تجمع بنات مصر لشهر ذي الحجة 1430 للاستفسارت عن الميك اب

فتافييت السكر;10771750:
كارفور اللي في المعادي؟

سوري ياقمر بس انا من اليكس ممكن تسالي بنوتة من القاهرة بس فيسز ليها توكيل في كل فروع كارفور علي ما اعتقد

nooooooga;10782638:

حبيبتى معلش والله كنت بنزلك الصور وانا
جاية من بره بعد يوم طويل وكنت مهيسة خااااااااااااااااااااااااص
هاهاهاهاهاهاهاهاها

الموضوع تانى اهو بالصور
والف مبرك مرة تانية

الف مبروك يا قمر

ودى خطواته علشان لو عجبك

الخطوات :

1- بعد كريم الاساس و البودر,نحط على العين حاجة اسمها primer لو مافيش حطي طبقة من ال كونسيلر عشان الشادو يثبت

2-نجيب ايشادو اسود كحل زي ده

3-و نوزعه على العين بالشكل ده

4-نجيب قلم ايشادو كريمي ابيض,او اي ايشادو كريمي ابيض و نحطه تحت الحاجب و نوزعه كده

5-و كمان نحط منه في جنب العين eye corner كده

6-نجيب ايشادو دهبي زي ده

7-وبالفرشه نحطه فوق الاسود

8-لحد ما يغطيه خالص

9-نجيب ايشادو بيج و أبيض زي دول

10-نمزج ما بينهم و نحطه فوق شوية عن الدهبي

11-نجيب ايشادو اسود بس فيه جليتر,لو مافيش ممكن بالاسود العادي

12-و نحطه على الدهبي بس من الجنب

13-زي كده

14-نفس الايشادو الابيض اللي قبل كده,نجيبه و نحطه نحطه تحت الحاجب و نمزج

15-حاجة اختياري لو تزودي ايشادو ذهبي تاني

16-و ده الشكل النصف نهائي هههههه

- بفرشة رفيعة لو امكن, هنحط ايشادو اسود على الطرف خالص

18- و تحت العين

19-الشكل بيبقى كده

20- ايلاينر سائل على الجفن اللي فوق

21- و كحل من جوا (ولا بتتكتب جوه؟

22- فل كده مافاضلش غير الماسكرا,لو حابه تحطي رموش صناعية حطي,دي حاجة اختيارية

23-و اديها ماسكرااااا

24-خلصنا من العين

لسة فيكو نفس؟ هههه

خلاص أهو الروجاجو blush احسن لون روز برونزي

25- و روج روز و جلوس روز هاااادي و آآآآآآدي النتيجة

منقوووووووووووووووول

وياااااااااااااااااااااااااااارب يعجبك واكون قدرت اساعدك

والف مبروك حبيبتى

حلو جداااااااااااااااااااااااااا انا بموت في الالوان دي ومبروك علي العروسة اللي حتحطة وعقبالكم كلكم يابنات وعقبالي يارب لما احط يوم فرحي:o

حلو اللوك ده اوووي

*Om Mo3az*;10781883:
وجبت مناكير اسود بس طلع جميل اوي
بس مش عاجب جوزي
ومعاذ ابني كل شوية يروح يجيب منديل ويفضل يمسح لي في ضوافري هههههههههههههههههههههه
وجبت باليتة ايشادو والوانها حلوة برضو الحمدلله
وجبت روجوجو بس فيه حاجات نسيتها للاسف كنت عاوزة ماسكرا وعاوزة كمان شنطة ميك اب اللي بتبقى في الشنطة دي لاني كنت عاملة واحدة بس زهقت منها وعاوزة اغيرها

بس كده رغيت كتير :D

مبرووووووووووك الف مبروك تتهني بيهم يا قمر
وقولي لمعاذ وابو معاذ يسيبو ام معاذ تدلع نفسها شويه هههههههههههه
ربنا يخليكم لبعض ومش يحرمك منهم ولا يحرمهم منك
بالنسبة للايشادو الجديد الجليتر دا شكلك هتكسفينا وهتعكي الدنيا خخخخخخ
بوصي هو ميزته انك ممكن تستخدميه باللمعه او مط لوحده
والمفروض انك بتحطي الاول الايشادو البودر وبعديها بتبلي صباعك بنقطه مايه يعني تخلي صبعك مندي مش اكتر وخدي شوية من اللمعه وافرديها بايدك على الايشادو المط
على فكرة لو عملتيه بالفرشة من هنا لبوكرا مش هيتحط عشان هيطير على وشك ولو حطيتي مايه عالفرشة بردو مش هيحط لان اللمعه لزقت في الفرشة المبلوله ... اعمليه بايدك هينفع ان شاءالله
ولو معرفتيش روحي غيريه وقولي للراجل عايزاه كريمي .. دا هيعجبك اوي ولمعته شيك موت :)

mnne;10777213:




حلو اووي ده بس ياريت الخطوات بقي

at2ota;10778863:
انا كمان بضم صوتى ليكى عايزة اعرف الخطوات

cleo;10782294:
بصي يا قمري .. لونها فاتح .. مش بيضة ومش قمحاوية .. :D
انا عايزة حاجة سيمبل خالص
وانا بحب مكياج العيون اوي
وانا الحمد لله عيني واسعة ولونهها بني غامق
ده فعلا رقيق اوي

بوصو يا قمرات
اللوك دا سهل جدا هي حاطه عالجفن المتحرك لون موف غامق جدا مايل للسواد ووزعته على كامل الجفن وبعدين حطت بين الجفن الثابت والمتحرك لون موف فاتح ودمجتهم زي الاسموكي بالظبط ومدته لخارج العين وبعدين حطت ايشادو ابيض بلمعه تحت الحاجب عشان الاضاءه وعملت خط ايلاينر اسود رفيع بطول خط الرموش تحت العين مدت لون ايشادو موف نفس اللي استخدمته فوق من اول العين لاخرها عند المدمع واخيرا قلم كحل اسود والماسكرا السودا

عايزة اقولكم حاجة مهمة يا بنات شكل رسمة العين هو اللي بيحدد لوك المكياج اللي يليق عليها يعني تحديد العين بالكحل من فوق وتحت مش لايق عليا خالص لان انا عيني واسعه والتحديد عايز عيون صغيره او متوسطه لكن لما تبقى عين واسعه وعملاه هتكون بارزه اوي والوش كله متاكل وعشان كده الماكييرات من خبراتهم بيعرفو كل عين ايه يناسبها وايه يليق عليها
فلما تيجو تختارو الميك اب مش تختارو الالوان ما الالوان ممكن تتغير حسب اللبس بل اختارو حسب رسمه العين شوفو ايه اقرب رسمه زي رسمه عنيكم واعملو الميك اب بتاعها وغيرو الالوان زي ما عايزين

و ياريت يا cleo تختاري اللوك اللي شكل عين الموديل بتاعها زي عنيكي سيبك من الوان الميك اب دي مقدور عليها المهم تختاري رسمة الميك اب اللي تناسب رسمة عنيكي :thumbs_up:

أنوش;10783480:
مبرووووووووووك الف مبروك تتهني بيهم يا قمر
وقولي لمعاذ وابو معاذ يسيبو ام معاذ تدلع نفسها شويه هههههههههههه
ربنا يخليكم لبعض ومش يحرمك منهم ولا يحرمهم منك
بالنسبة للايشادو الجديد الجليتر دا شكلك هتكسفينا وهتعكي الدنيا خخخخخخ
بوصي هو ميزته انك ممكن تستخدميه باللمعه او مط لوحده
والمفروض انك بتحطي الاول الايشادو البودر وبعديها بتبلي صباعك بنقطه مايه يعني تخلي صبعك مندي مش اكتر وخدي شوية من اللمعه وافرديها بايدك على الايشادو المط
على فكرة لو عملتيه بالفرشة من هنا لبوكرا مش هيتحط عشان هيطير على وشك ولو حطيتي مايه عالفرشة بردو مش هيحط لان اللمعه لزقت في الفرشة المبلوله ... اعمليه بايدك هينفع ان شاءالله
ولو معرفتيش روحي غيريه وقولي للراجل عايزاه كريمي .. دا هيعجبك اوي ولمعته شيك موت :)

ههههههههههههههه
لا خلاص انتي فهمتيني ومش هكسفك ولا حاجة
اصلي دايما بجيب الجليتر باللمعة واول مرة اجيبه باودر كده
ربنا يخليكي ليا يا جميل انا هجربه وان شاء الله هيطلع حلو ومش هرجعه ولا حاجة

وبالنسبة لمعاذ وابوه مش سايبني في حالي والله ومش بعرف ادلع نفسي خالص منهم وخصوصا يعني معاذ طول النهار شغال مسح بالمناديل في وشي
شوية شوية هيقول لي قومي اغسلي وشك من القرف ده ههههههههههههههههه

وشكرا ليكي يا جميل
والكريمي ده سالت عليه كتييييييييير ومش بلاقيه مش عارفة ليه

يا سلاام عليكي يا انوش يا جميلة انتي
انا جربت الايشادو وطلع حلو اوي وخلاص مش هرجعه
شكرا ياقمر

*Om Mo3az*;10783818:
يا سلاام عليكي يا انوش يا جميلة انتي
انا جربت الايشادو وطلع حلو اوي وخلاص مش هرجعه
شكرا ياقمر

تمام يا قمر تتهني بيه يارب :)

*Om Mo3az*;10781853:
ازيكو يا بنات عاملين ايه

بصو بقى سؤالي ضروري تردو عليا انهرده بلييييييييز
انا امبارح اشتريت شوية ميك اب كده
المهم جبت ايشادو بس بغبائي ماجربتوش لاني كنت مستعجلة انا افتكرته جليتر وفيه لمعة
دي صورته





هو دورين فوق بعض واحد فيه لمعة والتاني عادي






المشكلة بقى ان اللمعة دي باودر مش حاجة بتثبت على الجفن واصلا وانا بحطه بلاقيه نصه وقع على وشي
جربت بليت الفراشة بس برضو ماكنش ثابت
ياترى هو كده اصلا ولا فيه حاجة بتخليه يثبت على وشي

ياريت تردو عليا بسرعة عشان لو طلع باودر كده هرجعه واجيب اي حاجة تانية

انا عندي زيهه بلظبط ابيض
بحط قلم كريمي الاول وبعدين الجليتر وبيثبت بس لازم القلم الكريمي يكون مثبت مش كريمي عادي
كده معاكي طرقتين طريقه ميه وطريقه الكريمي عموما انا مش بستخدم الا اقلام كريمي في تثبيت الايشادوا اي نوع*

انا خاااااااااااااااااايبه موووووووووووت فى الميكب

وخطبتى وكتب كتابى قربت
وللاسف هنعمل الفرح الاول ونكتب الكتاب فى القاعه واخر اليل هنروح نتصور لما نكتب علشان انا منتقبه

المشكله بقى
ايه مركات الميكب اللى استعملها وتبقى ثابته وتتبهدلش بسرعه خلال الفرح

يعنى احسن نوع بودر وكريم اساس واى شادو وروج
اصلى مش واثقه فى الكوافيره
هى بتقولى انها بتستعمل حاجات كويسه وثابته
بس عايزكم انتم تفهمونى علشان ميضحكش عليا
وكمان علشان بقى هبتدى اشترى ميكب وكدا


فهمونى بقلى براحه علشان اعرف استوعب حاجات البنات دى

قرآنيه;10784374:
انا خاااااااااااااااااايبه موووووووووووت فى الميكب

وخطبتى وكتب كتابى قربت
وللاسف هنعمل الفرح الاول ونكتب الكتاب فى القاعه واخر اليل هنروح نتصور لما نكتب علشان انا منتقبه

المشكله بقى
ايه مركات الميكب اللى استعملها وتبقى ثابته وتتبهدلش بسرعه خلال الفرح

يعنى احسن نوع بودر وكريم اساس واى شادو وروج
اصلى مش واثقه فى الكوافيره
هى بتقولى انها بتستعمل حاجات كويسه وثابته
بس عايزكم انتم تفهمونى علشان ميضحكش عليا
وكمان علشان بقى هبتدى اشترى ميكب وكدا


فهمونى بقلى براحه علشان اعرف استوعب حاجات البنات دى

الف مبروك يا قمر وربنا يتمملك على خير
بس انا مش فاهمه يعني انتي هتعملي الميك اب لنفسك ولا هتروحي لكوافير ؟

ازيكم يابناويت والله وحشتونى كتير بس مش عندى نت فى البيت
عايزكم فى كام سؤال مهم عايزه ماركه كريم اساس حلو وممكن تحطه فى البيت او لخروج وسعره معقول وبرضه ماركه ايلينر وماسكره حلو كده تتطول وتقل الرموش وماركات حلوه للمانيكير ادور فيها على الالوان وياريت تقولولى على اسعار الماركات كمان وتسلموووووو

أنوش;10784508:
الف مبروك يا قمر وربنا يتمملك على خير
بس انا مش فاهمه يعني انتي هتعملي الميك اب لنفسك ولا هتروحي لكوافير ؟

لا هروح لكوافيره ان شاء الله بس مش واثقه فى كلامها
مهو اى حد لازم هيقولك احنا بنستعمل احسن حاجه

وبعدين انا شايفه نفسى حاجه خاصه
علشان يعنى هتصور اخر اليوم

بس انا قلت اسألكم واشترى الميكب بتاعى واكون واثقه من مركتو
وهى بقى تعملى بيه

ولا انتى ايه رأيك؟


معلش شؤال كمان
الاظافر اللى بتكون مرسومه دى اشتريها من فين فى القاهره وسعرها بيكون كام
فى رسمه ضوافر ليكى تحفه شوفتها فى مشاركاتك
دى انتى اللى بترسميها ولا هى بتكون جاهزه
معلش اسألتى غريبه اصل بصراحه حاجات اول مره اشوفها
غريبا عليا خاااااااااااااالص

mnne;10785560:

السلام عليكم

ازيكم يا قمرات اخبارك ايه

انا بقي جا يلكم في استشاره مكيايجيه عاجله

الانسه اختي فرحها في شهر 2 عقبالكم جميعا يارب

هي عايزه تعمل ميك اب لنفسها انا هوريكم صور ليها

وتقولو لينا ايه رايكم يا بنات ماشي علشان انا بثق في كلامكم كلكم

مع العلم ان مش عندنا كوافير حلو اووي يعني يعني ممكن يمشوها للعروسه بودره مائيه

فقولولي ايه رايكم في مكياج اللي هي بتعمله

هي طبعا كده لبسه عدسات

وشوفوا دي كمان علشان رسمه العين وهي مقفوله

قولوا ماشاء الله

وده بقي لون الروج

قولوا ماشاء الله

قولوا بقي ايه رايكم واقتراحتكم وفي انتظار الردودو

:L::L::L:

سامحوني علشان التصوير مش واضح اوووي لسوء كاميرا االموبايل

المكياج ميه ميه يابنتى على فكره انا بدمج الالوان زيها بلظبط بس الفر ق انى برسم عينى بايلينر وبتبقي رسمت عينى زى الخليجيات
بجد دمجها للالوان رائع رائع برافو عليها

http://forums.3roos.com/showthread.p...1#post10785981

موضوعى في قسم البشره صور كل مشترواتى بلصور والاسعار وطريقه الاستخدام

mnne;10785560:

السلام عليكم

ازيكم يا قمرات اخبارك ايه

انا بقي جا يلكم في استشاره مكيايجيه عاجله

الانسه اختي فرحها في شهر 2 عقبالكم جميعا يارب

هي عايزه تعمل ميك اب لنفسها انا هوريكم صور ليها

وتقولو لينا ايه رايكم يا بنات ماشي علشان انا بثق في كلامكم كلكم

مع العلم ان مش عندنا كوافير حلو اووي يعني يعني ممكن يمشوها للعروسه بودره مائيه

فقولولي ايه رايكم في مكياج اللي هي بتعمله

هي طبعا كده لبسه عدسات

وشوفوا دي كمان علشان رسمه العين وهي مقفوله

قولوا ماشاء الله

وده بقي لون الروج

قولوا ماشاء الله

قولوا بقي ايه رايكم واقتراحتكم وفي انتظار الردودو

:L::L::L:

سامحوني علشان التصوير مش واضح اوووي لسوء كاميرا االموبايل

ما شاء الله حلووو و الف مبروك ليهاا
انا عاجبني خااالص:thumbs_up:
و طالما الكوافيرات مش كويسه عندك اختك مكياجها حلو جدا تعمل لنفسها احسن بس مش تكون متوتره و كده

ميااده2006;10786253:
المكياج ميه ميه يابنتى على فكره انا بدمج الالوان زيها بلظبط بس الفر ق انى برسم عينى بايلينر وبتبقي رسمت عينى زى الخليجيات
بجد دمجها للالوان رائع رائع برافو عليها

lميرسي يا قمر يا مياده ربنا يسعدك علي الرد الحلو ده

وواكيد انت كمان اكيد صورك هتكون حلوه

mariam87;10786419:
ما شاء الله حلووو و الف مبروك ليهاا
انا عاجبني خااالص:thumbs_up:
و طالما الكوافيرات مش كويسه عندك اختك مكياجها حلو جدا تعمل لنفسها احسن بس مش تكون متوتره و كده

ميرسي يا جميل علي الرد الحلو وهي بتقولك معنوياتها ارتفعت وثقتها في نفسها زادت بعد ما سمعت ارائكوا