؛ التجمع السادس للحوامل اللاتي سيلدن في ديسمبر 12/2009 ؛

بحرينيه عسل;10658528:
بنات ياني الم الحين واستمر معاي تقريبا ساعة وبعدين خف حتى الي شافني في الشغل اقولي اشفيج ويهج متغير:o قلت لهم فيني الم يقولون لي قومي روحي البيت :ss: بس الحمدلله الحين راح الالم بس احس جسمي تعبان، بحاول ان شاء الله من اليوم ان امشي لان المشي ما يجرب الولادة بس يسهلها فقلت بحاول اتمشى مع ان في الشغل كفاية المشي الي امشيه :confused:

بحرينيه عسل;10658872:
بنات يالله كل وحدة تجهز شنطتها وتقول لنا شنو حطت عشان نستفيد انا ان شاء الله جريب ببرزها وبخبركم اكيد شنو حطيت فيها :wink:

بحرينيه عسل;10658925:
ام نبراسي يالله دخلي وطمنينا شنو صار معاج في الموعد؟

بحرينيه عسل;10658937:
ام يسور ياليت تطمنينا على عروس فريجهم شنو اخر التطورات معاها؟؟؟

ام يسوور;10659012:
هلااا بنات انا كلمت عروس فريجهم في التلفون مسكينه صوتها تعبان واهيه تعبانه والمستشفى غربلوها بس ماعرف التفاصيل عدل ان شاءالله مايصير الا الخير واي شي رااح اخبركم ان شاءالله

بحرينيه عسل;10659031:
بنات اشوفكم ان شاء الله يوم الاثنين
لان الجمعة والسبت ما ادخل
والاحد عندي موعد
بس ان شاء الله نسمع اخبار حلوة

رؤى85;10659076:
السلام عليكم كيفكم يا حلوين
وكيف الحمل معكم
مبروك ولادة مس بحرين وعقبالنا
اليوم عندي موعد للدكتورة ورح اعمل التراساوند واطمن على ماي الجنين لانه صاحبيتي دكتورتها ما انتبهت على ماي الجنين ولما راجعت دكتورة ثانية انتبهت وعلى طول دخلتها ولادة وهي عاملتلي رعب تتصل على اتقولي روحي اتأكدي
الله ييسر امور الجميع بصراحة انا خايفة كتير خصوصا اني رح اولد لحالي من غير امي واهلي وبفكر كتير بالموت والنفسية مو تمام
الله يهونها علينا

عروس فريجهم;10664146:

بقولكم شنو صار لي

يوم الاربعه جفت ان الماي مستمر معاي
بس بعد بكمية خفيفه لكن قلت اروح اتطمن احسن
رحت مستشفى الهلال
دخلت ع الدكتورة وقلت لها فقالت لي لازم نسوي لج التراساوند عشان نجوف وضع البيبي
وممكن يكون الماي ماي ولادة:-o
او ماي الجنين :(
او التهابات ^o)
المهم قالت ان الاله عندهم خراب فلازم اروح حق فوزية كمال بس فوزية تكون صاكه الساعه 7
قالت بتكشف علي
كشفت علي جافت دقات القلب اوكي وتالي خذت عود ودخلته عزكم الله تحت وقالت لي كحي كحيت وقالت لي مافيج شي بس لازم تروحين حق فوزية تجوف ماي الجنين
اتصلت حق امي قالت لي لاتنطرين لي باجر انتي ماتدرين شنو يصير فروحي اريف او السلمانية احسن طبعا كلامها خوني بس ماكنت مرتاحه حق الاثنين وقلت بنتظر لي يوم ثاني وبروح حق فوزية كمال بس قامت افكار توديني وافكار اتييبني انه وزوجي فقالي مستحيل ارجعج البيت الحين نروح اريف بحكم انه اجرب مني مناك وافقت
واول ماوصلنه المستشفى نزلت من السيارة حسيت ريولي ترتجف كنت حدي خايفه طقيت الجرس دخلت كلمتني الممرضه عطيته الورقة وعطول نادت دكتورة اسمها وفاء مالت توليد وتخيلو انه في الغرفه الي يمي وحده تطلق وتصارخ وانه قلبي يرقع بس لما سمعت صوت الياهل واهوه يصيح دمعت عيوني
المهم يات الدكتورة وجافت الاوراق اللي عندي وخذت كارتي قالت لي الحين انتي 35 اسبوع بلاس واحنه في هالعمر نعتبر الجنين خديج بس مابنقدر نسوي لج ولا شي انه بققت عيوني كملت كلامها واهيه تقول احنه مانقبل الا من 37 اسبوع وانتي لازم تروحين السلمانية بس قبل بكشف عليج
دخلتني غرفه وقالت لي انبطحي ويابت لي اله شكلها مثر الفير ودخلتها لي تحت وانتو بكرامه ماتتخيلون الالم اللي حسيت فيه قعدت اصارخ واتالم واهيه تقولي ماعلي حبيبتي اسفه اسفه وتالي دخلت يدها ونادت وحده ثانيه وقامت تفتح الاله ودخلت لي عود وقالت لي كحي وجافت انه مافي شي وخوفتني قالت لي هذي يمكن التهابات ومن الممكن انها ترتفع حق الجنين فانتي لازم تروحين السلمانية وتترقدين
انه ماحبيت فكرة الرقاد كلش لاني اخاف من السلمانيه بس قلت بروح بسوي تحليل وتلفزيون وبتطمن
المهم رحت هناك خذني سستر ثنتين قاسو لي الضغط طلع اوكي والحرارة نازله دخلوني غرفه وقالو بنكشف عليج قلت لهم كشفو علي في اريف قالو لا لازم احنه نكشف بعد كشفو علي وطلع العود لونه بني او احمر بس المهم تغير لون العود انه اهني خفت قلت لها شنو في قالت هذي ماي جنين اهني انه مت من الخوف خصوصا اني بروحي ومحد وياي حطو علي جهاز التخطيط وطلع اوكي بعدين دخلت ع الدكتور وانه كلش اتالم يعني ضربتين في الراس تالم مابالكم 3 ضربات
انه كنت منحرجه واتالم يعني دكتور حدها فشيلة تخيلو شقالي
قالي تره النتيجه اللي طلعت لنه ويك بوستف يعني مابين التهابات ومابين ماي الياهل اهني خوفني زود وقالي لازم نعيد لج الكشف فرفضت نهائيا قالي لازم تترقدين فقلت له مابي الا يقول اي بروحه المستشفى تمرض وانه لو مكان زوجج ماانصحج ترقدين بس لاتقولين الدكتور قال فهو اللي خلاني اقتنع اني ارجع بيتنه
عطاني موعد يوم الاحد على الفاتح وعطاني مضاد وكريم ورجعت البيت وانه اتالم بشكل ماتتصورونه وصياح ونياح وزوجي خايف اول مرة يمر بهالموقف
رجعت البيت ع الساعه 2ونص الساعه 3 وشي حسيت اني بدخل الحمام عزكم دخلت وحسيت بالم فظييييييييع احس اشيه تتقطع احس جنه في جرح قعدت اصرخ ماتحملت الالم طلعت من الحمام الا زوجي واقف خايف مو عارف شسوي قالي نرجع المستشفى قلت له لا وحاول يهديني وانه من الام موقادرة
يوم ثاني رحت عند امي واول ماجفتها ضميتها وقعدت اصيح وقامت تصيح وياي تقولي شخليتي لي حق يوم الطلق ويه ابوي وضمني وقعد يصيح اهني ماتحملت وقعدت اصيح
ولي اليوم وانه اتالم اذا بدخل الحمام

ومااعتقد اني برجع حق السلمانية او اريف الا اذا بولد
هذي كل قصتي
اسفه ع الاطاله

::

مخرخشة;10664374:
له له له :p شصاااااااااير..

تجمع جديد ورموز جديدة :-o..

من وراناااااا..

صار لي بس أمس ما دخلت ..

أكمل الواجب إن شاء الله وأرد إذا في وقت ..;)

مخرخشة;10664382:
وأخيييييييييييييييييييييييييييييييييراً ..



باركوا لي دخلت التااااااااااااااااااااااااسع :adore::D:lol::biggrin:..

عروس فريجهم;10664913:

بالضبط انه بعد مو مرتاحه ولا متطمنه

انه قلت بستمر على الحبوب اللي عطوني اياه جم يوم اذا صرت اوكي الحمدلله واذا لا بجوف لي دكتورة اخصائية احسن
وبالنسبة للالم بالضبط امي وعمتي قالو لي يمكن من الاله
ومو بس دوخوني الا ذبحوني وطلعو لي روحي
كفاية تعب السيارة
::

عروس فريجهم;10664934:

بنات انه اليوم العصر حسيت بالم فظيع في ركبي وظهري وبطني حسيت روحي بتطلع

حدي خفت
لان المستشفى عطوني موعد غير عن 21 و23 عطوني 15 /12
ولكن تدرون شي واحد فرحني ان وزن البيبي ارتفع من كيلو مئتين الى كيلوين واربعميه
الله يسهل عليكم جميعا
ويهون ولادتكم

::

مخرخشة;10664985:
الله يبارك فيج حبووووووووووبة :cool: ..

الحين التمر وايد آكل .. وتوني مشترية لي بعد كيس :-# ..

والمشي قلت من اليوم ببدأ وبروح السيتي سنتر:worn_out: .. بشتري ثياب للعيد لبنتي ومنها مشي مرة وحدة :study: .. صح لا ؟

محرقيه صعبه;10666360:

وأخيييييييييييييييييييييييييييييييييراً ..

باركوا لي دخلت التااااااااااااااااااااااااسع

و غارت الحور;10666580:
خخخخخخخخخخخخخخخخ كشفناج :pهذا أكبر دليل انج ماسويتي الواجب :lol: يلا عاد سيري سوي الواجب بعدين ردي ع البنات ترى عروس فريجهم الحمدلله بخير و سلامة و ما ولدت بعد

ام يسوور;10666831:
بنااااات شخبااركم ان شاءالله تماام
باااقولج شمس الهيام الصراحه امي خذت لي بجامه من ماكس حلوه زرقه علشان طقم مع البيبي واتقول ان في اخضر واصفر ووردي وازرق وشتووين ويدفون كأنه برنوص روحي جووفي
المهم بناات الحمدالله تطمنا على عروس فريجهم
الحين عندي لكم سؤالين مهمين شوي خخخخ
اول شي انا صار لي يومين وانا نايمه صرت مثل عروس فريجهم ينزل شي من سدري واحس فيه نفس الصمغ بس يمكن ماله لون ومادري شنو ذي في احد مثلي ؟؟
وثاني شي انا ناويه اروح البر خبركم الحين موسم تخييم وبيت زوجي كل مره يخيمون فيعني قلت يمكن اروح لما اكون 36 اسبوع وبالنسبه للحمام هناك اهو عربي ويقول زوجي ان بدور لي كرسي بلاستيك يحطونه فوق المرحاض العربي بس انا مادري وين يبيعونه وهناك بكون في سرير في الخيمه ارتاح عليه شرايكم الحين ارووح البر ولا ماروح ؟؟؟؟؟