كمشمش;10729211:
السلام عليكم
ازيكم يا بنات على فكره انا استفدت كتير من كلامك
بس انا يا كام استفسار
ان مليش فى الميكب بس ناويه انى اجيب حاجات وعايزه اعرف ارائكم
فى كريم اساس يكون كويس وسعره معقول
صن بلوك عارفه فوايده بس مش اعرف اشتريه ازاى او حتى قولوا لى على اسم صن بلوك كويس
ولو عاوزه اجيب كونسيلر ترشحوا لى ايه اللى فى اورفيلم اللى نازل فى الكتالوج الجديد اللى هوة استيك مش العلبه اللى فيها 3 الوان ايه رايكم فيها
وماسكرا تكون حلوة انا جربت لنكوم كانت حلوة بصراحه بس مش عارفه اجيبها منين هنا لان اللى كانت عندى كانت جايه لى من برا
وبلاشر برضو
انا اسفه طولت عليكوا وازعجتكم
وعليكم السلام والرحمة
اهلا يا جميلة منورانا :)
بوصي حبيبتي بالنسبة لاستفسارك
كريم الاساس بتاع جيورداني من اوريفليم ممتاز اوي بس تغطيته خفيفة ولما بينزل بعروض بيكون في حدود 41-45 جنية سعر عضوية ... في كمان بنات جربت بتاع جولدن روز وشكرت فيه سواء الاستيك ب 35 جنية او البامبر 60 جنية او الانبوب 40 جنية
صن بلوك فوتوديرم 90 حمايته قوية اوي وسعره تقريبا 98 جنية بس انا استخدم بتاع سول فاميلي من اوريفليم هو مش بينزل الا في الصيف لكنه ممتاز حمايته 50 ومناسبه جدا وكنت جيباه بحاجة و30 من عرض والصن بلوك عموما بيتجاب من صيدليات والافضل تكون صيدلية مشهورة عشان تضمني انها حاجة اصلية مش تقليد ولا مضروب
الكونسيلر الاستيك بتاع اوريفليم حلو جدااااااا انا عندي منه وعندي الباليته الجديده الاستيك كا استخدام اسهل وقوامه اتقل شوية فا ارشحولك وبقوه
الماسكرات لو عايزة حاجة اوريجنال من لانكوم او ماكس فاكتور او اي ماركة محترمة ممكن تجبيها من مزايا او فيسز في اي فرع كارفور و انا بيعجبني اوي فرشة برجوا القلبوظة دي بس مش عارفة اسمها بس هي بحاجة و 70 جنية
البلاشر ممكن تجبيه عادي يعني مش ماركة فيه تقليد برجوا حلو جدا ب 5 جنية وفي برجوا الاصلي ب 70 جنية ودا او دا بيكون بودر مط
في بلاشرات كريمي اللي هي اضاءه بتكون مكمله للبلاشر البودر بيتحط منها لمسه فوقه عشان يدي لمعه واضاءة للخدود ودي منها انواع XXL - Bourjouis - amor amor و ب 5 جنية ومنها درجات كتير على بينك او خوخي او برونزي زي ما انتي عايزة وطبعا اختيار اللون بيكون انك بتشوفي خدودك لما بتحمر طبيعي لونها بيكون ايه وبتجيبي اللون المقارب عشان يبان طبيعي وفي نفس الوقت هيكون اللون دا اللي يناسب لون بشرتك
اتمنى اكون افدتك يا قمر واهلا بيكي مره تانية معانا :DF:
