؛ التجمع السادس للحوامل اللاتي سيلدن في ديسمبر 12/2009 ؛

عروس فريجهم فيه خلل الكومبيوتر على ما اعتقد من جذي ماتدخل لاتطلعون عليها صواريخ خخخخ

مرحبا بنات أنا ربيت يوم الخميس ?? نوفمبر و يبت هيا

حوامل شلونكم وشخباركم وحشتوني كلكم ويارب تولدون بالسلامة
انه اليوم حابة اخبركم قصة ولادتي بيوسف حبيب قلبي بس ها ترى القصة طوييييييييييييييييييييلة وانه حابة اقولها لكم بالتفصيل الممل

قصة ولادتي بنور عيني يوسف
مثل ماتعرفون انه ابوي توفى قبل شهرين تقريبا وكانت ليلة الجمعة تاريخ 13-11 اربيعينيته وطبعا كنت تعبانه وايد والكل كان ملاحظ هالشي بس ماكنت اعرف انه فيني طلق المهم السبت رحت الصالون مع صديقتي محتارة شسميه وسويت فول سيرفس يعني كنت في الصالون تقريبا طول اليوم لانه قصيت وصبغت شعري بعد قلت يمكن النفسية تتغير مع العلم انه محتارة قالت لي تو الناس خلي الشيرة لجريب الولادة قلت لها لا ابي الحين كاني كنت حاسة
يوم الاحد رحت الدوام عادي بس كنت وايد تعبانه وهم الكل لاحظ هالشي وبطني وايد كان نازل المهم
يوم الاثنين الساعة 4:30 الفجر حسيت بالم فظيع في ظهري بس هم ماتوقعت انها ولادة المهم صبرت للساعة 5 ليما عيالي يقومون للمدرسة قلت اكيد الم ظهري من التعب بدلتهم حتى بنتي الصغيرة قالت لي ماما لا تروحين الدوام انه لين ييت من المدرسة بسوي لج مساج حق ظهرج المهم العادة انه اوديهم بيت يدهم حق الباص هاليوم ماكنت قادرة خليت ابوهم يوديهم وكان الالم اييني كل 10 دقايق بس كنت متحملة المهم الساعة 6 ونص اتصلت في محتارة وقلت لها السالفة قالت لي لا وينج وين للولادة باقي شهر على موعدج يمكن هاي ريح استقبال
شربت لي حليب مع عسل و 3تمرات عشان تعطيني قوة والساعة 8 قعدت زوجي من النوم قلت له خلاص مو قادرة لانه الالم صار اييني كل 5 دقايق وحنه طالعين قال لي وين تبين اوديج للولادة قلت له السلمانية قال لي اشرايج في العسكري لانه اجرب قلت له لا السلماينة المهم قبل لفة السلمانية لف على الكندي الا اقول له مو وقتك اتضيع السلمانية لاني مو قادرة خلاص الاخ كان مسوي لي مفاجاءة وبيولدني في الكندي لما وصلنا اهناك كانت الساعة 8:30 جيكوني وقالوا لي اني في حالة ولادة ومفتوحة 3 انش استغربت لانه مانزل على لا ماي ولا دم
وعلى حظي الحلو كان داد اليوم عندهم تفتيش من الصحة الحين بيبتدي الاكشن
طبعا تخيلوا انكم في حالة طلق وبالدقيقة يسحبون دم من الكف لانه انه ماعندي عروق في يدي تخيلوا حالتي بس وعقب ودوني غرفة الالترا ساوند عشان يشوفون البيبي شنو حالته وفي اي اي اسبوع طبعا انه كنت في الاسبوع 36 وتميت يمكن اكثر من ساعة في غرفة الالتراساوند عشان يخلصون تفتيش غرف الولادة بس كنت خلاص وصلت 5 انج يعني ولادة وبما انه مانزل على ماي الدكتورة بطت الماي وكانت الساعة 11 وطبعا كانت معاي صديقتي محتارة وزوجي بس ولما شافت الدكتورة اني على ولادة تخيلوا معاي بس انهم كانوا بيولدوني في غرفة الالتراساوند طبعا انه رفضت لاني كنت خايفة على البيبي مع العلم كانت دكتورة الاطفال والحاضنة موجودين بره عشان البيبي بس تميت رافضة بعدين قاموا وبرزوا غرفة العمليات وقالوا لي حاولي تتحملين ولا تدفعين ليما نوصل وطبعا كاني في فيلم الكل حواليني وكلشي بسرعة الي يفتح باب الاصانصير ولي يفتح الابواب ليما وصلنا لغرفة العمليات وكنت خلاص بموت من الالم بس الحمدالله ولدت الساعة 12 سمعت صوت البيبي بس وسكتت تخيلوا شكلي وحالتي في هالحزة الا اقول للدكتورة وين البيبي ليش سكتت وليش ماعطيتوني اياه قالت لي لا البيبي اوكي بس خدته دكتورة الاطفال لانه مو مكتمل وبس يابنات اول ماشفته نسيت كل الالم فديته يوسف كفاية انه على اسم المرحوم ابوي ويابنات سبحان الله كانه الله يبي يعوضني فقدان ابوي ولدي كل الي شافه يقول لي انه نسخة من ابوي