التجمع الرابع للحوامل اللاتي يلدن في شهر 5(مايو) 2010

اهليييييييييييييييييييييييييين يا بنات ،، انا من الصبح ادور مع رفيجتي باللاند مارك والمجمعات :$:،، توني راجعة البيت

انتو شخباركم؟؟

بنت الأصايل هلا وغلا والله ،، انا ادش النت كل يوم بس كنت مسافرة بانكوك اسبوع ويوم رجعت قمت ادش مرة ثانية ،، افى عليج كل يوم بسولف معاكم حتى لما يرجع زوجي بالسلامة

شكله البيبي معصب من كثر ما لفيت بالسوق قاعد يرفسني ويمين ويسار خخخخخخخخخ :worn_out: ،، او يمكن يرقص مستانس بالعيد :celebrate:

هيه سبحان الله غاده انا وياج تقريبا البيبي الحين يتحرك اكثر ما شاء الله تبارك الرحمن

اي تصدقين احس بفرق من الأسبوع اللي طاف لليوم

بنت..
حاسبي من الحنة.. مادري احنا بالبحرين يخلون فيه مادة البنزين وهالمادة بدون حمل تروح في العظم وتسبب أمراض خبيثة والعياذ بالله.. الحين انتي حامل لا تعرضين نفسج وطفلج لمثل هالمواد الضارة!

غادة..
الحمدلله على سلامتج.. وين صوغتي؟
فديته القمر ولد اختي ..
انا احس الحركة قبل أكثر.. جايني وسواس حتى اقول لزوجي الحين ما يتحرك البيبي!!
مادري انا ساهية وما الاحظ اذا تحرك او ان كلامي صحيح..
بس قلبي قابضني..

بنت الأصايل لا توسوسين وايد انا احس احيانا هالشكل بس يكون راقد ،، وبعدين انا احس برفرفة ونغزات خفيفة واحس فيه اكثر ويدي فوق بطني ،، يعني احسه بيدي اكثر من بطني لأن توه صغير ،، وفي ناس ما حست فيه ليحين وهي معانا او سابقتنا ،، توكلي على الله وواظبي على مواعيدج بالمستشفى تطمنين عليه ،، بس اذا لا سمح الله في اعراض ثانية روحي المستشفى ولا تنطرين موعدج

والصوغة جاهزة حاظرين!!

امممم..
مادري والله.. أنا قبل اسبوع او اكثر كنت احس بحركته تزيد يوم عن يوم.. الحين من كم يوم كلش ما احسها.. مادري شلون والله.. بس قلت بخلي بالي بعد اكثر..
انا موعدي تاريخ9/12 بعيد شوي.. وانا كل مواعيدي رحتها..
وآخر مرة رحت المستشفى عشان عندي التهاب في الابوال وعطتني الدكتورة مضاد.. خلصته وبس ما عدتها رجعت..
انا احس الالتهاب ما راح عني.. للحين احس بأعراضه.. هل ممكن أثر يعني؟

بنات..
انا عيد الاضحى دوم أحسه عادي.. مو مثل عيد الفطر!
ما اتشجع اشتري فيه ولا اطلع ولا فيه حماس..
انتوا بعد جذي؟

تصدقين انا بعد خذت مضاد ولا احس انه سوى شي ،، الله يعينا موعدي 29/11 وبشوف شنو تقولي الدكتورة

بس ما اعتقد انه يأثر على حركة البيبي

ربي يسهل علينا وعليكم لا تنسونا من الدعاء بكرة

بنت الاصايل;10700718:
بنت..
حاسبي من الحنة.. مادري احنا بالبحرين يخلون فيه مادة البنزين وهالمادة بدون حمل تروح في العظم وتسبب أمراض خبيثة والعياذ بالله.. الحين انتي حامل لا تعرضين نفسج وطفلج لمثل هالمواد الضارة!

غادة..
الحمدلله على سلامتج.. وين صوغتي؟
فديته القمر ولد اختي ..
انا احس الحركة قبل أكثر.. جايني وسواس حتى اقول لزوجي الحين ما يتحرك البيبي!!
مادري انا ساهية وما الاحظ اذا تحرك او ان كلامي صحيح..
بس قلبي قابضني..

انا ان شاءالله يوم السبت ادخل 17 اسبوع وللحين ما حسيت بالحركه وسالت الدكتور اليوم قالي عادي 20 يمكن تحسين فيه:)

بنت الاصايل;10700776:
بنات..
انا عيد الاضحى دوم أحسه عادي.. مو مثل عيد الفطر!
ما اتشجع اشتري فيه ولا اطلع ولا فيه حماس..
انتوا بعد جذي؟

وانا بعد مو مفكره اطلع اي مكان لا وعندي موعد بيوم العيد:lol::lol:

العيد حسب ما تعودتي في بيت أهلج ،، احنا لما كنا يهال نحب عيد الأضحى أكثر ونحس فيه اكثر لأن ابوي الله يخليه لنا دايما يجيب الخروف قبل العيد عشان نلعب معاه قبل يضحي فيه ،، وناسة والله لليهال وتحسسينهم بالعيد وفرحته ،، اما لين نكبر نصوم ونبي نفطر عشان جذي نحس بالفطر اكثر خخخخخ

بنات اللى تعانون من التهاب البول حاولو تشربون ماي وايد لترين باليوم وان شاءالله يختفى لا علاج ولا غيره

شموخ.. غادة..
تهقون جذي يعني.. احساس الحركة يروح ويجي؟ والله انا ما اذكر بحملي بعصوم شلون كانت حركتها الصراحة..<<<مداها تنسى!

عاد تصدقين شموخ..
انا هالالتهابات ما تفارقني لا بحمل ولا بدونه.. اشرب ماي واحاول ما احصر نفسي بس بعد..

غادة..
والله العيد هذا الناس تكون فيه مسافرة بعضها الحج وبعضها تعيّد بديرة ثانية.. ومادري شلون!

انا مب التهاب بول ،، انا بكتيريا وفطريات واحيانا حكة وريحة بالافرازات ،، تروح وترجع لعوزتني

غادة..
الله يعينج.. كريه هذا بعد!!
بس على فكرة.. التهاب البول ينتقل للمهبل والعكس صحيح.. لأن المنطقة قصيرة بين العضوين عند النساء..!!

الله يسترنا انشاءالله من الالتهابات وتروح منا لأن زهقت منها والله

بنت الأصايل انا اول مرة حسيت بالبيبي قعدت اسبوع عقبها ما احس بشي ،، وبعدين صرت كل يومين او 3 مرة احس وخفيف بعد ،، بس انا كنت انسدح وازخخه يمين ويسار عشان يتحرك واحس فيه خخخخخخخ ملقوفة !!!

بس الحين الحمدلله شبه يومي احس فيه بس مب طول اليوم طبعا

غادة..
الله يطمن قلبج.. بحاول اخلي بالي اليوم وبكرا وبشوف..

بقوم ابدل بنتي.. عندي حالة طوارئ يععع

انا بقوم اتعشى بنات ،، من رخصتكم

مرحبا كروشات شخباركم
مشكوووورين كل الي سألوا عني