تكفووووووووووووون جاوبوني؟؟؟؟؟؟؟؟

شربيه عصاير فرش
سويله في البيت افضل لا تستخدمين دانوا لانه مخلوط بالحليب
انا احيانا اعطيها عصير المراعي برتقال طبيعي او تفاح طبيعي ومخففين مع ماي بس
وعن الخضار سويه الجزر مثلا او الكوسه وعشان يحب طعمه ضيفي شوي سيريلاك لانه فيه نكهه حلوة.. او ضيفي الموز او اي نوع من الفواكهالي يحبها على الخضار عشان تغير الطعم شوي
ضيفي شوي مو وايد.

Amo0osh;10660965:
يسعد أيامكم حبيباتي
عندي استفسار أتمنى انكم ماتفشلوني وتردو عليه
ولدي عمره 6 شهور ابغى اعرف شو نوعية العصيرات اللي تشربونها أولادكم في هالسن وشو رايكم بداناو؟؟؟
وبعد...ابني ماياكل خضار مره ماتعجبه يبغى بس فواكه كيف أخليه يحب الخضار؟؟
بلييييييييييييييييييييز ردو تكفون ابغى اعوض ابني حبيبي بالفيتامينات كافي انه مارضع طبيعي
هااااااااااا...حتردو ولا حطنشون؟؟؟؟

أولاً: الله يخليه لش ويحفظه يارب.
وبالنسبة للعصيرات ابداً ابداً لا تعطيه عصير معلب وحتى عصيرات الأطفال، لأن كلها مواد حافظه وسكريات والوان مضافة، وبعدين دانو فيه حليب، ومعدة الطفل ما تتحمل الحليب العادي.
وعن الأكل ضلي تحاولي وياه كثر ما تقدري، لا تعطيه فواكه حالياً، لحد ما يتقبل الخضار، وأكثر شي الجهال يحبوه ويتقبلوه القرع العسلي (البوبر) لأن طعمه فيه شوية حلى، وبعد ما يتعود عليه دخلي عليه شوي بطاطس أو كوسة، وحتى الجزر يحبوه واجد، بس أهم شي تسلقيه عدل وتحطيه في الخلاط.
والعصيرات الطازجة لا تحاول تنوعي واجد وتضلي محتارة وش تسوي له، أعطيه كم معلقة عصير برتقال طازج بعد ما تخففيه بماي، أو عصير يوسفي (يوسف أفندي :D - أفندي) وطبعاً مخفف بالماي بس مو تكثري.
وإذا تذكرت شي أرجع أقول لش عليه.
بس أهم شي لا تستسلمي ولا تستعجلي، حتى لو ما أكل(y)

كل العصائر الفريش اللي تعمليها انتي بالبيت ممكن تشربيه منها بس الاهم انها تكون مخففة بالماء حتى معدته تتعود عليها
وهني وعوافي والغاليات ماقصروا ماشالله