؛ التجمع السادس للحوامل اللاتي سيلدن في ديسمبر 12/2009 ؛

ام يسوور;10699652:
سوري هذرت عليكم وايد :o
نسيت اقولكم ان سالتها عن الافرازات المائية السلئلة الشفافه الا تقولي لازم المنطقه تكون رطبه بس اذا كان ينزل منج يسيل على فخذي وجذي بشكل مو طبيعي اهني السالفه فيها ( أنه ) فيعني انا حاسه ان كلشي طبيعي والدكتورة بعد حاسه جذي بس الوسواس ومايسوي

سعاد سالم;10700332:
بنات امبارح عملت حركه انتحاريه وقولت امشي على التريد ميل:worn_out:
المهم مشيت حوالى 45 دقيقه وغصبت على حالى مشي سريع:study::thumbs_up:
بس طلعت البيت حسيت كان سياره داعسانى من فوق لتحت:|:confused:
ونمت ساعتييييييييييييييييين:biggrin::lol:
مع انى نايمه بالليل:(
وطول الليل اليوم اتقلب يكن كا ربع ساعه
جسمى تعبااااااااااااااااان:thumbs_down:
ورجلى وكف رجلى من تحت بيوجعنى وما راح الالم الا الصباح:|

angel eyes;10700691:
سلام بنااات

امس عشت فلم هندي...

كان عندي موعد الصبح واصلا قمت من النوم حاسه عمري مش تمام..تعبانه ولايعه جبدي
المهم قبل لا ادخل عالدكتوره سوولي تخطيط بيشوفون فيني طلق ولا

المهم فيه طلقات خفيفه بس يت طلقه قويه...و عقب يلست اتريا دوري ادخل عالدكتوه...يوم دخلت جان تقوللي تفضلي عالسرير لازم اقيس..لان شكلج بديتي!!!! فحصتني قالت 2 سم..قالتلي بفتح لج السداده و احاول اوسع لج!!!مت من الخوف...وقالتلي اذا تبين بنومج و افتح كيس الماي بتبتدين تطلقين

قلتلها لاااا صبري لازم اروح البيت اخلص اشيا ناقصتني خخخخ
قالتلي سوي اللي يريحج..واصلا عقب ما وسع لج وصلتي 3 سم ..ويمكن يزيد الويع بروحه حسب جسمج..طبعا بغيت اموت من الالم وهي تفحص و توسع...
وقالتلي البيبي الحين 38 اسبوع يعني كامل فلو ربيتي الحين يكون احسن لج عشان ما يكون حجمه كبير و يصعب عليج...

المهم قلتنلها بسير و برد خخخخ...قالتلي هيه اذا زاد الالم ردي

المهم بدا يزيد...

رديت البيت و خلصت شغلي و جهزت اغراض عيالي للعيد كلهم في مكان واحد

وها كله ريلي يتريا خخخخ بيوديني المستشفى


عقب قلت له خنسير محل للفطاير بدفعلهم حق باجر اييبونه المستشفى خخخ

سرنا و دفعتلهم...و خذت ميني كيك و مكرووونس

عقب قلت له خنسير ناخذ لليهال العاب .اونه هدايا من البيبي :)

كان في نفس المول
ورحت خذت لليهال جواتي بعد

وعقبها رحنا المستشفى.....


رحت قسم الولاده...كانت القابله الموجوده عيوووز...

قالتلي بسويلج تخطيط اول...

طبعا وانا في المول و دربي للمستشفى فيني طلق

المهم عالتخطيط قالتلي مب ولاده لانه الطلق كل 10 دقايق....

و اصلا بطنج لين بعده

و فحصتني اونه 1 سم!!! قلتلها كيف اذا الدكتوره الصبح تقولي 3!!!!

قالتلي روحي البيت واذا زاد الويع ورا بعض تعالي

و
انا كله في بالي بييي اربي
1
قلتلها ممكن تتصلين في دكتورتي!! طبعا ما عيبها خخخخخ لانه اونه هي تعرف وانا اشكك في معرفتها


اتصلت و اسمع الدكتوره تكلمها بصوت عالي ومادري شتقووول...بس اللي لقطته انها قالتلها اني الصبح كنت 3 سم...

و سكرت عنها...وهي تقولي شفتي قالت نفس اللي انا قلته يوم ايزيد الطلق تعالي ...بغيت اذبحها احس تجذب..لان الدكتوره قالتلي يوم بتين ببطلج الماي و اعطيج طلق

ورديت البيت خايبه الامل..واتصلت كنسلت الطلبيه خخخخخ

و في الليل قل الالم
والصبح قمت مافي اي الم :(

الحين بدا الم مره ثانيه بس ما يندرى :(

عالاولاد خلاص من يبدا يستمر و يزيد خصوصا انه كانت منتظم كل 10 دقايق

شكله طلق البنات غير وبارد

عروس فريجهم;10702639:

حبايبي

امس وانه اتقلب يمين ويسار
النودة موراضية اتيي لانه النومة صارت صعبه من الثقل
قامت تدور في باللي افكار
يعني ي الظلام ولع ليت جذي
وياتني فكرة دفتر
ففكرت اني اودي دفتر للمحل اللي مسويه فيه التوزيعات عشان يزين لي الدفتر
واوديه معاي المستشفى
وكل من يزورني اخليه يكتب ذكرى حق ولدي الغالي لما يكبر يقراها ويستانس فيها

قلت بحط في اول صفحة في الدفتر عبارة وصورة حمودي
والعبارة اهيه

لحضن امي وابوي اليوم انه جيت
انثر عبير الورد في قلوبهم والبيت
وهذا دفتر التهاني هنيهم فيني ان حبيت
وبدعوه حلوة ادعي لي رب البيت

::

عروس فريجهم;10702651:

امس رحت اجوف اخر تطوارت البومبو مالتي

اشوه كان في تطور خلاص تقريبا برز
باقي التلوين
واهوه ابتده فيه
وعنكم هذي التواير ( الاطارات باقي اللون الاخضر وتخلص )

وهذي اخر نوع من التوزيعات برز ولله الحمد
واتمنى يعجبكم

زهرة السعادة;10702984:

ان شاء الله اجمعين
اشوه .. اهم شي السيطرة :struggle:

خخخخخ .. اي يقهرون الايقونات :-#

ام نبراسي;10702680:
الحمد لله توني مسكره شنطة جنون ربي يحفظها وارتاحيت لاني احس بأحساس غريب بأن ولادتي جريبه والحمد لله جهزت شنطتي وشنطتها والستاند بارز اليوم رحت راويت زوجي الحلويات والمعجنات اللي ابيهم للولاده وراويته المحل بس للاسف التوزيعات للحين مافكرت شاسوي وهو يقولي انتي لاتشيلين هم كل اللي تبينه بيصير بس تعرفوني لازم احرق دمي على شي تافه فقلت له خلاص باعتمد عليك بس ادعولي اني مااولد بالتاريخ اللي ماعطيني اياه 23-12 لان زوجي بيكون مسافر لان عنده بطولة سباق الخيل في قطر وانه ماأبي اولد الا هو معاي تعودت عليه حتى امي فديتها مااحتاج لها كثر زوجي ربي يخليه

زهرة السعادة;10702987:

ان شاء الله يا رب اجمعين

هههه .. اي وصلت :lol:

زهرة السعادة;10702992:

فديتج .. انتي صح :thumbs_up:
و انا اسوي مثلج بالصبط :o
ما احب اقول اي شي لطفل اذا ما بسويه
عشان ما اكون بنظره جذابة خصوصا الطفل ما ينسى اذا وعدتيه

و ربي يعينج و يعينا اجمعين ان شاء الله F:

زهرة السعادة;10702994:

خخ .. انا بحاول ما اخليه يحسون كل شوي :o

و ربي يسهل علينا اجمعين ان شاء الله

زهرة السعادة;10702999:

ان شاء الله يا رب
اي ما يمشون الا بالتهديد 8o|
ان شاء الله تكملين باقي اغراضج :thumbs_up:
و الله يعينج على الزحمة ان شاء الله
لانه الزحمة مو طبيعية :confused: