التجمع الثالث لحوامل اللاتي يلدن في شهر فبراير 2010

الشهر السابع مليغ مايمر بسرعه خخخخ

ودي افتح عين واغمض اشوف نفسي في الاسبوع 34 ..

عشان مسموحلي بعدين اتحرك..اروح اجيء

بعدي فتره الولاده المبكره

بروووووح الخوف وسواس

الله يا كريم عديهم علي خير

كيفكم بنااات

قريت أخباركم

والحمدلله كلكم كويسين والحال من بعضهم تعب وأرق

اليوم كان عندي امتحان لشهادة السواقة والحمدلله نجحت من اول مرة باقي علي امتحان ثاني

ان شاء الله ألحق اعمله قبل ما سافر ^^

بالنسبة للبرد الله يعيني بس أسافر لسوريا هناك البرد على اصوله

ينخر بالعظام هههه

تلاقي البيت فيه أكثر من دفاية أو دفاية وشوفاج

وتياب سميكة وحاااله انا بصراحة خايفة انه يتغير عليي الجو يعني لما اطلع من ابو ظبي واوصل دمشق

لأنه في فرق منيح بالطقس

الله يعينا وييسر

يلا انتبهو على حالكم

سي يو ^^

هلا كروشات اخباركم:)
اليوم ربطنا النت في البيت

أم حسين القمر;10839624:

الحالمة ... مبرووك النجاح وعقبال النجاح بالثاني ... شلون يعني امتحانين بالسواقه احنا بالبحرين واحد بس وتحصلين لليسن ... وان شاء الله تردين لدمشق سالمة وما عليكي شر ,,, اهمشي اخذي حتياطاتك :)

هلا يا قلبي

الله يبارك فيكِ ويسلمك ^^

امتحانين الأول على parking والرجوع والامتحان الثاني في الطريق

يعني الثاني هو الأصعب :worn_out:

"Lovely LoLo";10841715:
هلا كروشات اخباركم:)
اليوم ربطنا النت في البيت

مبرووووك يلا معناها ماعد تغيبي عنا

كيف حاسة الجو بالبيت الجديد تعودتوا عليه ان شاء الله وخلصتي ترتيب أغراضكم

ولا لازمك مساعده :D

هلا كروشات ... شخباركم اليوم ؟؟؟...

والله انا على حطة يدكم ... قاعده انتظر التاسع بفارق الصبر ... بصراحه خلاص تعبت ...وووو اوحشتني بنتي آبي اجوفها ... بالنسبة لتوزيعات بصراحه لحد الان ماقررت شلي باسوية كنت حاطه في بالي باسوي سي ديات فيها الرقية الشريعه وراح اوزعهم ... اما عن تقديمات المستشفى بصراحه مااعرف من وين ولافكرت فيها بعد ... وتاريخ 26/12 عندي موعد وباجوف شنو بيقررون لي عملية واله طبيعي ... والله كريم وانا بصراحه ابي العملية ولاآبي الطبيعي ... وباجوف ايصير اقرر وقت العملية يعني اخليها اول ماادخل التاسع ؟؟ ... والله كريم ..

ساندي

مبروك على دخولك الأسبوع 35 عقبالنا يارب

فكتم

البرد يكون في الرجل وفي الظهر الله يكون بعون الجميع

وردة الخريف


احسن شيء الوحدة تبرز حالها وأغراضها من تدخل الشهر الخامس ... أخف للحامل

لوفلي
متباركين وان شاء الله ما تفطعينا

الحالمة

متباركة وعقبال النجاح بالثاني

نور الدنيا

الناس تتمنى طبيعي وانتي تتمنين العكس ليش تبين عملية ؟


اخباري

أحس أن السرة كانت طالعة على برى وألحين كل ما جاء اليها تدخل هل هذا الشيء طبيعي طمنوني ترى كل شيء أخاف منه ؟

مشكورات خواتي:)
الحالمة تسلمين قلبو مااريد اتعبك معي
الحمد لله خلصت %90 من الترتيب
عروس ..حبيبتي عادي اني هم نفس الشي السرة مرات تكون طالعة او داخلة خخخ
حسب وضعية البيبي

مرررررررررحبا


شخباااااااااااااااااار



نور ما تشوفين شررررررر


سندي مبروووووووووووووك التقدم ما شاء الله


لفلي لولو بالبررررررررررركة البيت الجديد
الله يعطيكم خيره ويكفيكم شره
تحملي بنفسك من اي مجهود قوي



وعن تجهيزات الضيافة انا للحين ما استقريت على شي معين خخخخخ
الله كريم من الحين لوقتها
ها بنات من جهزت توزيعاتها ؟!!


اييي بنات
اليوم بالذات احس بألم زايد في بطني ذابحني ساعات يخف وساعات يزيد مادري من شنو الالم صاير نفس الشد وكل ما يتحرك البيبي الالم يزيييد ،، وطبعا الثقل زاااااااااايد تصدقون ساعات احس ان الثقل زايد عن المرتين اللي حملت فيهم من قبل او يمكن لاني كبرت وجسمي تعب ( بما ان هذا الحمل الثالث ) وصار الثقل يتعبه زيادة .. هئ هئ هذا توني عمري 26 سنة وجسمي متكسر عيل الله يعين اللي يحملون وهم في الثلاثين :confused:

بنات تنصحوني اروح المستشفى عن الم البطن ؟!!
المشكلة اني ما حصلت موعد عند الدكتورة الا عقب شهر من اليوم يعني تاريخ 17 يناير واااااااااااااااايد بعييييييييييد :woo:


ايي صح
انا نفسكم احس النساة رجعت شوي واللوعة ابتدت شوي ،، اليوم هلكت خصوصا الصبح الم بطني من صوب واللوعة من صوب :worn_out:

ومن الناحية النفسية احاتي فترة ما بعد الولادة وكل كاسرين خاطري عيالي ومعورين قلبي ودايما احضن وابوس فيهم حتى ولدي اللي قريب بيكمل ال6 سنوات اقعده بحضني وابوس فيه وعلى طول اوصي عليهم ابوهم وهو يعصب ما يرضى يقول ان شاء الله بتقومين بالسلامة وانتي اللي بتهتمين فيهم وبتربينهم :o

لوفلي

مشكورة طمنتيني


ماما حسون

اني اول حمل لي واحس حالتي حالة كأني أكثر من عجوز شلون انتين ههههههههههههه

أزيد الأحباط أكثر هههه

السلام عليكم بنات اخباركم ان شاء الله بخير

عروس ماتبي تعرس - ماما حسون

الله يبارك فيكم وعقبالكم كلكم اخاف بس تولدو قبلي خخخخخخخ

والله اني مستعجله خلاااااص وصلت حدي



موعدي عند الدكتوره يوم الثلاثاء الجاي ان شاء الله اسألها عن الولاده عندهم

ابغى يعملولي تخدير ومااحس وانا اولد ولاحتى يحتاج اني ادف عشان يطلع البيبي

مرره حلو كده نص العيله عندنا يولدو بدي الطريقه

ابغى اسأل الدكتوره عنها وان شاء الله في عندهم في ده المستشفى لأني غيرت الأول

لو ماعندهم حرجع للمستشفى الأول

بنات اش رأيكم ابدأ المشي من دحين ؟

السلام عليكم .. كيفكم ؟؟ وحشتوني ..

بسألكم .. انا بدخل الاسبوع 30 ومن امس احس برياح استقبال ،، احد منكم جاه ولا لا؟؟؟

cendy;10845313:
بنات اش رأيكم ابدأ المشي من دحين ؟

المفروض بديتي من السابع مشي خفيف نص ساعة

والثامن المفروض يصير ساعة

لان العضلات يبي لها ترتاح شوي

بس مو مشكله امشي من الحين

umm wafi;10845724:
السلام عليكم .. كيفكم ؟؟ وحشتوني ..

بسألكم .. انا بدخل الاسبوع 30 ومن امس احس برياح استقبال ،، احد منكم جاه ولا لا؟؟؟

الالم لا بد منه سواء من كبر الجنين او وضعيات الجلوس والتعب

لا تحاتين

اخباري

أحس أن السرة كانت طالعة على برى وألحين كل ما جاء اليها تدخل هل هذا الشيء طبيعي طمنوني ترى كل شيء أخاف منه ؟

عادي حسبي حساب الاكل والسوائل اذا زادت ينتفخ البطن وبالتالي تطلع السرة

لفلي لولو

ارتحتي من البيت وهمه وان شاء الله تتيسر ولادتج


فيكتم

لا حد يقول لي زهق من الحمل ويبي يبي يولد

انا خايفة من التكلس ان شاء الله ما اطول في التاسع كل تاخير مو بصالح البيبي

الحالمة
بالنسبة للبرد الله يعيني بس أسافر لسوريا هناك البرد على اصوله

ينخر بالعظام هههه

توها اختي راجعة وصج قالت صقيييييييييييييييييييييع

صبحكم الله بالخير

كيف الحال


الله يعين الجميع .. تععععععععععععععععب



حبيبتي ام وافي عن ريح الاستقبال انتي تعاني من الالتهابات ؟!!
ما ابغي اخوفج بس في حملي الثاني حسيت بريح الاستقبال من الشهر السابع وانا في بالي ان هذا شي طبيعي وان جسمي قاعد يستعد للولادة ولما رحت موعدي في الشهر الثامن للدكتورة قلت خل اخبر الدكتورة وانا متوقعة بتقولي عااااادي بس تفاجأت فيها انها تخوفت وارسلتني دايركت على قسم الطوارئ ورحت وانا خايفة وهناك فحصوني ( حتى عنق الرحم فحصوه يمكن يكون فيه توسع لا سمح الله ) وسووا لي تخطيط وتحاليل بول ودم وفي الاخير طلع ان كل شي طبيعي بس عندي التهاب في الابوال وهو اللي مسبب لي تقلصات مبكرة وعطوني مضاد عن الالتهاب ..
وانا بعدين اموري عدت على خير الحمدلله وتممت شهور الحمل كلها ، بس ترى يقولون ان التهاب الابوال مو زين وممكن لا سمح الله يسبب ولادة مبكرة ..



بعيد الشر عنا وعنكم :)
انا بس حبيت احط تجربتي وان شاء الله اكون افدتج ..