التجمع الرابع لحوامل لاتي يلدن في شهر 3 (مارس- اذار) 2010

Daloo3t_Obooy;10771671:
حياج الله اختي ويانا بالتجمع ، والتوقيع لازم تصير عندج 50 مشاركه علشان تقدرين تضيفينه ;)
متى موعدج؟ وشنو فيج بنت والا ولد؟ علشان نضيفج باللسته ويانا :)

الله يحييج فديتج .. الله يسلمج قالوا لي 22-3-2010 وقالوا لي ان شاء الله بنوته

قلب البتول
بشرينا يالغاليه ...

اهلين شعاع ، احنا بخير نسأل عنج انتي شمسويه ؟؟

انا رحت للدكتورة اليوم والحمد للة فحصت البيبي راسه وكليتينه وقالت لي كل شيء طبيعي يمكن زيادة الماء سببة نفس المرة اللي راحت من المشيمة

وقاست لي الماي وطلع عندي زيادة بس اهم شيء البيبي سليم

والحمد للة نتيجة السكر طلعت طبيعية

ووزن البيبي تمام والمشيمة تمام

ووزني زاد 4 كيلو مثل معظم البنات

بس ضغظي نازل يمكن من كثرة التفكير

وسألتني انتي شنو عندج قلت لها ولدين قالت لي الظاهر عايلة زوجج تجيب اولاد اكثر من البنات مباشرة فهمتها قلت لها ولد قالت اي وراوتني اعضاءة واضحة ما اكذب عليكم في البداية من قالت لي نفس اللي ما صدقتها يمكن لان كنت حاطة في بالي ان حملي غير عن اللي قبل واحلامي تفسيرها بنت

وراوتني وجهه وقعدت اضحك لان يشبة ولدي الثاني عدل كأن نسخة منه ما طلع نفس ولدي الاولي والخلاصة ان ما يشبهني طلع يشبه ابوة وانا كلة مغلوبة في الشبة عيالي ما يشبهوني بس ولدي الاول فية شبة خفيف مني

ركبت السيارة من ركبت قالي زوجي ها ارتحتين اطمنتين ان شاء اللة كل شيء تمام قلت له الحمد للة وقلت لة بجيك ولد ثالث بعد قال الحمد للة قلت له ما كان ودك في بنوته قالي الواحد يحمد ربة على اللي يعطية اياة وفي ناس يبون طفل واحد مو لاقين تبينا احنا نعترض على رزق ربنا

الحمد للة اليوم بقدر انام مرتاحة ان البيبي سليم وصدق ان سلامة البيبي اهم شيء لان الايام اللي راحت ما عرفت انام هي بس من التفكير اللة يساعد اهالي اللي عندهم اولاد مرضى الصراحة متعب متعب ربي يرزقنا بالاطفال السليمين يارب

اي عندي بطرشه لج على الخاص :)

.. شعاع ..;10776275:

دلوعة .. عندج رقم فهيمة حق آخذ موعد؟

احنا اتصلنا لها اليوم قبل ما نروح وما اخذت موعد قبل اليوم على حظي في جانس وزوجي في تلفونه رقمها ما اعرفة لان اهو اللي اتصل بس احنا اخذناه من بدالة التلفون

.. شعاع ..;10776235:

شخباركم وشخبار البيبيات؟

قلب البتول ما عليش ولا على البيبي شر إن شاء الله

الشر ما يجيكم ان شاء اللة تسلمين على سؤالج عني

Daloo3t_Obooy;10776186:
قلب البتول
بشرينا يالغاليه ...

تسلمين دلوعه طلعت مرتاااااااااااااااااااااااحةو وتعشيت عشى عن اثنين

والحلو ان قدموا موعدي الى 1-3 يعني لو اقدم يوم اولد بشهر 2

الحلم الأزرق;10774333:

قلب البتول الله وياش إنشاء الله وتروحين وترجعين سالمة غانمة ومستانسة من الفحوصات وما عليش ولا على البيبي شر إنشاء الله

واللة انكم بنات والنعم فيكم ربي يخليكم لي وان شاء اللة ما تكون معرفتنا في بعض بس وقت الحمل ان شاء اللة دوم

قلب البتول
الحمدلله ارتحتي وطمنتينا وياج ، وصح كلامج لا اعتراض على حكمة رب العالمين اللي يجي من الله حياه الله المهم البيبي وانتي بخير :)

دلع7;10774154:

ان شاء الله ترجعيين من عند الدكتورة فهيمة وشاقه الحلج مستانسة :Dوتبشرينا اللهم احفظ اجنتنا من كل شر امين رب العالمييين

عمري عليش يا دلع كأن وياي انا اقول لج طلعت مستانسة وما ادري ليش جوعانة من ركبت السيارة وخبرت زوجي مباشرة رحت تعشيت مع ان الوقت كان بكير على العشاء هههههههههههههههههه

јǿđ;10773061:
ان شاء الله خير
بس يعوووور يقولون :D
الا اذا بنج يعطوني انا موافقه
:( الدكتورة لا فحصتني تخت اتم اعور
فما بالج يوم تفك الربط شنو بيصير :o
اشك بقلب المستشفى من صراخي

جود اهو ما في شيء ما فية الم وانتي مجربة الولادة يعني انتي وهم افكون الربط لا تفكرين شنو اسوون ولا تفكرين بالالم حاولي تسهين روحج وفكري بشيء يعجبش واهم شيء لا تشدين على روحج

ولاحقة على هالشيء تعرفين وقت الولادة كل فترة ادخلون ايدهم صدق يألم بس كلما شدينا صعبنا علينا وعلى الدكتورة بس ما الومج الواحد لا اراديا من يلمسون هالمنطقة تنشد بروحها

قلب البتول
بالعافيه حبيبتي اكلي واستانسي شفيها الدنيا؟

انا اليوم في بيت ابوي وريلي في بيتهم تكيسلت اروح المدينه ، ماعرف انام بروحي من بيقلبني في الليل؟ :(

Daloo3t_Obooy;10776392:
قلب البتول
الحمدلله ارتحتي وطمنتينا وياج ، وصح كلامج لا اعتراض على حكمة رب العالمين اللي يجي من الله حياه الله المهم البيبي وانتي بخير :)

والنعم باللة اهم شيء الصحة لان كل شيء يتعوض الا الصحة

Daloo3t_Obooy;10776456:
قلب البتول
بالعافيه حبيبتي اكلي واستانسي شفيها الدنيا؟

انا اليوم في بيت ابوي وريلي في بيتهم تكيسلت اروح المدينه ، ماعرف انام بروحي من بيقلبني في الليل؟ :(

ههههههههههههه اجوف عاجتنج النومه في بيت اهلج خففي نوم اهناك لاحقة وراج 40 يوم عندهم انتي اللحين لزقي بزوجج خل يتعب عليش وقلبج لين تستوين وتنضجين عدل ههههههههههههههههههههههههههه

وعلى التقلب انا بحملتي القبلية تعبته وهو اقلبني في الليل بس هالمرة لا بس اطلب مساعدته عشان اوقفني عشان الم الورك ما يحتمل يبي لنا رافعه ترفعنا

يلا طرشي له مسج كتبي له انج مو قادرة اتنامي بدونه