ 8 بالميلادي

طيف الاحبه 99;10759706:
مساء الخير
فيه احد موجووووووووووووود ؟