عاوزة اتعلم;10706947:بنات هو ازاي احط كحل في جفن عيني اللي فوق ؟؟؟ وازاي بردو احط خط رفيع كده من الاي لينر ؟؟
ويعني ايه كلمة مات عشان كلمه مات دي بلاقيها كتير ومش بعرف معناها ايه
وايه الفرشه الصغيره دي اللي بيتحط بيها الشادو؟؟ اسمها ايه؟؟ شكلي كنت بعك هههههههه اصلي اخري في الشادو احط خط تخين شوية فوق عيني وخلاص
لان اصلا اماكن الحبوب اللي في وشي بتحسسني اني مهما عملت ميكب شكلي هيبقى زباله هههههههههه
انا عيني شكلها حلو بس بحس ان اماكن الحبوب مش هتخلي حاجه في وشي تبان حلوة خالص
صحيح كمان عجبني اوي اللون الابيض اللي عند مدمع العين ده
بصراحه جميل جدا يا انوش
بوصي ياقمر عشان تحطي كحل في جفن عينك اللي فوق
هترفعي الجفن من عند الحاجب بصباع ايدك الشمال وتمشي قلم الكحل على جفنك من جوا بايدك اليمين
الايلاينر عايز ممارسة شوية يعني انا عشان اتعلمه اشتريت واحد اعدت 24 ساعة اجرب لحد ما عرفت احطه ومبدئيا انتي بتثبتي كوعك على التسريحة وبتغمضي العين اللي هتحطي عليها وبايدك اليمين ترسمي براحة والافضل تستخدمي الديب لاينر لان سنه ناشف هتتحكمي فيه اكتر من الفرشة هتفرد معاكي وهتحسي الخط تخين لانها عايزة ايد خفيفة ومتعودة ومره مع مره هتجيبي الرسمة مظبوط :D
كلمة مت يعني مفيهوش لمعه فلما نقول مثلا كريم اساس مت يعني كريم اساس غير دهني ومفيهوش اضاءة ولما نقول ايشادو مت يعني ايشادو مفيهوش جليتر ومانيكير مت يعني مفيهوش لمعة ولونه صريح وهكذا ;)
فرش الايشادو انا بحب الاسفنجات احسن من الفرشة الا لو هتحطي خط رفيع يبقى اوك لكن لو هتفرديه فوق الجفن يبقى الاسفنجات افضل ودا شكلها
و دي الفرش وطبعا كل واحده وليها استخدام
بالنسبة لاماكن الحبوب عودي نفسك على الاسكرب دا مهم جدا مرتين بالاسبوع مع الاستمرار هتخف اثار الحبوب وكمان لما يطلعلك حباية بلاش تسبيها عالجيها بكريم مضاد حيوي والافضل انك تعرفي اسباب الحبوب دي ايه وتمنعي المسببات عشان مش تطلعلك خالص وممكن تستخدمي كريمات التفتيح على اماكن الحبوب دي و مؤقتا حاولي تخفيها بكونسيلر لون بشرتك
اللون الابيض اللؤلؤي او السكري عند مدمع العين برغم انه حاجة بسيطه اوي لكن بتدي اشراقة وشكل حلو للعيون سواء كانت واسعه او ضيقة والجميل انك ممكن تحطيه سواء صبح او بليل مش هيقول لا :thumbs_up:
عاوزة اتعلم;10706948:بنات صحيح الرولت بتاعت افون بتتباع بكام في افون لحسان بسأل عليها في الصيدليه لاقيتها بعشرة وبحداشر مع ان اخر سعر ليها كان 7
روليت افون حسب العرض يعني هي نازلة البروشور بتاع الكريسماس اللي هيبدأ يوم الحد ب 10 جنية يعني بسعر العضوية 7.5 واحيانا بتنزل ب 12 جنية يعني مش ليها سعر ثابت واغلب الصيدليات بتبيع بسعر البروشور عشان تكسب لان مصلحتها فين لما تديكي بسعر عضوية دا غير انهم اصلا بيغلو الحاجة يعني لو تجبيها من الشركة او محل تجميل هتكون رخيصة اوي عن الصيدليات :)F:
