زهرة السعادة;10691763:
تسلمين لي :L:
و انا قلت يمكن احد من البنات سوتها :rolleyes:
زهرة السعادة;10691782:
الله يسلمج من كل شر F:
انا الحمد لله بخير و برهوم بعد :cool:
هيهيهيهيهي .. و الله بالغصب فهمتها :|
لو ما قلتي عمج ماخذ خالتج ما فهمت السالفة :worn_out:
و ربي يسهل علينا اجمعين ولادتنا و يجعلها سهلة ميسرة :L:
مخرخشة;10691783:
بنات أنا اليوم كان عندي موعد !!
بس مارحت :-# ..
لأن كان عندي امتحان وما يتأجل لأن جاية الإجازة :I: ..
والحين السؤال الذي يسدح نفسه :confused: <<< زهورة سرقنا الكلمة من عندج :worn_out: ..
شلون آخذ موعد ثاني ..
لأن حوامل في مركزنا مافي إلا أحد وثلاثاء وخميس !!
زهرة السعادة;10691793:
الله يساعدج عليها
لا تنسين ان بعدهي صغيرة :rolleyes:
و حركتها و نشاطها طبيعين بعمرها :thumbs_up:
ان شاء الله يكون وضعها تمام التمام مع اختها :cool:
و ربي يسر لج و تولدين بالسلامة يا رب
مخرخشة;10691803:
ياللا بنات استئذن .. بروح أتغذى وارتاح لي شوي ..
سنتر بوينت مطرشين مسج 30 بالمئة تخفيض بس اليوم الظاهر :lol:..
ام يسوور;10694283:
يالله بناات هااااااااااااااااااااااااااااااااااااااااااااااااانت ابتدوا العد التنازلي
زهرة السعادة;10691826:
ما شاء الله عليج :adore:
اكوا انتي مهيأتنها صح للبنوتة :thumbs_up:
و طريقتج صح 100% في التربية
" لا توعدين طفل بشيء و بعدين ما تسوينه ":thumbs_down:
و ربي يسهل عليج و تولدين بالسلامة ان شاء الله F:
*جنه الله*;10691850:
ماشاء الله عليكم
انا مش هعرف اقرى اللى فاتنى كدا
احب اطمنكم الحمد لله رحت للدكتوره وطمنتنى على البيبى وان كل شىء تمام الحمد لله والكشف دا طلع حاجه سهله خالص الحمد لله كنت مرعوبه الحمد لله وقالتلى ان الولاده هتكون طبيعى بامر الله مفيش شىء يمنع الحمد لله
وبس
زهرة السعادة;10691882:
ان شاء الله اجمعين
شكلها جدي .. مسوية اتفاقات سرية :struggle:
زهرة السعادة;10691903:
بنات بسالكم :celebrate:
انا باجر موعدي في المستشفى :)
و انا احين دخلت الشهر التاسع :cool:
السؤال اللي يسدح نفسه اهني ;)
هل يفحصون الوحدة من تحت في المركز ^o)
يعني هل يعتبر فحص من فحصوات الشهر التاسع :!!:
لو ما يفحصون الوحدة الا اذا فيها شي مثل الم او شي :rolleyes:
زهرة السعادة;10691930:
الله يسلمج من كل شر
و الحمد لله انه كل امورج تمام التمام
و ربي يسر لج و تولدين بالسلامة ان شاء الله F:
زهرة السعادة;10691943:
اذنج معاج
و على خير نلتقي F:
بحرينيه عسل;10692020:
الحين بقولكم عن اخباري اذا حابين تسمعونها:-
يوم الخميس تتذكرون يوم قلت لكم ان عندي الم في بطني استمر معاي من الساعة 11 الصبح ولما رجعت البيت الساعة تقريبا 4 وبعدين خف وماكنت خايفة منه لانه كان مستمر والطلق المفروض يروح ويرد، وبعدين رجعلي على الساعة خمس وشوي وخفت تم معاي تقريبا نص ساعة لساعة الا ربع وراح وكان زوجي يشوفني بس بدون تعليق:-# وطلبت منه يبلي ماي زمزم من عند امه وقالي ليش:woo: قلت له روح ييب بعدين بقولك ومسكين ويابلي وقعدت اقرا في الماي اذكار الولادة وشربت منه شوي وخشيت الباقي وابتدى الالم يروح اشوي اشوي وطلعت مع زوجي نكمل اغراض اليهال حق العيد وكان فيني الم يشتد ويخف وبعدين راح ورحنا نتعشى وعقب ما كملنا العشا ياني الام وااااااااااااااااااااااايد وتم خمس دقايق وراح وخلاص بعد ما رد ياني الا يقولي زوجي انسي الالام لا تقاعدين توسوسين بعدين يصير صج مسكين خايف اولد وهو محد من جذي كان طول اما انا اتألم اهو ساكت :-#:)
هاذي كان الخميس!
الجمعة:
يوم الجمعة الحمدلله ما كان في الم الصبح كان عادي وبعد الغدا رحت الصالون احط في شعري حنة من زمان ما حطيت، وبعدين رجعت البيت ساعتين ورجعت الصالون عشان يغسلونه ويحطون لي حمام زيت و بعدين رجعت البيت وكانوا عندنا ضيوف يسلمون على الحجاج المهم بعدين صعد زوجي وصعدت معاه بعد ما سويت حق اعيالي سندويتشات وكان ولدي الكبير يبي سندوتش داخله نوتيلا سويتله وكليت من النوتيلا ملعقتين ( يا عيني على الفصحى) وتتحرك الحلوة حركات ما قط حسيت فيها وشوي وتطلع من تحت وكل ساعة اصرخ وزوجي يقولي اشفيج اقوله بموت احسها بتطلع وتمت تقريبا نص ساعة على هالحال وزوجي مسكين قاعد يرتب شنطته بروحه وانا دخت من الحركات واليهال كلو سندويتشاتهم ونامو وفي الاخير خفت حركات الحلوة قمت اساعده ( ايش عقبه) :D وبعدين قالي يالله الحين دورج برزي شنطتج بس كان يوعان مسكين طلبنا عشا ونزل اغراضي وابتديت ارتب شنطتي وشنطة الحلوة ووفقت تعشينا وبعدين كملت وافتكيت بكتب لكم بعدين شنو حطيت في الشنط :thumbs_up:
بحرينيه عسل;10692082:
يوم السبت كان يوم سفر زوجي :'( الله يرجعه بسلامة ان شاء الله:-
ما نمنا عدل ذيك الليلة دايما اذا ورانا سفر انا وزوجي ما ننام عدل المهم قعدنا على الست والنص وزوجي طلع على السبع راح يقضي جم مشوار وبعدين رجع بدل ومر اخوه خذه اهو واخته على المطار :'(وانا سويت فيلم هندي بس بسيط بس كان اليوم كئيب وقضيته في تدريس عيالي الله يحفظهم وكان ولدي الكبير كله يصيح من اقل شيئ متأثر وايد هو في اخوانه وااااااااايد حساس المهم عدى اليوم على خير :L:
بحرينيه عسل;10692094:
بكرة ان شاء الله بكمل لكم عن يوم الاحد ( يوم موعدي)
زهرة السعادة;10692617:خلوني اقول لكم شنو صار لي امس
قررت امس اروح الصالون و اسوي شيرة و احف :cool:
و رحت و اول شي حفيت وجهي كامل و حواجبي :D
و بعدي بدت تسوي لي شيرة و خبركم الدبة في الحضن :o
و انا اتقلب مني و مناك حق تنظف عدل و اكون جاهزة للولادة :thumbs_up:
هي اول شي بدات برجولي و لما تقريبا بتكملهم سالتها :rolleyes:
نظفتي عدل عشان اكون جاهزة للولادة ;)
الا اتقول لي انتي كم شهر احين :p
قلت لها انا دخلت التاسع :)
الا اتقول لي ما شاء الله :woo:
و انا احسبج بالشهر الثالث لو الرابع :-o
فلت لها لا لا بالتاسع :!!:
صعقتني بكلامها الصراحة :confused:
زهرة السعادة;10692631:بنات باجر موعدي بالمستشفى
ادعوا لي تكون كل اموري تمام التمام :thumbs_up:
و بعد الموعد ما راح ادوام على الاغلب
يعني ما بدخل التجمع الا يوم الخميس :clock:
فاللي عندها صاروخ اشاعة اتطرشه على امريكا احسن :lol:
مخرخشة;10693564:
بنات باركوا لي أخييييييييييراً زال ربع الكسل وحطيت ثياب النوونو في الغسالة:D..
بنتي مو راضية تسوي الواجب:confused: تقول انتي يودي يدي8o| أقول لها ما يصير قامت وخلتني:badly:.. بتذبحني.. بكبري حارق ذابحني والعيارة واصلة التوب:confused:..