؛ التجمع السادس للحوامل اللاتي سيلدن في ديسمبر 12/2009 ؛

سلااام بنات شخباركم الحين بقولكم شصار معاي اليوم في موعدي وابي كل وحده منكم اتقوووووووول شي تعطيني راايها وخبرتها بلييييييييز اليوم لما رحت الحمدالله كلشي تماام ووزنه البيبي زين بس قالوا لي نسبة الماي قليلة ونسبتها 5 بس مادري يعني شنو والدكتورة قالت لي عاادي المهم لما سوو لي التراسوند صادني ألم فظييييييييع لما كنت بانمبطح على السرير وقعدت اتعصر من الانقباضات الي فيني في ظهري في النصف من ظهري المهم لما خلصوا من الالتراسوند وكنت بااقوم اهني بداية الفلم الهندي النرس وزوجي يساعدوني علشاان اقوووم وانا حالتي حاله وبزور قمت وقعدت اطلع اصوات من الالم واصييح يوم جاوفوا جذي عبالهم ولادة تخرعوا ويابوا لي كرسي ويل جير ولما رحت لدكتورتي قالت حق زوجي ودها الحين آريف خل يجوفونها يعني مستشفى المحرق للولادة ولما رحت قالوا لي روحي السلمانيه كل مكان يقولون لي شي وسلمت امري لله ورحت السلمااااااااااااانيه العذاااااااااب ولما رحت قالوا لي شفيج قلت لهم كلشي وقالوا بسوون لي تخطيط وانا وافقت لكن عقب التخطيط دخلت على دكتوورة مزاااااجه خررره الا تقولي امبين عندي في التخطيط ان عندج طلق منتظم :confused:
والله استغررررررربت حدي وصادتني رعشه وقالت لي لازم تنامين عندنه والحين روحي على السرير بافصحج يمكن اتكونين منفتحه فلما رحت وفحصتني لقتني مو مفتوحه ولا شي بس قالت لي تقدرين تروحين البيت واي بوادر ولاده اتيين انززين انا مافيني شي بنااااااااات والله هاذي الالم صار له نصف شهر الحين معااي يعني من نص شهر فيني طلق مو معقوووله ومافيني شي ثاني غير هاذي وثقل جنه عرج بينقص علي نفس ماقلت لكم المهم تقولي عنق الرحم عندج طري واتوقع لج بالكثير الصبح تولدين وانا على طوول مو مستوعبه شي من الي تقوله الا تقولي انا ماجذب كلشي في التخطيط قلت لها مو جذبين بس مادري ماعندي رد المهم اتقولي عندج باجر تروحين مستشفى المحرق للولادة اتسوين تخطيط واي بوادر ولاده ماي دم اتيين على طوول قتلها اووكي وقالت لي اذا ماولدتي حدج الاربعاء هاذي الي بيي والله بناات انا مو عارفه شسالفه فيدوووني بنااات انا ماكملت اغراضي بس الحمدالله باجر يبرز الاستاند وانا مو مستوعبه نهااائيا ان فيني طلق ولالا بعد منتظم:'(

عليكم السلام و رحمة الله
الحمد لله كل امورج تمام التمام :thumbs_up:
بس كم نسبة الماي الطبيعية ^o)
اساليهم اليوم .. عشان تعرفين اي قد ناقص الماي :rolleyes:
حبيبتي لا تخافين و لا تحاتين .. ترى هذه بنهاية جهاز :I:
انا رحت السلمانية وحملي5 اشهر كان نازل علي دم وعندي الم
و سوا لي تخطيط و مبين قوة الانقباضات عندي 45 الى 80 :!!:
اتخيلي حالتي و انا اجوف هالارقام :-# لانه تعتبر انقباضة قوية بالنسبة لحمل 5 اشهر بس :(:confused::(
حتى لما قلت لاختي الرقم انصدمت و قالت لي اتوكلي على الله
ع اساس اني احتمال ما اكمل الحمل .. لا قدر الله .. بس الحمد لله
المهم الدكتورة لما جافت التخطيط قالت لي عادي وما فيه شي:-o
اتوكلي على الله و روحي اليوم سوي التخطيط و جوفي شنو يصير
و اهم شي اساليهم كم نسبة الماي الطبيعية و كم ماي عندج احين؟
و ربي يسهل عليج و تولدين بالسلامة في وقتج ان شاء الله F:

بناات عاادي الفحص ؟؟؟ ولا يسبب شي ؟؟؟؟؟؟؟ مايوسع الوحده ؟؟؟؟

اذا فحصوج مرة عادي
بس اهم شي ما يحاوسون لج كل شوي :rolleyes:

عروس فريجهم وينج مختفيه عسى ماشر عسى المانع خير

لا يكون سوتها و ولدت ;)
الله يسهل علينا اجمعين يا رب

بنات من مثلي مينونة اكل ثلجعلى طول اكل ثلج وبالهبل هذي انه في كل حملاتي ترى في هل شهور اصير مينونة اكل ثلج

انا انا انا :D
اموت بالثلج و البارد
تعرفين انا من يدخل الشتاء
اكل و اشرب الاشياء الباردة بزيادة :adore:

انا الطلق يجينى حالا كل خمس دقايق ياترى اصحى زوجى ولا اسيبه نايم وامتى لازم اروح المستشفى؟؟ياريت تقرى كلامى وتردى عليا يا ام نبراسى

حبيبتي شكله الطلق عندج منتظم
اذا تتحملي الالم اصبري شوي و اذا لا قعدي زوجج
و ان شاء الله ربي يسهل عليج و تولدين بالف الف سلامة F:

انزين عندي سؤال شلون يكون في جهازالتخطيط طلق منتظم وانا مافيني آلام ولادة ولا عنق الرحم مفتوح شسالفه بناات والله العظيم خلاني في حيرره هالتخطيط من منكم سوت تخطيط م قبل وشنو يطلع لكم في التخطيط ؟؟؟؟؟؟؟؟؟؟

عادي :D
بنت اختي ظلت تطلق 4 ايام >> حامل ببنت :-#
المهم و جهاز التخطيط بالمرتين يخلونه عليها :rolleyes:
و كان في ارقام تطلع و تقلصات مبينة بس هي ما تحس بالم :-#
انزين قولي لي كم كانت النسبة التقريبة للارقام اللي تطلع لج ؟؟

بنات حبايبي ادعوا حق اختكم جنة الله ربي يسهل عليها ولادتها ويقومها بالسلامه وان شاء الله اذا ولدت راح اخبركم

الله يسهل عليها ان شاء الله
و تولد بالف سلامة يا رب
بانتظار الاخبار الحلوة F:

:o نسيت إبي اكتب بدخل بالأسبوع 40
اليوم أول يوم من الأسبوع الأخير :-#
إن شاء الله آخر أسبوع موعدي أسبوع الجاي 7/12 يوم الأثنين والله العالم أوصله أقدم أأخر ربي يسهل علينا جميعاً

ليش تروحي رحلات مسافات بعيده وأنتي بشهرج الوحده تخاف يجيها الطلق وهي لحالها بالبيت بعد شلون تكون بالسياره وبعيده عن المستشفى :|
إن شاء الله ربي يستر عليج وتكشتين بالرحله وما يجيج إي شي المهم تحملي بروحج وبحفظ الرحمن ورعايته

عاشت الأسامي وتربى بعزكم

إي وأخيراً دخلنا شهر ديسمبر والله العالم من تفتح الولادات
واللي بتكون في رأس القائمة الله العالم يمكن أنا :D