شلون خبرتي زوجج واهلج انج حامل؟؟؟؟

ملكة زوجها;12206924:
بنات أنا امس بس عرفت اني حامل
انا صارلي متزوجة 6 اشهر وانا وزوجي نتمنى يجيلنا طفل
الحين هو مسافر مع ابوه للعلاج في بانكوك والله يشهد اني ماخبرت اي حد عن حملي لأني ابيه يكون هو أول واحد يعرف
ونفس الشي ماخبرته بالتليفون لأن رد الفعل مابيكون نفس مايكون قدامي وأخبره

بنات لما يرجع زوجي بعد اسبوعين شنو احلى طريقة علشان أقولله أنا حامل؟؟؟

الف الف الف مبروووووك
الله يثبت حملج ان شاء الله ويتمم لج على خير
حبيبتي اخذي اختبار الحمل وحطي عليه شريطة حلوة وحطية داخل مرضاعة صغيرة وكتبي في البطاقة " شلونك بابا حبيبي ؟ انشالله طيب!! انا الحمد لله طيب وانشالله بتشوفني بعد 9 شهور.. اشوفك ع خير بابا حبيبي.. "

او في حركة ثانية تقولين حق ريلج عندي لك هدية .. بعدين تحطين يده على بطنج وتقولين له االهدية في الحفظ والصون بس ما بتستلمها الا بعد 9 شهور

ننطر ردة فعل ريلج بعد سبوعين

تقبلي مروري

هنوف المملكه;12207136:
الف الف الف مبروووووك
الله يثبت حملج ان شاء الله ويتمم لج على خير
حبيبتي اخذي اختبار الحمل وحطي عليه شريطة حلوة وحطية داخل مرضاعة صغيرة وكتبي في البطاقة " شلونك بابا حبيبي ؟ انشالله طيب!! انا الحمد لله طيب وانشالله بتشوفني بعد 9 شهور.. اشوفك ع خير بابا حبيبي.. "

او في حركة ثانية تقولين حق ريلج عندي لك هدية .. بعدين تحطين يده على بطنج وتقولين له االهدية في الحفظ والصون بس ما بتستلمها الا بعد 9 شهور

ننطر ردة فعل ريلج بعد سبوعين

تقبلي مروري

واااااااااااااااااااااااااااااااااااااو صج افكارج عجيبه ;)

مبروووووووووووووووك

بنات أفيدوني بليز

هل حبوب تأخير الدورة لها تأثير عالحمل؟؟؟

اتمنى اكون حامل بس احس مابقول لاحد لان ماحد بيصدق لي سنين ماحملت بس على ودي افاجئ زوجي بس المشكله هو الى يشتري التحليل وبينتظر النتيجه على ودي انام كم ليله وبعدين اخبر الكل ويربي يرزق كل وحده تتمنى الحمل

ان شاء الله تولدوووون بالسلاااااااامه

للحين عزووويبة..بس سووالفكم عجيبة..قمت اصيح صياااح..احساس الامومة روعة عجيب والله لايحرمه من احد ان شاء الله..والله يرزق الجميع ولا يخيب رجاء احد ان شاء الله...

رومانسية جذابة مشكورة على الموضوع..ومبروك على الحمل..بس ماقلتين لينا قصتش..اكيد خطيرة بعد وصار فيها صياح ونياح خخخخ

صباح الخير بنوتات

حللت اليوم الصبح

طلع خط غامج وخط ثاني خفييييييييييييييييييف كلش
وردي فاتح .. هل هذا يعني حمل ؟؟؟؟؟؟؟؟؟؟؟؟؟؟؟؟؟؟

اسوي تحليل دم .. والا بعد انطر جم يوم ..

وتحليل الدم شلون يسوونه ووين ؟؟؟؟

هنوف المملكه;12234568:
صباح الخير بنوتات

حللت اليوم الصبح

طلع خط غامج وخط ثاني خفييييييييييييييييييف كلش
وردي فاتح .. هل هذا يعني حمل ؟؟؟؟؟؟؟؟؟؟؟؟؟؟؟؟؟؟

اسوي تحليل دم .. والا بعد انطر جم يوم ..

وتحليل الدم شلون يسوونه ووين ؟؟؟؟

حبيبتي *بيبي فيس*

الله يسمع منج يالغالية

آنه دورتي كل شهر تجدم 5 ايام. الشهر اللي راح يتني بتاريخ 3 مايو
وهالشهر المفروض 30 مايو .. بس انا عطيت روحي مجال لانها احيانا تييني عالتاريخ يعني المفروض اليوم

انشالله بآمر الصيدلية وبآخذ لي واحد وانشالله حااااااااااامل

إنتي بعد مخططه تحملين هالشهر؟؟؟؟

الحمدالله..والشكر لله

الاااي وناسه اذا حملت او قبل الحمل بقولكم شصار لان صج خايفه احمل وااخطط بطريقه بعدين ما تصير لما احمل تصير شي ثاني اتدوده ماقدر ايود لساني على قولتكم.
ههه على فكره توني عنونه ادعولي انشاء الله بزوج الصالح والاولاد والذرية الصالحه في المستقبل :).

! أم حسووون !;12364392:

ههههه سوري على الرد المتأخر ..

قصة حملي بحسون نكته لا اني كنت متوقعتنها ولا زوجي .. لأني حملت بها بدون تخطيط في الخطوبة هههه وكنا نجهز للعرس وبلاويه بس لقيت روحي لايعه جبدي من كلشي حتى زوجي وغرفة نومي ما طرى على بالي حمل بتاتاً :sick:بس تالي عمتي شافتني بهالحالة سألتني عن الدورة اذا جتني او لا قلت لها لا مو متأخرة قالت لزوجي ودها المستشفى خل يجيكون عليها لأنها مو طبيعية لما رحت كان هرمون الحمل خفيف على قولت الدكتور وقال ليي لازم بعد اسبوع ارد اجي اجيك:) .. زوجي كان حاس اني حامل لأنه هو اللي خطط وطحت فيها اني بس ظل ساكت:mad: .. المهم عقبها اني صادني وسواس من حالتي الغير طبيعية قلت لمرت حميي تاخذ ليي جهاز واخذت ليي وجيكت الظهر بعد رجعتي من الجامعه الا طلع ليي خطين وقامت مرة حميي اتصلت على زوجي وهو في الشغل وقالت له ( خربت عليي الفرحه:mad: ) كنت اني ابغي اخبره بنفسي بس ما صار جانس واستانس زوجي وخبر ربعه في الشغل وباركوا له ولما رجع البيت كان مستانس حده وجه حط ايده على بطني وقام يكلم ولده هههههههههه من يومها صار رفيق بطني كله يتكلم ويا ولده ويهدر وياه ههه:p .. بس الكريه في حملي انه كان غير متوقع فأضطريت اني اكنسل الزواج بكبره واكتفي بجلوة بسيطة في بيت عمي لأنه نساتي كانت صعبه كلش ,.:sick:

ملااحظة للي بيقرون قصتي عن التعليقات : فترة الخطوبة عندنا في البحرين هي بعد عقد القران يعني حال المخطوبة نفس المتزوجه ,,

ههههههههههههههههههههه اصلا وايد تصير عندنا هالحركه ان البيبي يخرب العرس خخخخخخ

بس حلو انج ماتكونين متوقعه وبعدين تتفاجأين ... الفرحه تصير اكبر اذا ماتدرين ومو حاطه في بالج...


ثنكس حبيبتي

بنت خلف.;12362332:
الاااي وناسه اذا حملت او قبل الحمل بقولكم شصار لان صج خايفه احمل وااخطط بطريقه بعدين ما تصير لما احمل تصير شي ثاني اتدوده ماقدر ايود لساني على قولتكم.
ههه على فكره توني عنونه ادعولي انشاء الله بزوج الصالح والاولاد والذرية الصالحه في المستقبل :).

اميييييييييييييييين يارب الله يعطيج ان شاءالله ويوفقج واتيين اتقولين لنا قصتج ;)

انا ريلي اللي خبرني اني حامل خخخخخخخخخ

لان ماكنت متوقعة اني احمل هالشهر

وتاخرت الدورة وايد

وصرت احب النوم واااايد يعني يرجع من الدوام يلاقاني نايمة عاد قعدني من النوم قلت له روح اشتر لي تحليل حمل مب لله عشان يطلع وارجع لنومتي

وسويت التحليل وطلع خط قلت له مافي شي

عطيته التحليل يشوفه ومشيت عنه الا يقووولي تعالي كانه خط ثاني يطلع هع

وبس رحت حللت دم وطلع خطين بعد ..

مع ان كان خاطري اخبره بطريقة حلووة بس ماالله كاتب

اذا اول حمل لها حلو انها تسوي افكار بخبركم انا كيف خبرت اهلي وبعدين زوجي اول شي كنت رايحه بيت اهلي كانوا خواتي كلهم متجمعات ع الاكل خبرتهم وكل وحده غصت:Dوماكملوا اكلهم من الفرحه جلسوا يحضنوني اما زوجي سويت له مفاجاءه كان راجع من الدوام حطيت له بطاقه ف الغرفه ومعاه الفحص ولبسة طفل واتصل فيني وانا كنت بيت اهلي وكاااان وااااايد فرحان وطلعنا هذك اليوم نتعشى برع يلا ننتظر باقي الردود

الشيخة ~;12416095:
انا ريلي اللي خبرني اني حامل خخخخخخخخخ

لان ماكنت متوقعة اني احمل هالشهر

وتاخرت الدورة وايد

وصرت احب النوم واااايد يعني يرجع من الدوام يلاقاني نايمة عاد قعدني من النوم قلت له روح اشتر لي تحليل حمل مب لله عشان يطلع وارجع لنومتي

وسويت التحليل وطلع خط قلت له مافي شي

عطيته التحليل يشوفه ومشيت عنه الا يقووولي تعالي كانه خط ثاني يطلع هع

وبس رحت حللت دم وطلع خطين بعد ..

مع ان كان خاطري اخبره بطريقة حلووة بس ماالله كاتب

ههههههههههههههههههههههه اهم شي انج طرشتيه بس عشان تكملين نومتج خخخخخ :lol:


شكرا حبو

meettoo;12477666:
اذا اول حمل لها حلو انها تسوي افكار بخبركم انا كيف خبرت اهلي وبعدين زوجي اول شي كنت رايحه بيت اهلي كانوا خواتي كلهم متجمعات ع الاكل خبرتهم وكل وحده غصت:Dوماكملوا اكلهم من الفرحه جلسوا يحضنوني اما زوجي سويت له مفاجاءه كان راجع من الدوام حطيت له بطاقه ف الغرفه ومعاه الفحص ولبسة طفل واتصل فيني وانا كنت بيت اهلي وكاااان وااااايد فرحان وطلعنا هذك اليوم نتعشى برع يلا ننتظر باقي الردود

ههههههههههههه مساكين


بس حلوه الطريقه الي خبرتي فيها زوجج

انا عن نفسي
كنت افكر وافكر ولما حملت على طول من الفرجه قلت لزوجي
لان هوه بعد كان على اعصابه ويستنى هالخبر من زمان
فماقدرت اسوي مفاجات له
ولا قدرت اخبي الفرحه عني وانا طالعه من الحمام

وبالنسبه الى اهله على طول بعد ماستلمنا النتيجه رحنا قلنا لهم على طول
لان هم بعد كانو ينتظرو هالخبر زيناااا من زمان

والله ادجا وحده متاخره عن الحمل احسمن الفرح ماتقدر تخبي ولا تسكت تبي الكل يدري من الفرحه